Chapter 81

[English text for this chapter is available]

vaiśaṃpāyana uvāca |
udbhavaṃ lohitāṃgasya saṃtoṣaṃ tu janeṣu ca |
prabhāvaṃ vaibhavaṃ tejaḥ śrotumicchāmi tattvataḥ || 1 ||
[Analyze grammar]

vyāsa uvāca |
harāṃśasaṃbhavo devaḥ kujātaḥ pṛthivīsutaḥ |
sattvasthassatvasaṃpūrṇaśśūraḥ śaktidharo bhuvi || 2 ||
[Analyze grammar]

tīkṣṇaḥ krūragraho devo lohitāṃgaḥ pratāpavān |
kumāro rūpasaṃpanno vidyutpātamayaḥ prabhuḥ || 3 ||
[Analyze grammar]

anena bharjitā daityāḥ kravyādāya suradviṣaḥ |
daśāyogācca manujā udbhijjāḥ paśupakṣiṇaḥ || 4 ||
[Analyze grammar]

vaiśaṃpāyana uvāca |
śaṃbhoreṣa kathaṃ jātaḥ kathaṃ jāto mahīsutaḥ |
graho devaḥ kathaṃ krūra etadicchāmi veditum || 5 ||
[Analyze grammar]

kathamasya bhavettuṣṭiḥ sarvalokeṣu sarvadā |
guro mayyāptabhāve tu vada nissaṃśayaṃ mukhāt || 6 ||
[Analyze grammar]

vyāsa uvāca |
hiraṇyākṣakule dhīmānasurāṇāṃ ca pārthivaḥ |
aṃdhaketi samākhyāto daityaḥ sarvasurāṃtakṛt || 7 ||
[Analyze grammar]

jāto viṣṇuvarādeva jāto viṣṇuparākramaḥ |
tenaiva nirjitā devāssendrāḥ kratubhujaḥ kramāt || 8 ||
[Analyze grammar]

tato devā vidhiṃ gatvā vacanaṃ cedamabruvan |
andhakenaiva cāsmākaṃ hṛtaṃ rājyaṃ sukhaṃ makhaḥ || 9 ||
[Analyze grammar]

tasmāttasya vadhopāya ucyatāṃ tadvidhīyatām |
atha dhātā'bravīdvākyaṃ devānasya ca naidhanam || 10 ||
[Analyze grammar]

nāsti viṣṇuvarādeva pīyūṣasya ca bhakṣaṇāt |
kiṃtu tasyāsuratvasya yathā paribhavo dhruvam || 11 ||
[Analyze grammar]

kurve lokahitārthāya śraddhāṃ kāmasamanvitām |
vicikitsā tu tatraiva sarvāstrīratigacchati || 12 ||
[Analyze grammar]

tyaktvaikāṃ pārvatīṃ durgāṃ na tasya mānasaṃ sthiram |
tataḥ kruddho jagatsvāmī taṃ ca vairūpyatāṃ nayet || 13 ||
[Analyze grammar]

tato'suratvaṃ saṃtyajya gaṇastasya bhaviṣyati |
evamuktvā prajādhyakṣaḥ śraddhāṃ kāmasamanvitām || 14 ||
[Analyze grammar]

vicikitsāṃ svamāyāṃ ca preṣayāmāsa taṃ prati |
tato viceṣṭitaḥ kāmādyoṣānveṣaṇatatparaḥ || 15 ||
[Analyze grammar]

svadārānparayoṣāṃ ca nāpaśyadvicikitsayā |
tato māyāprayuktosau trailokyaṃ vicacāra ha || 16 ||
[Analyze grammar]

dṛṣṭaṃ ca himavatpṛṣṭhe strīratnaṃ cātiśobhanaṃ |
dṛṣṭvā ca pārvatīṃ daityaḥ kāmasya vaśago'bhavat || 17 ||
[Analyze grammar]

jñānalopāttato durgāṃ grahītuṃ tāṃ sa cecchati |
umā ca koṭavīrūpaṃ kṛtvā dehasya cātmanaḥ || 18 ||
[Analyze grammar]

īśvarasyāṃtikasthā ca grahītuṃ tāṃ sasāra saḥ |
tataḥ kāmavicetāśca unmattīkṛtacetanaḥ || 19 ||
[Analyze grammar]

na jahāti śivāṃ dhātrīṃ pārvatīṃ daityapuṃgavaḥ |
tato dhyānātsamāgamya militaḥ pārvatīṃ dhavaḥ || 20 ||
[Analyze grammar]

dṛṣṭvā taṃ ca sa daityendraḥ pragatastu svamālayam |
sajjīkṛtya svayodhāṃśca śaṃbhuṃ jetuṃ samutsukaḥ || 21 ||
[Analyze grammar]

gaurīmeva samānetuṃ kāmamohādacetanaḥ |
etacchrutvā tu tridaśā gatvā taṃ naṃdineritāḥ || 22 ||
[Analyze grammar]

akurvaṃśca mahadyuddhaṃ ghoraṃ lokabhayaṃkaram |
daityānraṇe mṛtāṃstatra daityācāryo hyajīvayat || 23 ||
[Analyze grammar]

etadvṛttaṃ tu kailāse sarve caiva nyavedayan |
krodhācchaṃbhustadā vākyaṃ naṃdinaṃ nijagāda ha || 24 ||
[Analyze grammar]

gaccha daityālayaṃ vīra drutameva mamājñayā |
paśyatāṃ sarvadaityānāṃ daityeṃdrasya ca saṃsadi || 25 ||
[Analyze grammar]

gṛhītvā cikure'tyarthaṃ bhārgavaṃ taṃ durātmakam |
labdhvā cāsmatsakāśaṃ vai vihvalaṃ cānaya kṣaṇāt || 26 ||
[Analyze grammar]

tato naṃdīśvaraḥ śrīmānpārvatīpatineritaḥ |
kāvyaṃ taṃ kuṃtale dhṛtvā daityānāṃ purato balāt || 27 ||
[Analyze grammar]

ānayaṃtaṃ ca taṃ daityā jaghnuḥ praharaṇaiḥ śaraiḥ |
na śekuste rujāṃ kartuṃ naṃdino balaśālinaḥ || 28 ||
[Analyze grammar]

devānāmagrato naṃdī gṛhītvā taṃ ca kuṃtale |
harasya purato hṛṣṭaḥ saha tena samāyayau || 29 ||
[Analyze grammar]

gṛhītvā bhārgavaṃ śaṃbhurasurāṇāṃ guruṃ ruṣā |
agiladraudramūrto'sau kālāṃtakasamaḥ prabhuḥ || 30 ||
[Analyze grammar]

tato daityapatiḥ kruddhaḥ sarvasainyavṛto balī |
dudrāva śaṃkaraṃ tatra ghoraiḥ praharaṇādibhiḥ || 31 ||
[Analyze grammar]

tridaśāśca tathā kruddhāstato vidyādharādayaḥ |
prayayuḥ samaraṃ tatra daityānāṃ ca bhṛśaṃ ruṣā || 32 ||
[Analyze grammar]

etasminnaṃtare ghoraṃ yuddhaṃ bhīṣmaṃ samutthitam |
devadānavayorevaṃ sarvalokabhayaṃkaram || 33 ||
[Analyze grammar]

tataḥ pratyayitāstraiśca devā nighnaṃti dānavān |
danujā nirjarāṃstatra vinighnaṃti mahāhave || 34 ||
[Analyze grammar]

śātakuṃbhamayāṅgaiste śarairvajrasamānakaiḥ |
bibhidū ratnapuṃkhaiśca parasparajayaiṣiṇaḥ || 35 ||
[Analyze grammar]

dīpayaṃti bhṛśaṃ kāṃtaistadgātrāṇi nabhāṃsi ca |
vīryavaṃto mahādaityā na moghairastrasaṃcayaiḥ || 36 ||
[Analyze grammar]

hatvā ca pātayāmāsuḥ kāśyapāḥ surasattamāḥ |
jagadvyāptaṃ mahāsainyaṃ balāyudhasusaṃvṛtam || 37 ||
[Analyze grammar]

nītaṃ kṣayaṃ suraiḥ sarvaiḥ śastraiḥ pratyayitaiḥ kṣaṇāt |
svayaṃ ca yudhyamānena mahādevena yatnataḥ || 38 ||
[Analyze grammar]

śūloddhṛtopi suciramavinaṣṭo'tha namradhīḥ |
andhako gaṇatāṃ nītvā kṛto bhṛṃgīriṭirdvija || 39 ||
[Analyze grammar]

tato devānsamābhāṣya śukramudgīrṇavānśivaḥ |
bhūmau nipatito garbhastato bhauma iti smṛtaḥ || 40 ||
[Analyze grammar]

śukraśśivaṃ samābhāṣya gato daityānmudānvitaḥ |
evaṃ bhaumassamutpanno harāṃśo bhūsamudbhavaḥ || 41 ||
[Analyze grammar]

tasya pūjā caturthyāṃ tu bhaumavāre ca suvrataiḥ |
daśādyariṣṭe ca tathā gocare'niṣṭarāśige || 42 ||
[Analyze grammar]

trikoṇe maṃḍale caiva raktapuṣpānulepanaiḥ |
evaṃ vai pūjito bhaumaḥ prayacchati matiṃ dhanam || 43 ||
[Analyze grammar]

putrānsukhaṃyaśaścaivakiṃbhūyaḥśrotumicchasi |
vyāsa uvāca |
etadvaḥ kathitaṃ śiṣyā dharmākhyānaṃ śubhāvaham || 44 ||
[Analyze grammar]

yacchrutvā na punarbhūyo jāyate mriyatepi vā |
dvijātīnāṃ puṇyadaṃ ca saṃsevyaṃ ca śubhepsubhiḥ || 45 ||
[Analyze grammar]

yathāsukhaṃ ca gacchadhvaṃ kṛtakṛtyā mamājñayā |
brahmovāca |
evaṃ viśrāvya bhagavānvyāsaḥ satyavatīsutaḥ || 46 ||
[Analyze grammar]

nirṇīya dharmaṃ vividhaṃ śamyāprāsamagātsuta |
tvamapi śraddhayā vatsa jñātvā tattvaṃ yathāsukham || 47 ||
[Analyze grammar]

viharasva yathākālaṃ gāyamāno hariṃ mudā |
lokāndharmaṃ copadiśanprīṇayanjagatāṃ gurum || 48 ||
[Analyze grammar]

pulastya uvāca |
ityuktaḥ prayayau bhūpa nārado gaṃdhamādanam |
nārāyaṇaṃ munivaraṃ draṣṭuṃ badarikāśrame || 49 ||
[Analyze grammar]

iti śrīpādmapurāṇe prathame sṛṣṭikhaṃḍe bhaumotpattipūjanaṃ nāmaikāśītitamo'dhyāyaḥ || 81 ||
[Analyze grammar]