Chapter 24

saṃjaya uvāca |
asyatāṃ yatamānānāṃ śūrāṇāmanivartinām |
saṃkalpamakaronmoghaṃ gāṇḍīvena dhanaṃjayaḥ || 1 ||
[Analyze grammar]

indrāśanisamasparśānaviṣahyānmahaujasaḥ |
visṛjandṛśyate bāṇāndhārā muñcannivāmbudaḥ || 2 ||
[Analyze grammar]

tatsainyaṃ bharataśreṣṭha vadhyamānaṃ kirīṭinā |
saṃpradudrāva saṃgrāmāttava putrasya paśyataḥ || 3 ||
[Analyze grammar]

hatadhuryā rathāḥ keciddhatasūtāstathāpare |
bhagnākṣayugacakreṣāḥ kecidāsanviśāṃ pate || 4 ||
[Analyze grammar]

anyeṣāṃ sāyakāḥ kṣīṇāstathānye śarapīḍitāḥ |
akṣatā yugapatkecitprādravanbhayapīḍitāḥ || 5 ||
[Analyze grammar]

kecitputrānupādāya hatabhūyiṣṭhavāhanāḥ |
vicukruśuḥ pitṝnanye sahāyānapare punaḥ || 6 ||
[Analyze grammar]

bāndhavāṃśca naravyāghra bhrātṝnsaṃbandhinastathā |
dudruvuḥ kecidutsṛjya tatra tatra viśāṃ pate || 7 ||
[Analyze grammar]

bahavo'tra bhṛśaṃ viddhā muhyamānā mahārathāḥ |
niṣṭanantaḥ sma dṛśyante pārthabāṇahatā narāḥ || 8 ||
[Analyze grammar]

tānanye rathamāropya samāśvāsya muhūrtakam |
viśrāntāśca vitṛṣṇāśca punaryuddhāya jagmire || 9 ||
[Analyze grammar]

tānapāsya gatāḥ kecitpunareva yuyutsavaḥ |
kurvantastava putrasya śāsanaṃ yuddhadurmadāḥ || 10 ||
[Analyze grammar]

pānīyamapare pītvā paryāśvāsya ca vāhanam |
varmāṇi ca samāropya kecidbharatasattama || 11 ||
[Analyze grammar]

samāśvāsyāpare bhrātṝnnikṣipya śibire'pi ca |
putrānanye pitṝnanye punaryuddhamarocayan || 12 ||
[Analyze grammar]

sajjayitvā rathānkecidyathāmukhyaṃ viśāṃ pate |
āplutya pāṇḍavānīkaṃ punaryuddhamarocayan || 13 ||
[Analyze grammar]

te śūrāḥ kiṅkiṇījālaiḥ samācchannā babhāsire |
trailokyavijaye yuktā yathā daiteyadānavāḥ || 14 ||
[Analyze grammar]

āgamya sahasā kecidrathaiḥ svarṇavibhūṣitaiḥ |
pāṇḍavānāmanīkeṣu dhṛṣṭadyumnamayodhayan || 15 ||
[Analyze grammar]

dhṛṣṭadyumno'pi pāñcālyaḥ śikhaṇḍī ca mahārathaḥ |
nākuliśca śatānīko rathānīkamayodhayan || 16 ||
[Analyze grammar]

pāñcālyastu tataḥ kruddhaḥ sainyena mahatā vṛtaḥ |
abhyadravatsusaṃrabdhastāvakānhantumudyataḥ || 17 ||
[Analyze grammar]

tatastvāpatatastasya tava putro janādhipa |
bāṇasaṃghānanekānvai preṣayāmāsa bhārata || 18 ||
[Analyze grammar]

dhṛṣṭadyumnastato rājaṃstava putreṇa dhanvinā |
nārācairbahubhiḥ kṣipraṃ bāhvorurasi cārpitaḥ || 19 ||
[Analyze grammar]

so'tividdho maheṣvāsastottrārdita iva dvipaḥ |
tasyāśvāṃścaturo bāṇaiḥ preṣayāmāsa mṛtyave |
sāratheścāsya bhallena śiraḥ kāyādapāharat || 20 ||
[Analyze grammar]

tato duryodhano rājā pṛṣṭhamāruhya vājinaḥ |
apākrāmaddhataratho nātidūramariṃdamaḥ || 21 ||
[Analyze grammar]

dṛṣṭvā tu hatavikrāntaṃ svamanīkaṃ mahābalaḥ |
tava putro mahārāja prayayau yatra saubalaḥ || 22 ||
[Analyze grammar]

tato ratheṣu bhagneṣu trisāhasrā mahādvipāḥ |
pāṇḍavānrathinaḥ pañca samantātparyavārayan || 23 ||
[Analyze grammar]

te vṛtāḥ samare pañca gajānīkena bhārata |
aśobhanta naravyāghrā grahā vyāptā ghanairiva || 24 ||
[Analyze grammar]

tato'rjuno mahārāja labdhalakṣo mahābhujaḥ |
viniryayau rathenaiva śvetāśvaḥ kṛṣṇasārathiḥ || 25 ||
[Analyze grammar]

taiḥ samantātparivṛtaḥ kuñjaraiḥ parvatopamaiḥ |
nārācairvimalaistīkṣṇairgajānīkamapothayat || 26 ||
[Analyze grammar]

tatraikabāṇanihatānapaśyāma mahāgajān |
patitānpātyamānāṃśca vibhinnānsavyasācinā || 27 ||
[Analyze grammar]

bhīmasenastu tāndṛṣṭvā nāgānmattagajopamaḥ |
kareṇa gṛhya mahatīṃ gadāmabhyapatadbalī |
avaplutya rathāttūrṇaṃ daṇḍapāṇirivāntakaḥ || 28 ||
[Analyze grammar]

tamudyatagadaṃ dṛṣṭvā pāṇḍavānāṃ mahāratham |
vitresustāvakāḥ sainyāḥ śakṛnmūtraṃ prasusruvuḥ |
āvignaṃ ca balaṃ sarvaṃ gadāhaste vṛkodare || 29 ||
[Analyze grammar]

gadayā bhīmasenena bhinnakumbhānrajasvalān |
dhāvamānānapaśyāma kuñjarānparvatopamān || 30 ||
[Analyze grammar]

pradhāvya kuñjarāste tu bhīmasenagadāhatāḥ |
peturārtasvaraṃ kṛtvā chinnapakṣā ivādrayaḥ || 31 ||
[Analyze grammar]

tānbhinnakumbhānsubahūndravamāṇānitastataḥ |
patamānāṃśca saṃprekṣya vitresustava sainikāḥ || 32 ||
[Analyze grammar]

yudhiṣṭhiro'pi saṃkruddho mādrīputrau ca pāṇḍavau |
gṛdhrapakṣaiḥ śitairbāṇairjaghnurvai gajayodhinaḥ || 33 ||
[Analyze grammar]

dhṛṣṭadyumnastu samare parājitya narādhipam |
apakrānte tava sute hayapṛṣṭhaṃ samāśrite || 34 ||
[Analyze grammar]

dṛṣṭvā ca pāṇḍavānsarvānkuñjaraiḥ parivāritān |
dhṛṣṭadyumno mahārāja saha sarvaiḥ prabhadrakaiḥ |
putraḥ pāñcālarājasya jighāṃsuḥ kuñjarānyayau || 35 ||
[Analyze grammar]

adṛṣṭvā tu rathānīke duryodhanamariṃdamam |
aśvatthāmā kṛpaścaiva kṛtavarmā ca sātvataḥ |
apṛcchankṣatriyāṃstatra kva nu duryodhano gataḥ || 36 ||
[Analyze grammar]

apaśyamānā rājānaṃ vartamāne janakṣaye |
manvānā nihataṃ tatra tava putraṃ mahārathāḥ |
viṣaṇṇavadanā bhūtvā paryapṛcchanta te sutam || 37 ||
[Analyze grammar]

āhuḥ keciddhate sūte prayāto yatra saubalaḥ |
apare tvabruvaṃstatra kṣatriyā bhṛśavikṣatāḥ || 38 ||
[Analyze grammar]

duryodhanena kiṃ kāryaṃ drakṣyadhvaṃ yadi jīvati |
yudhyadhvaṃ sahitāḥ sarve kiṃ vo rājā kariṣyati || 39 ||
[Analyze grammar]

te kṣatriyāḥ kṣatairgātrairhatabhūyiṣṭhavāhanāḥ |
śaraiḥ saṃpīḍyamānāśca nātivyaktamivābruvan || 40 ||
[Analyze grammar]

idaṃ sarvaṃ balaṃ hanmo yena sma parivāritāḥ |
ete sarve gajānhatvā upayānti sma pāṇḍavāḥ || 41 ||
[Analyze grammar]

śrutvā tu vacanaṃ teṣāmaśvatthāmā mahābalaḥ |
hitvā pāñcālarājasya tadanīkaṃ durutsaham || 42 ||
[Analyze grammar]

kṛpaśca kṛtavarmā ca prayayuryatra saubalaḥ |
rathānīkaṃ parityajya śūrāḥ sudṛḍhadhanvinaḥ || 43 ||
[Analyze grammar]

tatasteṣu prayāteṣu dhṛṣṭadyumnapurogamāḥ |
āyayuḥ pāṇḍavā rājanvinighnantaḥ sma tāvakān || 44 ||
[Analyze grammar]

dṛṣṭvā tu tānāpatataḥ saṃprahṛṣṭānmahārathān |
parākrāntāṃstato vīrānnirāśāñjīvite tadā |
vivarṇamukhabhūyiṣṭhamabhavattāvakaṃ balam || 45 ||
[Analyze grammar]

parikṣīṇāyudhāndṛṣṭvā tānahaṃ parivāritān |
rājanbalena dvyaṅgena tyaktvā jīvitamātmanaḥ || 46 ||
[Analyze grammar]

ātmanāpañcamo'yudhyaṃ pāñcālasya balena ha |
tasmindeśe vyavasthāpya yatra śāradvataḥ sthitaḥ || 47 ||
[Analyze grammar]

saṃprayuddhā vayaṃ pañca kirīṭiśarapīḍitāḥ |
dhṛṣṭadyumnaṃ mahānīkaṃ tatra no'bhūdraṇo mahān |
jitāstena vayaṃ sarve vyapayāma raṇāttataḥ || 48 ||
[Analyze grammar]

athāpaśyaṃ sātyakiṃ tamupāyāntaṃ mahāratham |
rathaiścatuḥśatairvīro māṃ cābhyadravadāhave || 49 ||
[Analyze grammar]

dhṛṣṭadyumnādahaṃ muktaḥ kathaṃcicchrāntavāhanaḥ |
patito mādhavānīkaṃ duṣkṛtī narakaṃ yathā |
tatra yuddhamabhūdghoraṃ muhūrtamatidāruṇam || 50 ||
[Analyze grammar]

sātyakistu mahābāhurmama hatvā paricchadam |
jīvagrāhamagṛhṇānmāṃ mūrchitaṃ patitaṃ bhuvi || 51 ||
[Analyze grammar]

tato muhūrtādiva tadgajānīkamavadhyata |
gadayā bhīmasenena nārācairarjunena ca || 52 ||
[Analyze grammar]

pratipiṣṭairmahānāgaiḥ samantātparvatopamaiḥ |
nātiprasiddheva gatiḥ pāṇḍavānāmajāyata || 53 ||
[Analyze grammar]

rathamārgāṃstataścakre bhīmaseno mahābalaḥ |
pāṇḍavānāṃ mahārāja vyapakarṣanmahāgajān || 54 ||
[Analyze grammar]

aśvatthāmā kṛpaścaiva kṛtavarmā ca sātvataḥ |
apaśyanto rathānīke duryodhanamariṃdamam |
rājānaṃ mṛgayāmāsustava putraṃ mahāratham || 55 ||
[Analyze grammar]

parityajya ca pāñcālaṃ prayātā yatra saubalaḥ |
rājño'darśanasaṃvignā vartamāne janakṣaye || 56 ||
[Analyze grammar]