Chapter 219

[English text for this chapter is available]

nārada uvāca |
ityākarṇya vacastasya puṃḍarīko mahāmanāḥ |
uvāca nijabaṃdhuṃ taṃ śṛṇvatāṃ nijasaṃginām || 1 ||
[Analyze grammar]

puṃḍarīka uvāca |
kena puṇyena tīrthe'sminmṛtyurbharata te'bhavat |
yadi jānāsi tadbrūhi pāpaṃ vikhyātameva te || 2 ||
[Analyze grammar]

bharata uvāca |
puṃḍarīka śṛṇuṣvedaṃ kathayāmi tavāgrataḥ |
etattīrthapradaṃ puṇyaṃ kṛtaṃ yadiha janmani || 3 ||
[Analyze grammar]

ekadā tu dhanaṃ jitvā samāgacchannijaṃ gṛham |
apaśyaṃ mṛtakaṃ bālaṃ mṛtasyānāthamāpaṇe || 4 ||
[Analyze grammar]

nidhāya tamahaṃ mūrdhni nītvā gaṃgātaṭe śubhe |
vastrādibhiralaṃkṛtya cakre dāhādisatkriyām || 5 ||
[Analyze grammar]

dyūtenopārjjitaṃ dravyaṃ tatsarvaṃ vyayitaṃ mayā |
tena puṇyena prāptaṃ me tīrthametacchubhāvaham || 6 ||
[Analyze grammar]

kuru tvaṃ mama dehasya saṃskāraṃ dāhapūrvakam || 7 ||
[Analyze grammar]

śrīnārada uvāca |
saṃskāre vihite rājanbharataḥ pāpavānapi |
tīrthasyāsya prasādena puṣkarasya gato divi |
māsamekaṃ yathā viṣṇuḥ puṃḍarīkagṛhe hariḥ || 8 ||
[Analyze grammar]

uvāsāsya prasādena tīrthasya śṛṇu sāṃpratam |
atra tīrthe sa dharmātmā bharatasyāpi sadgatim |
dṛṣṭveti hṛdaye mene tīrthametattu kāmadam || 9 ||
[Analyze grammar]

atreti vāṃcchayā sasnau puṃḍarīkaḥ sa paṃḍitaḥ |
māghamāsaṃ svarūpeṇa harirvasatu me gṛhe || 10 ||
[Analyze grammar]

evaṃ snātvā sa kāmena yayau nijagṛhaṃ prati |
tīrthe'tra nṛpatiśreṣṭha puṃḍarīko'khilārthade || 11 ||
[Analyze grammar]

baṃdhubhyo maraṇaṃ bhrāturbharatasya jagāda ha |
tepi śrutvā śucaṃ cakrurmāyayāvṛtabuddhayaḥ || 12 ||
[Analyze grammar]

puṃḍarīkastadā kurvangṛhe svasminnijakriyāḥ |
uvāseti mahānaṃdastapasyāyāsyate hariḥ || 13 ||
[Analyze grammar]

pūrṇimāyāmatho pauṣyāṃ cakre sa paramotsavam |
matveti śvo gṛhe mahyaṃ harirāyāsyati dhruvam || 14 ||
[Analyze grammar]

śrīkhaṃḍajalasekena gomayālepanena ca |
muktācūrṇacatuṣkena samaskuruta ketanam || 15 ||
[Analyze grammar]

śatadvayaṃ brāhmaṇānāṃ nānābhojyairabhojayat |
vahvībhirdakṣiṇābhiśca tāneva samatoṣayat || 16 ||
[Analyze grammar]

nānāvāditrakuśalaiḥ kalakaṃṭhaiśca gāyanaiḥ |
rajanyāṃ svajanairgāyaṃścakre jāgaraṇaṃ tathā || 17 ||
[Analyze grammar]

atha prabhāte tānsarvāngāyanādīnvisṛjya saḥ |
goviṃdāgamanākāṃkṣī gṛhamadhye upāviśat || 18 ||
[Analyze grammar]

atha tasya gṛhābhyāse nivartya nijavāhanam |
prāviśadgṛhamadhye tu kartuṃ svajanavāṃchitam || 19 ||
[Analyze grammar]

sa puṃḍarīkastaṃ dṛṣṭvā mādhavaṃ samupāgatam |
utthāyāsanatastūrṇaṃ vavaṃde śirasā nṛpa || 20 ||
[Analyze grammar]

uvāca ca sa dharmmātmā goviṃdālokanirvṛtaḥ |
saṃpūjyārghādidānena viṣṭare taṃ niveśitam || 21 ||
[Analyze grammar]

puṃḍarīka uvāca |
bhavatā bhava tāpaghnaṃ suspaṣṭaṃ tadanuṣṭhitam |
tāvadatra tvayā viṣṇo sthīyatāṃ sthitikāriṇā || 22 ||
[Analyze grammar]

yāvadasya punītasya samāptistapaso bhavet |
yatra tvaṃ sevakāste ca vasaṃti paricaryayā || 23 ||
[Analyze grammar]

tatraiva khalu vaikuṃṭhaṃ sarvadoṣavivarjitaḥ |
yadgṛhe tava karmāṇi varṇyaṃ te sādhubhirvibho || 24 ||
[Analyze grammar]

harirnivasate tatra sanmukhāditi naḥ śrutam |
yeṣāṃ vacasi te nāma hṛdi rūpaṃ ca suṃdaram || 25 ||
[Analyze grammar]

karṇayośca guṇāropasta eva khalu sādhavaḥ |
bhavato bhavate svāṃtaṃ yeṣāṃ śuśrūṣaṇe vibho || 26 ||
[Analyze grammar]

uttamāṃge ca nirmālyaṃ ta eva khalu sādhavaḥ |
yeṣāṃ tu buddhiḥ śatrau ca mitre ca kamalāpate || 27 ||
[Analyze grammar]

cayāpacayayoścaiva ta eva khalu sādhavaḥ |
yeṣāṃ vikurute ceto na vikārasya kāraṇe || 28 ||
[Analyze grammar]

saṃti lakṣmīpate nūnaṃ ta eva khalu sādhavaḥ |
yatra tvaṃ sādhavastatra saṃto yatra tato bhavān |
bhavānato vijñāya tāṃ sādhuṃ māghe mama gṛhe vasa || 29 ||
[Analyze grammar]

nārada uvāca |
ityākarṇya vacastasya puṃḍarīkasya mādhavaḥ |
uvāca vacanaṃ bhāsādaṃtānāṃ bhāsayandiśaḥ || 30 ||
[Analyze grammar]

śrībhagavānuvāca |
sādhūnāmuttamaḥ sādhustvaṃ pṛthivyāṃ mahāmate |
yattvayā puṇyatīrthe tu snātaṃ matsaṃgavāṃchayā || 31 ||
[Analyze grammar]

uttiṣṭha jāhnavītoya māghe snānaṃ kuru dvija |
māghāṃte snāpayāmi tvāṃ pūrṇimāyāṃ tu puṣkare || 32 ||
[Analyze grammar]

prayāge māghamāse tu pūrṇaṃ yatsnānajaṃ phalam |
tatsarvaṃ puṣkare tīrthe dinaikasnānato bhavet || 33 ||
[Analyze grammar]

nārada uvāca |
evamuktaḥ sa vipreṃdraḥ puṃḍarīko murāriṇā |
kiṃcidabhyudite sūrye snānaṃ gaṃgājale'karot || 34 ||
[Analyze grammar]

pratyakṣa puṃḍarīkākṣa puṃḍarīkaḥ samarcayat |
tulasīvikasatpuṣpayavakuṃkumacaṃdanaiḥ || 35 ||
[Analyze grammar]

dhūpairagarujairaṃgavāsitāṃgaṃ ramāpatim |
nīrājayati karpūradīpakaiḥ paṃcabhiḥ sma saḥ || 36 ||
[Analyze grammar]

caturvidhamayairbhojyairbhojayitvā jagadgurum |
suptaṃ sa maṇiparyaṃke cāmaraistamavījayat || 37 ||
[Analyze grammar]

pādasaṃvāhanaṃ jātu cakre tasya ramāpateḥ |
jātakarpūrasaṃyuktaṃ dadau tāṃbūlavīṭakam || 38 ||
[Analyze grammar]

uṣṇīṣaṃ badhnatastasya śrīpateḥ puratastadā |
tasthau jātu sa vipreṃdraḥ kareṇānīya darpaṇam || 39 ||
[Analyze grammar]

evaṃ nijagṛhe tasya vasataḥ sa bhavacchidaḥ |
saparyāṃ vidadhadvipro māghaṃ ninye sa mastakam || 40 ||
[Analyze grammar]

atha māghāvasāne tu pūrṇimāyāṃ ramāpateḥ |
smṛtimātrāgataṃ tārkṣyamapaśyatpurataḥ sthitam || 41 ||
[Analyze grammar]

taṃ dṛṣṭvā puṃḍarīkākṣaḥ puṃḍarīkamuvāca ha |
śrībhagavānuvāca |
śrūyatāṃ bho dvijaśreṣṭha yadvaco'haṃ vadāmi te || 42 ||
[Analyze grammar]

iṃdraprasthagate tīrthe puṣkare te yadṛcchayā |
snānāyate mayā dattaṃ yanmāsamuṣitaṃ mayā || 43 ||
[Analyze grammar]

adyapakṣīṃdramāruhya mayā saha mahāmate |
vraja tīrthaśiroratnaṃ tadeva prati puṣkare || 44 ||
[Analyze grammar]

caturvargaprade tasminsnānaṃ kurvanyadīcchasi |
tadahaṃ te pradāsyāmi yadahaṃ tadvaśe dvija || 45 ||
[Analyze grammar]

pāpo'pi bharataste vai bhrātā yatra mṛto gataḥ |
svargaṃ svargasukhākāṃkṣī kimanyattasya varṇyate || 46 ||
[Analyze grammar]

nārada uvāca |
evamuktvā sa deveṃdro brāhmaṇeṃdraṃ nareṃdra tam |
patageṃdraṃ samāropya sarvatīrtheṃdramāgamat || 47 ||
[Analyze grammar]

puṃḍarīkasya dehāttu tena tatprāṇavāyunā |
samaṃ jyotiḥ sa nirgatya goviṃdapadamāviśat || 48 ||
[Analyze grammar]

evaṃ puṣkaratīrthe'sminniṃdraprasthagate nṛpa |
snānena puṃḍarīkastu lebhe sāyujyamīśvare || 49 ||
[Analyze grammar]

evaṃ tīrthānurodhena goviṃdo'pi ca tadgṛhe |
māsamekaṃ sukhaṃ rājannuvāsa nijabaṃdhuvat || 50 ||
[Analyze grammar]

kena varṇayituṃ śakyo mahimā puṣkarasya vai |
śakraprasthagatasyāsya koṭyaṃśo varṇito mayā || 51 ||
[Analyze grammar]

māhātmyaśravaṇādasya śraddhayā labhate naraḥ |
aśvamedhakratuphalaṃ paṭhanādapi bhūpate || 52 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe kāliṃdīmāhātmye puṣkaramahimāvarṇanonāmaikonaviṃśādhikadviśatatamo'dhyāyaḥ || 219 ||
[Analyze grammar]