Chapter 59

[English text for this chapter is available]

viṣṇuruvāca |
kṛkalaḥ sarvatīrthāni sādhayitvā gṛhaṃ prati |
prasthitaḥ sārthavāhena mahānaṃdasamanvitaḥ || 1 ||
[Analyze grammar]

evaṃ ciṃtayate nityaṃ saṃsāraḥ saphalo mama |
tṛptāḥ svargaṃ prayāsyaṃti pitaro mama nānyathā || 2 ||
[Analyze grammar]

tāvatpratyakṣarūpeṇa baddhvā tasya pitāmahān |
puratastasya saṃbrūte nahi te puṇyamuttamam || 3 ||
[Analyze grammar]

divyarūpo mahākāyaḥ kṛkalaṃ vākyamabravīt |
tava tīrthaphalaṃ nāsti śramameva vṛthā kṛthāḥ || 4 ||
[Analyze grammar]

svayaṃ saṃtoṣamāpnoṣi nahi te puṇyamuttamam |
evaṃ śrutvā tato vaiśyaḥ kṛkalo duḥkhapīḍitaḥ || 5 ||
[Analyze grammar]

bhavānkaḥ saṃvadasyevaṃ kasmādbaddhāḥ pitāmahāḥ |
kena doṣaprabhāveṇa tanmetvaṃ kāraṇaṃ vada || 6 ||
[Analyze grammar]

kasmāttīrthaphalaṃ nāsti mama yātrā kathaṃ nahi |
sarvameva samācakṣva yadi jānāsi saṃsphuṭam || 7 ||
[Analyze grammar]

dharma uvāca |
pūtāṃ puṇyatamāṃ svīyāṃ bhāryāṃ tyaktvā prayāti yaḥ |
tasya puṇyaphalaṃ sarvaṃ vṛthā bhavati nānyathā || 8 ||
[Analyze grammar]

dharmācāraparāṃ puṇyāṃ sādhuvrataparāyaṇām |
pativrataratāṃ bhāryāṃ suguṇāṃ puṇyavatsalām || 9 ||
[Analyze grammar]

tāmevāpi parityajya dharmakāryaṃ prayāti yaḥ |
vṛthā tasya kṛtaḥ sarvo dharmo bhavati nānyathā || 10 ||
[Analyze grammar]

sarvācāraparā bhavyā dharmasādhanatatparā |
pativrataratā nityaṃ sarvadā jñānavatsalā || 11 ||
[Analyze grammar]

evaṃ guṇā bhavedbhāryā yasya puṇyā mahāsatī |
tasya gehe sadā devāstiṣṭhaṃti ca mahaujasaḥ || 12 ||
[Analyze grammar]

pitaro gehamadhyasthāḥ śreyo vāṃchaṃti tasya ca |
gaṃgādyāḥ puṇyanadyaśca sāgarāstatra nānyathā || 13 ||
[Analyze grammar]

puṇyā satī yasya gehe vartate satyatatparā |
tatra yajñāśca gāvaśca ṛṣayastatra nānyathā || 14 ||
[Analyze grammar]

tatra sarvāṇi tīrthāni puṇyāni vividhāni ca |
bhāryāyogena tiṣṭhaṃti sarvāṇyetāni nānyathā || 15 ||
[Analyze grammar]

puṇyabhāryāprayogeṇa gārhasthyaṃ saṃprajāyate |
gārhasthyātparamo dharmo dvitīyo nāsti bhūtale || 16 ||
[Analyze grammar]

gṛhasthasya gṛhaḥ puṇyaḥ satyapuṇyasamanvitaḥ |
sarvatīrthamayo vaiśya sarvadevasamanvitaḥ || 17 ||
[Analyze grammar]

gārhasthyaṃ ca samāśritya sarve jīvaṃti jaṃtavaḥ |
tādṛśaṃ naiva paśyāmi anyamāśramamuttamam || 18 ||
[Analyze grammar]

maṃtrāgnihotraṃ devāśca sarve dharmāḥ sanātanāḥ |
dānācārāḥ pravartaṃte yasya puṃsaśca vai gṛhe || 19 ||
[Analyze grammar]

evaṃ yo bhāryayā hīnastasyagehaṃ vanāyate |
yajñāśca vai na sidhyaṃti dānāni vividhāni ca || 20 ||
[Analyze grammar]

bhāryāhīnasya puṃsopi na sidhyati mahāvratam |
dharmakarmāṇi sarvāṇi puṇyāni vividhāni ca || 21 ||
[Analyze grammar]

nāsti bhāryāsamaṃ tīrthaṃ dharmasādhanahetave |
śṛṇuṣva tvaṃ gṛhasthasya nānyo dharmo jagattraye || 22 ||
[Analyze grammar]

yatra bhāryā gṛhaṃ tatra puruṣasyāpi nānyathā |
grāme vāpyathavāraṇye sarvadharmasya sādhanam || 23 ||
[Analyze grammar]

nāsti bhāryāsamaṃ tīrthaṃ nāsti bhāryāsamaṃ sukham |
nāsti bhāryāsamaṃ puṇyaṃ tāraṇāya hitāya ca || 24 ||
[Analyze grammar]

dharmayuktāṃ satīṃ bhāryāṃ tyaktvā yāsi narādhama |
gṛhaṃ dharmaṃ parityajya kvāste dharmasya te phalam || 25 ||
[Analyze grammar]

tayā vinā yadā tīrthe śrāddhadānaṃ kṛtaṃ tvayā |
tena doṣeṇa vai baddhāstava pūrvapitāmahāḥ || 26 ||
[Analyze grammar]

bhavāṃścauro hyamī caurā yaistu bhuktaṃ sulolupaiḥ |
tvayā dattasya śrāddhasya annamevaṃ tayā vinā || 27 ||
[Analyze grammar]

suputraḥ śraddhayā yuktaḥ śrāddhadānaṃ dadāti yaḥ |
bhāryā dattena piṃḍena tasya puṇyaṃ vadāmyaham || 28 ||
[Analyze grammar]

yathā'mṛtasya pānena nṛṇāṃ tṛptirhi jāyate |
tathā pitṝṇāṃ śrāddhena satyaṃsatyaṃ vadāmyaham || 29 ||
[Analyze grammar]

gārhasthyasya ca dharmasya bhāryā bhavati svāminī |
tvayaiṣā vaṃcitā mūḍha caurakarmakṛtaṃ vṛthā || 30 ||
[Analyze grammar]

amī pitāmahāścaurā yairbhuktaṃ tu tayā vinā |
bhāryā pacati cedannaṃ svahastenāmṛtopamam || 31 ||
[Analyze grammar]

tadannamevabhuṃjaṃti pitaro hṛṣṭamānasāḥ |
tenaiva tṛptimāyāṃti saṃtuṣṭāśca bhavaṃti te || 32 ||
[Analyze grammar]

tasmādbhāryāṃ vinā dharmaḥ puruṣasya na sidhyati |
nāsti bhāryāsamaṃ tīrthaṃ puṃsāṃ sugatidāyakam || 33 ||
[Analyze grammar]

bhāryāṃ vinā ca yo dharmaḥ sa eva viphalo bhavet || 34 ||
[Analyze grammar]

iti śrīpadmapurāṇe bhūmikhaṃḍe venopākhyāne sukalācaritre ekonaṣaṣṭitamo'dhyāyaḥ || 59 ||
[Analyze grammar]