Chapter 168

[English text for this chapter is available]

mahādeva uvāca |
tatogacchenmahādevi vārtraghnyā girikanyayā |
śakraścaiva tayā sādhvyā saṃgamaṃ yatra labdhavān || 1 ||
[Analyze grammar]

tatra snānaṃ prakurvaṃti narā niyatamānasāḥ |
daśānāmaśvamedhānāṃ yatphalaṃ snānakṛllabhet || 2 ||
[Analyze grammar]

tatra yaḥ kurute śrāddhaṃ piṃḍānvai tilacūrṇajān |
punāti puruṣo vaṃśānsaptasaptaparāvarān || 3 ||
[Analyze grammar]

saṃpūjya vidhivatsnātvā saṃgame gaṇanāyakam |
na vighnairabhibhūyeta lakṣmyā naiva vihīyate || 4 ||
[Analyze grammar]

pārvatyuvāca |
kasminkāryasamāraṃbhe samāyātaḥ puraṃdaraḥ |
svargalokādimaṃ lokametadākhyātumarhasi || 5 ||
[Analyze grammar]

vārtraghnī ca nadī kena niruktena nigadyate |
puraṃdarapuraṃ deva brahmaghoṣanināditam |
saṃbhāvayati yo'jasraṃ mama tatsaṃgamaṃ vada || 6 ||
[Analyze grammar]

mahādeva uvāca |
asmiṃścaiva tu bhūrloke praśno'yaṃ samabhūtpurā |
yudhiṣṭhireti vikhyāto rājā vai dhārmiko mahān || 7 ||
[Analyze grammar]

pṛṣṭavānsa tu bhīṣmāya dharmiṇe jñānarūpiṇe |
tenoktaṃ yattu taddevi pravakṣyāmi tavāgrataḥ || 8 ||
[Analyze grammar]

daśavarṣasahasrāṇi daśavarṣaśatāni ca |
vṛtravāsavayoryuddhamabhavallomaharṣaṇam || 9 ||
[Analyze grammar]

tataḥ parājitaḥ śakraḥ kṛtvā vṛtreṇa saṃvidham |
adrohe sa raṇaṃ tyaktvā jagāma śaraṇaṃ mama || 10 ||
[Analyze grammar]

vārtraghnyā saṃgame puṇye toṣayāmāsa śaṃkaram |
athāṃtarikṣe'haṃ devi darśanaṃ dattavāṃstadā || 11 ||
[Analyze grammar]

mamagātrāttu yadbhasma patitaṃ kāśyapī taṭe |
bhasmagātreti tatpuṇyaṃ liṃgaṃ devi vinirmitam || 12 ||
[Analyze grammar]

bhūteśvaraṃ bhasmagātraṃ brahmaṇā saṃpratiṣṭhitam |
tasya vai darśanādeva brahmahatyā layaṃ vrajet || 13 ||
[Analyze grammar]

mucyate sarvapāpebhyaḥ śrāddhaṃ kṛtvā yugādiṣu |
tadahaṃ suprasanno'bhūdindrāya sumahātmane || 14 ||
[Analyze grammar]

yadyattvaṃ vāṃchase deva tatsarvaṃ hi dadāmi te |
anena vajrayogena śīghraṃ vṛtraṃ haniṣyasi || 15 ||
[Analyze grammar]

śakra uvāca |
bhagavaṃstvatprasādena ditijaṃ ca durāsadam |
vajreṇa nihaniṣyāmi paśyataste surottama || 16 ||
[Analyze grammar]

evamuktvā tadā iṃdro gatavāṃścāsuraṃ prati |
tadā duṃdubhayo nedurdevasainye viśeṣataḥ || 17 ||
[Analyze grammar]

mṛdaṃga ḍiṃḍimāścaiva bherī tūryāṇyanekaśaḥ |
asurāṇāṃ ca sarveṣāṃ vṛttilobho mahānabhūta || 18 ||
[Analyze grammar]

balavānmaghavā caiva kṣaṇena samajāyat |
tamāviṣṭaṃ tato jñātvā ṛṣayaḥ pannagāstathā || 19 ||
[Analyze grammar]

stuvaṃti śakramīśānaṃ stutyā jayajayeti ca |
gacchatastasya śakrasya yuddhakāmasya sannidhau |
ṛṣibhiḥ stūyamānasya rūpamāsītsudurbharam || 20 ||
[Analyze grammar]

mahādeva uvāca |
vṛtrasyasahasā devi tadā saṃgrāmamūrddhani |
abhavanyāni liṃgāni śarīre tāni me śṛṇu || 21 ||
[Analyze grammar]

jvalatāsyobhavaddhoro vaivarṇyamabhavatparam |
gātrakaṃpaśca sumahānśvāsaḥ soṣmā vyajāyat || 22 ||
[Analyze grammar]

romaharṣaśca tīvro'bhūcchvāsaścaiva mahānabhūt |
niṣpapāta mahāghorā ulkāḥ pārśvaṃ prapedire || 23 ||
[Analyze grammar]

gṛdhrā vaṭāḥ śyena kaṃkā vaco muṃcansudāruṇāḥ |
vṛtrasyopari te sarve cakravatparibabhramuḥ || 24 ||
[Analyze grammar]

tataḥ sa gajamāsthāya iṃdrastatra samāgataḥ |
vajrodyatakarastatra śakrastaṃ daityamāsadat || 25 ||
[Analyze grammar]

amānuṣamatho nādaṃ sa mumoca sureśvaraḥ |
vṛtrāsurasya yatataḥ śakro vajramapātayat || 26 ||
[Analyze grammar]

sa vajraḥ sumahātejāḥ kālāgnisadṛśo mahān |
samudrasya taṭe vṛtraṃ śakro daityamapātayat || 27 ||
[Analyze grammar]

tato nādaḥ samabhavatpunareva samaṃtataḥ |
vṛtraṃ vinihataṃ dṛṣṭvā sarvadevabhayaṃkaram || 28 ||
[Analyze grammar]

puṣpavṛṣṭistu mahatī iṃdra mūrdhni papāta ha |
vṛtraṃ hatvā sa bhagavāndānaveśaṃ bhayaṃkaram || 29 ||
[Analyze grammar]

stūyamāno'maraiḥ sārddhaṃ devadānīṃ tamāviśat |
atha vṛtraśarīrāttu nirgataṃ teja uttamam || 30 ||
[Analyze grammar]

brahmahatyāmahāghorā raudra lokabhayaṃkarī |
karālavadanā sā ca vikṛtā kṛṣṇapiṃgalā || 31 ||
[Analyze grammar]

kapālamālinī caiva sukṛśā naganaṃdini |
rudhirāktā ca pāpiṣṭhā mīnagaṃdhātibhīṣaṇā || 32 ||
[Analyze grammar]

sāniṣkramya mahādevi tādṛgrūpā bhayāvahā |
iṃdramanveṣayāmāsa tadā vai surasattame || 33 ||
[Analyze grammar]

nirdhāvatī tataḥ sā tu dṛṣṭvā śakraṃ mahaujasam |
kaṃṭhe jagrāha deveṃdraṃ sulagnā sābhavattadā || 34 ||
[Analyze grammar]

sa ca tasminsamudbhrāṃto brahmahatyākṛte bhaye |
nililya bisamadhye'sau sthito varṣagaṇānbahūn || 35 ||
[Analyze grammar]

tayā gṛhīto bho devi niśceṣṭaḥ samapadyata |
tasyā vyapohane śakraḥ prayatnaṃ ca cakāra ha || 36 ||
[Analyze grammar]

na śakto'bhūnmahādevi brahmahatyāṃ vyapohitum |
tayā gṛhītamātrastu deveṃdro niṣṭharūpadhṛk || 37 ||
[Analyze grammar]

pitāmahamupāgamya śirasā pratyapūjayat |
jñātvā gṛhītaṃ śakraṃ tu dvijapravarahatyayā || 38 ||
[Analyze grammar]

brahmā saṃciṃtayāmāsa tadā vai surasattame |
sā ciṃtyamānā brahmāṇamupagamyābravīdvacaḥ || 39 ||
[Analyze grammar]

prāptāsmi bhagavandeva tvatsakāśaṃ hi mānada |
yatkarttavyaṃ mayā deva tadbhavānvaktumarhati || 40 ||
[Analyze grammar]

tāmuvāca mahābhāge brahmahatyāṃ pitāmahaḥ |
svareṇa madhureṇātha saṃkṣepeṇa yathātatham || 41 ||
[Analyze grammar]

mucyatāṃ devarājo'yaṃ matpriyaṃ kuru bhāmini |
brūhi kiṃ te karomyadya kāmaṃ tvaṃ kimihecchasi || 42 ||
[Analyze grammar]

hatyovāca |
śakrādapagamiṣyāmi vacanātte narottama |
devadeva namastestu nivāsaṃ ca dadasva me || 43 ||
[Analyze grammar]

mahādeva uvāca |
tatheti tāṃ pratijñāya hatyāṃ cāpi pitāmahaḥ |
upāyamatha śakrasya brahmahatyāpanodane || 44 ||
[Analyze grammar]

tato vahniṃ samāhūya brahmā vacanamabravīt |
śakrahatyā caturthāṃśaṃ jātavedo gṛhāṇa bho || 45 ||
[Analyze grammar]

agniruvāca |
mama mokṣasya ko heturbrahmahatyākṛte prabho |
etadicchāmi vijñātuṃ tattvato lokapūjita || 46 ||
[Analyze grammar]

brahmovāca |
yastvāṃ jvalaṃtamāsādya na hoṣyati naraḥ kvacit |
bījauṣadhitilānagre phalamūlasamitkuśān || 47 ||
[Analyze grammar]

tadaiva tyakṣati tvāṃ ca tatraiva ca nivatsyati |
brahmahatyā havyavāha vyetu te manaso jvaraḥ || 48 ||
[Analyze grammar]

tataḥ sa parijagrāha tadvaco havyakavyabhuk |
pitāmahaśca bhagavāntathā tadalabhatpriyam || 49 ||
[Analyze grammar]

tato vṛkṣauṣadhitṛṇānyāhūya sa pitāmahaḥ |
imamarthaṃ mahābhāge vaktuṃ samupacakrame || 50 ||
[Analyze grammar]

tato vṛkṣauṣadhitṛṇaistathaivoktaṃ yathātatham |
vyathitānyagnivaddevi brahmāṇaṃ vākyamabruvan || 51 ||
[Analyze grammar]

asmākaṃ brahmahatyāyāḥ kathayaṃtaḥ pitāmaha |
svabhāva nihitā tasmānna punarhaṃtumarhasi || 52 ||
[Analyze grammar]

vayamagniṃ tathā śītaṃ varṣaṃ ca pavaneritam |
sahāmaḥ satataṃ deva tathā chedanabhedanam || 53 ||
[Analyze grammar]

brahmovāca |
akāraṇaṃ naro yastu yuṣmacchedanabhedanam |
kariṣyati mahāmohāttameṣānu prayāsyati || 54 ||
[Analyze grammar]

mahādeva uvāca |
tato mahauṣadhitṛṇairomityuktaṃ mahātmabhiḥ |
brahmāṇamapi saṃpūjya jagmuścātha yathāgatam || 55 ||
[Analyze grammar]

āhūyāpsaraso devastato lokapitāmahaḥ |
vācā madhurayā prāha sāṃtvayanniva sattame || 56 ||
[Analyze grammar]

iyaṃ vṛtrādanuprāptā brahmahatyā varāṅganāḥ |
caturthamasyā bhāgaṃ ca mayoktaṃ saṃpratīcchatha || 57 ||
[Analyze grammar]

apsarā ūcuḥ |
grahaṇe kṛtabuddhīnāṃ deveśa tava śāsanāt |
saṃmokṣasamayo'smākaṃ ciṃtanīyaḥ pitāmaha || 58 ||
[Analyze grammar]

pitāmaha uvāca |
rajasvalāsu nārīṣu yo vai maithunamācaret |
tameṣā yāsyati kṣipraṃ vyetu vo manaso jvaraḥ || 59 ||
[Analyze grammar]

mahādeva uvāca |
tatheti hṛṣṭamanasaḥ pratyuktā hyapsarogaṇāḥ |
svāni sthānāni saṃprāpya remire śailaje tadā || 60 ||
[Analyze grammar]

tataśca lokakṛddevaḥ punareva pitāmahaḥ |
āpaḥ saṃciṃtayāmāsa tatastāśca samāgaman || 61 ||
[Analyze grammar]

tāśca sarvāḥ samāgamya brahmāṇamamitaujasam |
idamūcurvaco devi praṇipatya pitāmaham || 62 ||
[Analyze grammar]

imāḥ sma deva saṃprāptāstvatsakāśamariṃdama |
śāsanāttava deveśa samājñāpaya tatprabho || 63 ||
[Analyze grammar]

brahmovāca |
iyaṃ vṛtrādanuprāptā puruhūtaṃ bhayānakā |
brahmahatyā caturthāṃśaṃ yūyamasyāḥ pratīcchatha || 64 ||
[Analyze grammar]

āpa ūcuḥ |
evaṃ bhavatu lokeśa yattvaṃ vadasi naḥ prabhoḥ |
mokṣasya samayaṃ nastvaṃ saṃciṃtayitumarhasi || 65 ||
[Analyze grammar]

tvaṃ hi deveṃdra sarvasya jagataḥ paramā gatiḥ |
ko'nyebhyo hi prasādo'pi yaḥ kṛcchrānnaḥ samuddharet || 66 ||
[Analyze grammar]

brahmovāca |
alpameva matiṃ kṛtvā yo naro buddhimohitaḥ || 67 ||
[Analyze grammar]

śleṣmamūtrapurīṣāṇi yuṣmāsu pratimokṣati |
tameva yāsyati kṣipraṃ tatraiva ca nivatsyati |
tato vai bhavitā mokṣa iti satyaṃ bravīmi vaḥ || 68 ||
[Analyze grammar]

mahādeva uvāca |
tato vimucya deveṃdraṃ brahmahatyā sureśvari |
gatātihṛṣṭo deveśo hyabhavaddevaśāsanāt || 69 ||
[Analyze grammar]

evaṃ śakreṇa saṃprāptā brahmahatyā purā yuge |
asmiṃstīrthe tapastaptvā śuddhātmā tridivaṃ yayau || 70 ||
[Analyze grammar]

aśvamedhaṃ tataḥ kṛtvā vipāpmā samapadyata |
iti sābhramatī tīrthe vārtraghnīyaṃ nagātmaje || 71 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe |
vārtraghnīmāhātmyaṃnāmāṣṭaṣaṣṭyadhikaśatatamo'dhyāyaḥ || 168 ||
[Analyze grammar]