Chapter 206

vivekamāhātmyaṃ nāma sargaḥ |
ṣaḍuttaradviśatatamaḥ sargaḥ |
vasiṣṭhaḥ |
paripuṣṭavivekānāṃ vāsanāmalamujjhatām |
mahattā mahatāmantaḥ kāpyapūrvaiva jāyate || 1 ||
[Analyze grammar]

audāryodāramaryādāṃ matiṃ gāmbhīryasundarīm |
mahatāṃ nāvagāhante bhuvanāni caturdaśa || 2 ||
[Analyze grammar]

cittabhrāntirjagaditi prarūḍhe pratyaye satām |
bāhyañcāntaścarannarthagraho mohaśca śāmyati || 3 ||
[Analyze grammar]

dvīnduvattāpajalavatkeśoṇḍukavadambare |
visphurantyāṃ jagadbhrāntau vāsanāpratyayaḥ kutaḥ || 4 ||
[Analyze grammar]

vāsanāpratyayaśame śūnyaṃ vyomaiva śiṣyate |
sāpyavasthā mano'saccettatastyājyā vivekinā || 5 ||
[Analyze grammar]

trayametattu yāvasthā trayeṇānena varjitā |
paśyantīvāpyapaśyantī sāvasthā paramoditā || 6 ||
[Analyze grammar]

vicitraratnaraśmyogha iva nānātmakaṃ jagat |
ābhāsamātraṃ nāmbvātma na ghanaṃ na ca pārthivam || 7 ||
[Analyze grammar]

rūpālokamanomātraṃ śūnyameva jagatsthitam |
khe vicitramaṇivyūhakarajālamivotthitam || 8 ||
[Analyze grammar]

neha satyāni bhūtāni na jagattā na śūnyatā |
idaṃ brahmākhyaratneśaprabhājālavijṛmbhitam || 9 ||
[Analyze grammar]

sṛṣṭayo dṛṣṭayo brāhmyo nānātāmananātmakāḥ |
amūrtā eva bhāsante kalpāntārkagaṇāghanāḥ || 10 ||
[Analyze grammar]

evaṃ tāvadghanībhūtaḥ piṇḍagrāho na vidyate |
saṅkalpite'rthe vyomnīva śūnyataivāvagamyate || 11 ||
[Analyze grammar]

asyāmavastubhūtāyāṃ kathaṃ bhāvanibandhanam |
bhaviṣyadākāśatarau viśrāntaḥ ko vihaṅgamaḥ || 12 ||
[Analyze grammar]

piṇḍatvaṃ nāsti bhūtānāṃ śūnyatā na ca vidyate |
cittamapyata evāstaṃ śeṣaṃ sattatra vaḥ sthitiḥ || 13 ||
[Analyze grammar]

anānā samamevāste nānārūpo vibodhavān |
antarālīnanānārtho yathā kanakapiṇḍakaḥ || 14 ||
[Analyze grammar]

yathāsthitasya sāhantvaṃ viśvaṃ citraṃ vilīyate |
jñasyāvācyamacittaṃ satsvarūpamavaśiṣyate || 15 ||
[Analyze grammar]

kliṣyate kevalaṃ buddhiruttarādharadarśanaiḥ |
stokayābhyastayā buddhyā satyo'rtho hyavagamyate || 16 ||
[Analyze grammar]

virāḍojo virahitaṃ kāryakāraṇatādibhiḥ |
bhūtabhavyabhaviṣyatsthaṃ jagadaṅga hyasambhavam || 17 ||
[Analyze grammar]

yena bodhātmanā buddhaṃ sa jña ityabhidhīyate |
advaitasyopaśāntasya tasya viśvaṃ na vidyate || 18 ||
[Analyze grammar]

pūrvoktāḥ sarva evaite upadeśaviśeṣaṇāḥ |
jñasyānubhavamāyānti sataḥ sādhukathā iva || 19 ||
[Analyze grammar]

piṇḍatvaṃ nāsti bhūtānāṃ śūnyatvaṃ cāpyasambhavam |
ata eva mano nāsti śeṣaṃ sattatra vaḥ sthitiḥ || 20 ||
[Analyze grammar]

cetyonmukhatvamevāntaścetanasyāsya cetanam |
uditaṃ tadanarthāya śreyase'nuditaṃ bhavet || 21 ||
[Analyze grammar]

tasyānudayasaṃvitterbhava nityaṃ samāhitaḥ |
saspando vā gataspandaśśaṅkāmutsṛjya tāṃ bhave || 22 ||
[Analyze grammar]

uditaṃ bāhyatāmetya tatra gacchati piṇḍatām |
svayaṃ saṃvedanādeva jāḍyādambviva śailatām || 23 ||
[Analyze grammar]

svapnādyarthavadādatte bodho'bodhena piṇḍatām |
tadgrāhakatayā cittaṃ bhūtvā badhnāti dehakam || 24 ||
[Analyze grammar]

etāvatīṣvavasthāsu bodhasyodeti nānyatā |
śabdakalpanayā bhedaḥ kevalaṃ parikalpitaḥ || 25 ||
[Analyze grammar]

bahirantaśca bodhasya bhātyātmaivārthadṛṣṭibhiḥ |
kuto'nyā cetyatā tasya syād yadyunmukhatātmanaḥ || 26 ||
[Analyze grammar]

bahirantaśca bodhasya bhātyātmaivārthadṛṣṭibhiḥ |
antastvena bahiṣṭvena caivāsya manaso yathā || 27 ||
[Analyze grammar]

bodhasyākāśakalpatvātkālākāśādi tadvapuḥ |
padārthāścaiva khātmānaḥ svapnavannārtharūpi kham || 28 ||
[Analyze grammar]

bāhyārthatāṃ cāntaratvaṃ bodho'bodhavaśādvrajet |
nāsaddṛśyaṃ hi bodhatvaṃ gantuṃ śaktaṃ jaḍaṃ kvacit || 29 ||
[Analyze grammar]

bodho dṛśyadaśāṃ naiti prāpto vāpi ca tāṃ sthitim |
sad yathāsthitamevāste manāgapyeti nānyatām || 30 ||
[Analyze grammar]

atyarthaṃ śuddhabodhaikapariṇāme kṛtodaye |
bodhābodhārthaśabdānāṃ smṛtirapyastameṣyati || 31 ||
[Analyze grammar]

ātivāhikadehānāṃ cittānāmeva jāyate |
ādhibhautikatābodho dṛḍhabhāvanayā svayam || 32 ||
[Analyze grammar]

ākāśaviśadaiścittairbhāvitaiṣātivāhikaiḥ |
ādhibhautikatā mithyā naṭairiva piśācatā || 33 ||
[Analyze grammar]

bhrāntirabhramaṇābhyāsātprajñātaiṣopaśāmyati |
nonmatto'smīti sambodhācchāmyatyunmattatā kila || 34 ||
[Analyze grammar]

bhrānteḥ svayaṃ parijñānādvāsanā vinivartate |
svapne svapnatayā buddhe kasya syātkila bhāvanā || 35 ||
[Analyze grammar]

vāsanātānavenaiva saṃsāra upaśāmyati |
vāsanaiva mahān granthiretacchedaparā budhāḥ || 36 ||
[Analyze grammar]

ajñānonmattatā puṃsā yathābhyāsena bhāvitā |
tathaiva bodhasvabhyāsātsā kālenopaśāmyati || 37 ||
[Analyze grammar]

ātivāhikadeho'yamādhibhautikatāṃ yathā |
nīyate bhāvanāttajjñairbodhasattāṃ prasādataḥ || 38 ||
[Analyze grammar]

ātivāhikadeho'pi nītvā jīvapadaṃ tathā |
dṛḍhena bodhābhyāsena netavyo brahmatāmapi || 39 ||
[Analyze grammar]

svayambhuvaścedutpattirbudhyate bodharūpiṇī |
tadātivāhikā buddhiḥ kathamityapi budhyate || 40 ||
[Analyze grammar]

no cettatprati vākyārthaṃ na granthirvinivartate |
bhūtotsādanasūtrasya prati mantrapadaṃ yathā || 41 ||
[Analyze grammar]

jagadbodhaikatā buddhyā boddhavyā tāvadavraṇam |
atyantapariṇāmena yāvatsāpi na budhyate || 42 ||
[Analyze grammar]

sabāhyābhyantare citte śānte bhāti svabhāvatā |
śītalāṃ vyomanirbhāsāṃ tāmevāśritya śāmyatām || 43 ||
[Analyze grammar]

jñānavāñjñānayajñastho dhyānayūpaṃ viropayan |
jagadvijitya yajati sarvatyāgaikadakṣiṇaḥ || 44 ||
[Analyze grammar]

patatyaṅgāravarṣe vā vāti vā pralayānile |
bhūtale vrajati vyomni samamāste jña ātmani || 45 ||
[Analyze grammar]

vaitṛṣṇyaśāntamanaso nirodhamalamīyuṣaḥ |
sthitirvajrasamādhānaṃ vinānyā nopapadyate || 46 ||
[Analyze grammar]

yathā bāhyārthavaitṛṣṇyenopaśāmyatyalaṃ manaḥ |
na tathā śāstrasandarbhairnopadeśatapodamaiḥ || 47 ||
[Analyze grammar]

manastṛṇasya sarvārthavaitṛṣṇyāgnirvibodhyatām |
sarvatyāgānilaiḥ sampadatyāpaditi bhāvanāt || 48 ||
[Analyze grammar]

bahirantaśca mohaśca piṇḍagrāho'rthavedanam |
jñaptireveti kacati jñatvānmaṇirivātmani || 49 ||
[Analyze grammar]

naranāgasurāgāragirigahvaradṛṣṭibhiḥ |
citirevātivisṛtā dhūmo'mbudatayeva khe || 50 ||
[Analyze grammar]

copanti vidravatvena brahmāṇḍajaḍabhāṇḍagāḥ |
svavivartataraṅgiṇyo jīvaśaktyā patadrasāḥ || 51 ||
[Analyze grammar]

jīvakā jīrṇaśapharā vyomavārivihāriṇaḥ |
mohajālena valitā na smarantyātmani sthitim || 52 ||
[Analyze grammar]

ghanībhūtā ghanatvena cidghanā gaganāṅgane |
nānāpadārtharūpeṇa sphuranti svātmanātmani || 53 ||
[Analyze grammar]

sarva evamamī jīvā vāsanāvātareṇavaḥ |
śuṣkaparṇavadudgrīvā jaḍāśśvasanaveṇavaḥ || 54 ||
[Analyze grammar]

āhṛtya pauruṣabalānyavajitya tandrīmutthāya tarjitasamarjitavāsanaugham |
saṃsārapāśaghanapañjaramañjasaiva bhaṅktvābhyudeyamiti nājñasamena bhāvyam || 55 ||
[Analyze grammar]