Chapter 23

śrīnaranārāyaṇa uvāca |
śṛṇu badrīpriye devi madhyāhnabhojanānyapi |
pravṛttāni samastāni sarveṣāṃ tṛptidānyati || 1 ||
[Analyze grammar]

divyāmṛtāni sarvāṇi nihitāni tu cakriṇā |
yadagre māyikāḥ sarve rasā niḥsvādatāṃ gatāḥ || 2 ||
[Analyze grammar]

saṃkalpairbālayoginyā brahmarasānvitāni vai |
miṣṭānnāni samastāni bhojanā'vasare'bhavan || 3 ||
[Analyze grammar]

jalaṃ brahmahradāttatra samudbhūtaṃ tadā'kṣarāt |
golokāddhṛtadugdhādi dadhyājyanavanītakam || 4 ||
[Analyze grammar]

vaikuṇṭhāddivyaśākādi śrīpurādbhojanāni ca |
kṣīrodāt pāyasānnāni badrīkṣetrāt phalāni ca || 5 ||
[Analyze grammar]

sūryalokāccaṭanyādi candrācchrīkhaṇḍakānyapi |
hiraṇyayāttu pātrāṇi śrīlokācchayanāni ca || 6 ||
[Analyze grammar]

viṣṇulokāt samastāni śṛṃgārakāṇi cā'gaman |
nā'pūrṇaṃ vidyate tatra kiṃcit saṃkalpitaṃ navam || 7 ||
[Analyze grammar]

adṛṣṭaṃ cā'śrutaṃ vāpi drāg ramyaṃ samajāyata |
upasthitaṃ drutaṃ bhoktuḥ sannidhau cā'vilambitam || 8 ||
[Analyze grammar]

sampanne bhojane tvevaṃ badrike mukhavāsanam |
tāmbūlakādi sarvaṃ ca yogyaṃ samarpitaṃ tadā || 9 ||
[Analyze grammar]

viśrāntiṃ ca tataḥ saudheṣveva te madhyake'hani |
prāpustatastu sajjāścā'bhavan dinavyayottaram || 10 ||
[Analyze grammar]

anādiśrīkṛṣṇanārāyaṇaḥ śṛṃgāritastadā |
vararājasvarūpeṇa śobhānvitaḥ suveṣitaḥ || 11 ||
[Analyze grammar]

sahasrasūkṣmamaṇibhirmadhye ca mahatā tathā |
maṇinā khacitaḥ śreṣṭho mṛdusauvarṇanirmitaḥ || 12 ||
[Analyze grammar]

mukuṭaḥ kalgisahitastejaḥparidhiśobhitaḥ |
saṃvṛtaḥ kṛṣṇaśirasi lalāṭe candramāḥ kṛtaḥ || 13 ||
[Analyze grammar]

kajjalaṃ netrayordattaṃ karṇayoḥ kuṇḍale śubhe |
puṣpāvataṃsāḥ parito varabodhanakāriṇaḥ || 14 ||
[Analyze grammar]

mukuṭe lambitā hārāścitrasugandhipuṣpajāḥ |
svarṇahārā ratnayutāḥ kaustubhena samanvitāḥ || 15 ||
[Analyze grammar]

kaṇṭhe dhṛtā pītavarṇanīśāropari vakṣasi |
pītāmbaraṃ svarṇatārairgrathitaprāntaśobhitam || 16 ||
[Analyze grammar]

paṭaṃ kaṭitaṭe baddhaṃ svarṇabhāsuramujjvalam |
pattrāṇe kauśeyajanye raktavarṇe piśaṃginī || 17 ||
[Analyze grammar]

skandhayoḥ śreṣṭhavasanaṃ prāvāravaramuttamam |
sauvarṇaprāntasaṃśobhaṃ puṣpahārāvalibhṛtam || 18 ||
[Analyze grammar]

bhujabandhau prakoṣṭhasthaśṛṃkhale kaṭake tathā |
ūrmikāścāṃgulicakrāṃ'gulīyakāni vai tathā || 19 ||
[Analyze grammar]

ratnāḍhyāni ca divyāni dhāritāni hi cakriṇaḥ |
raśanāṃ svarṇanirmāṇāṃ khaḍgaṃ sauvarṇataijasam || 20 ||
[Analyze grammar]

dhārayāmāsurevainaṃ nārikelaphalādikam |
caturdantaṃ śvetavarṇaṃ hastinaṃ cādrisadṛśam || 21 ||
[Analyze grammar]

mahāśuddhaṃ surūpaiśca rūpitaṃ svarṇakūthinam |
sāmbālikaṃ sūryabhāvat taijasaṃ muktakoṭikam || 22 ||
[Analyze grammar]

śṛṃgārita kṛtasarvakautukaḥ śrīnarāyaṇaḥ |
ārohayacchatrayaṣṭidharacāmarisevitaḥ || 23 ||
[Analyze grammar]

varavāhinikā devairjuṣṭā maharṣimānavaiḥ |
divyavājigaruḍādyaiḥ śobhate dhāmagā yathā || 24 ||
[Analyze grammar]

pradīpāścauṣadhīnāṃ ca vṛtānāṃ vidyutāṃ tathā |
maṇīnāṃ divyaratnānāṃ tadā''san paritaḥ sukhāḥ || 25 ||
[Analyze grammar]

evaṃ sā sarvaśobhāḍhyā vṛddhajanairalaṃkṛtā |
nārīvargairatigītā vāhinī vyacarat puraḥ || 26 ||
[Analyze grammar]

tadā vādyānyavādyanta jayaśabdāstathā'bhavan |
puṣpavṛṣṭirdivyahastairmuktā'bhavacca cāndanī || 27 ||
[Analyze grammar]

lājā'kṣatādimāṃgalyairvardhitaḥ parameśvaraḥ |
hastinā saṃvṛtaḥ pṛṣṭhe yayau vivāhamaṇḍapam || 28 ||
[Analyze grammar]

viśālaṃ cā'mbaraspṛṣṭaṃ vicitrāmbaraśobhitam |
svarṇastambhapraśākhātoraṇādyairatyalaṃkṛtam || 29 ||
[Analyze grammar]

naisargikapradīpādyaiḥ svarṇakalaśairvardhitam |
kalpalatādibhirvyāptaṃ nisargagītigarjitam || 30 ||
[Analyze grammar]

magalāyatanadaivapratimādyabhirājitam |
kuṇḍavipropakaraṇairvahnidevādhivāsitam || 31 ||
[Analyze grammar]

sarvasamitsamājuṣṭaṃ vedaviprā'bhivardhitam |
etādṛśaṃ dhāmatulyaṃ prāpya vai maṇḍapaṃ varaḥ || 32 ||
[Analyze grammar]

avatīrya gajānnamaskṛtya tanmaṇḍapeśvaram |
śvaśureṇa tathā śvaśrvā satkṛtaḥ pūjito hariḥ || 33 ||
[Analyze grammar]

lokācāraiḥ saṃskṛtaśca jalādyairmālikādibhiḥ |
akṣatādyairvardhitaśca gṛhopakaraṇaistathā || 34 ||
[Analyze grammar]

nirvighnīkṛta īśeśo viśrāntyai nīta ālayam |
mahāmandiramadhye susvarṇasaudhāntare tadā || 35 ||
[Analyze grammar]

siṃhāsane śvaśurādyairupāveśita ādṛtaḥ |
hāraiḥ svāgatayatnaiśca prasādito'nnavāribhiḥ || 36 ||
[Analyze grammar]

prāghūṇikāḥ samastāśca jalatāmbūladānakaiḥ |
miṣṭānnakaiḥ phalaiścāpi prasāditāḥ sukhīkṛtāḥ || 37 ||
[Analyze grammar]

vādyante tatra vādyāni gīyante gītayaḥ śubhāḥ |
uddhoṣyante vedamantrāḥ pramodante narāḥ striyaḥ || 38 ||
[Analyze grammar]

atha nāryaḥ kumāryaśca saubhāgyayoṣitastadā |
vividhairdivyaveṣādyaiḥ śṛṃgārairbhūṣaṇādibhiḥ || 39 ||
[Analyze grammar]

prasādhanaiḥ śṛṃgārayāmāsustāṃ bālayoginīm |
sugandhitailasārādyaiḥ salilaistīrthapāvanaiḥ || 40 ||
[Analyze grammar]

candanaiḥ kesaraiḥ piṣṭaiḥ piśaṃgaiḥ svarṇacūrṇakaiḥ |
saṃsnāpya ghargharīṃ svarṇabuṭṭaratnādisaṃbhṛtām || 41 ||
[Analyze grammar]

nidhārayāmāsurapi śāṭīṃ sauvarṇabhāsurīm |
kañcukīṃ kānakīṃ sūkṣmatantūtthāṃ kacalīṃ tathā || 42 ||
[Analyze grammar]

colīṃ ca kucalīṃ svarṇavarṇāṃ ca naktakaṃ śubham |
raktarūpāṃ sūkṣmaśāṭīsahāyiśāṭikāṃ daduḥ || 43 ||
[Analyze grammar]

keśaveśaṃ ca kabarīṃ dhammilaṃ bhūṣaṇāni ca |
saphulakaṃ grathanaṃ ca kṛtvā sumukuṭaṃ nyadhuḥ || 44 ||
[Analyze grammar]

lalāṭikāṃ bālapāśīṃ cūḍāmaṇiṃ ca śṛṃkhalām |
cūḍāmaṇiṃ karṇabhūṣāmīrayāne ca bālikām || 45 ||
[Analyze grammar]

natthīṃ ca candrikāṃ phullīṃ ṭippakīṃ ratnacakrikām |
paṭṭapatrīṃ phullamālāṃ mudgamālāṃ ca māṣajām || 46 ||
[Analyze grammar]

caṇahārān maṇihārān parvahārān nyadhurgale |
kaṭake śṛṃkhale siṃhakaṭake bhujabandhake || 47 ||
[Analyze grammar]

ūrmikāścāṃgulicakrāṇyapi prapadmapatrikām |
raśanāṃ dhārayāmāsurjhaṃjhīre ghurghurīyute || 48 ||
[Analyze grammar]

kiṃkiṇījālanādāḍhyai kaṭake kāmbike nyadhuḥ |
pādāṅgulīyakānyūrdhvacandrāḍhyāni nyadhustathā || 49 ||
[Analyze grammar]

kaṇṭhīṃ lalantikāṃ graiveyakāṇi kuṇḍalāni ca |
muktāhārādikān hārān gucchagostanamālikāḥ || 50 ||
[Analyze grammar]

kaṃkaṇe mekhalāṃ maṃjīre ca nyadhārayattadā |
nakhālaktakadānaṃ ca karapādatalādiṣu || 51 ||
[Analyze grammar]

oṣṭhagaṇḍakapolādau bhāle stanayoḥ rañjanam |
kajjalaṃ netrayordehe veṣe svarṇādicūrṇakam || 52 ||
[Analyze grammar]

nyadhustā yoṣitaḥ kanyārūpe rūpābhivṛddhaye |
puṣpahārānnadhuścāpi vadhūṭīmukuṭe śubhān || 53 ||
[Analyze grammar]

svalpalajjāṃ sūkṣmaśāṭikayā vyaracayan striyaḥ |
tāmbūlacarvaṇaṃ miṣṭabhojaṃ vāripānakam || 54 ||
[Analyze grammar]

daduḥ prāpte muhūrte'tha lāgnike maṇḍapaṃ prati |
varaṃ ca mahīmānādīnānayāmāsurutsukāḥ || 55 ||
[Analyze grammar]

viprā vṛddhā lomaśādyāḥ śiṣṭācāraṃ vyadhustadā |
prakṣālya caraṇau sureśvarī nīrājanaṃ vyadhāt || 56 ||
[Analyze grammar]

pupūjā'kṣatakusumairlājādyaiḥ samavardhayat |
varaṃ cātha gītivedairvardhito mṛtkapālakam || 57 ||
[Analyze grammar]

saṃcūrṇya natvā devāṃśca guruṃ vahniṃ sa maṇḍape |
kuṇḍāgre nyaṣīdad darśitāsane vararāṭ sa hi || 58 ||
[Analyze grammar]

yoṣābhiścā'kṣatapuṣpairvardhito viprapuṃgavaiḥ |
nipīto grāmayoṣābhiścakṣurbhistṛṣitairati || 59 ||
[Analyze grammar]

hṛdaye gamito divyaścātmanyarpita iṣṭavat |
atha striyaḥ samāninyurmaṇḍapaṃ bālayoginīm || 60 ||
[Analyze grammar]

sureśvarīsahitāstā jaguśca lagnagītikāḥ |
viprāḥ kanyāṃ tadā gandhākṣatapuṣpādibhirdrutam || 61 ||
[Analyze grammar]

vardhayāmāsuruccaiśca maṃgalāni jagurmuhuḥ |
dinaṃ saṃkalpayāmāsurnyaṣādayan surāntike || 62 ||
[Analyze grammar]

kanyakāṃ vāmabhāge śrīkṛṣṇanārāyaṇasya vai |
gaṇeśādipūjanaṃ ca kārayāmāsurityapi || 63 ||
[Analyze grammar]

kāmaphalabandhanaṃ ca maṇḍapāgniprapūjanam |
kuṇḍaprapūjanaṃ vipravṛddhādipūjanaṃ tathā || 64 ||
[Analyze grammar]

prāyaścittaṃ tu śuddhyarthaṃ kārayāmāsurityatha |
śrāddhāditarpaṇaṃ cāpi kuladevādipūjanam || 65 ||
[Analyze grammar]

kārayitvā varagale kanyāhastena mālikām |
puṣpāṇāṃ dāpayāmāsuḥ puṣpākṣatādivardhanam || 66 ||
[Analyze grammar]

varahastena kanyāyāḥ kaṇṭhe'pi mālikāṃ tathā |
vastragranthimato viprāścakrustato'bhidānakam || 67 ||
[Analyze grammar]

agneḥ pradakṣiṇāṃ caturvāraṃ ca namanārcanam |
kārayāmāsurevaitau havanaṃ haviṣāṃ tathā || 68 ||
[Analyze grammar]

hastagrahaṃ pitā tatra kārayāmāsa dānakṛt |
varahaste dadau hastaṃ kanyāyāstu nikāmataḥ || 69 ||
[Analyze grammar]

nikāmadevo viprarṣiścāśīrvādān dadau tadā |
mahābhāgyavatī putri bhava nārāyaṇī sadā || 70 ||
[Analyze grammar]

bālakṛṣṇaḥ prajagrāha karaṃ kanyārpitaṃ kare |
sahadharmān caratāṃ vai tādātmyaṃ caratāṃ sadā || 71 ||
[Analyze grammar]

dadurviprā āśiṣaśca dānaṃ daduḥ pare janāḥ |
hastadravyaṃ daduścāpi bahuratnādisaṃbhṛtam || 72 ||
[Analyze grammar]

dakṣiṇā'rhaṇadānāni viprebhyaḥ pradadau pitā |
śrīmadgopālakṛṣṇādyā dadurdānāni bhūriśaḥ || 73 ||
[Analyze grammar]

godānādisamastāni mahādānāni vai daduḥ |
kavalaṃ ca mithastatra jagṛhaturvadhūvarau || 74 ||
[Analyze grammar]

anyonyasya mukhe premṇā dadatustatra maṇḍape |
ūrmikākhelanaṃ tatra cakraturjalapātrake || 75 ||
[Analyze grammar]

parihāraṃ tu bhūdevāścakrurvai yoṣitastadā |
gītikāpūrvakaṃ ramye mandire dampatīṃ śubhe || 76 ||
[Analyze grammar]

ninyurhāsyāni cakruśca dadustābhyāṃ subhojanam |
jalapānaṃ tathā tāmbūlakaṃ daduśca vai rahaḥ || 77 ||
[Analyze grammar]

śayanaṃ pradadustatra vadhūṭī pāritoṣikam |
prāpya siṣeve kāntaṃ cā'tha prāghuṇāstathā prajāḥ || 78 ||
[Analyze grammar]

bhuktvā vyadhuśca śayanaṃ prātarjātaṃ tato janāḥ |
pañcamyāmāṣāḍhaśukle snātvā bhuktvā samutsukāḥ || 79 ||
[Analyze grammar]

dampatīvāhinīyuktāḥ sajjā gantuṃ tato'bhavan |
pitānikāmadevaśca dhanaṃ prādānmahottamam || 80 ||
[Analyze grammar]

yautakaṃ bahudhā tatra divyaṃ sarvaṃ viśeṣataḥ |
pradadau kanyakā sāpi śrīmatkṛṣṇanarāyaṇam || 81 ||
[Analyze grammar]

pati prāha pitarau me saha kṛṣṇa naya tvayā |
dhūnīgrāme pitarau me madviyogena duḥkhitau || 82 ||
[Analyze grammar]

syātāṃ tasmād bhavatkṣetraṃ naya kṛṣṇa kṛpāṃ kuru |
atha tāvat samāgatya pādau dhṛtvā harerapi || 83 ||
[Analyze grammar]

prāha nikāmadevo'pi naya nau vai nijaṃ gṛham |
hariḥ prāha tathāstvevaṃ tathā gopālakṛṣṇakaḥ || 84 ||
[Analyze grammar]

ninye snuṣāpitarau tau nijāṃ kuṃkumavāpikām |
sureśvarī tathā nikāmadevo bālayoginī || 85 ||
[Analyze grammar]

yayuḥ kṛṣṇasya vāhinyā samaṃ kuṃkumavāpikām |
dhūnīgrāmajanāścā'nye yayurbhaktā harestu ye || 86 ||
[Analyze grammar]

prasthānaṃ cakrire sarve madhyāhne bhojanottaram |
devavādyānyavādyanta puṣpavṛṣṭirbabhūva ha || 87 ||
[Analyze grammar]

sureśvaryā jitā māyā jitaḥ kṛṣṇaḥ sutārpaṇāt |
jito mokṣaśceti vāṇī surāṇāmabhavaddivi || 88 ||
[Analyze grammar]

atha svargasamo grāmo maṇḍapo divyakānakaḥ |
yajñaśālā rasaśālā mahānasāni yānyapi || 89 ||
[Analyze grammar]

sarvaṃ tiro'bhavat sadyaḥ prasthite parameśvare |
miṣṭānnāni prasādāni devādyā ninyurutsukāḥ || 90 ||
[Analyze grammar]

tīrthāni ca surādyāśca yayurvismayamacyute |
dāsā dāsyo harikṛtā adṛśyatāṃ yayurdrutam || 91 ||
[Analyze grammar]

vāhayitvā vāhinīṃ svāṃ bālayoginikāpatiḥ |
bālakṛṣṇaḥ priyāyuk cā''yayau kuṃkumavāpikām || 92 ||
[Analyze grammar]

maṃgalāni samastāni tatrā''san kṛṣṇamandire |
pitā pradadau dānāni bhojanāni madhūni ca || 93 ||
[Analyze grammar]

mahīmānādipūjāṃ sa pracakāra tathā'rpaṇam |
dhanādīnāṃ yathāyogyaṃ vyasarjayatattaḥ param || 94 ||
[Analyze grammar]

mahīmānāḥ prasannāśca prayayuḥ svālayāṃstataḥ |
vadhvāḥ pitre ca mātre ca bālakṛṣṇaḥ suvarṇajam || 95 ||
[Analyze grammar]

mandiraṃ nityavāsārthaṃ pradadau bhogyajātakam |
prāpatustau parānandaṃ jāmātāraṃ hariṃ prabhum || 96 ||
[Analyze grammar]

prāpyakanyāmahābhāgyaṃ vīkṣya yayaturharṣaṇam |
nivṛttau tāvṛṇāt kanyāṃ datvā tu vidhinā tataḥ || 97 ||
[Analyze grammar]

yuyujāte harermūrtau mokṣārthaṃ tāvaharniśam |
athaikadā śrīnikāmadevaḥ papraccha taṃ harim || 98 ||
[Analyze grammar]

śreyase śreṣṭhamatraiva sādhanaṃ mokṣakṛttu yat |
badrike śvaśuraṃ mokṣamānasaṃ vīkṣya vai tataḥ || 99 ||
[Analyze grammar]

mokṣayogaṃ svajāmātā bodhayāmāsa sarvathā |
yat prāpya mānavāścāpi mokṣaṃ tūrṇamavāpnuyuḥ || 100 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne mahīmānānāṃ bhojanādi śṛṃgāraḥ maṇḍapaṃ pratigamanam śrīkṛṣṇasya śṛṃgāro maṇḍapaṃ pratigamanam vidhiścodvāhaḥ kuṃkumavāpikāṃ pratyāgamanaṃ cetyādinirūpaṇanāmā trayoviṃśo'dhyāyaḥ || 23 ||
[Analyze grammar]