Chapter 53

[English text for this chapter is available]

dvija uvāca |
tulādhārasya caritaṃ prabhāvamatulaṃ prabho |
vaktumarhasyaśeṣeṇa yadi mayyastyanugrahaḥ || 1 ||
[Analyze grammar]

śrībhagavānuvāca |
satyabhāvādalobhācca dadyādyo vai tvamatsarāt |
nityaṃ yajñaśataṃ tasya suniṣpannaṃ sudakṣiṇam || 2 ||
[Analyze grammar]

satyenodayate sūro vāti vātastathaiva ca |
na laṃghayetsamudrastu velāṃ kūrmo dharāṃ tathā || 3 ||
[Analyze grammar]

satyena lokāstiṣṭhaṃti sarve ca vasudhādharāḥ |
satyādbhraṣṭotha yaḥ satvopyadhovāsī bhaveddhruvam || 4 ||
[Analyze grammar]

satyavāciratothastu satyakāryarataḥ sadā |
saśarīreṇa svarlokamāgatyācyutatāṃ vrajet || 5 ||
[Analyze grammar]

satyena munayaḥ sarve māṃ ca gatvā sthiraṃ gatāḥ |
satyādyudhiṣṭhiro rājā saśarīro divaṃ gataḥ || 6 ||
[Analyze grammar]

sarvaśatrugaṇaṃ jitvā loko dharmeṇa pālitaḥ |
akarocca makhaṃ śuddhaṃ rājasūyaṃ sudurlabham || 7 ||
[Analyze grammar]

caturaśītisahasrāṇi brāhmaṇānāṃ ca nityaśaḥ |
bhojayedrukmapātreṣu rājopakaraṇeṣu ca || 8 ||
[Analyze grammar]

bhojayitvopakaraṇāṃstebhyo datvā visarjayet |
yadabhīṣṭaṃ dvijātīnāmatonyaddāpayeddhanam || 9 ||
[Analyze grammar]

adaridraṃ tato jñātvā dvijavyūhaṃ parityajet |
tathaiva snātakānāṃ tu sahasrāṇi tu ṣoḍaśa |
nityaṃ saṃbhojayedrājā satyenaiva vimatsaraḥ || 10 ||
[Analyze grammar]

atiṣṭhaṃta gṛhe pūrvaṃ ciraṃ tasya jigīṣayā |
jitaṃ tena jagatsarvaṃ prāṇānugrahakāraṇāt || 11 ||
[Analyze grammar]

satyena cāsuro rājā baliriṃdro bhaviṣyati |
pātālasthasya tasyaiva bhūyastiṣṭhāmi veśmani || 12 ||
[Analyze grammar]

niraṃtaraṃ ca tiṣṭhāmi svāṃte puṇyaikakarmaṇaḥ |
yadvā purā mayā baddho daityayonervimokṣaṇāt || 13 ||
[Analyze grammar]

talaṃ caivāmaratvaṃ hi śakratvaṃ pradadāmyaham |
hariścaṃdro nṛpassatyātsavāhanaparicchadaḥ || 14 ||
[Analyze grammar]

svaśarīreṇa śuddhena satyaloke pratiṣṭhitaḥ |
rājāno bahavaścānye ye ca siddhā maharṣayaḥ || 15 ||
[Analyze grammar]

jñānino yatayaścaiva sarve satye'cyutā'bhavan |
tasmātsatyarato loke saṃsāroddharaṇakṣamaḥ || 16 ||
[Analyze grammar]

tulādhāro mahātmā vai satyavākye pratiṣṭhitaḥ |
loke tatsadṛśo nāsti satyavākyasya kāraṇāt || 17 ||
[Analyze grammar]

aśvamedhasahasreṇa satyaṃ tu tulayā dhṛtam |
aśvamedhasahasrāddhi satyameva viśiṣyate || 18 ||
[Analyze grammar]

sarvaṃ satyādbhavetsādhyaṃ satyo hi duratikramaḥ |
satyavākyena sā dhenurbahulā svargagāminī || 19 ||
[Analyze grammar]

sarvaṃ rāṣṭraṃ samādhāya punarāvṛttidurlabhā |
tathāyaṃ sarvadā sākṣī mṛṣā nāsti kadācana || 20 ||
[Analyze grammar]

bahvarghamalpamarghaṃ ca krayavikrayaṇe sudhīḥ |
satyavākyaṃ praśastaṃ ca viśeṣātsākṣiṇo bhavet || 21 ||
[Analyze grammar]

sākṣiṇaḥ satyamuktvā ca akṣayaṃ svargamāyayuḥ |
vāvadūkaḥ sabhāṃ prāpya satyaṃ vadati vākpatiḥ || 22 ||
[Analyze grammar]

sa yāti brahmaṇo gehaṃ yajñairanyaiśca durlabham |
sabhāyāṃ yo vadetsatyamaśvamedhaphalaṃ labhet || 23 ||
[Analyze grammar]

lobhāddveṣānmṛṣoktvā ca rauravaṃ narakaṃ vrajet |
sarvasākṣī tulādhāro janānāṃ śūra eva ca || 24 ||
[Analyze grammar]

viśeṣāllobhasaṃtyāgānnāke nirjaratāṃ vrajet |
kaścicchūdro mahābhāgo na lobhe vartate kvacit || 25 ||
[Analyze grammar]

vṛttiśśākena duḥkhena tathā śiloṃchato bhṛśam |
jarjaraṃ vastrayugmaṃ ca karau pātre ca sarvadā || 26 ||
[Analyze grammar]

sadāpi lābhaviraho na parasvaṃ gṛhītavān |
tasya jijñāsayaivāhaṃ gṛhītvā vastrayugmakam || 27 ||
[Analyze grammar]

avakoṭe nadītīre sthitassaṃsthāpya sādaram |
sa dṛṣṭvā vastrayugmaṃ tanna lobhe kurate manaḥ || 28 ||
[Analyze grammar]

itarasya parijñāya tatkṣāṃtyā svagṛhaṃ yayau |
tato viciṃtayitvā tu hṛdā svalpamiti dvija || 29 ||
[Analyze grammar]

uduṃbaraṃ hemagarbhaṃ mayā tatraiva pātitam |
kiṃkare ca nadītīre vikoṇe janavarjite || 30 ||
[Analyze grammar]

tasya yātasya deśe tu dṛṣṭaṃ tena tadadbhutam |
alaṃ vidhānametattu kṛtrimaṃ copalakṣyate || 31 ||
[Analyze grammar]

grahaṇe vādhunā cāsya alobhaṃ naṣṭameva me |
asyaiva rakṣaṇe kaṣṭamahaṃkārapadaṃ tvidam || 32 ||
[Analyze grammar]

yato lobhastato lābho lābhāllobhaḥ pravartate |
lobhagrastasya puṃsaśca śāśvato nirayo bhavet || 33 ||
[Analyze grammar]

yadi no viguṇaṃ vittaṃ yadā veśmani tiṣṭhati |
tadā me dāraputrāṇāmunmādo hyupapadyate || 34 ||
[Analyze grammar]

unmādātkāmasaṃjāta vikārānmativibhramaḥ |
bhramānmohopyahaṃkāraḥ krodhalobhāvataḥ paraṃ || 35 ||
[Analyze grammar]

eṣāṃ pracurabhāvācca tapaḥ kṣayaṃ gamiṣyati |
kṣīṇe tapasi vartaṃte paṃkāścittapramohakāḥ || 36 ||
[Analyze grammar]

taiśca śṛṃkhalayogaiśca baddho naivoddhṛtiṃ vrajet |
etadvimṛśya śūdro'sau parityajya gṛhaṃ gataḥ || 37 ||
[Analyze grammar]

svasthā devā mudā tatra sādhusādhviti cābruvan |
nirgraṃthirūpamādāya tasyāṃtika gṛhaṃ tathā || 38 ||
[Analyze grammar]

gatvāhaṃ daivasaṃvādamavadaṃ bhūtavartanam |
tatobhyāsaprasaṃgācca janānāṃ ca pariplavāt || 39 ||
[Analyze grammar]

tasya yoṣā tadāgatya papraccha daivakāraṇam |
tatohamavadaṃ tasya yadvā cetogataṃ drutam || 40 ||
[Analyze grammar]

nibhṛtotha ninādasya kāraṇaṃ kathitaṃ mayā |
hṛdgataṃ patinā tedya vidhinā dattamajñavat || 41 ||
[Analyze grammar]

parityaktaṃ mahābhāge punarnāstīha te vasu |
yāvajjīvati daurvidhyaṃ tasya bhoktā na saṃśayaḥ || 42 ||
[Analyze grammar]

gaccha mātargṛhaṃ śūnyamalabdhaṃ tatprapṛcchatam |
śrutvā tadvai śivaṃ sā ca vacanaṃ patyuraṃtike || 43 ||
[Analyze grammar]

gatvā provāca durvṛttaṃ tacchrutvā vismayaṃ gataḥ |
sa viciṃtya tayā sārdhamāgatosau mamāṃtikam || 44 ||
[Analyze grammar]

nibhṛtaṃ māmuvācedaṃ kṣapaṇatvaṃ ca kīrtaya |
kṣapaṇaka uvāca |
cākṣuṣaṃ cirasaṃśuddhaṃ helayā tṛṇavatkatham || 45 ||
[Analyze grammar]

tvayā tyaktaṃ yatastāta nāsti bhāgyamakaṃṭakam |
aiśvaryamatulaṃ śauryaṃ śīryate bhāvukaṃ punaḥ || 46 ||
[Analyze grammar]

svabaṃdhūnāṃ mahadduḥkhamājanmamaraṇāṃtikam |
drakṣyase cātmanā nityaṃ mṛtānāṃ yā gatirdhruvam || 47 ||
[Analyze grammar]

tasmāttadgṛhyatāṃ tūrṇaṃ bhuṃkṣva bhogyamakaṃṭakam |
aiśvaryamatulaṃ śauryaṃ lokānāṃ vismayaṃ varam || 48 ||
[Analyze grammar]

śūdra uvāca |
na me vitte spṛhā cāsti dhanaṃ saṃsāra vāgurā |
tadvidhau patito martyo na punarmokṣakaṃ vrajet || 49 ||
[Analyze grammar]

śṛṇu vittasya yaddoṣamihaloke paratra ca |
bhayaṃ corācca jñātibhyo rājabhyastatkarādapi || 50 ||
[Analyze grammar]

sarve jighāṃsavo martyāḥ paśumatsyaviviṣkirāḥ |
tathā dhanavatāṃ nityaṃ kathamarthāssukhāvahāḥ || 51 ||
[Analyze grammar]

prāṇasyāṃtakaro hyarthassādhako duritasya ca |
kālādīnāṃ priyaṃ gehaṃ nidānaṃ durgateḥ param || 52 ||
[Analyze grammar]

kṣapaṇaka uvāca |
yasyārthāstasya mitrāṇi yasyārthāstasya bāṃdhavāḥ |
kulaṃ śīlaṃ ca pāṃḍityaṃ rūpaṃ bhogyaṃ yaśaḥ sukham || 53 ||
[Analyze grammar]

dhanena tu vihīnasya putradārojjhitasya ca |
kathaṃ mitraṃ kathaṃ dharmaṃ dīnānāṃ janmanaḥ kathaṃ || 54 ||
[Analyze grammar]

satvādikratukāryaṃ ca puṣkariṇyupakārakaṃ |
dānaṃ nākasya sopānaṃ niḥsvasya ca na siddhyati || 55 ||
[Analyze grammar]

vratakāryasya rakṣā ca dharmādiśravaṇaṃ bhṛśam |
pitṛyajñāditīrthaṃ ca nirvittasya na siddhyati || 56 ||
[Analyze grammar]

tathā rogapratīkāraḥ pathyamauṣadhasaṃcayaṃ |
rakṣaṇaṃ vigrahaścaiva śatrūṇāṃ vijayo dhruvam || 57 ||
[Analyze grammar]

strīṇāṃ ca janmanā vārtā vasuyogena labhyate |
bhūtabhavyapravṛttānāṃ sukṛtaṃ duṣkṛtaṃ ca yat || 58 ||
[Analyze grammar]

tasmādbahudhanaṃ yasya tasya bhogyaṃ yadṛcchayā |
svargaṃ vitaraṇādeva lapsyase hyacirāditaḥ || 59 ||
[Analyze grammar]

śūdra uvāca |
akāmācca vrataṃ sarvamakrodhāttīrthasevanam |
dayā japyasamā śuddhaṃ saṃtoṣo dhanameva ca || 60 ||
[Analyze grammar]

ahiṃsā paramā siddhiḥ śiloṃchavṛttiruttamā |
śākāhāraḥ sudhātulya upavāsaḥ paraṃtapa || 61 ||
[Analyze grammar]

saṃtoṣo me mahābhogyaṃ mahādānaṃ varāṭakam |
mātṛvatparadārāśca paradravyāṇi loṣṭhavat || 62 ||
[Analyze grammar]

paradārā bhujaṃgābhāḥ sarvayajña idaṃ mama |
tasmādenaṃ na gṛhṇāmi satyaṃ satyaṃ guṇākara || 63 ||
[Analyze grammar]

prakṣālanāddhi paṃkasya dūrādasparśanaṃ varaṃ |
ityukte tu naraśreṣṭha puṣpavarṣaṃ papāta ha || 64 ||
[Analyze grammar]

mūrdhrideśe tanau tasya sarvadeveritaṃ dvija |
devaduṃdubhayo nedurnṛtyaṃtyapsarasāṃ gaṇāḥ || 65 ||
[Analyze grammar]

jagurgaṃdharvapatayo vimānaṃ cāpataddivaḥ |
ūcurdevagaṇāstatra vimānamidamāruha || 66 ||
[Analyze grammar]

satyalokaṃ samāsādya bhuṃkṣva bhogyaṃ maheṃdravat |
saṃkhyā tenāpi varteta bhogyakālasya dhārmika || 67 ||
[Analyze grammar]

ityukteṣu ca deveṣu śūdro vacanamabravīt |
kathaṃ nirgraṃthakasyāsya jñānaṃ ceṣṭāsya bhāṣaṇam || 68 ||
[Analyze grammar]

kiṃ vā hariharau brahmā kiṃ vā śakro bṛhaspatiḥ |
kiṃ vā macchalanādeva sākṣāddharma ihāgataḥ || 69 ||
[Analyze grammar]

ityukte kṣapaṇaścāsau smito vacanamabravīt |
vijñātuṃ caiva vo dharmamahaṃ viṣṇurihāgataḥ || 70 ||
[Analyze grammar]

vimānena divaṃ gaccha sakuṭuṃbo mahāmune |
matprasādācca yuṣmākaṃ sadaiva navayauvanam || 71 ||
[Analyze grammar]

bhaviṣyati mahāprājña bhāgyānaṃtyaṃ pralapsyatha |
divyābharaṇasaṃyuktā divyavastropaśobhitāḥ || 72 ||
[Analyze grammar]

gatāste sahasā nākaṃ sarvairbaṃdhujanairvṛtāḥ |
evaṃ dvijavaraśreṣṭha lobhatyāgādyayurdivam || 73 ||
[Analyze grammar]

tulādhārastathādhīmānsatyadharma pratiṣṭhitaḥ |
ye na jānāti tadvṛttaṃ deśāṃtarasamudbhavam || 74 ||
[Analyze grammar]

tulādhārasamo nāsti suraloke pratiṣṭhitaḥ |
tasmāttvamapi bhūdeva samaṃ gatvā divaṃ vraja || 75 ||
[Analyze grammar]

ya idaṃ śṛṇuyānmartyaḥ sarvadharmapratiṣṭhitaḥ |
janmajanmārjitaṃ pāpaṃ tatkṣaṇāttasya naśyati || 76 ||
[Analyze grammar]

sakṛtpaṭhanamātreṇa sarvayajñaphalaṃ labhet |
lokānāṃ purato vipra devānāmarcyatāṃ vrajet || 77 ||
[Analyze grammar]

iti śrīpādmapurāṇe prathame sṛṣṭikhaṃḍe śūdrasyālobhākhyānaṃ nāma tripaṃcāśattamo'dhyāyaḥ || 53 ||
[Analyze grammar]