![Samarangana-sutradhara [sanskrit] - book cover](/uploads/a/Samaranga-Sutradhara-Sanskrit.jpg)
Samarangana-sutradhara [sanskrit]
61,230 words | ISBN-10: 8171103022
The Sanskrit edition of the Samarangana Sutradhara including grammatical analysis. The Samarangana Sutradhara is an encyclopedic work on classical Indian architecture (Vastu Shastra). Alternative titles: Samaranganasutradhara, Samarāṅgaṇa Sūtradhāra (समराङ्गण सूत्रधार), Samarāṅgaṇasūtradhāra (समराङ्गणसूत्रधार).
Chapter 1: samarāṅgaṇasūtradhārā
samarāṅgaṇasūtradhāra adhyāyasūcī |
mahārājādhirājaśrībhojadevaviracitaṃ samarāṅgaṇasūtradhārāparanāmadheyaṃ vāstuśāstram mahāsamāgamano nāma prathamo'dhyāyaḥ |
devaḥ sa pātu bhuvanatrayasūtradhārastvāṃ bālacandra kalikāṅkitajūṭakoṭiḥ |
etatsamagramapi kāraṇamantareṇa kārtsnyādasūtritamasūtryata yena viśvam || 1 ||
[Analyze grammar]
sukhaṃ dhanāni ṛddhiśca santatiḥ sarvadā nṛṇām |
priyāṇyeṣāṃ tu saṃsiddhayai sarvaṃ syācchubhalakṣaṇam || 2 ||
[Analyze grammar]
yacca ninditalakṣmā ca tadeteṣāṃ vighātakṛt |
ataḥ sarvamupādeyaṃ yadbhavecchubhalakṣaṇam || 3 ||
[Analyze grammar]
deśaḥ puraṃ nivāsaśca sabhā veśmāsanāni ca |
yadyadīdṛśamanyacca tattacchreyaskaraṃ matam || 4 ||
[Analyze grammar]
vāstuśāstrādṛte tasya na syāllakṣaṇaniścayaḥ |
tasmāllokasya kṛpayā śāstrametadudīryate || 5 ||
[Analyze grammar]
athaikadā jagajjanmahetumamburuhāsanam |
pṛthvī pṛthubhayabhrāntā cakitākṣī samāyayau || 6 ||
[Analyze grammar]
praṇamya praṇatiprahvanikhilatridaśeśvaram |
sagadgadamuvāceti bhūtadhātrī pitāmaham || 7 ||
[Analyze grammar]
bhagavannahametena pṛthunā pṛthutejasā |
upadrutā tvāṃ śaraṇaṃ prāptā trāyasva māṃ tataḥ || 8 ||
[Analyze grammar]
vadantyāmiti medinyāmāvirāsīdatho pṛthuḥ |
saṃrambhamuktahṛdayo brahmāṇaṃ praṇanāma ca || 9 ||
[Analyze grammar]
jagādainamatha snigdhadhvanigambhīrayā girā |
kurvaṃstadyānahaṃsānāṃ payodadhvaniśaṅkitam || 10 ||
[Analyze grammar]
tvayāsmi jagatāṃ nātha jagato'dhipatiḥ kṛtaḥ |
sthāpitāni ca bhūtāni sarvāṇyapi vaśe mama || 11 ||
[Analyze grammar]
teṣviyaṃ mama viśveśa kadācidvaśavartinī |
samīkaromi pāṣāṇajālānyasyāḥ kilādhunā || 12 ||
[Analyze grammar]
vyastāni dhanuṣā tāvadgaurbhūtveyaṃ palāyitā |
dogdhukāmo'hamapyenāṃ ciramanvagamaṃ mahīm || 13 ||
[Analyze grammar]
yatrakvāpi prayātyeṣā tatra māmeva paśyati |
apaśyantyanyatastrāṇamadugdhā tvāmupasthitā || 14 ||
[Analyze grammar]
asyāṃ varṇāśramasthānavibhāgaśca vidhāsyate |
iyaṃ ca durgamānekakṣoṇīdharakulākulā || 15 ||
[Analyze grammar]
vidhāsye'syāṃ kathaṃ tvetaditi me śaṅkitaṃ manaḥ |
pṛthunetyatha vijñapto bhagavānabjasambhavaḥ || 16 ||
[Analyze grammar]
uvāca bodhayannenaṃ kṛtvā bhūmiṃ ca nirbhayām |
iyaṃ mahī mahīpāla vidhivat pālitā satī || 17 ||
[Analyze grammar]
sasyairutpādya niṣpannaistava bhogyā bhaviṣyati |
yacca te syādabhipretaṃ sthānādiviniveśanam || 18 ||
[Analyze grammar]
tadeṣa tridaśācāryaḥ sarvasiddhipravartakaḥ |
sutaḥ prabhāsasya vibhoḥ svasrīyaśca bṛhaspateḥ || 19 ||
[Analyze grammar]
viśvābhisāyidhīḥ sarvaṃ viśvakarmā kariṣyati |
rājannasau mahendra sya vidadhāvamarāvatīm || 20 ||
[Analyze grammar]
anyā apyamunā ramyāḥ puryo lokabhṛtāṃ kṛtāḥ |
tvayā kṣetrīkṛtāṃ mūrttiṃ dṛṣṭvā sādri drumāmasau || 21 ||
[Analyze grammar]
sanniveśān puragrāmanagarāṇāṃ vidhāsyati |
tadgaccha vatsa lokānāmitastvaṃ hitakāmyayā || 22 ||
[Analyze grammar]
bhayojjhitā tvamapyurvi pṛthoḥ priyakarī bhava |
kāle smṛtaḥ smṛtaḥ puṇyo rājñaḥ priyacikīrṣayā || 23 ||
[Analyze grammar]
tvamapyakhilamevaitad viśvakarman kariṣyasi |
ityuktvā gamanamupeyuṣi prajeśe svaṃ sthānaṃ kṣitibhuji cāśrite mudorvyām ||
prāleyāvanibhṛtamājagāma khelatsiddhastrīparigatamāśu viśvakarmā || 24 ||
[Analyze grammar]
Other editions:
Also see the following editions of the Sanskrit text or (alternative) English translations of the Chapter 1: samarāṅgaṇasūtradhārā
Samarangana Sutradhara of Bhojadeva
by Sudarshan Kumar Sharma (2007)
An Ancient Treatise on Architecture (In Two Volumes); With An Introduction, Sanskrit Text, Verse by Verse English Translation and Notes.
Buy now!
Samrangana Sutradhara: Treatise of Housing Architecture, Machines, Inconography and Dance
by Maharajdhiraj Shri Bhoj Dev (2011)
Sanskrit text with Hindi Transalation; Set of two volumes.
Buy now!