Chapter 59

dhṛtarāṣṭra uvāca |
adharmeṇa hataṃ dṛṣṭvā rājānaṃ mādhavottamaḥ |
kimabravīttadā sūta baladevo mahābalaḥ || 1 ||
[Analyze grammar]

gadāyuddhaviśeṣajño gadāyuddhaviśāradaḥ |
kṛtavānrauhiṇeyo yattanmamācakṣva saṃjaya || 2 ||
[Analyze grammar]

saṃjaya uvāca |
śirasyabhihataṃ dṛṣṭvā bhīmasenena te sutam |
rāmaḥ praharatāṃ śreṣṭhaścukrodha balavadbalī || 3 ||
[Analyze grammar]

tato madhye narendrāṇāmūrdhvabāhurhalāyudhaḥ |
kurvannārtasvaraṃ ghoraṃ dhigdhigbhīmetyuvāca ha || 4 ||
[Analyze grammar]

aho dhigyadadho nābheḥ prahṛtaṃ śuddhavikrame |
naitaddṛṣṭaṃ gadāyuddhe kṛtavānyadvṛkodaraḥ || 5 ||
[Analyze grammar]

adho nābhyā na hantavyamiti śāstrasya niścayaḥ |
ayaṃ tvaśāstravinmūḍhaḥ svacchandātsaṃpravartate || 6 ||
[Analyze grammar]

tasya tattadbruvāṇasya roṣaḥ samabhavanmahān |
tato lāṅgalamudyamya bhīmamabhyadravadbalī || 7 ||
[Analyze grammar]

tasyordhvabāhoḥ sadṛśaṃ rūpamāsīnmahātmanaḥ |
bahudhātuvicitrasya śvetasyeva mahāgireḥ || 8 ||
[Analyze grammar]

tamutpatantaṃ jagrāha keśavo vinayānataḥ |
bāhubhyāṃ pīnavṛttābhyāṃ prayatnādbalavadbalī || 9 ||
[Analyze grammar]

sitāsitau yaduvarau śuśubhāte'dhikaṃ tataḥ |
nabhogatau yathā rājaṃścandrasūryau dinakṣaye || 10 ||
[Analyze grammar]

uvāca cainaṃ saṃrabdhaṃ śamayanniva keśavaḥ |
ātmavṛddhirmitravṛddhirmitramitrodayastathā |
viparītaṃ dviṣatsvetatṣaḍvidhā vṛddhirātmanaḥ || 11 ||
[Analyze grammar]

ātmanyapi ca mitreṣu viparītaṃ yadā bhavet |
tadā vidyānmanojyānimāśu śāntikaro bhavet || 12 ||
[Analyze grammar]

asmākaṃ sahajaṃ mitraṃ pāṇḍavāḥ śuddhapauruṣāḥ |
svakāḥ pitṛṣvasuḥ putrāste parairnikṛtā bhṛśam || 13 ||
[Analyze grammar]

pratijñāpāraṇaṃ dharmaḥ kṣatriyasyeti vettha ha |
suyodhanasya gadayā bhaṅktāsmyūrū mahāhave |
iti pūrvaṃ pratijñātaṃ bhīmena hi sabhātale || 14 ||
[Analyze grammar]

maitreyeṇābhiśaptaśca pūrvameva maharṣiṇā |
ūrū bhetsyati te bhīmo gadayeti paraṃtapa |
ato doṣaṃ na paśyāmi mā krudhastvaṃ pralambahan || 15 ||
[Analyze grammar]

yaunairhārdaiśca saṃbandhaiḥ saṃbaddhāḥ smeha pāṇḍavaiḥ |
teṣāṃ vṛddhyābhivṛddhirno mā krudhaḥ puruṣarṣabha || 16 ||
[Analyze grammar]

rāma uvāca |
dharmaḥ sucaritaḥ sadbhiḥ saha dvābhyāṃ niyacchati |
arthaścātyarthalubdhasya kāmaścātiprasaṅginaḥ || 17 ||
[Analyze grammar]

dharmārthau dharmakāmau ca kāmārthau cāpyapīḍayan |
dharmārthakāmānyo'bhyeti so'tyantaṃ sukhamaśnute || 18 ||
[Analyze grammar]

tadidaṃ vyākulaṃ sarvaṃ kṛtaṃ dharmasya pīḍanāt |
bhīmasenena govinda kāmaṃ tvaṃ tu yathāttha mām || 19 ||
[Analyze grammar]

vāsudeva uvāca |
aroṣaṇo hi dharmātmā satataṃ dharmavatsalaḥ |
bhavānprakhyāyate loke tasmātsaṃśāmya mā krudhaḥ || 20 ||
[Analyze grammar]

prāptaṃ kaliyugaṃ viddhi pratijñāṃ pāṇḍavasya ca |
ānṛṇyaṃ yātu vairasya pratijñāyāśca pāṇḍavaḥ || 21 ||
[Analyze grammar]

saṃjaya uvāca |
dharmacchalamapi śrutvā keśavātsa viśāṃ pate |
naiva prītamanā rāmo vacanaṃ prāha saṃsadi || 22 ||
[Analyze grammar]

hatvādharmeṇa rājānaṃ dharmātmānaṃ suyodhanam |
jihmayodhīti loke'sminkhyātiṃ yāsyati pāṇḍavaḥ || 23 ||
[Analyze grammar]

duryodhano'pi dharmātmā gatiṃ yāsyati śāśvatīm |
ṛjuyodhī hato rājā dhārtarāṣṭro narādhipaḥ || 24 ||
[Analyze grammar]

yuddhadīkṣāṃ praviśyājau raṇayajñaṃ vitatya ca |
hutvātmānamamitrāgnau prāpa cāvabhṛthaṃ yaśaḥ || 25 ||
[Analyze grammar]

ityuktvā rathamāsthāya rauhiṇeyaḥ pratāpavān |
śvetābhraśikharākāraḥ prayayau dvārakāṃ prati || 26 ||
[Analyze grammar]

pāñcālāśca savārṣṇeyāḥ pāṇḍavāśca viśāṃ pate |
rāme dvāravatīṃ yāte nātipramanaso'bhavan || 27 ||
[Analyze grammar]

tato yudhiṣṭhiraṃ dīnaṃ cintāparamadhomukham |
śokopahatasaṃkalpaṃ vāsudevo'bravīdidam || 28 ||
[Analyze grammar]

dharmarāja kimarthaṃ tvamadharmamanumanyase |
hatabandhoryadetasya patitasya vicetasaḥ || 29 ||
[Analyze grammar]

duryodhanasya bhīmena mṛdyamānaṃ śiraḥ padā |
upaprekṣasi kasmāttvaṃ dharmajñaḥ sannarādhipa || 30 ||
[Analyze grammar]

yudhiṣṭhira uvāca |
na mamaitatpriyaṃ kṛṣṇa yadrājānaṃ vṛkodaraḥ |
padā mūrdhnyaspṛśatkrodhānna ca hṛṣye kulakṣaye || 31 ||
[Analyze grammar]

nikṛtyā nikṛtā nityaṃ dhṛtarāṣṭrasutairvayam |
bahūni paruṣāṇyuktvā vanaṃ prasthāpitāḥ sma ha || 32 ||
[Analyze grammar]

bhīmasenasya tadduḥkhamatīva hṛdi vartate |
iti saṃcintya vārṣṇeya mayaitatsamupekṣitam || 33 ||
[Analyze grammar]

tasmāddhatvākṛtaprajñaṃ lubdhaṃ kāmavaśānugam |
labhatāṃ pāṇḍavaḥ kāmaṃ dharme'dharme'pi vā kṛte || 34 ||
[Analyze grammar]

saṃjaya uvāca |
ityukte dharmarājena vāsudevo'bravīdidam |
kāmamastvevamiti vai kṛcchrādyadukulodvahaḥ || 35 ||
[Analyze grammar]

ityukto vāsudevena bhīmapriyahitaiṣiṇā |
anvamodata tatsarvaṃ yadbhīmena kṛtaṃ yudhi || 36 ||
[Analyze grammar]

bhīmaseno'pi hatvājau tava putramamarṣaṇaḥ |
abhivādyāgrataḥ sthitvā saṃprahṛṣṭaḥ kṛtāñjaliḥ || 37 ||
[Analyze grammar]

provāca sumahātejā dharmarājaṃ yudhiṣṭhiram |
harṣādutphullanayano jitakāśī viśāṃ pate || 38 ||
[Analyze grammar]

tavādya pṛthivī rājankṣemā nihatakaṇṭakā |
tāṃ praśādhi mahārāja svadharmamanupālayan || 39 ||
[Analyze grammar]

yastu kartāsya vairasya nikṛtyā nikṛtipriyaḥ |
so'yaṃ vinihataḥ śete pṛthivyāṃ pṛthivīpate || 40 ||
[Analyze grammar]

duḥśāsanaprabhṛtayaḥ sarve te cogravādinaḥ |
rādheyaḥ śakuniścāpi nihatāstava śatravaḥ || 41 ||
[Analyze grammar]

seyaṃ ratnasamākīrṇā mahī savanaparvatā |
upāvṛttā mahārāja tvāmadya nihatadviṣam || 42 ||
[Analyze grammar]

yudhiṣṭhira uvāca |
gataṃ vairasya nidhanaṃ hato rājā suyodhanaḥ |
kṛṣṇasya matamāsthāya vijiteyaṃ vasuṃdharā || 43 ||
[Analyze grammar]

diṣṭyā gatastvamānṛṇyaṃ mātuḥ kopasya cobhayoḥ |
diṣṭyā jayasi durdharṣa diṣṭyā śatrurnipātitaḥ || 44 ||
[Analyze grammar]