Chapter 24

[English text for this chapter is available]

yudhiṣṭhira uvāca |
athānyāni tu tīrthāni vasiṣṭhoktāni me vada |
śrutvā yāni ca pāpāni vilayaṃ yāṃti nārada || 1 ||
[Analyze grammar]

nārada uvāca |
śṛṇuṣvātra hi tīrthāni vasiṣṭhoktāni pārthiva |
dakṣiṇaṃ siṃdhumāsādya brahmacārī jiteṃdriyaḥ || 2 ||
[Analyze grammar]

agniṣṭomamavāpnoti vimānaṃ cādhirohati |
carmaṇvatīṃ samāsādya niyato niyatāśanaḥ || 3 ||
[Analyze grammar]

raṃtidevābhyanujñāto agniṣṭomaphalaṃ labhet |
tato gaccheta dharmajña himavatsutamarbudam || 4 ||
[Analyze grammar]

pṛthivyā yatra vai chidraṃ pūrvamāsīdyudhiṣṭhira |
tatrāśramo vasiṣṭhasya triṣu lokeṣu viśrutaṃ || 5 ||
[Analyze grammar]

tatroṣya rajanīmekāṃ gosahasraphalaṃ labhet |
piṃgātīrthamupaspṛśya brahmacārī narādhipa || 6 ||
[Analyze grammar]

kapilānāṃ naravyāghra śatasya phalamāpnuyāt |
tato gaccheta dharmajña prabhāsaṃ lokaviśrutam || 7 ||
[Analyze grammar]

yatra sannihito nityaṃ svayameva hutāśanaḥ |
devatānāṃ mukhaṃ vīra analo'nilasārathiḥ || 8 ||
[Analyze grammar]

tasmiṃstīrthavare snātvā śuciḥ prayatamānasaḥ |
agniṣṭomātirātrābhyāṃ phalaṃ prāpnoti mānavaḥ || 9 ||
[Analyze grammar]

tato gatvā sarasvatyāḥ sāgarasya ca saṃgamam |
gosahasraphalaṃ prāpya svargaloke mahīyate || 10 ||
[Analyze grammar]

dīpyamāno'gnivannityaṃ prabhayā bharatarṣabha |
tīrthe salilarājasya snātvā prayatamānasaḥ || 11 ||
[Analyze grammar]

trirātramuṣitastatra tarpayetpitṛdevatāḥ |
virājati yathā somo vājimedhaṃ ca viṃdati || 12 ||
[Analyze grammar]

varadānaṃ tato gacchettīrthaṃ bharatasattama |
viṣṇordurvāsasā yatra varo datto yudhiṣṭhira || 13 ||
[Analyze grammar]

varadāne naraḥ snātvā gosahasraphalaṃ labhet |
tato dvāravatīṃ gacchenniyato niyatāśanaḥ || 14 ||
[Analyze grammar]

piṃḍārake naraḥ snātvā labhedbahusuvarṇakam || 15 ||
[Analyze grammar]

tasmiṃstīrthe mahārāja padmalakṣaṇalakṣitāḥ |
adyāpi mudrā dṛśyaṃte tadadbhutamariṃdama || 16 ||
[Analyze grammar]

triśūlāṃkāni padmāni dṛśyaṃte kurunaṃdana |
mahādevasya sānnidhyaṃ tatraiva bharatarṣabha || 17 ||
[Analyze grammar]

sāgarasya ca siṃdhośca saṃgamaṃ prāpya bhārata |
tīrthe salilarājasya snātvā prayatamānasaḥ || 18 ||
[Analyze grammar]

tarpayitvā pitṝndevānṛṣīṃśca bharatarṣabha |
prāpnoti vāruṇaṃ lokaṃ dīpyamānaḥ svatejasā || 19 ||
[Analyze grammar]

śaṃkukarṇeśvaraṃ devamarcayitvā yudhiṣṭhira |
aśvamedhaṃ daśaguṇaṃ pravadaṃti manīṣiṇaḥ || 20 ||
[Analyze grammar]

pradakṣiṇamupāvṛtya gaccheta bharatarṣabha |
tīrthaṃ kuruvaraśreṣṭha triṣu lokeṣu viśrutam || 21 ||
[Analyze grammar]

timīti nāmnā vikhyātaṃ sarvapāpapramocanam |
yatra śakrādayo devā upāsaṃte maheśvaram || 22 ||
[Analyze grammar]

tatra snātvārcayitvā ca rudraṃ devagaṇairvṛtam |
janmaprabhṛti pāpāni kṛtāni nudate naraḥ || 23 ||
[Analyze grammar]

timiratra naraśreṣṭha sarvadevairabhiṣṭutaḥ |
tatra snātvā naraśreṣṭha hayamedhamavāpnuyāt || 24 ||
[Analyze grammar]

jitvā tatra mahāprājña viṣṇunā ditinaṃdanam |
purā śaucaṃ kṛtaṃ rājanhatvā daivatakaṃṭakān || 25 ||
[Analyze grammar]

tato gaccheta dharmajña vasudhārāmabhiṣṭutām |
gamanādeva tasyāṃ hi hayamedhamavāpnuyāt || 26 ||
[Analyze grammar]

snātvā kuruvaraśreṣṭha prayatātmā tu mānavaḥ |
tarpayitvā pitṝndevānviṣṇuloke mahīyate || 27 ||
[Analyze grammar]

tīrthaṃ cāpi paraṃ tatra vasūnāṃ bharatarṣabha |
tatra snātvā ca pītvā ca vasūnāṃ saṃmato bhavet || 28 ||
[Analyze grammar]

siṃdhutamamiti khyātaṃ sarvapāpapraṇāśanam |
tatra snātvā naraśreṣṭha labhedbahusuvarṇakam || 29 ||
[Analyze grammar]

brahmatuṃgaṃ samāsādya śuciḥ prayatamānasaḥ |
brahmalokamavāpnoti sukṛtī virajā naraḥ || 30 ||
[Analyze grammar]

kumārikāṇāṃ śakrasya tīrthaṃ siddhaniṣevitam |
tatra snātvā naraśreṣṭha śakralokamavāpnuyāt || 31 ||
[Analyze grammar]

reṇukāyāśca tatraiva tīrthaṃ devaniṣevitam |
snātvā tatra bhavedvipro vimalaścaṃdramā iva || 32 ||
[Analyze grammar]

atha paṃcanadaṃ gatvā niyato niyatāśanaḥ |
paṃcayajñānavāpnoti kramaśo ye tu kīrtitāḥ || 33 ||
[Analyze grammar]

tato gaccheta dharmajña bhīmāyāḥ sthānamuttamam |
tatra snātvā na yonyāṃ vai naro bharatasattama || 34 ||
[Analyze grammar]

devyāḥ putro bhavedrājantatra kuṃḍalavigrahaḥ |
gavāṃ śatasahasrasya phalaṃ caivāpnuyānmahat || 35 ||
[Analyze grammar]

girikuṃjaṃ samāsādya triṣu lokeṣu viśrutam |
pitāmahaṃ namaskṛtya gosahasraphalaṃ labhet || 36 ||
[Analyze grammar]

tato gaccheta dharmajña vimalaṃ tīrthamuttamam |
adyāpi yatra dṛśyaṃte matsyāḥ sauvarṇarājatāḥ || 37 ||
[Analyze grammar]

tatra snātvā naraśreṣṭha vājapeyamavāpnuyāt |
sarvapāpaviśuddhātmā gacchetparamikāṃ gatim || 38 ||
[Analyze grammar]