Chapter 25

[English text for this chapter is available]

nāradauvāca |
vitastāṃ ca samāsādya saṃtarpya pitṛdevatāḥ |
naraḥ phalamavāpnoti vājapeyasya bhārata || 1 ||
[Analyze grammar]

kāśmīreṣveva nāgasya bhavanaṃ takṣaka syaca |
vitastākhyamiti khyātaṃ sarvapāpapramocanam || 2 ||
[Analyze grammar]

tatra snātvā naro nūnaṃ vājapeyamavāpnuyāt |
sarvapāpaviśuddhātmā gaccheta paramāṃ gatim || 3 ||
[Analyze grammar]

tato gaccheta maladaṃ triṣu lokeṣu viśrutam |
paścimāyāṃ tu saṃdhyāyāmupaspṛśya yathāvidhi || 4 ||
[Analyze grammar]

caruṃ saptārciṣe rājanyathāśakti nivedayet |
pitṝṇāmakṣayaṃ dānaṃ pravadaṃti manīṣiṇaḥ || 5 ||
[Analyze grammar]

gavāṃśatasahasreṇa rājasūyaśatena ca |
aśvamedhasahasreṇa śreyānsaptārciṣaścaruḥ || 6 ||
[Analyze grammar]

tato nivṛtto rājeṃdra rudrāspadamathāviśet |
abhigamya mahādevamaśvamedhaphalaṃ labhet || 7 ||
[Analyze grammar]

maṇimaṃtaṃ samāsādya brahmacārī samāhitaḥ |
ekarātroṣito rājannagniṣṭomaphalaṃ labhet || 8 ||
[Analyze grammar]

atha gaccheta rājeṃdra devikāṃ lokaviśrutām |
prasūtiryatra viprāṇāṃ śrūyate bharatarṣabha || 9 ||
[Analyze grammar]

triśūlapāṇeḥ sthānaṃ yattriṣulokeṣu viśrutam |
devikāyāṃ naraḥ snātvā abhyarcya ca maheśvaram || 10 ||
[Analyze grammar]

yathāśakti narastatra nivedya bharatarṣabha |
sarvakāmasamṛddhasya yajñasya labhate phalam || 11 ||
[Analyze grammar]

kāmākhyaṃ tatra rudrasya tīrthaṃ devarṣisaṃmatam |
tatra snātvā naraḥ kṣipraṃ siddhimāpnoti bhārata || 12 ||
[Analyze grammar]

yajanaṃ yājanaṃ gatvā tathaiva brahmavālakam |
puṣpanyāsa upaspṛśya na śocenmaraṇaṃ tataḥ || 13 ||
[Analyze grammar]

arddhayojanavistārāṃ paṃcayojanamāyatām |
etāvaddevikāmāhuḥ puṇyāṃ devarṣisaṃmatām || 14 ||
[Analyze grammar]

tato gaccheta dharmajña dīrghasatraṃ yathākramam |
yatra brahmādayo devāḥ siddhāśca paramarṣayaḥ || 15 ||
[Analyze grammar]

dīrghasatramupāsaṃte dīkṣitā niyatavratāḥ |
gamanādeva rājeṃdra dīrghasatramariṃdama || 16 ||
[Analyze grammar]

rājasūyāśvamedhābhyāṃ phalaṃ prāpnoti mānavaḥ |
tato vināśanaṃ gacchenniyato niyatāśanaḥ || 17 ||
[Analyze grammar]

gacchaṃtyaṃtarhitā yatra merupṛṣṭhe sarasvatī |
camase ca śivodbhede nāgodbhede ca dṛśyate || 18 ||
[Analyze grammar]

snātvā tu camasodbhede agniṣṭomaphalaṃ labhet |
śivodbhede naraḥ snātvā gosahasraphalaṃ labhet || 19 ||
[Analyze grammar]

nāgodbhede naraḥ snātvā nāgalokamavāpnuyāt |
śaśayānaṃ ca rājeṃdra tīrthamāsādya durlabham || 20 ||
[Analyze grammar]

śaśarūpapraticchannā puṣkarā yatra bhārata |
sarasvatyāṃ mahābhāga anusaṃvatsaraṃhite || 21 ||
[Analyze grammar]

snāyaṃte bharataśreṣṭha vṛttā vai kārttikīṃ sadā |
tatra snātvā naravyāghra dyotate śivavatsadā || 22 ||
[Analyze grammar]

gosahasraphalaṃ caiva prāpnuyādbharatarṣabha |
kumārakoṭimāsādya niyataḥ kurunaṃdana || 23 ||
[Analyze grammar]

tatrābhiṣekaṃ kurvīta pitṛdevārcane rataḥ |
gavāmayutamāpnoti kulaṃ caiva samuddharet || 24 ||
[Analyze grammar]

tato gaccheta dharmajña rudrakoṭiṃ samāhitāḥ |
purā yatra mahārāja ṛṣikoṭiḥ samāhitā || 25 ||
[Analyze grammar]

varṣeṇa ca samāviṣṭā devadarśanakāṃkṣayā |
ahaṃpūrvamahaṃpūrvaṃ drakṣyāmi vṛṣabhadhvajam || 26 ||
[Analyze grammar]

evaṃ saṃprasthitā rājanṛṣayaḥ kilabhārata |
tato yogīśvareṇāpi yogamāsthāya bhūpate || 27 ||
[Analyze grammar]

teṣāṃ manyupraśāṃtyarthamṛṣīṇāṃ bhāvitātmanām |
sṛṣṭā tu koṭirudrāṇāmṛṣīṇāmagrataḥ sthitā || 28 ||
[Analyze grammar]

mayā pūrvaṃ haro dṛṣṭo iti te menire pṛthak |
teṣāṃ tuṣṭo mahādeva ṛṣīṇāmugratejasām || 29 ||
[Analyze grammar]

bhaktyā paramayā rājanvaraṃ teṣāṃ pradattavān |
adyaprabhṛti yuṣmākaṃ dharmavṛddhirbhaviṣyati || 30 ||
[Analyze grammar]

tatra snātvā naravyāghra rudrakoṭyāṃ naraḥ śuciḥ |
aśvamedhamavāpnoti kulaṃ caiva samuddharet || 31 ||
[Analyze grammar]

tato gaccheta rājeṃdra saṃgamaṃ lokaviśrutam |
sarasvatyāṃ mahāpuṇyamupāsīta janārdanam || 32 ||
[Analyze grammar]

yatra brahmādayo devā ṛṣayaḥ siddhacāraṇāḥ |
abhigacchaṃti rājeṃdra caitraśuklacaturdaśīm || 33 ||
[Analyze grammar]

tatra snātvā naravyāghra viṃdedbahusuvarṇakam |
sarvapāpaviśuddhātmā śivalokaṃ ca gacchati || 34 ||
[Analyze grammar]

ṛṣīṇāṃ yatra satrāṇi samāptāni narādhipa |
tatrāvasānamāsādya gosahasraphalaṃ labhet || 35 ||
[Analyze grammar]

iti śrīpādme mahāpurāṇe svargakhaṃḍe paṃcaviṃśo'dhyāyaḥ || 25 ||
[Analyze grammar]