Chapter 124

[English text for this chapter is available]

īśvara uvāca |
prabodhinyāśca māhātmyaṃ pāpaghnaṃ puṇyavarddhanam |
muktidaṃ tatvabuddhīnāṃ śṛṇuṣva surasattama || 1 ||
[Analyze grammar]

tāvadgarjati senāni gaṃgā bhāgīrathī kṣitau |
yāvannāyāti pāpaghnī kārtike haribodhinī || 2 ||
[Analyze grammar]

tāvadgacchaṃti tīrthāni āsamudra sarāṃsi ca |
yāvatprabodhinī viṣṇostithirnāyāti kārtike || 3 ||
[Analyze grammar]

aśvamedhasahasrāṇi rājasūyaśatāni ca |
ekenaivopavāsena prabodhinyāṃ yathā'bhavat || 4 ||
[Analyze grammar]

durlabhaṃ caiva duṣprāpyaṃ trailokye sacarācare |
tadapi prārthitaṃ vipra dadāti pratibodhinī || 5 ||
[Analyze grammar]

aiśvaryaṃ saṃsṛtiṃ jñānaṃ rājyaṃ ca sukhasaṃpadam |
dadātyupoṣitā vipra helayā haribodhinī || 6 ||
[Analyze grammar]

merumaṃdaratulyāni pāpānyupārjitāni ca |
ekenaivopavāsena dahate haribodhinī || 7 ||
[Analyze grammar]

upavāsaṃ prabodhinyāṃ yaḥ karoti svabhāvataḥ |
vidhinā naraśārdūla yathoktaṃ labhate phalam || 8 ||
[Analyze grammar]

pūrvajanmasahasreṣu pāpaṃ yatsamupārjitam |
jāgareṇa prabodhinyāṃ dahyate tūlarāśivat || 9 ||
[Analyze grammar]

śṛṇu ṣaṇmukha vakṣyāmi jāgarasya ca lakṣaṇam |
yasya vijñānamātreṇa durlabho na janārdanaḥ || 10 ||
[Analyze grammar]

gītaṃ vādyaṃ ca nṛtyaṃ ca purāṇapaṭhanaṃ tathā |
dhūpaṃ dīpaṃ ca naivedyaṃ puṣpaṃ gaṃdhānulepanam || 11 ||
[Analyze grammar]

phalamarghyaṃ ca śraddhā ca dānamiṃdriyasaṃyamam |
satyānvitaṃ vinidraṃ ca mudāyuktaṃ kriyānvitam || 12 ||
[Analyze grammar]

sāścarcaṃ caiva sotsāhamālasyādivivarjitam |
pradakṣiṇādisaṃyuktaṃ namaskārapuraḥsaram || 13 ||
[Analyze grammar]

nīrājanasamāyuktamanirviṇṇena cetasā |
yāme yāme mahābhāga kurvannīrājanaṃ hareḥ || 14 ||
[Analyze grammar]

etairguṇaiḥ samāyuktaṃ kuryājjāgaraṇaṃ vibhoḥ |
ekāgramānaso yastu na punarjāyate bhuvi || 15 ||
[Analyze grammar]

ya evaṃ kurute bhaktyā vittaśāṭhyavivarjitaiḥ |
jāgaraṃ vāsare viṣṇornīyate paramāṃ gatim || 16 ||
[Analyze grammar]

puruṣasūktena yo nityaṃ kārtike arcayeddharim |
varṣakoṭisahasrāṇi pūjitastena keśavaḥ || 17 ||
[Analyze grammar]

yathoktena vidhānena paṃcarātroditena vai |
kārtike tvarcayennityaṃ muktibhāgī bhavennaraḥ || 18 ||
[Analyze grammar]

namonārāyaṇāyeti kārtike yo'rcayeddharim |
sa mukto nārakairduḥkhaiḥ padaṃ gacchatyanāmayam || 19 ||
[Analyze grammar]

harernāmasahasraṃ ca gajarājasya mokṣaṇam |
kārtike paṭhate yastu punarjanma na viṃdati || 20 ||
[Analyze grammar]

yugakoṭisahasrāṇi manvaṃtaraśatāni ca |
dvādaśyāṃ kārtike māsi jāgarī vasate divi || 21 ||
[Analyze grammar]

kule tasya ca saṃjātāḥ śataśo'tha sahasraśaḥ |
prāpnuvaṃti padaṃ viṣṇostasmātkurvīta jāgaram || 22 ||
[Analyze grammar]

kārtike paścime yāme stavaṃ gānaṃ karoti yaḥ |
śvetadvīpe tu vasate pitṛbhiḥ saha bhāmini || 23 ||
[Analyze grammar]

naivedyadānaṃ haraye kārtike dinasaṃkṣaye |
yugāni vasate svarge tāvaṃti munisattamāḥ || 24 ||
[Analyze grammar]

akṣayaṃ muniśārdūla mālatīkamalārcanam |
arcayeddevadeveśaṃ sa yāti paramaṃ padam || 25 ||
[Analyze grammar]

kārtike śuklapakṣe tu kṛtvā hyekādaśīṃ naraḥ |
prātardattvā śubhānkuṃbhānsa yāti mama maṃdiram || 26 ||
[Analyze grammar]

kārttikeya uvāca |
bhagavannucyatāṃ puṇyaṃ vratānāṃ paramaṃ vratam |
kartavyaṃ kārtike māsi bhavatā bhīṣmapaṃcakam || 27 ||
[Analyze grammar]

vidhānaṃ tasya ca phalaṃ tathaiva surasattama |
kathayasva prasādānme munīnāṃ ca pitāmaha || 28 ||
[Analyze grammar]

īśvara uvāca |
pravakṣyāmi mahāpuṇyaṃ vrataṃ vidhimatāṃ varaḥ |
bhīṣmeṇaitadyataḥ prāptaṃ vrataṃ paṃcadinātmakam || 29 ||
[Analyze grammar]

sakāśādvāsudevasya tenoktaṃ bhīṣmapaṃcakam |
vratasyāsya guṇānvaktuṃ kaḥ śaktaḥ keśavādṛte || 30 ||
[Analyze grammar]

kārttike śuklapakṣe tu śṛṇu dharmaṃ purātanam |
vasiṣṭhabhṛgugargādyaiścīrṇaṃ kṛtayugādiṣu || 31 ||
[Analyze grammar]

aṃbarīṣeṇa bhogādyaiścīrṇaṃ tretāyugādiṣu |
brāhmaṇairbrahmacaryeṇa japahomakriyādibhiḥ || 32 ||
[Analyze grammar]

kṣatriyaiśca tathā vaiśyaiḥ satyaśaucaparāyaṇaiḥ |
duṣkaraṃ satyahīnānāmaśakyaṃ bālacetasām || 33 ||
[Analyze grammar]

duṣkaraṃ bhīṣmamityāhurna śakyaṃ prākṛtairnaraiḥ |
yastatkaroti vipreṃdra tena sarvaṃ kṛtaṃ bhavet || 34 ||
[Analyze grammar]

vrataṃ caitanmahāpuṇyaṃ mahāpātakanāśanam |
ato naraiḥ prayatnena karttavyaṃ bhīṣmapaṃcakam || 35 ||
[Analyze grammar]

kārtikasyāmalepakṣe snātvā samyagvidhānataḥ |
ekādaśyāṃ tu gṛhṇīyādvrataṃ paṃcadinātmakam || 36 ||
[Analyze grammar]

prātaḥ snātvā viśeṣeṇa madhyāhne ca tathā vratī |
nadyāṃ nirjharagarte vā samālabhya ca gomayam || 37 ||
[Analyze grammar]

yavavrīhitilaiḥ samyakpitṝnsaṃtarpayetkramāt |
snātvā maunaṃ naraḥ kṛtvā dhautavāsā dṛḍhavrataḥ || 38 ||
[Analyze grammar]

bhīṣmāyodakadānaṃ ca arghyaṃ caiva prayatnataḥ |
pūjā bhīṣmasya karttavyā dānaṃ dadyātprayatnataḥ || 39 ||
[Analyze grammar]

paṃcaratnaṃ viśeṣeṇa dattvā viprāya yatnataḥ |
vāsudevo'pi saṃpūjyo lakṣmīyuktaḥ sadā prabhuḥ || 40 ||
[Analyze grammar]

paṃcake pūjayitvā tu koṭikalpāni tuṣyati |
yatkiṃcitkriyate sarvaṃ paṃcadhātuprakalpayet || 41 ||
[Analyze grammar]

saṃvatsaravratānāṃ ca labhate sakalaṃ phalam |
kṛtvā tūdakadānaṃ tu tathārghyasya ca dāpanam || 42 ||
[Analyze grammar]

maṃtreṇānena yaḥ kuryānmuktibhāgī bhavennaraḥ || 43 ||
[Analyze grammar]

vaiyāghrapādagotrāya sāṃkṛte pravarāya ca |
aputrāya dadāmyetadudakaṃ bhīṣmavarmaṇe || 44 ||
[Analyze grammar]

vasūnāmavatārāya śaṃtanorātmajāya ca |
arghyaṃ dadāmi bhīṣmāya ājanmabrahmacāriṇe || 45 ||
[Analyze grammar]

anena vidhinā yastu paṃcakaṃ tu samāpayet |
aśvamedhasamaṃ puṇyaṃ prāpnotyatra na saṃśayaḥ || 46 ||
[Analyze grammar]

paṃcāhamapi kartavyaṃ niyamaṃ ca prayatnataḥ |
niyamena vinā putra na bhāvyaṃ vratakarmaṇā || 47 ||
[Analyze grammar]

uttarāyaṇahīnāya bhīṣmāya pradadau hariḥ |
uttarāyaṇahīno'pi śuddhiṃ lagnaṃ vinā śubhāḥ || 48 ||
[Analyze grammar]

tataḥ saṃpūjayeddevaṃ sarvapāpaharaṃ harim |
anaṃtaraṃ prayatnena kartavyaṃ bhīṣmapaṃcakam || 49 ||
[Analyze grammar]

snāpayeta jalairbhaktyā madhukṣīraghṛtena ca |
tathaiva paṃcagavyena gaṃdhacaṃdanavāriṇā || 50 ||
[Analyze grammar]

caṃdanena sugaṃdhena kuṃkumenātha keśavam |
karpūrośīramiśreṇa lepayedgaruḍadhvajam || 51 ||
[Analyze grammar]

arcayedruciraiḥ puṣpairgaṃdhadhūpasamanvitaiḥ |
gugguluṃ ghṛtaṃsaṃyuktaṃ dahetkṛṣṇāya bhaktimān || 52 ||
[Analyze grammar]

dīpakaṃ tu divārātrau dadyātpaṃcadinādiṣu |
naivedyaṃ devadevasya paramānnaṃ nivedayet || 53 ||
[Analyze grammar]

evamabhyarcayeddevaṃ saṃsmṛtya ca praṇamya ca |
oṃ namo vāsudevāya japedaṣṭottaraṃ śatam || 54 ||
[Analyze grammar]

juhuyācca ghṛtābhyaktaistilavrīhiyavādibhiḥ |
ṣaḍakṣareṇa maṃtreṇa svāhākārānvitena ca || 55 ||
[Analyze grammar]

upāsya paścimāṃ saṃdhyāṃ praṇamya garuḍadhvajam |
japitvā pūrvavanmaṃtraṃ kṣitiśāyī bhavedvratī || 56 ||
[Analyze grammar]

sarvametadvidhānaṃ tu kāryaṃ paṃcadināni tu |
viśeṣo'tra vrate hyasminyadanyūnaṃ śṛṇuṣva tat || 57 ||
[Analyze grammar]

prathame'hni hareḥ pādau pūjayetkamalairvratī |
dvitīye bilvapatreṇa jānudeśaṃ samarcayet || 58 ||
[Analyze grammar]

tatonupūjayecchīrṣaṃ mālatyā cakrapāṇinaḥ |
kārtikyāṃ devadevasya bhaktyā tadgatamānasaḥ || 59 ||
[Analyze grammar]

arcitvā taṃ hṛṣīkeśamekādaśyāṃ samāsataḥ |
niṣprāśya gomayaṃ samyagekādaśyāmupāvaset || 60 ||
[Analyze grammar]

gomūtraṃ maṃtravadbhūmau dvādaśyāṃ prāśayedvratī |
kṣīraṃ caiva trayodaśyāṃ caturdaśyāṃ tathā dadhi || 61 ||
[Analyze grammar]

saṃprāśya kāyaśuddhyarthaṃ laṃghayitvā caturdinam |
paṃcame divase snātvā vidhivatpūjya keśavam || 62 ||
[Analyze grammar]

bhojayedbrāhmaṇānbhaktyā tebhyo dadyācca dakṣiṇām |
pāpabuddhiṃ parityajya brahmacaryeṇa dhīmatā || 63 ||
[Analyze grammar]

madyaṃ māṃsaṃ parityajya maithunaṃ pāpakāriṇam |
śākāhāreṇa munyannaiḥ kṛṣṇārcanaparo naraḥ || 64 ||
[Analyze grammar]

tato naktaṃ samāśnīyātpaṃcagavyapuraḥ saram |
evaṃ samyaksamāptasya yathoktaṃ phalamāpnuyāt || 65 ||
[Analyze grammar]

madyapo yatpibenmadyaṃ janmano maraṇāṃtikam |
etadbhīṣmavrataṃ kṛtvā prāpnoti paramaṃ padam || 66 ||
[Analyze grammar]

strībhirbrāhmaṇavākyena kartavyaṃ dharmavarddhanam |
vidhavābhiśca kartavyaṃ mokṣasaukhyābhivṛddhaye || 67 ||
[Analyze grammar]

sarvakāmasamṛddhyarthaṃ puṇyārthamapi pāvake |
nityasnāne tathā dāne ye kārtikamupāsate || 68 ||
[Analyze grammar]

vaiśvadevaśca kartavyo viṣṇudhyānaparāyaṇaiḥ |
ārogya putrado vatsa mahāpātakanāśanaḥ || 69 ||
[Analyze grammar]

tīrtheṣu kārtikaṃ kuryātsarvayatnena ṣaṇmukha |
saṃvatsaravratānāṃ tu samāptiḥ kārtike matā || 70 ||
[Analyze grammar]

pāpasya pratimā kāryā raudravastrāti bhīṣaṇā |
khaḍgahastā viniṣkrāṃtā lohadaṃṣṭrākarālinī || 71 ||
[Analyze grammar]

tilaprasthopari sthāpyā kṛṣṇavastrābhiveṣṭitā |
raktapuṣpakṛtāpīḍā jvalatkāṃcanakuṃḍalā || 72 ||
[Analyze grammar]

saṃpūjya parayā bhaktyā dharmarājasya nāmabhiḥ |
imamuccārayenmaṃtraṃ gṛhītakusumāṃjaliḥ || 73 ||
[Analyze grammar]

yadanyajanmani kṛtamiha janmani vā punaḥ |
pāpaṃ praśamamāyātu tava pādaprasādataḥ || 74 ||
[Analyze grammar]

evaṃ saṃpūjya vidhivatpratimāṃ tāṃ ca kāṃcanīm |
kṛtvā pūjāṃ yathāśaktyā viprāṇāṃ vedavādinām || 75 ||
[Analyze grammar]

prītaye devadevasya kṛṣṇasyākliṣṭakarmaṇaḥ |
brāhmaṇāya pradātavyaṃ dharmo me prīyatāmiti || 76 ||
[Analyze grammar]

vācakāya pradātavyā yathāśaktyā ca dakṣiṇā |
dadyāddhiraṇyaṃ gāścaiva kṛṣṇo me prīyatāmiti || 77 ||
[Analyze grammar]

kṛtakṛtya sthito bhūtvā viraktaḥ saṃyato bhavet |
anyeṣāmapi dātavyaṃ svaśaktyā dānamuttamam || 78 ||
[Analyze grammar]

śāṃtacitto niraparādhaḥ paraṃ padamavāpnuyāt |
nīlotpaladalaśyāmaścaturdaṃṣṭraścaturbhujaḥ || 79 ||
[Analyze grammar]

aṣṭapādaikanayanaḥ śaṃkukarṇaḥ kharasvanaḥ |
jaḍī dvijihvastāmrākṣo mṛgarājatanucchadaḥ || 80 ||
[Analyze grammar]

ciṃtanīyo mahādevo yasya rūpaṃ na vidyate |
idaṃ bhīṣmeṇa kathitaṃ śaratalpagatena me || 81 ||
[Analyze grammar]

tadetatte mayākhyātaṃ duṣkaraṃ bhīṣmapaṃcakaṃ |
dhanyaṃ puṇyaṃ pāpaharaṃ yudhiṣṭhira mahāvratam |
yatkṛtvā brahmahā goghnaḥ sarvapāpaiḥ pramucyate || 82 ||
[Analyze grammar]

yadbhīṣmapaṃcakamiti prathitaṃ pṛthivyāmekādaśīprabhṛtipaṃcadaśī niruddham |
uktaṃ na bhojanaparasya tadā niṣedhastasminvrate śubhaphalaṃ pradadāti viṣṇuḥ || 83 ||
[Analyze grammar]

sūta uvāca |
etatsarvādhikaṃ puṇyaṃ durlabhaṃ bhuvane kṛtam |
idaṃ guhyaṃ mayākhyātaṃ śāstrasārasamuccayam || 84 ||
[Analyze grammar]

surāṇāṃ gopitaṃ sarvamatiguhyaṃ ca mokṣadam |
śrutvā caikapade devi agamyāgamane ratāḥ || 85 ||
[Analyze grammar]

kanyāvikrī svasāvikrī hyubhayaṃ tu vimocayet |
mokṣadaṃ ca idaṃ śāstraṃ prakāśaṃ netare jane || 86 ||
[Analyze grammar]

śrutvā caikapade yastu mokṣaṃ gacchati mānavaḥ |
gopanīyaṃ prayatnena ye cāpi tyāgino narāḥ || 87 ||
[Analyze grammar]

na teṣāṃ kathyate puṇyaṃ satyaṃ satyaṃ ca ṣaṇmukha |
ityetatsarvamākhyātaṃ kārtikasya tu yatphalam || 88 ||
[Analyze grammar]

śrīviṣṇuruvāca |
kathitaṃ devadevena putrāya hitakāmyayā |
pitustadvākyamākarṇya ṣaṇmukho harṣanirbharaḥ || 89 ||
[Analyze grammar]

ūcuḥ prāṃjalayaḥ sarve taṃ devaṃ jagadāyuṣam |
kṛtakṛtyā vayaṃ jātāḥ śrutvā kārtikajaṃ phalam || 90 ||
[Analyze grammar]

aparaṃ nāsti śrotavyaṃ prāptaṃ me janmanaḥ phalam |
māhātmyametadākarṇya pūjayedyastu pāṭhakam || 91 ||
[Analyze grammar]

gobhūhiraṇyavastraiśca viṣṇutulyo yato hi saḥ |
vācake pūjite yasmādviṣṇurbhavati pūjitaḥ || 92 ||
[Analyze grammar]

tathā taṃ pūjayennityaṃ yadīcchetsaphalaṃ śubham |
dharmaśāstraṃ purāṇaṃ ca vedavidyādikaṃ ca yat || 93 ||
[Analyze grammar]

pustakaṃ vācakāyaiva dātavyaṃ dharmamicchatā |
purāṇavidyā dātāro hyanaṃtaphalabhojinaḥ || 94 ||
[Analyze grammar]

yaḥ paṭheta idaṃ bhaktyā śrutvā caivāvadhārayet |
mucyate sarvapāpebhyo viṣṇulokaṃ sa gacchati || 95 ||
[Analyze grammar]

dhanaṃ dhānyaṃ yaśaḥ putrānāyurārogyameva ca |
māhātmyaśravaṇādeva labhyate ca na saṃśayaḥ || 96 ||
[Analyze grammar]

iti śrīpādme mahāpurāṇe paṃcapaṃcāśatsahastrasaṃhitāyāmuttarakhaṃḍe kārtikamāhātmye śrīkṛṣṇasatyabhāmāsaṃvāde caturviṃśatyadhikaśatatamodhyāyaḥ || 124 ||
[Analyze grammar]