Chapter 230

[English text for this chapter is available]

pārvatyuvāca |
bhagavanyatradeveśo rākṣasānmadhusūdanaḥ |
jaghāna kena rūpeṇa yathāvadvaktumarhasi || 1 ||
[Analyze grammar]

vaibhavaṃ ca sthavīyasya matsyakūrmmādirūpakam |
vistareṇa samākhyāhi mama prītyā maheśvara || 2 ||
[Analyze grammar]

mahādeva uvāca |
śṛṇu devi pravakṣyāmi vaibhavaṃ svasthamānasā |
matsyakūrmmādi yadrūpamavatārātmakaṃ hareḥ || 3 ||
[Analyze grammar]

dīpādutpādyate dīpo yathāvattadbhaviṣyati |
parāvasthāpareśasya savyūhā vibhavādayaḥ || 4 ||
[Analyze grammar]

uktā devāvatārāstu vividhākārakāḥ śubhāḥ |
arccāvatārā devasya vaibhavāḥ paramātmanaḥ || 5 ||
[Analyze grammar]

prājāpatyena vai brahmā sa samrāṭparamotsavaḥ |
bhṛguṃ marīcimatriṃ ca dakṣaṃ karddamameva ca || 6 ||
[Analyze grammar]

pulastyaṃ pulahaṃ caiva giriśaṃ ca tathā kratum |
navaprajānāṃ pataya ime proktā yathākramam || 7 ||
[Analyze grammar]

marīcirbhagavāṃstatra janayāmāsa kaśyapam |
kaśyapasyābhavañjāyāścatasraḥ śubhadarśane || 8 ||
[Analyze grammar]

aditiśca ditiścaiva kadruśca vinatā tathā |
aditirjanayāmāsa devāṃstu śubhadarśanān || 9 ||
[Analyze grammar]

ditiśca rākṣasānputrāṃstāmasānsumahāsurān |
śaṃbūkastu hayagrīvo hiraṇyākṣo mahābalaḥ || 10 ||
[Analyze grammar]

hiraṇyakaśipurjaṃbho mayādyāḥ sumahātapāḥ |
makarastu mahāvīryo brahmalokamupāgataḥ || 11 ||
[Analyze grammar]

brahmāṇaṃ mohayitvā'sau vedāñjagrāha vīryavān |
grasitvā ca śrutiṃ so'tha praviveśa mahārṇavam || 12 ||
[Analyze grammar]

tataḥ sarvaṃ jagacchūnyamabhavaddharmasaṃkaraḥ |
nādhītaṃ na vaṣaṭkāraṃ varṇāśramavivarjitam || 13 ||
[Analyze grammar]

tataḥ prajāpatirdevaḥ sarvadevagaṇairvṛtaḥ |
gatvā dugdhāṃbudhiṃ devaṃ tuṣṭāva śaraṇaṃ gataḥ || 14 ||
[Analyze grammar]

brahmovāca |
prasīda deva me nātha nāgaparyaṃkasaṃsthita |
sarveśa sarvadevātmansarvavedamayācyuta || 15 ||
[Analyze grammar]

ādyaṃ jagadbhuvo bījaṃ madhye tvaṃ sarvato'dhikaḥ |
aṃte ca paśunāthastvaṃ svecchayā tastameva ca || 16 ||
[Analyze grammar]

tvameva dhatse cidrūpaṃ jagatsarvaṃ sanātanam |
tvamavyakto hi bhūtādiḥ pradhānapuruṣo'vyayaḥ || 17 ||
[Analyze grammar]

tvamādimadhyāṃtavapurjagataḥ parameśvaraḥ |
tvameva sarvalokānāmāśrayaḥ puruṣottamaḥ || 18 ||
[Analyze grammar]

bhūtādistvaṃ mahadbhūtaṃ bhūtasaṃghasya kāraṇam |
tvameva kāraṇamāśritya ramate dhāma ātmavān || 19 ||
[Analyze grammar]

tvamādibhūtaścāṃtastvaṃ tvaṃ vāyuḥ sarvvago mahān |
tvamādistvamanādiśca tvamagnistejasāṃ nidhiḥ || 20 ||
[Analyze grammar]

tvamāpaḥ sarvvajagatāṃ jīvanaṃ parameśvaraḥ |
tvaṃ bhūmirjagadādhāro bhūdharastvaṃ mahāmate || 21 ||
[Analyze grammar]

saritaṃ sāgarastvaṃ vai sarvvasyādistvameva ca |
devarṣiḥ sarvabhūtāni tvameva puruṣottama || 22 ||
[Analyze grammar]

tvayaiva preritā lokāśceṣṭaṃte sādhvasādhuṣu |
daityenopadrutā vedāḥ praviṣṭā mahadarṇavam || 23 ||
[Analyze grammar]

vedādhāramidaṃ sarvvaṃ jagatsthāvarajaṃgamam |
vedāścaiva hi sarvveṣāṃ dharmāṇāṃ paritaḥ sthitiḥ || 24 ||
[Analyze grammar]

vedeṣu sarvadevānāṃ nityatṛptirbhaviṣyati |
tasmādvedānsamānetuṃ tvamevārhasi keśava || 25 ||
[Analyze grammar]

śrīmahādeva uvāca |
evamukto hṛṣīkeśo brahmaṇā parameśvaraḥ |
matsyarūpaṃ samāsthāya praviveśa mahodadhim || 26 ||
[Analyze grammar]

taṃ daityaṃ sumahāghoraṃ mākaraṃrūpamāsthitaḥ |
tuṇḍāgreṇa vidāryātha jaghānāmarapūjitaṃ || 27 ||
[Analyze grammar]

taṃ hatvā sarvavedāṃśca sāṅgopāṅgasamanvitān |
gṛhītvā pradadau tasmai brahmaṇe sa mahādyutiḥ || 28 ||
[Analyze grammar]

anyonyamiśritā vedā grasitāstena rakṣasā |
vyaktā bhagavatā tena vyāsarūpeṇa dhīmatā || 29 ||
[Analyze grammar]

pṛthagbhūtā samaṃ vedā vyāsenaiva mahātmanā |
evaṃ matsyāvatāreṇa rakṣitāḥ sarvvadevatāḥ || 30 ||
[Analyze grammar]

śrutipradānena jagattrayaṃ tadā kṛtvā nirātaṃkamaho ramādhavaḥ |
saṃstūyamānaḥ surasiddhasaṃghairaṃtardadhe yogibhirarccitāṃghriḥ |
vāsudevo hi bhavagānsarvadevamayo hariḥ || 31 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe umāmaheśvara |
saṃvāde matsyāvatāravarṇanaṃnāma triṃśadadhikadviśatatamo'dhyāyaḥ || 230 ||
[Analyze grammar]