Chapter 59

[English text for this chapter is available]

sanatkumāra uvāca |
śṛṇu vyāsa susaṃprītyā caritaṃ parameśituḥ |
yathāvadhītsvapriyayā daityamuddiśya saṃjñayā || 1 ||
[Analyze grammar]

āstāṃ purā mahādaityo vidalotpalasaṃjñakau |
apuṃvadhyau mahāvīrau sudṛptau varato vidheḥ || 2 ||
[Analyze grammar]

tṛṇīkṛtatrijagatī puruṣābhyāṃ svadorba lāt |
tābhyāṃ sarve surā brahman daityābhyāṃ nirjitā raṇe || 3 ||
[Analyze grammar]

tābhyāṃ parājitā devā vidheste śaraṇaṃ gatāḥ |
natvā taṃ vidhivatsarve kathayāmāsurādarāta || 4 ||
[Analyze grammar]

iti brahmā hyavocattān devyā vadhyau ca tau dhruvam |
dhairyyaṃ kuruta saṃsmṛtya saśivaṃ śivamādarāt || 5 ||
[Analyze grammar]

bhaktavatsalanāmāsau saśivaśśaṃkaraśśivaḥ |
śaṃ kariṣyatyadīrgheṇa kālena parameśvaraḥ || 6 ||
[Analyze grammar]

sanatkumāra uvāca |
ityuktvā tāṃstato brahmā tūṣṇīmāsīcchivaṃ smaran |
tepi devā mudaṃ prāpya svaṃsvaṃ dhāma yayustadā || 7 ||
[Analyze grammar]

atha nāradadevarṣiśśivapreraṇayā tadā |
gatvā tadīyabhavanaṃ śivāsauṃdaryamājagau || 8 ||
[Analyze grammar]

śrutvā tadvacanaṃ daityāvāstāṃ māyāvimohitau |
devīṃ parijihīrṣū tau viṣameṣu prapīḍitau || 9 ||
[Analyze grammar]

vicārayāmāsatustau kadā kutra śivā ca sā |
bhaviṣyati vidheḥ prāptodayānnāviti sarvadā || 10 ||
[Analyze grammar]

ekasminsamaye śaṃbhurvijahāra sulīlayā |
kautukenaiva cikrīḍe śivā kandukalīlayā || 11 ||
[Analyze grammar]

sakhībhissaha suprītyā kautukācchivasannidhau || 12 ||
[Analyze grammar]

udaṃcaṃtyaṃcadaṃgānāṃ lāghavaṃ paritanvatī |
niśvāsāmodamuditabhramarākulitekṣaṇā || 13 ||
[Analyze grammar]

bhraśyaddhammillasanmālyasvapurīkṛtabhūmikā |
svidyatkapolapatrālīsravadaṃbukaṇojjvalā || 14 ||
[Analyze grammar]

sphuṭaccolāṃśukapathatiryadaṃgaprabhāvṛtā |
ullasatkaṃdukāsphālātiśroṇitakarāmbujā || 15 ||
[Analyze grammar]

kaṃdukānugasaddṛṣṭinartitabhrūlatāṃcalā |
mṛḍānī kila khelaṃtī dadṛśe jagadambikā || 16 ||
[Analyze grammar]

aṃtarikṣacarābhyāṃ ca ditijābhyāṃ kaṭā kṣitā |
kroḍīkṛtābhyāmiva vai samupasthitamṛtyunā || 17 ||
[Analyze grammar]

vidalotpalasaṃjñābhyāṃ dṛptābhyāṃ varato vidheḥ |
tṛṇīkṛtatrijagatī puruṣābhyāṃ svadorbalāt || 18 ||
[Analyze grammar]

devīṃ tāṃ saṃjihīrṣaṃtau viṣameṣu prapīḍitau |
diva utteratuḥ kṣipraṃ māyāṃ svīkṛtya śāṃbarīm || 19 ||
[Analyze grammar]

dhṛtvā pāriṣadīṃ māyāmāyātāvaṃbikāṃtikam |
tāvatyaṃtaṃ sudurvṛttāvaticaṃcalamānasau || 20 ||
[Analyze grammar]

atha duṣṭanihaṃtrā vai sāvajñena hareṇa tau |
vijñātau ca kṣaṇādāstāṃ cāṃcalyāllocanodbhavāt || 21 ||
[Analyze grammar]

kaṭākṣitātha devena durgā durgatighātinī |
daityāvimāmiti gaṇau neti sarvasvarūpiṇā || 22 ||
[Analyze grammar]

atha sā netrasaṃjñāṃ svasvāminastāṃ bubodha ha |
mahākautukinastāta śaṃkarasya pareśituḥ || 23 ||
[Analyze grammar]

tato vijñāya saṃjñāṃ tāṃ sarvajñārddhaśarīriṇī |
tenaiva kaṃdukenātha yugapannirjaghāna tau || 24 ||
[Analyze grammar]

mahābalau mahādevyā kaṃdukena samāhatau |
paribhramya paribhramya tau duṣṭau vinipetatuḥ || 25 ||
[Analyze grammar]

vṛntādiva phale pakve tālenānilalolite |
daṃbholinā parihate śṛṃge iva mahāgireḥ || 26 ||
[Analyze grammar]

tau nipātya mahādaityāvakāryakaraṇodyatau |
tataḥ pariṇatiṃ yāto liṃgarūpeṇa kaṃdukaḥ || 27 ||
[Analyze grammar]

kaṃdukeśvarasaṃjñāṃ ca talliṃgamabhavattadā |
jyeṣṭheśvarasamīpe tu sarvaduṣṭanivāraṇam || 28 ||
[Analyze grammar]

etasminneva samaye haribrahmādayassurāḥ |
śivāvirbhāvamājñāya ṛṣayaśca samāyayuḥ || 29 ||
[Analyze grammar]

atha sarve surāśśambhorvarānprāpya tadājñayā |
svadhāmāni yayuḥ prītāstathā kāśīnivāsinaḥ || 30 ||
[Analyze grammar]

sāṃbikaṃ śaṃkaraṃ dṛṣṭvā kṛtāṃjalipuṭāśca te |
praṇamya tuṣṭuvurbhaktyā vāgbhiriṣṭābhirādarāt || 31 ||
[Analyze grammar]

sāṃbiko'pi śivo vyāsa krīḍitvā suvihāravit |
jagāma svālayaṃ prītassagaṇo bhaktavatsalaḥ || 32 ||
[Analyze grammar]

kaṃdukeśvaraliṃgaṃ ca kāśyāṃ duṣṭanibarhaṇam |
bhuktimuktipradaṃ sarvakāmadaṃ sarvadā satām || 33 ||
[Analyze grammar]

idamākhyānamatulaṃ śṛṇuyādyo mudānvitaḥ |
śrāvayedvā paṭhedyaśca tasya duḥkhabhayaṃ kutaḥ || 34 ||
[Analyze grammar]

iha sarvasukhaṃ bhuktvā nānāvidhamanuttamam |
paratra labhate divyāṃ gatiṃ vai devadurlabhām || 35 ||
[Analyze grammar]

iti taṃ varṇitaṃ tāta caritaṃ paramādbhutam |
śivayorbhaktavātsalyasūcakaṃ śivadaṃ satām || 36 ||
[Analyze grammar]

brahmovāca |
ityuktvāmaṃtrya taṃ vyāsaṃ tannuto madvarātmajaḥ |
yayau vihāyasā kāśīṃ caritaṃ śaśimaulinaḥ || 37 ||
[Analyze grammar]

yuddhakhaṃḍamidaṃ proktaṃ mayā te munisattama |
raudrīyasaṃhitāmadhye sarvakāmaphalapradam || 38 ||
[Analyze grammar]

iyaṃ hi saṃhitā raudrī sampūrṇā varṇitā mayā |
sadāśivapriyatarā bhuktimuktiphalapradā || 39 ||
[Analyze grammar]

imāṃ yaśca paṭhennityaṃ śatrubādhānivārikām |
sarvānkāmānavāpnoti tato muktiṃ labheta nā || 40 ||
[Analyze grammar]

sūta uvāca |
iti brahmasutaśśrutvā pitrā śivayaśaḥ param |
śatanāmāpya śaṃbhośca kṛtārtho'bhūcchivānugaḥ || 41 ||
[Analyze grammar]

brahmanāradasamvādaḥ sampūrṇaḥ kathito mayā |
śivassarvapradhāno hi kiṃ bhūyaśśrotumicchasi || 42 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe vidalotpaladaityavadhavarṇanaṃ nāmaikonaṣaṣṭitamo'dhyāyaḥ || 59 ||
[Analyze grammar]

samāptoyaṃ yuddhakhaṇḍaḥ |
samāpteyaṃ dvitīyā rudrasaṃhitā || 2 ||
[Analyze grammar]