Chapter 225

[English text for this chapter is available]

śaṃkara uvāca |
ūrddhvapuṃḍrasya māhātmyaṃ vakṣyāmi śubhadarśane |
dhāraṇādeva mucyeta bhavabaṃdhāddvijottamaḥ || 1 ||
[Analyze grammar]

ūrddhvapuṃḍrasya madhye tu viśāle sumanohare |
lakṣmyā sārddhaṃ samāsīno devadevo janārdanaḥ || 2 ||
[Analyze grammar]

tasmādyasya śarīre tu ūrddhvapuṃḍraṃ dhṛto bhavet |
tasyadehaṃ bhagavato vimalaṃ maṃdiraṃ śubham || 3 ||
[Analyze grammar]

sa snātaḥ sarvatīrtheṣu sarvayajñeṣu dīkṣitaḥ |
dhārayedūrddhvapuṃḍraṃ yo mṛdāśubhreṇa vaiṣṇavaḥ || 4 ||
[Analyze grammar]

ūrddhvapuṃḍradharo vipraḥ sarvalokeṣu pūjitaḥ |
vimānavaramāruhya yāti viṣṇoḥ paraṃ padam || 5 ||
[Analyze grammar]

dhārayedūrddhvapuṃḍraṃ tu trisaṃdhyaṃ tu dvijottamaḥ |
sarvapāpaviśuddhyarthamiṣṭāpūrtaphalāptaye || 6 ||
[Analyze grammar]

ūrddhvapuṃḍradharaṃ dṛṣṭvā sarvapāpaiḥ pramucyate |
namaskṛtvāthavā bhaktyā sarvadānaphalaṃ labhet || 7 ||
[Analyze grammar]

ūrddhvapuṃḍradharaṃ vipraṃ yaḥ śrāddhe bhojayiṣyati |
ākalpakoṭipitarastasya tṛptā na saṃśayaḥ || 8 ||
[Analyze grammar]

ūrddhvapuṃḍradharo yastu kuryāchrāṃddhaṃ śubhānane |
kalpakoṭisahasrāṇi gayāśrāddhaphalaṃ labhet || 9 ||
[Analyze grammar]

yajñadānatapaścaryā japahomādikaṃ ca yat |
ūrddhvapuṃḍradharaḥ kuryāttasya puṇyamanaṃtakam || 10 ||
[Analyze grammar]

ūrddhvapuṃḍravihīnastu kiṃcitkarma karoti yaḥ |
iṣṭāpūrtādikaṃ sarvaṃ niṣphalaṃ syānna saṃśayaḥ || 11 ||
[Analyze grammar]

yaccharīraṃ manuṣyāṇāmūrddhvapuṃḍra vivarjitam |
draṣṭavyaṃ naiva tatkiṃcitśmaśānasadṛśaṃ bhavet || 12 ||
[Analyze grammar]

ūrddhvapuṃḍravihīnastu sandhyākarmādikaṃ caret |
tatsarvaṃ rākṣasairnītaṃ narakaṃ cāvagacchati || 13 ||
[Analyze grammar]

ūrddhvapuṃḍradharodvipro mṛdāśubhreṇa vaidikaḥ |
na tiryagdhārayedvidvānāpadyapi kadācana || 14 ||
[Analyze grammar]

viprāṇāmūrddhvapuṃḍraṃ syāttilakaṃ tu mahībhṛtaḥ |
paṭṭākāraṃ tu vaiśyānāṃ śūdrāṇāṃ vai tripuṃḍrakam || 15 ||
[Analyze grammar]

ūrddhvapuṃḍraṃ mṛdā kāryaṃ kastūryyāstilakaṃ tathā |
paṭṭākāraṃ tu gaṃdhena bhasmanaiva tripuṃḍrakam || 16 ||
[Analyze grammar]

ūrddhvapuṃḍraṃ tu sarveṣāṃ na niṣiddhaṃ kadācana |
dhārayetkṣatriyādyo'pi viṣṇubhakto bhavedyadi || 17 ||
[Analyze grammar]

viprāṇāṃ naiva kāryyaṃ syāttiryyakpaṭṭādidhāraṇam |
nārāyaṇātpareśānādanyeṣāmarcanaṃ na tu || 18 ||
[Analyze grammar]

brāhmaṇaḥ kulajo vidvānbhasmadhārī bhavedyadi |
varjayettādṛśaṃ devi madyocchiṣṭaṃ ghaṭaṃ yathā || 19 ||
[Analyze grammar]

tripuṃḍraṃ śūdrakalpānāṃ śūdrāṇāṃ ca vidhistathā |
tripuṃḍra dhāraṇādvipraḥ patitaḥ syānna saṃśayaḥ || 20 ||
[Analyze grammar]

ekāṃtino mahābhāgāḥ sarvabhūtahite ratāḥ |
sāṃtarālaṃ prakurvīranpuṃḍraṃ haripadākṛtim || 21 ||
[Analyze grammar]

hareḥ pādākṛtiṃ kuryādūrddhvapuṃḍraṃ vidhānataḥ |
madhyachidreṇa saṃyuktaṃ taddhi vai maṃdiraṃ hareḥ || 22 ||
[Analyze grammar]

ūrddhvapuṃḍramṛjuṃ saumyaṃ supārśvaṃ sumanoharam |
daṃḍākāraṃ suśobhāḍhyaṃ madhyechidraṃ prakalpayet || 23 ||
[Analyze grammar]

tasmācchidrānvitaṃ puṃḍraṃ daṇḍākāraṃ suśobhanam |
viprāṇāṃ satataṃ kāryaṃ strīṇāṃ ca śubhadarśane || 24 ||
[Analyze grammar]

ūrdhvapuṇḍrasya madhye tu viśāle sumanohare |
sāntarāle samāsīno harirasti śriyā saha || 25 ||
[Analyze grammar]

nirantarālaṃ yaḥ kuryādūrddhvapuṃḍraṃ dvijādhamaḥ |
sa hi tatrasthitaṃ viṣṇuṃ śriyaṃ caiva vyapohati || 26 ||
[Analyze grammar]

acchidramūrddhvapuṃḍraṃ tu ye kurvaṃti dvijādhamāḥ |
teṣāṃ lalāṭe satataṃ śunaḥpādo na saṃśayaḥ || 27 ||
[Analyze grammar]

tasmācchidrānvitaṃ puṃḍraṃ saharidraṃ śubhānvitam |
dhārayedbrāhmaṇo nityaṃ harisālokyasiddhaye || 28 ||
[Analyze grammar]

ādāya parayā bhaktyā veṅkaṭādrau hṛde mṛdam |
dhārayedūrdhvapuṇḍrāṇi harisāyujyasiddhaye || 29 ||
[Analyze grammar]

śrīkṛṣṇatulasīmūle mṛdamādāya bhaktimān |
dhārayedūrddhvapuṃḍrāṇi haristatra prasīdati || 30 ||
[Analyze grammar]

dvāravatyāṃ śubhe ramye vāsudevahṛde tathā |
tatrodbhavāṃ mṛdaṃ ramyāmādāya dvijasattamaḥ || 31 ||
[Analyze grammar]

dhārayedūrddhvapuṃḍrāṃṇi sarvakāmaphalāptaye |
ādāya parayā bhaktyā gaṃgātīrodbhavāṃ mṛdam || 32 ||
[Analyze grammar]

tayā dhṛtorddhvapuṃḍrāṇi sarvayajñaphalo labhet |
caṃdanaṃ ca haridrā ca tathā bhasmāgnihotrajam || 33 ||
[Analyze grammar]

sarvavaśyakaraṃ proktamūrddhvapuṃḍrasya dhāraṇāt |
yatra puṇyaṃ harikṣetraṃ tatra vai mṛdamāharet || 34 ||
[Analyze grammar]

parvatāgre nadītīre bilvamūle jalāśaye |
siṃdhutīre ca valmīke harikṣetre viśeṣataḥ || 35 ||
[Analyze grammar]

viṣṇoḥ snānodakaṃ yatra pravāhayati nityaśaḥ |
puṃḍrāṇāṃ dhāraṇārthāya gṛhṇīyāttatra mṛttikām || 36 ||
[Analyze grammar]

śrīraṅge veṅkaṭādrau ca śrīkūrme dvārake śubhe |
prayāgenārasiṃhādrau vārāhe tulasīvane || 37 ||
[Analyze grammar]

gṛhītvā mṛttikāṃ bhaktyā viṣṇupādajalaiḥ saha |
dhṛtvā puṃḍrāṇi cāṃgeṣu viṣṇusāyujyamāpnuyāt || 38 ||
[Analyze grammar]

yasminkasminmahābhāgā vaiṣṇavā dhārayaṃti vai |
tasminvai mṛttikā grāhyā ūrddhvapuṃḍrasya dhāraṇe || 39 ||
[Analyze grammar]

śyāmaṃ śāṃtikaraṃ proktaṃ raktaṃ vaśyakaraṃ tathā |
śrīkaraṃ pītamityāhuḥ śvetaṃ mokṣakaraṃ śubham || 40 ||
[Analyze grammar]

vartulaṃ tiryagachidraṃ hrasvaṃ dīrghaṃ tataṃ tanum |
vakraṃ virūpaṃ baddhāgraṃ chinnamūlaṃ padacyutam || 41 ||
[Analyze grammar]

aśubhaṃ rūkṣamāsaktaṃ tathānaṃgulikalpitam |
vigaṃdhamavasahyaṃ ca puṃḍramāhuranarthakam || 42 ||
[Analyze grammar]

ārabhya nāsikāmūlaṃ lalāṭaṃ taṃ likhenmṛdā |
samārabhya bhruvormadhyamaṃtarālaṃ prakalpayet || 43 ||
[Analyze grammar]

aṃtarālaṃ dvyaṃgulaṃ syātpārśvāvaṃgulimātrakau |
mṛdā śubhreṇa vilikhetpuṇḍraṃ ṛjutaraṃ śubham || 44 ||
[Analyze grammar]

lalāṭe keśavaṃ dhyāyennārāyaṇamathodare |
vakṣasthale mādhavaṃ ca goviṃdaṃ kaṃṭhakūbare || 45 ||
[Analyze grammar]

viṣṇuṃ ca dakṣiṇe kukṣau bāhau ca madhusūdanam |
trivikramaṃ kaṃdhare tu vāmanaṃ vāmapārśvake || 46 ||
[Analyze grammar]

śrīdharaṃ bāhuke vāme hṛṣīkeśaṃ tu kaṃdhare |
pṛṣṭhe vai padmanābhaṃ tu trike dāmodaraṃ nyaset || 47 ||
[Analyze grammar]

tatprakṣālanatoyena vāsudevaṃ tu mūrddhani |
lalāṭe bhujayugme tu pṛṣṭhayoḥ kaṃṭhakūbare || 48 ||
[Analyze grammar]

dhārayedūrddhvapuṃḍraṃ tu caturaṃgulamātrataḥ |
kukṣau tatpārśvayoḥ proktamāyataṃ tu daśāṃgulam || 49 ||
[Analyze grammar]

bāhvorvakṣasthale puṃḍraṃmaṣṭāṃgulamudāhṛtam |
evaṃ dvādaśapuṃḍrāṇi brāhmaṇaḥ satataṃ dharet || 50 ||
[Analyze grammar]

tattatpuṇḍrāṇi tanmūrtīrdhyātvā maṃtreṇa dhārayet |
aṃtarāleṣu sarveṣu haridrāṃ dhārayecchriyām || 51 ||
[Analyze grammar]

catvāri bhūbhṛtāmāhuḥ puṃḍrāṇi dve viśāṃ smṛte |
ekapuṃḍraṃ tu nārīṇāṃ śūdrāṇāṃ ca vidhīyate || 52 ||
[Analyze grammar]

lalāṭe hṛdi bāhvośca catuḥpuṃḍrāṇi dhārayet |
lalāṭe hṛdaye dve tu phāletvekaṃ vidhīyate || 53 ||
[Analyze grammar]

ūrddhvapuṃḍraṃ lalāṭe tu sarveṣāṃ prathamaṃ smṛtam |
lalāṭādikrameṇaiva dhāraṇaṃ tu vidhīyate || 54 ||
[Analyze grammar]

mūrtīstu vāsudevādyāścatuḥpuṃḍreṣu dhārayet |
dvayorgoviṃdakṛṣṇau tu ekaṃ nārāyaṇaṃ dharet || 55 ||
[Analyze grammar]

evaṃ puṃḍravidhiḥ proktaḥ sarveṣāṃ girije mayā |
aśvatthapatrasaṃkāśo veṇupatrākṛtistathā || 56 ||
[Analyze grammar]

padmakuḍmalasaṃkāśo mohanaṃ tritayaṃ smṛtam |
mahābhāgavataḥ śuddhaḥ puṃḍraṃ haripadākṛtim || 57 ||
[Analyze grammar]

daṃḍākāraṃ tu vā devi dhārayedūrddhvapuṃḍrakam |
sudarśanenāṃkitabāhumūlāstathorddhvapuṃḍrāṃkita sarvagātrāḥ || 58 ||
[Analyze grammar]

mālāraviṃdākṣadharā viśuddhā rakṣaṃti lokānduritaughasaṃgāt || 59 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvarasaṃvāde ūrddhvapuṃḍramāhātmyaṃnāma paṃcaviṃśatyadhikadviśatatamo'dhyāyaḥ || 225 ||
[Analyze grammar]