Chapter 14

[English text for this chapter is available]

lomaśa uvāca |
tato yuddhamatīvāsīdasurairviṣṇunā saha |
tataḥ siṃhāḥ sapakṣāste daṃśitāḥ paramādbhutāḥ || 1 ||
[Analyze grammar]

asurairuhyamānāste rahutmaṃtaṃ vyadārayan |
siṃhāste dāritāstena khaṃḍaśaśca vidāritāḥ || 2 ||
[Analyze grammar]

viṣṇunā ca tadā daityāścakreṇa śakalīkṛtāḥ |
hatāṃstānasurāndṛṣṭvā kālanemiḥ pratāpavān || 3 ||
[Analyze grammar]

triśūlenāhanadviṣṇuṃ roṣaparyākulekṣaṇaḥ |
tamāyāṃtaṃ ca jagṛhe mukuṃdo'nāthasaṃśrayaḥ || 4 ||
[Analyze grammar]

kareṇa vāmena jaghāna līlayā taṃ kālanemiṃ hyasuraṃ mahābalam |
tenaiva śūlena samāhato'sau mūrcchānvito'sau sahasā papāta || 5 ||
[Analyze grammar]

patitaḥ punarutthāya śanairunmīlya locane |
purataḥ sthitamālokya viṣṇuṃ sarvaguhāśayam || 6 ||
[Analyze grammar]

labdhasaṃjño'bravīdvākyaṃ kālanemirmahābalaḥ |
tava yuddhaṃ na dāsyāmi nāsti loke spṛhā mama || 7 ||
[Analyze grammar]

ye ye'surā hatā yuddhe akṣayaṃ lokamāpnuyuḥ |
brahmaṇo vacanātsadya iṃdreṇa saha saṃgatāḥ || 8 ||
[Analyze grammar]

bhuṃjato vividhānbhogāndevavadvicaraṃti te |
iṃdreṇa sahitāḥ sarve saṃsāre ca pataṃtyatha || 9 ||
[Analyze grammar]

tasmādyuddhena maraṇaṃ na kāṃkṣe kṣaṇabhaṃguram |
anyajanmani me vīra vairabhāvānna saṃśayaḥ |
dātumarhasi me nātha kaivalyaṃ kevalaṃ param || 10 ||
[Analyze grammar]

tatheti daityapravaro nipātitaḥ pareṇa puṃsā paramārthadena |
dattvā'bhayaṃ devatānāṃ tadānīṃ tathā sudhāṃ devatābhyaḥ pradattvā || 11 ||
[Analyze grammar]

kālanemirhato daityo devā jātā hyakaṭakāḥ |
śalyarūpo mahānsadyo viṣṇunā prabhaviṣṇunā || 12 ||
[Analyze grammar]

tirodhānaṃ gataḥ sadyo bhagavānkamalekṣaṇaḥ |
iṃdro'pi kadanaṃ kṛtvā daityānāṃ paramādbhutam || 13 ||
[Analyze grammar]

patitānāṃ klībarūpāṇāṃ bhagnānāṃ bhītacetasām |
muktakacchaśikhānāṃ ca cakre sa kadanakriyām || 14 ||
[Analyze grammar]

arthaśāstraparo bhūtvā maheṃdro durātikramaḥ |
daityānāṃ kālarūpo'sau śacīpatirudāradhīḥ || 15 ||
[Analyze grammar]

evaṃ nihanymānānāmasurāṇāṃ śacīpateḥ |
nivāraṇārthaṃ bhagavānāgato nāradastadā || 16 ||
[Analyze grammar]

nārada uvāca |
yuddhahatāśca ye vīrā hyasurā raṇamaṇḍale |
teṣāmanu kathaṃ kartā bhītānāṃ ca vihiṃsanam || 17 ||
[Analyze grammar]

ye bhītāṃśca prapannāṃścaghātayaṃti madoddhatāḥ |
brahmaghnāste'pi vijñeyā mahāpātakasaṃyutāḥ || 18 ||
[Analyze grammar]

tasmāttvayā na karttavyaṃ manasāpi vihiṃsanam |
evamuktastadā śakro nāradena mahātmanā || 19 ||
[Analyze grammar]

surasenānvitaḥ sadya āgato hi triviṣṭapam |
tadā sarve suragaṇāḥ suhṛdbhyaśca parasparam |
babhūvurmuditāḥ sarve yakṣagaṃdharvakiṃnarāḥ || 20 ||
[Analyze grammar]

tadā iṃdro'marāvatyāṃ hasa śacyā'bhiṣecitaḥ || 21 ||
[Analyze grammar]

devarṣipramukhaiścaiva brahmarṣipramukhaistathā |
śakro'pi vijayaṃ prāptaḥ prasādācchaṃkarasya ca || 22 ||
[Analyze grammar]

tadā mahotsavo viprā devaloke mahānabhūt |
śaṃkhāśca paṭahāścaiva mṛdaṃgā murajā api |
tathānakāśca bheryaśca nedurduṃdubhayaḥ samam || 23 ||
[Analyze grammar]

gāyakāścaiva gaṃdharvāḥ kinnarāścāpsapogaṇāḥ |
nanṛturjagustuṣṭuvuśca siddhacāraṇaguhyakāḥ || 24 ||
[Analyze grammar]

evaṃ vijayamāpannaḥ śakro devesvarastadā |
devairhatāstadā daityāḥ patitāste mahītale || 25 ||
[Analyze grammar]

gatāsavo mahātmāno balipramukhato hyamī |
tapastaptuṃ purā vipro bhārgavo mānasottaram || 26 ||
[Analyze grammar]

gataḥ śiṣyaiḥ parivṛtastasmādyuddhaṃ na veda tat |
avaśeṣāśca ye daityāste gatā bhārgavaṃ prati || 27 ||
[Analyze grammar]

kathitaṃ vai mahaddhṛttamasurāṇāṃ kṣayāvaham |
niśamya manyumāviṣṭo hyāgato bhṛgunaṃdanaḥ || 28 ||
[Analyze grammar]

śiṣyaiḥ parivṛto bhūtvā mṛtāṃstānasurānapi |
vidyayā mṛtajīvinyā patitānsamajīvayat || 29 ||
[Analyze grammar]

nidrāpāyagatā yadvadutthitāste tadā'surāḥ |
utthitaḥ sa baliḥ prāha bhārgavaṃ hyamitadyutim || 30 ||
[Analyze grammar]

jīvitena kimadyaiva mama nāsti prayojanam |
pātitastridaśeṃdreṇa yathā kāpuruṣastathā || 31 ||
[Analyze grammar]

balinoktaṃ vacaḥ śrutvā śukro vacanamabravīt |
manasvino hi ye śūrāḥ pataṃti samare budhā || 32 ||
[Analyze grammar]

ye śastreṇa hatāḥ sadyo mriyamāṇā vrajaṃti vai |
triviṣṭapaṃ na saṃdeha iti vedānuśāsanam || 33 ||
[Analyze grammar]

evamāśvāsayāmāsa balinaṃ bhṛgunaṃdanaḥ |
tapastatāpa vividhaṃ daityānāṃ siddhidāyakam || 34 ||
[Analyze grammar]

tathā daitya gatāḥ sarve bhṛguṇā ca pracoditāḥ |
pātālamavasansarve balimukhyāḥ sukhena vai || 35 ||
[Analyze grammar]