Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 22 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnaranārāyaṇa uvāca |
śṛṇu badrīpriye devi tataḥ sā bālayoginī |
kriyāyogaṃ samagraṃ vai harau cakre'titanmayī || 1 ||
[Analyze grammar]

caturaṅgaṃ mahāyogaṃ yojayāmāsa mādhave |
vyāpārān karmarūpān sā nidadhe śrīdhave dhave || 2 ||
[Analyze grammar]

tadyathā nijadehaṃ śrīkṛṣṇaśayyāvaśaṃ vyadhāt |
hastau nijau hareḥ kaṇṭhāśleṣaṇe samayojayat || 3 ||
[Analyze grammar]

pādau kṛṣṇābhigamane kṛṣṇapradakṣiṇādiṣu |
kṛṣṇārthe sā vyadhājjihvāṃ śrīkṛṣṇakīrtane vyadhāt || 4 ||
[Analyze grammar]

kaṭidānaṃ ca kṛṣṇārthaṃ kṛṣṇāṃke svāsanaṃ vyadhāt |
ratiṃ prītiṃ parāsaktiṃ kāmanāṃ haraye'karot || 5 ||
[Analyze grammar]

hāvān bhāvān pramodāṃśca ceṣṭāśca haraye vyadhāt |
saṃketān mauninirdeśān kriyārthān haraye'karot || 6 ||
[Analyze grammar]

bhojanaṃ śayanaṃ pānaṃ vihāraṃ haraye vyadhāt |
śṛṃgāraṃ śobhanaṃ rūpaṃ divyatāṃ haraye'karot || 7 ||
[Analyze grammar]

kañjalaṃ rañjanaṃ sammārjanaṃ keśaprasādhanam |
veṣaṃ bhūṣāḥ sugandhaṃ ca racanāṃ haraye vyadhāt || 8 ||
[Analyze grammar]

mālāṃ hāraṃ maṇiṃ ratnaṃ tailaṃ snānaṃ sucandanam |
kesaraṃ kuṃkumaṃ candraṃ patrikāṃ haraye vyadhāt || 9 ||
[Analyze grammar]

alaktakaṃ keśaveṣaṃ dhammilaṃ kabarīṃ latām |
tilaṃ tilakaṃ tilakīṃ candrikāṃ haraye vyadhāt || 10 ||
[Analyze grammar]

hāsyaṃ nṛtyaṃ ca gamanaṃ līlāṃ ramaṇaṃ khelanam |
aṃgasvāsthyaṃ suśuddhiṃ ca nārāyaṇāya sā vyadhāt || 11 ||
[Analyze grammar]

udgāraṃ prāṇanaṃ niṣadanaṃ dehāṃgabhaṃjanam |
aṃgulisphoṭanaṃ tālīvādanaṃ haraye vyadhāt || 12 ||
[Analyze grammar]

gītiṃ miṣṭasvaraṃ tālaṃ vādanaṃ cāṃgakharjanam |
sandhivalayanaṃ vāryānayanaṃ śākarandhanam || 13 ||
[Analyze grammar]

āstaraṇaṃ tāpaśītasahanaṃ haraye vyadhāt |
evaṃ sakhīvayasyābhirbālyakrīḍanakādikam || 14 ||
[Analyze grammar]

kāṣṭhasamitphalapuṣpapatrāharaṇamityapi |
anādiśrīkṛṣṇanārāyaṇakāntārthamānayat || 15 ||
[Analyze grammar]

sarvāḥ kalāḥ śrīharaye'karonnātmārthamīśvarī |
evaṃ vyāpārayogāṃgaṃ śrīkṛṣṇārthaṃ vyadhāt sadā || 16 ||
[Analyze grammar]

atha dvitīyaṃ yogāṃgamālocanaṃ harau vyadhāt |
ālocanāni jñānāni sarvāṇi haraye vyadhāt || 17 ||
[Analyze grammar]

darśanāni samastāni yāvanti śravaṇāni ca |
spārśanāni samastāni yāvanti rāsanāni ca || 18 ||
[Analyze grammar]

ghrāṇajāni samastāni jāgratsvapnakṛtāni ca |
mūrchāsuṣuptituryādiprodbhavāni vyadhāddharau || 19 ||
[Analyze grammar]

pratyakṣādīni sarvāṇi pratyabhijñānakānyapi |
dhāryākārāṇi sarvāṇi yāvanti sphuraṇāni ca || 20 ||
[Analyze grammar]

anumānānumityādīnyapi sā haraye vyadhāt |
upamānaṃ copamitiṃ sādṛśyaṃ śābdamityapi || 21 ||
[Analyze grammar]

ākāṃkṣāvaśasaṃsargajñānāni haraye vyadhāt |
arthāpādanamevā'pi tarkaṃ siddhiṃ ca nirṇayam || 22 ||
[Analyze grammar]

anupalambhamevāpi saṃbhāvanāṃ kutūhalam |
mānasaṃ cintanaṃ prabodhanaṃ tathā'bhimānanam || 23 ||
[Analyze grammar]

guṇānāṃ gaṇanāṃ cāpi bhāvanāṃ śubhavāsinīm |
snehaṃ sukhaṃ pramodaṃ ca vāñcchāṃ yatnaṃ vṛṣaṃ śrutim || 24 ||
[Analyze grammar]

vegaṃ copāsanāṃ bhaktiṃ sevāṃ dhyānaṃ dayāṃ kṛtim |
grahaṇaṃ smaraṇaṃ harṣaṃ vihvalatāṃ prasañjanam || 25 ||
[Analyze grammar]

evamālocanānyaṃsyā haryartha vai sadā'bhavan |
atha tṛtīyaṃ yogāṃgaṃ jīvārpaṇaṃ vyadhāddharau || 26 ||
[Analyze grammar]

ātmā yaścetano dehe prāṇayogena jīvati |
jīvanaṃ bhogasampattirbhogārpaṇaṃ vyadhāddharau || 27 ||
[Analyze grammar]

sukhamodānucaitanyaṃ prakāśaścātmarūpakaḥ |
prakāśasyā'rpaṇaṃ kṛṣṇe vyadhādvai bālayoginī || 28 ||
[Analyze grammar]

saccidānandarūpo yo nityānandaprapūritaḥ |
saccidānandatāṃ kṛṣṇe prārpayatsā tu bālikā || 29 ||
[Analyze grammar]

ātmaniveditāṃ kṛṣṇakānte vyadhāttu yoginī |
sadbhāvaṃ satsvarūpe vai cidbhāvaṃ citsanātane || 30 ||
[Analyze grammar]

ānandaṃ śāśvatānande cātmānaṃ paramātmani |
brahmatāṃ pūrṇatāṃ cāpi jñātṛtā cendratāṃ nijām || 31 ||
[Analyze grammar]

śāstṛtva rājatāṃ cāpi kṛṣṇe bālā samārpayat |
atha turyaṃ parabrahmarasabhogātmakaṃ sukham || 22 ||
[Analyze grammar]

yogāṃgaṃ kṛṣṇanirvāṇaṃ kṛṣṇānandarasāplavam |
parabrahmarasā''bhogaṃ kṛṣṇatādātmyasaṃbhavam || 33 ||
[Analyze grammar]

akhaṇḍā'sīmasaṃbhogā''nandāsvādasukhottamam |
svādaikatānatāmūrchātadātmakasamādhitām || 34 ||
[Analyze grammar]

dravībhāvaṃ tadadṛśyātmakatvaṃ rasadivyatām |
lāvaṇyā'mṛtamādhuryapīyūṣapānatṛptijām || 35 ||
[Analyze grammar]

sudhāśītalaśāntiṃ sā prārpayat paramātmani |
evaṃ sā badarīdevi kanyakā bālayoginī || 36 ||
[Analyze grammar]

yogāṃgāni tu catvāri samārpayat parātmani |
mātā sureśvarī vīkṣya vismayaṃ yāti nityadā || 37 ||
[Analyze grammar]

nā'syāḥ kṛṣṇaṃ vinā tattvaṃ pārthakyaṃ bhajate kvacit |
kṛṣṇaḥ kārṣṇī tathā kārṣṇī kṛṣṇaḥ sā bālayoginī || 38 ||
[Analyze grammar]

vācake'pi na vai bhedo liṅgabhedo'pyalīyata |
mātrā kvacid dṛśyate sā kṛṣṇanārāyaṇātmikā || 39 ||
[Analyze grammar]

kṛṣṇanārāyaṇo bhūtvā dṛśyate bālayoginī |
kṛṣṇanārāyaṇī lakṣmīrbadarītimuhurmuhuḥ || 40 ||
[Analyze grammar]

vyāpārālocanajīvabrahmarasasamarpaṇam |
caturaṃgamahāyogaṃ yogīśvare hyavāpa sā || 41 ||
[Analyze grammar]

athaivaṃ vīkṣya tāṃ kanyāṃ nārāyaṇaparāyaṇām |
sureśvarī sutāṃ prāha putri saṃskāramantarā || 42 ||
[Analyze grammar]

deho hyaśuddho bhavati tasmād vivāha iṣyate |
vivāhena sadā śuddhiḥ kanyakānāṃ prajāyate || 43 ||
[Analyze grammar]

dīrghikāyāḥ kumāryāstu svarge tvindrasabhāsthale |
sabhāyāṃ vartamānāyā yadā sabhāvisarjanam || 44 ||
[Analyze grammar]

bhavatyeva tataḥ paścāt tasyā asanamuttamam |
indro matvā hyaśuddhaṃ vai kārayatyeva śodhanam || 45 ||
[Analyze grammar]

jalena prokṣaṇaṃ kṛtvā śuddhiṃ karoti devarāṭ |
tad vijñāya tataḥ pṛṣṭho dīrghikayā sureśvaraḥ || 46 ||
[Analyze grammar]

kathaṃ madāsane cendra prokṣaṇaṃ kriyate'nvaham |
pratyuttaraṃ jagādendro bhavatī yuvatī hyasi || 47 ||
[Analyze grammar]

avivāhitakanyā'si hyaśuddhā'si tato nvaham |
aśuddhamāsanaṃ te'tra śodhayāmi tu siñcanaiḥ || 48 ||
[Analyze grammar]

yadvā vivāhitā bhūtvā bhava śuddhimatī sute |
mānavyasi rajovyāptā patiśūnyā hyaśuddhigā || 49 ||
[Analyze grammar]

patiṃ prāpya vivāhena śuddhā tvaṃ saṃbhaviṣyasi |
vivāhākhyastu saṃskāraḥ patinā ca samāgamaḥ || 50 ||
[Analyze grammar]

kanyānāṃ dehaśuddhyarthaṃ brahmaṇā tu vinirmitaḥ |
tad yāhi kṛtaśuddhistvaṃ bhava śuddhāsanā sute || 51 ||
[Analyze grammar]

ityuktā sā mahendreṇa kṛtvā vivāhamātmanaḥ |
ṛṣiṇā sveṣṭayogyena tataḥ śuddhāsanā'bhavat || 52 ||
[Analyze grammar]

tat tvaṃ kanye bālike tvaṃ varaṃ kṛṣṇaṃ patiṃ prabhum |
vidhinā tu vivāhena samāsādaya madgṛhe || 513 ||
[Analyze grammar]

vahniviprajanasākṣye śuddhā'pi śuddhimeṣyasi |
māturme vacanaṃ matvā vivāhotsavamāpnuhi || 64 ||
[Analyze grammar]

ityuktā sā mātṛbhaktā sarvadharmārthavedinī |
omityāha prasū tatra mātā modamavāpa ha || 55 ||
[Analyze grammar]

dadhyau sā kanyakā kṛṣṇanārāyaṇaṃ varaṃ harim |
kuṃkumavāpikāvāsaṃ pārvībadrīpriyampatim || 56 ||
[Analyze grammar]

gopālabālakaṃ śrīmatkaṃbharātanujaṃ prabhum |
naranārāyaṇarūpaṃ sveṣṭasvāmipumuttamam || 57 ||
[Analyze grammar]

māturmānasasiddhyarthaṃ nitarāṃ magnamānasā |
satataṃ śrīkṛṣṇanārāyaṇaṃ dadhyau samādhiṣu || 58 ||
[Analyze grammar]

divārātraṃ sthitā dhyāne tāvat taijasavigrahaḥ |
puṣṭayuvā'nādikṛṣṇanārāyaṇo hasan hariḥ || 59 ||
[Analyze grammar]

śrīkṛṣṇovallabhaḥsvāmī sarvaśṛṃgārabhūṣaṇaḥ |
rūparūpānurūpāḍhyamūrtiḥ kanyāmanoharaḥ || 60 ||
[Analyze grammar]

svarṇabhāsuraśobhāṃgaḥ svayameka upāgataḥ |
uvāca tāṃ nijapatnīṃ vada kiṃ kāṃkṣasi priye || 61 ||
[Analyze grammar]

yā te vāñcchā kariṣye tāṃ pūrṇāṃ brūhi manogatam |
atha śīghraṃ samutthāya hṛṣṭā sā bālayoginī || 62 ||
[Analyze grammar]

papāta pādayoḥ prāha gṛhāṇa vidhinā tu mām |
varamālābhūṣitaśca vahrimaṇḍapasatkṛtaḥ || 63 ||
[Analyze grammar]

vivāhanaṃ devatānāṃ sannidhau me kuru prabho |
māturme vacanaṃ tathyaṃ kuru nārāyaṇa prabho || 64 ||
[Analyze grammar]

śrutvā bāloditaṃ cānugrahamūrtiḥ svayaṃ hariḥ |
astvevaṃ ceti jagrāha vivāhārthaṃ samutsukaḥ || 65 ||
[Analyze grammar]

atha bālā dadau tasmai madhuparkaṃ prapūjanam |
jagrāha sa tato bālā ninye taṃ nijamātaram || 66 ||
[Analyze grammar]

prāha tāṃ mātaraṃ kanyā mātaḥ kṛṣṇanarāyaṇaḥ |
āyātaḥ kṛpayā cātra tavecchayā'rthimānakṛt || 67 ||
[Analyze grammar]

kṛtārthaṃ kuru cātmānaṃ mātaḥ prapūjya keśavam |
mānavena svarūpeṇa kṛpayā tvāmupasthitam || 68 ||
[Analyze grammar]

mātā sasaṃbhramā tasya cakre svāgatamāsanam |
anarghyaṃ pradadāvarghyaṃ dadau cakre prapūjanam || 69 ||
[Analyze grammar]

nikāmadevaṃ sahasā jagādā''gatamacyutam |
so'pi vīkṣya hariṃ putrīprāṇeśaṃ parameśvaram || 70 ||
[Analyze grammar]

suprahṛṣṭaḥ paraṃ cakraṃ sanmānaṃ pārameśvaram |
nanarta sa kṣaṇaṃ dṛṣṭvā kanyāprāṇapatiṃ patim || 71 ||
[Analyze grammar]

sarvapatiṃ kṛpāpārāvāraṃ mānavavigraham |
gṛhātithiṃ saumyaveṣaṃ sarvābharaṇabhūṣitam || 72 ||
[Analyze grammar]

atha mātā samiyeṣa draṣṭuṃ rūpaṃ caturbhujam |
divyaṃ śrīsvāminaṃ kṛṣṇaṃ nārāyaṇaṃ pareśvaram || 73 ||
[Analyze grammar]

vijñāya sahasā śrīmadbālakṛṣṇo hṛdi sthitam |
caturbhujo'bhavattūrṇaṃ śaṃkhacakragadādharaḥ || 74 ||
[Analyze grammar]

rādhālakṣmīpūjitaśca pārṣadādikṛtārhaṇaḥ |
darśayitvā divyarūpaṃ punaḥ sa mānavo'bhavat || 75 ||
[Analyze grammar]

arcito vanditaḥ kṛṣṇo bhojitaḥ sevitastataḥ |
tilakena sucandreṇa puṣpahāraiḥ praśobhitaḥ || 76 ||
[Analyze grammar]

vāgdānena ca kanyāyāḥ praharṣito vidhānataḥ |
vivāhavidhinā kanyāṃ pariṇetuṃ tato'rthitaḥ || 77 ||
[Analyze grammar]

prasthāpitaśca bahudhā śīghrāgamāya cārthitaḥ |
vardhitaścāśiṣā tūrṇaṃ tiro'bhavat tadā'mbare || 78 ||
[Analyze grammar]

atha sarve pratīkṣante punarnārāyaṇāgamam |
bālayoginīrūpāyāḥ śriyā vivāhasūtsavam || 79 ||
[Analyze grammar]

tāvannārāyaṇakṛṣṇaḥ preṣayāmāsa bhūsuram |
nāmnā yogīśvaradevaṃ vṛttāntakathanāya vai || 80 ||
[Analyze grammar]

vipraḥ śīghraṃ samāgatya nikāmadevamandiram |
kṛṣṇoditaṃ tu vṛttāntaṃ nikāmadevanāmine || 81 ||
[Analyze grammar]

kathayāmāsa sarvasvaṃ vivāhasya kṣaṇottamam |
āṣāḍhadhavale pakṣe caturthyāṃ prātareva ha || 82 ||
[Analyze grammar]

āgamiṣye hi lagnoktavivāhārthaṃ kuṭumbayuk |
ityuktvā prayayau viprastirobhūya nijālayam || 83 ||
[Analyze grammar]

sureśvarī ca tatputrī nikāmadevabhūsuraḥ |
prasannāścā'bhavaṃstatra kanyāvivāhamodinaḥ || 84 ||
[Analyze grammar]

atha nikāmadevaśca lagnapatraṃ vilikhya vai |
preṣayāmāsa śīghraṃ tad vipradvārā tu mādhavam || 85 ||
[Analyze grammar]

kuṃkumavāpikākṣetraṃ gatvā vipro harīśvaraḥ |
arpayāmāsa lagnasya patraṃ maṃgalabodhakam || 86 ||
[Analyze grammar]

jagrāha bhagavān kṛṣṇanārāyaṇo mudā tu tat |
vipraṃ pupūja puṣpādyairdhanaṃ ratnāni sampadaḥ || 87 ||
[Analyze grammar]

viprāya pradadau śrīmadgopālakṛṣṇa ādarāt |
mātā śrīkaṃbharālakṣmīrmaṃgalāni hyagāpayat || 88 ||
[Analyze grammar]

dadau dānāni bahūni ropayāmāsa maṇḍapam |
kuṭumbibhyaḥ patrikāśca tadbodhikā hyavāsṛjat || 89 ||
[Analyze grammar]

lomaśena samaṃ kṛṣṇanārāyaṇo hariḥ prabhuḥ |
aśvapaṭṭasarastīrthe snātvā nijālaye sthitaḥ || 90 ||
[Analyze grammar]

piṣṭikāmardanaṃ cakrurnāryastasya haripriyāḥ |
snapayāmāsuratyarthaṃ candanādyaiḥ sumarditaiḥ || 91 ||
[Analyze grammar]

āṣāḍhaśuklatṛtīyāniśāyā parameśvaraḥ |
vibhūṣito yuvā puṣṭo rājādhirājacihnitaḥ || 92 ||
[Analyze grammar]

mātāpitṛkṛtasarvamaṃgalaḥ sumaharṣibhiḥ |
āśīrbhirvardhitaḥ sarvakuṭumbibhiḥ pramoditaḥ || 93 ||
[Analyze grammar]

tīrthadevaiśca muktaiśca brahmapriyādibhiryutaḥ |
saurāṣṭrabhaktavargaiśca divyāśvagajavāhanaiḥ || 94 ||
[Analyze grammar]

pāresāhasranārībhiḥ samanvitaḥ śubhe kṣaṇe |
sarvairdivyasuśobhāḍhyairyutaśca sādhubhirvaraiḥ || 95 ||
[Analyze grammar]

kuṃkumavāpikāsarvaprajābhiḥ sahito yayau |
pratasthire kṛtājñāśca varavāhinikāyujaḥ || 96 ||
[Analyze grammar]

bahūtsāhabhavā nāryo narāḥ saubhāgyaśālinaḥ |
prātareva brāhmakāle prāpurvarasamanvitāḥ || 97 ||
[Analyze grammar]

dhūnīgrāmaṃ mahodyānābhivyāptaṃ bahuśobhitam |
karuṇāvārigātīre mahodyāne nivāsanam || 98 ||
[Analyze grammar]

viśrāntiṃ lebhire tatra tāvannikāmadevakaḥ |
kuṭumbasahito nārīgītamaṃgalaśobhitaḥ || 99 ||
[Analyze grammar]

viprādisahitaḥ pūjāṃ kartuṃ tūrṇamupāyayau |
anādiśrībālakṛṣṇaṃ varaṃ kanyārthamāgatam || 100 ||
[Analyze grammar]

sarvaiśvaryaparipūrṇaṃ vīkṣya harṣaṃ jagāma ha |
divyo varo varavṛddhā divyāḥ kuṭumbinastathā || 101 ||
[Analyze grammar]

divyāśca varavāhinyāgatā nāryo narāstadā |
divyā vāhāśca yānāni divyopakaraṇānyapi || 102 ||
[Analyze grammar]

divyā devā devatāśca devyo brahmapriyāstathā |
haripriyāḥ prajāścāpi divyataijasavigrahāḥ || 103 ||
[Analyze grammar]

sarvaṃ divyaṃ vilokyaiva mahāścaryaṃ yayau mudhā |
cintayāmāsa sarveṣāṃ daśasāhasradehinām || 104 ||
[Analyze grammar]

satkārārthaṃ miṣṭamannaṃ miṣṭaṃ jalaṃ ca mandiram |
śayyāsanāni sarvāṇi bhavanānyuttamāni ca || 105 ||
[Analyze grammar]

bhojyapātrāṇyanantāni dravyā'nnarasaśarkarāḥ |
pūjāṃ cakre mahādhairyaḥ smarannārāyaṇaprabhum || 106 ||
[Analyze grammar]

putrīpatiṃ sarvasiddhisevitaṃ cāgataṃ harim |
cintāmaṇiṃ prabhuṃ spṛṣṭvā cintayāmāsa vaibhavān || 107 ||
[Analyze grammar]

nārāyaṇārthaparyāptān vivāhotsavaśobhanān |
sarvārthān kalpayāmāsa pūjayan svasutāpatim || 108 ||
[Analyze grammar]

jāmātāraṃ prabhuṃ prāpya bhayaṃ dāridryasaṃbhavam |
nā'bhūttasya tadā tatra putryāḥ pratāpato'pi ca || 109 ||
[Analyze grammar]

mahārājādhirājānāṃ cintayāmāsa sampadaḥ |
tāvattatra vanoddeśe mahodyānāni sarvataḥ || 110 ||
[Analyze grammar]

phalapuṣpasugandhāḍhyajalābjapūritāni vai |
abhavan tatra sauvarṇasaudhāni paritastadā || 111 ||
[Analyze grammar]

dāsā dāsyo'yutānyapi devā devyo'bhavan drutam |
nikāmadevapakṣasya kāryanirvartakāstadā || 112 ||
[Analyze grammar]

pākaśālā aśvaśālā rājaśālāśca vai śubhāḥ |
nārīśālā maṇḍapaśca sauvarṇanirmitāstadā || 113 ||
[Analyze grammar]

mahānasāni bhojyāni rasāśca madhuśarkarā |
miṣṭānnāni samastāni śākāni dravavanti ca || 114 ||
[Analyze grammar]

gandhasārāṇi sarvāṇi dugdhasārāṇi yāni ca |
bhakṣyāṇi lehyacośyāni pratyakṣāṇi tadā'bhavan || 115 ||
[Analyze grammar]

śayyāsanāni paryaṃkā samastabhogyakānyapi |
na nyūnaṃ vidyate tatra kalpavallyo gṛhe gṛhe || 116 ||
[Analyze grammar]

yathā svargaṃ ca vaikuṇṭhaṃ dhūnīgrāmastathā'bhavat |
nāryo narāśca paśavo gṛhāṇi mṛttikāsthalam || 117 ||
[Analyze grammar]

sarvaṃ svargasamaṃ tatra jātaṃ kṛṣṇakṛpāvaśāt |
pūjayitvā varaṃ vṛddhān satkṛtvā ca prajāstathā || 118 ||
[Analyze grammar]

nikāmadevo vīkṣyā'pi vaikuṇṭhābhaṃ nijasthalam |
mumude kṛṣṇajaṃ sarvaṃ divyaṃ matvā tu vaibhavam || 119 ||
[Analyze grammar]

āvāsān kārayāmāsa dadau dāsīśca kiṃkarān |
vādayāmāsa vādyāni vedaghoṣān vyadhāpayat || 120 ||
[Analyze grammar]

gāpayāmāsa sarvatra maṃgalāni tadā drutam |
preṣayāmāsa bhogyāni rasānnasalilānyapi || 121 ||
[Analyze grammar]

apekṣitātivastūni divyamanoharāṇi ca |
sevayāmāsa bhāvaiśca mahīmānānaśeṣataḥ || 122 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne bālayoginyāścaturvidhamahāyogavarṇanaṃ mātṛvacanena vivāhavidhyartham anādiśrīkṛṣṇanārāyaṇasya dhyānottaramāgamanaṃ tirobhāvaśca vivāhārthaṃ |
vāhinyā saha dhūnīgrāmamāgamanam divyavaikuṇṭhavat sampatkaraṇaṃ mahīmānasatkārādi cetinirūpaṇanāmā dvāviṃśo'dhyāyaḥ || 22 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 22

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: