Chapter 82

[English text for this chapter is available]

bhīṣma uvāca |
śrutaṃ sūryasya caṃdrasya bhaumasyāpi prapūjanaṃ |
budhasya somasūnośca pūjanaṃ kathayādhunā || 1 ||
[Analyze grammar]

pulastya uvāca |
tārāgarbhasamudbhūto budhaścaṃdrakumārakaḥ |
saumyaḥ krūro graho jñeyaḥ śubhāśubhaprado nṛṇāṃ || 2 ||
[Analyze grammar]

śarākāraṃ maṃḍalaṃ tu budhasya parikīrtitaṃ |
harinmaṇisamairvarṇaiścūrṇaiḥ kuryāttu maṃḍalaṃ || 3 ||
[Analyze grammar]

pūjayettatra gaṃdhādyaiḥ puṣpairdhūpaissuśobhanaiḥ |
dānaṃ ca vidhivatkuryāddaśāriṣṭe ca gocare || 4 ||
[Analyze grammar]

karpūrāścaiva mudgāśca haridvastraṃ harinmaṇiḥ |
suvarṇaṃ ca yathāśakti dadyādbodhanatuṣṭaye || 5 ||
[Analyze grammar]

somaputra mahāprājña vedavedāṃgapāraga |
namaste grahamadhyastha prasanno bhava me sadā || 6 ||
[Analyze grammar]

iti stutvā mahārāja budhaṃ bhaktyā samāhitaḥ |
prāpnuyānnikhilānkāmānsomasūnuprasādataḥ || 7 ||
[Analyze grammar]

gurośca pūjanaṃ proktaṃ paṭṭasākāramaṃḍale |
pītavarṇaiḥ suniṣpannaiścūrṇairājansuśobhanaiḥ || 8 ||
[Analyze grammar]

pītairgaṃdhayutaiḥ puṣpairvastrairhemnā ca pūjayet |
daśāgocarayordauṣṭye dānaṃ dadyācca śaktitaḥ || 9 ||
[Analyze grammar]

caṇakadvidalaṃ caiva pītavastraṃ suvarṇakaṃ |
puṣyarāgaṃ tu viprāya dadyāccāriṣṭaśāṃtaye || 10 ||
[Analyze grammar]

bṛhaspate surācārya sarvaśāstraviśārada |
dānenānena saṃtuṣṭo bhava saumyo mamādhunā || 11 ||
[Analyze grammar]

evaṃ kṛte tu rājeṃdra svānukūlo bhavedguruḥ |
sarvānkāmānavāpnoti naro gurusamarcanāt || 12 ||
[Analyze grammar]

bhārgavasyāpi vakṣyāmi pūjanaṃ nṛpatedhunā |
yatkṛtvā sarvakāmāptiḥ samyakpuṃsāṃ prajāyate || 13 ||
[Analyze grammar]

paṃcakoṇaṃ samuddiṣṭaṃ maṃḍalaṃ bhārgavasya tu |
cūrṇakaiḥ śvetavarṇaiśca vidhinā sudhiyā kṛtaṃ || 14 ||
[Analyze grammar]

śvetagaṃdhaiśca puṣpaiśca vastraiścāpi sitaistathā |
pūjayedbhārgavaṃ bhaktyā naraḥ śraddhāsamanvitaḥ || 15 ||
[Analyze grammar]

raupyaṃ ca dakṣiṇādānaṃ yathāśakti prakīrtitaṃ |
daśādyariṣṭe cotpanne sitamaśvaṃ pradāpayet || 16 ||
[Analyze grammar]

taṃḍulāḥ śvetavastraṃ ca raupyaṃ caṃdanameva ca |
karpūraṃ ca sugaṃdhāḍhyaṃ deyaṃ dānaṃ dvijātaye || 17 ||
[Analyze grammar]

bhṛguputra mahābhāga dānavānāṃ purohita |
dānenānena saṃtuṣṭo bhava sarvāsurārcita || 18 ||
[Analyze grammar]

iti maṃtraṃ samuccārya dadyāddānaṃ yathoditaṃ |
tasya tuṣṭo bhavatyāśu bhārgavaḥ kurunaṃdana || 19 ||
[Analyze grammar]

śanaiścarasya pūjārthaṃ maṃḍalaṃ ca narākṛti |
kṛtvā cūrṇaiḥ kṛṣṇavarṇaiḥ pūjayettatra bhaktitaḥ || 20 ||
[Analyze grammar]

kṛṣṇairgandhaiśca puṣpaiśca vastraiścāpi tathāvidhaiḥ |
lohaṃ ca dakṣiṇādānaṃ piṇyākaṃ ca tilasya ca || 21 ||
[Analyze grammar]

dānaṃ śanaiścarāriṣṭe kṛṣṇāṃ gāṃ kṛṣṇavastrakaṃ |
suvarṇaṃ ca yathāśakti dadyānnīlamaṇiṃ tathā || 22 ||
[Analyze grammar]

sūryasūno mahābhāga chāyāputra mahābala |
adhodṛṣṭe bhava śane prasanno'smātpradānataḥ || 23 ||
[Analyze grammar]

evaṃ stutvā śaniṃ bhaktyā yaśca dadyāddvijātaye |
svānukūlo bhavettasya śaniḥ pāpe ca gocare || 24 ||
[Analyze grammar]

rāhorvarṇādikaṃ sarvaṃ śanivanmaṃḍalaṃ tathā |
sūryākāraṃ samuddiṣṭaṃ tatra pūjārkasūnuvat || 25 ||
[Analyze grammar]

gomedaṃ sarṣapāścaiva tilā māṣāśca kṛṣṇakāḥ |
mahiṣī ca tathā cchāgo dānaṃ rāhoḥ prakīrtitam || 26 ||
[Analyze grammar]

siṃhikāsuta daityeṃdra rāho caṃdrārkamardana |
bhava tuṣṭo mahābhāga dānenānena suvrata || 27 ||
[Analyze grammar]

ketormaṃḍalakaṃ kuryāddhvajākṛtisuśobhanam |
śanivatsakalaṃ jñeyaṃ pūjāvarṇādikaṃ nṛpa || 28 ||
[Analyze grammar]

saptadhānyaṃ samuddiṣṭaṃ sasvarṇaṃ ketudānakam |
evaṃ kṛte svānukūlau bhavetāṃ ca nṛṇāṃ nṛpa || 29 ||
[Analyze grammar]

pradadyātāṃ dhanaṃ putrānsukhaṃ saubhāgyameva ca |
ākṛṣṇeti ravermaṃtra imaṃ devāstathā vidhoḥ || 30 ||
[Analyze grammar]

agnirmūrdheti bhaumasya maṃtro japyerhaṇe tathā |
udbudhyasvetīṃdusūnorbṛhaspate gurostathā || 31 ||
[Analyze grammar]

annātparīti śukrasya śannodevīrayaṃ śaneḥ |
kayā na iti rāhośca ketoḥ ketumiti smṛtaḥ || 32 ||
[Analyze grammar]

ete maṃtrāssamuddiṣṭā grahaṇāṃ pūjane jape |
evaṃ kṛte nṛpaśreṣṭhānukūlā akhilā grahāḥ || 33 ||
[Analyze grammar]

bhavaṃti puṃsāṃ satataṃ yacchaṃti ca susaṃpadaḥ |
etanmahārāja mayā samastaṃ tubhyaṃ samuddiṣṭamihakrameṇa || 34 ||
[Analyze grammar]

śrutvā naraḥ sarvaśrutārthasārametīśvarasyaiva ca sannidhānam |
idaṃ pavitraṃ yaśaso nidhānamidaṃ pitṝṇāmativallabhaṃ syāt || 35 ||
[Analyze grammar]

idaṃ ca deveṣvamṛtāya kalpate puṇyāvahaṃ pātakināṃ ca puṃsām |
iti paṭhati yaśasyaṃ yaḥ śṛṇotīha bhaktyā madhumuranakārerarcanaṃ vātha paśyet || 36 ||
[Analyze grammar]

matimapi ca janānāṃ yo dadātīṃdraloke vidhiśivavibudhendraiḥ pūjyate kalpamekam |
ya idaṃ śṛṇuyānnityamṛṣīṇāṃ caritaṃ śubham || 37 ||
[Analyze grammar]

vimuktassarvapāpebhyaḥ svargaloke mahīyate |
tapaḥ kṛte praśaṃsaṃti tretāyāṃ jñānameva ca || 38 ||
[Analyze grammar]

dvāpare yajñamityāhurdānamekaṃ kalau yuge |
sarveṣāmeva dānānāmidamevaikamuttamam || 39 ||
[Analyze grammar]

abhayaṃ sarvabhūtānāṃ nāsti dānamataḥ param |
dānaṃ pradhānaṃ śūdrasya tvityāha bhagavānprabhuḥ || 40 ||
[Analyze grammar]

dānena sarvakāmāptistasya saṃjāyate tapaḥ |
puṇyaṃ pavitramāyuṣyaṃ sarvapāpavināśanam || 41 ||
[Analyze grammar]

purāṇametatkathitaṃ tīrthaśrāddhānuvarṇanam |
śṛṇoti yaḥ paṭhedvāpi śrīmānsaṃjāyate naraḥ || 42 ||
[Analyze grammar]

sarvapāpavinirmuktaḥ salakṣmīkaṃ hariṃ labhet |
idaṃ mahārāja agādi tubhyaṃ puṇyaṃ mahāpātakanāśanaṃ ca || 43 ||
[Analyze grammar]

brahmārkarudraiśca supūjitaṃ ca śrotavyametatpravadaṃti tajjñāḥ |
sṛṣṭikhaṃḍamidaṃ rājanmayā tubhyaṃ prakīrtitam || 44 ||
[Analyze grammar]

purāṇasyādibhūtaṃ ca navadhā sṛṣṭi pauṣkaram |
dvijebhyaḥ śrāvayedvidvānyaśca vai śṛṇuyātpaṭhet |
kalpakoṭiśataṃ sāgraṃ brahmaloke sa modate || 45 ||
[Analyze grammar]

iti śrīpādmapurāṇe sṛṣṭikhaṃḍe purāṇāvatāre grahārcanavarṇanaṃnāma dvyaśītitamo'dhyāyaḥ || 82 ||
[Analyze grammar]