Chapter 263

śrīkṛṣṇa uvāca |
śṛṇu tvaṃ rādhike cānyaṃ tīrthaṃ vai lomaśoditam |
sūryanārāyaṇasyaiva sarvakuṣṭhavināśanam || 1 ||
[Analyze grammar]

rāmatīrthaṃ paraṃ kṛtvā yayau tvagre'śvapāṭalaḥ |
tīrthaṃ sarastaṭe ramyaṃ sūryabhāsurasajjalam || 2 ||
[Analyze grammar]

sūryavad yatra dṛśyante śuktayo'pi subhāsurāḥ |
kiraṇāni vimuñcanti jālāntarasthitā api || 3 ||
[Analyze grammar]

jalaṃ dedīpyamānaṃ tadvilokya tvaśvapāṭṭalaḥ |
papraccha lomaśaṃ devaṃ mahāścaryabharastadā || 4 ||
[Analyze grammar]

aśvapāṭala uvāca |
guro tīrthamidaṃ sarvatīrthebhyo dyotanā''śrayam |
kathaṃ kasmāt kadā tvevaṃ jātaṃ vai sūryavarculam || 5 ||
[Analyze grammar]

jalānyapi prakāśante sūryagarbhāṇi vai yathā |
kinnāma kiṃguṇaṃ kiṃsatphalaṃ tat kathaya prabho || 6 ||
[Analyze grammar]

śrīlomaśa uvāca |
śṛṇu rājan mahāścaryaṃ yadatra samabhūt purā |
stambhapure purā tvāsīt kāyastho lekhakarmakṛt || 7 ||
[Analyze grammar]

bhajate sa prabhuṃ nityaṃ rājakarmacaro'bhavat |
nyāyakārye sahāyo vai lekhako'bhūt subuddhimān || 8 ||
[Analyze grammar]

dāridryadoṣachannaśca lakṣmītṛṣṇāticañcalaḥ |
yena kena prakāreṇa dravyaṃ sādhyaṃ dhanādikam || 9 ||
[Analyze grammar]

lekhane śabdamālānāṃ pūrvāparavichittayā |
arthasyā'pi bhaved yatrā'nartho'pi lābhahānidaḥ || 10 ||
[Analyze grammar]

tathā śabdān lekhaguptān kṛtvā tu lekhapatrake |
yo dadāti dhanaṃ tasmai luñcārūpaṃ tadarthikām || 11 ||
[Analyze grammar]

lābhalipiṃ vilikhyaiva dadātyeva jayapradām |
dvyartharūpāṃ saṃkarārthāṃ padacchede navārthikām || 12 ||
[Analyze grammar]

evaṃ lobhena bahūnāṃ nyāyā'nyāyavilekhanāt |
pāpabhāreṇa jāto'yaṃ galatkuṣṭhī karadvaye || 13 ||
[Analyze grammar]

ūrjavrato hi nāmnā sa kāyastho hastarogavān |
lekhakāryaṃ tatastyaktvā tīrthārthaṃ gopanāthakam || 14 ||
[Analyze grammar]

kṛṣṇalīlāmayaṃ tīrthaṃ tvāyayau snātavāṃstataḥ |
guptaprayāgakaṃ kṣetraṃ dadau pāpanivārakam || 15 ||
[Analyze grammar]

snātastatra tato mūladvārikāṃ prayayau hi saḥ |
tato yayau somanāthaṃ prācīplakṣaṃ tato yayau || 16 ||
[Analyze grammar]

sarasvatyāṃ kṛtasnānaḥ plakṣamūlasamāśritaḥ |
jajāpa manasā jāpaṃ kṛṣṇakṛṣṇotimādhava || 17 ||
[Analyze grammar]

nārāyaṇaharerāma janārdana janāvana |
kṛpālo karuṇāsindho rogād rakṣaya māṃ prabho || 18 ||
[Analyze grammar]

kṛtānāṃ karmaṇaṃ cātra phalaṃ tīvraprayogiṇām |
jāyate mandavegānāṃ kālāntare prajāyate || 19 ||
[Analyze grammar]

janmāntare ca vā sarvaṃ bhoktavyaṃ vā yamagṛhe |
yatra kvāpi gataṃ jantuṃ kṛtaṃ karma na muñcati || 20 ||
[Analyze grammar]

mayā lekhe bahūnāṃ vai satyādasatyamucchritam |
asatyād satyarūpaṃ tu kṛtvā cā'kuśalaṃ kṛtam || 21 ||
[Analyze grammar]

tena pāpena bhagavan kuṣṭho'galan karadvaye |
aṃguliṣu prajāto me tīrthaṃ pāpavināśanam || 22 ||
[Analyze grammar]

kṛtaṃ tathāpi bhagavan rogo'yaṃ na vilīyate |
tasmāduddhara deveśa kṛpayā māṃ kṛpānidhe || 23 ||
[Analyze grammar]

naivaṃ punaḥ kariṣye'tra loke doṣaṃ kadācana |
namaste pāpahartre'tra rogahartre namo namaḥ || 24 ||
[Analyze grammar]

bhaktānāṃ sukhakartre'tra tīrthe goptre namo'stu te |
namaste sarvakarṇāya namaste sarvacakṣuṣe || 25 ||
[Analyze grammar]

namaste sarvavijñāya sarvahṛtsthāya te namaḥ |
namaḥ kāyastharūpāya namo nikāyayojine || 26 ||
[Analyze grammar]

namaścādṛśyarūpāya śaraṇāgatarakṣiṇe |
ityevaṃ prārthayāmāsa kāyastho vimanā iva || 27 ||
[Analyze grammar]

plakṣā'dho niṣasādā'pi nirāśaścintayan mṛtim |
tāvattatra samāyātaḥ kaścid vipro jaṭādharaḥ || 28 ||
[Analyze grammar]

ārādhayā'rkakṣetraṃ tvaṃ gatvā'ntikasthitaṃ tviha |
arkavṛkṣāśrayo bhūtvā sūryamantrān sadā japa || 29 ||
[Analyze grammar]

sūryanārāyaṇo devaḥ kuṣṭhaṃ te nāśayiṣyati |
sarasvatīṃ nadīṃ snātvā pītvā jalaṃ ca pāvanam || 30 ||
[Analyze grammar]

namo brahmasavitre te kuṣṭhahartre namo namaḥ |
ityevaṃ japa gatvaiva sūryakṣetraṃ śubhapradam || 31 ||
[Analyze grammar]

ityuktaḥ sa tu kāyastho rājaṃstato'rkatīrthakam |
viśvakarmakṛtaḥ sūryaḥ śāṇollīḍho yadā purā || 32 ||
[Analyze grammar]

yatra khaṇḍaśca patito yatrā'rkavṛkṣatāṃ raviḥ |
gatastatra yayau pṛṣṭvā taṃ jaṭādhraṃ praṇamya ca || 33 ||
[Analyze grammar]

arkavṛkṣavanaṃ dṛṣṭvā tutoṣorjavrato hi saḥ |
śvetārkān vyomaraṃgārkān sthūlapuṣpakān || 34 ||
[Analyze grammar]

bahudugdhān stambarūpān vallīrūpān bahūn drumān |
phalapuṣpadalāḍhyāṃśca dṛṣṭvā tutoṣa vai hi saḥ || 35 ||
[Analyze grammar]

mārgayāmāsa bahudhā tīrthasthalaṃ kva vai bhavet |
śreṣṭhārkasannidhau cā'haṃ niṣadya prajapāmi ha || 36 ||
[Analyze grammar]

tāvattenā'rkamūle' vai bahuśākhadalāvṛte |
bahupuṣpāśraye mūle śikhācakraṃ vilokitam || 37 ||
[Analyze grammar]

tatrā'sya mānasaṃ lagnaṃ kuṭītulye'rkasadgṛhe |
tacchāyāyāṃ cakārā'yaṃ vāsaṃ mūle japan manum || 38 ||
[Analyze grammar]

namo brahmasavitre te kuṣṭhahartra namo namaḥ |
ityevaṃ prajapaṃstatra kṣutpipāsākulo'pi san || 39 ||
[Analyze grammar]

rātriṃ nirgamayāmāsa nidrāṃ lebhe na vai manāka |
prātarutthāya puṣpāṇāṃ mālāṃ kṛtvā tṛṇe guṇe || 40 ||
[Analyze grammar]

śilācakrāya sūryāyā'rpayāmāsa sa bhaktitaḥ |
jalaṃ dadau śilāyāṃ ca sītāphalaṃ phalaṃ dadau || 41 ||
[Analyze grammar]

tulasyāḥ patramevā'pi dadau śilāsvarūpiṇe |
stutiṃ namaskṛtiṃ cakre tataḥ sītāphalaṃ hi saḥ || 42 ||
[Analyze grammar]

prasādaṃ bubhuje paścājjajāpa satataṃ hi saḥ |
evaṃ māse gate rājan phalāhāraparāyaṇe || 43 ||
[Analyze grammar]

cakrān samutthitaḥ kaścidajñānarūpasundaraḥ |
puruṣaḥ śvetavarṇaśca bahuraśmisamanvitaḥ || 44 ||
[Analyze grammar]

suvarṇakuṇḍalakarṇaḥ samukuṭaḥ sacakrakaḥ |
samaṇihāravakṣāśca hiraṇyavarṇa ujjvalaḥ || 45 ||
[Analyze grammar]

kaṭakāṃgadabāhuśca hasan snehasamākulaḥ |
sauvarṇāmbarasaṃrājatkāntiparidhimastakaḥ || 46 ||
[Analyze grammar]

śanairāgatya cakrādvai dūramūrjavrataṃ sthitam |
jagāda vada putra tvaṃ kimicchasi ca mā ciram || 47 ||
[Analyze grammar]

ūrjavratastadovāca devadeva jagadguro |
kuṣṭharogapraśāntiṃ me samicchāmi dayāṃ kuru || 48 ||
[Analyze grammar]

ko bhavān bhagavānāste sarvatejo'nvitastviha |
manye sūryaḥ svayaṃ nārāyaṇo me kṛpayā'dbhutaḥ || 49 ||
[Analyze grammar]

prakāśamāgatastvatra bhaktānugrahakārakaḥ |
namaḥ sahasrarūpāya namaḥ sahasraraśmaye || 50 ||
[Analyze grammar]

namo bhaktakṛpākartre namaḥ sahasracakṣuṣe |
namo jagatprakāśāya sarvabhūtapracakṣuṣe || 51 ||
[Analyze grammar]

parabrahmasvarūpāya mokṣadātre namo namaḥ |
namastejo'bhihantre ca rogahantre namo namaḥ || 52 ||
[Analyze grammar]

ityuktvā nipapātā'sāvūrjavrato'sya pādayoḥ |
sūryastiro'bhavattūrṇaṃ divyavāṇyā jagāda ha || 53 ||
[Analyze grammar]

ūrjavrata svasti te'stu roganāśo bhaviṣyati |
akṛtaniṣkṛtistvaṃ vai na māṃ spraṣṭumihā'rhasi || 54 ||
[Analyze grammar]

manmaṃtralakṣajāpena prāyaścittaṃ bhavet tava |
tatkuru yāhi cetastu hyaśvapaṭṭasarovaram || 55 ||
[Analyze grammar]

anādiśrīkṛṣṇanārāyaṇāśrayā'kṣarābhidham |
kuṃkumavāpikākṣetraṃ puruṣottamasaṃśritam || 56 ||
[Analyze grammar]

tasyaiva sarasastīre cottare śaṃkarāśraye |
arkavṛkṣāśraye sthitvā japamantraṃ mamottamam || 57 ||
[Analyze grammar]

tava kuṣṭhasya vai nāśaḥ śīghraṃ tatra bhaviṣyati |
śrutvaivaṃ śāradāṃ divyāṃ neme tāṃ diśameva saḥ || 58 ||
[Analyze grammar]

prasannaścorjavratako yayau śrībalikhātakam |
tato yayau vāmanasya sthalīṃ vastrāpathaṃ tataḥ || 59 ||
[Analyze grammar]

suvarṇarakṣāsalile snātvā nārāyaṇe hrade |
indreśvare mahālakṣmītīrthe cakrakatīrthake || 60 ||
[Analyze grammar]

śaṃkhalādevikāṃ natvā turādevīṃ praṇamya ca |
vyāghrīṃ devīṃ tato natvā natvā śrīkharkharīṃ satīm || 61 ||
[Analyze grammar]

rāṇikāṃ ca tato natvā yayau kuṃkumavāpikām |
mahālakṣmīṃ vāpikāyāstīre sthitāṃ praṇamya ca || 62 ||
[Analyze grammar]

praṇamya nagarīṃ svarṇavarṇāṃ nārāyaṇālayam |
praṇamyā'śvasaro dṛṣṭvā yayāvuttaragaṃ taṭam || 63 ||
[Analyze grammar]

śāṃkaraṃ kṣetrapeśaṃ ca natvā pītvā jalaṃ tataḥ |
mārgayāmāsa vai cārkavṛkṣaṃ dadarśa sannidhau || 64 ||
[Analyze grammar]

bhikṣāṃ yācitvaiva bhuktvā phalamūladalātmikām |
arkavṛkṣatale tasthau kṣaṇaṃ dhyātvā raviṃ prabhum || 65 ||
[Analyze grammar]

arkamūle sa śuśrāva vāṇīṃ tvadṛśyarūpiṇīm |
svasti te'stu hi kāyastha tiṣṭha japa raviṃ smara || 66 ||
[Analyze grammar]

anādiśrīkṛṣṇanārāyaṇaṃ nityaṃ prage bhaja |
pūjayārkeśvaraṃ kṛṣṇaṃ nārāyaṇaṃ satāṃ patim || 67 ||
[Analyze grammar]

ahaṃ bhajāmi taṃ deveśvareśvareśvareśvaram |
mayā labdhaṃ tataḥ sarvaṃ teja aiśvaryamityapi || 68 ||
[Analyze grammar]

sūryo'haṃ tava kalyāṇaṃ kariṣyāmi hariṃ bhaja |
lakṣajapottaraṃ hastau snānamātreṇa sārase || 69 ||
[Analyze grammar]

jale pūrṇau rogahīnau bhaviṣyato'rkavaibhavāt |
ityāśrutya giraṃ corjavrataścakre'rkapādape || 70 ||
[Analyze grammar]

mūladeśe nivāsaṃ ca valkalādyadhivāsanam |
ayācitotkarṣavṛttyā jīvayātrāṃ karoti ca || 71 ||
[Analyze grammar]

phalamūladalāhāro jalāhāraḥ kvacittathā |
namo brahmasavitre te kuṣṭhahartre namo namaḥ || 72 ||
[Analyze grammar]

jajāpainaṃ mahāmantraṃ satataṃ sūryamānasaḥ |
nityaṃ pañcasahasrāṇi japān karoti bhaktarāṭ || 73 ||
[Analyze grammar]

ekaviṃśe dine lakṣajapeṣu nirvṛtteṣu ca |
sotsāhaścorjavratakaḥ smaran sūryanarāyaṇam || 74 ||
[Analyze grammar]

aśvapaṭṭasarastīre prātaḥ snātuṃ yayau drutam |
sasnau rājannatra tīre jale'vagāhya vai muhuḥ || 75 ||
[Analyze grammar]

nimajyonmajya ca punaḥ karau paśyati lekhakaḥ |
naiva paśyati nīrogau tadā snāti punaḥ punaḥ || 76 ||
[Analyze grammar]

punaḥ paśyati hastau ca norogau naiva paśyati |
evaṃ snātvā śramaṃ prāpya nīrāśo'yaṃ vyajāyata || 77 ||
[Analyze grammar]

jape vrate kṣatiṃ naijāṃ vyatarkayata lekhakaḥ |
sasmāra śokamāsādya sūryanārāyaṇaṃ tadā || 78 ||
[Analyze grammar]

vyomavāṇī jagādainaṃ bhakta vrataṃ tavā'tra vai |
sampannaṃ sarvathā tatra kartavyaṃ nā'vaśiṣyate || 79 ||
[Analyze grammar]

anādiśrīkṛṣṇanārāyaṇaṃ madhyāhnake kṣaṇe |
dhyātvā snāsyasi tūrṇaṃ te hastau rohiṣyatastadā || 80 ||
[Analyze grammar]

galatkuṣṭhena naṣṭā yā aṅgulyaśca karadvayam |
hastatalaṃ samastaṃ tat sarvaṃ prarohayiṣyati || 81 ||
[Analyze grammar]

ityuktaścorjavratakaḥ kāyastho'rkasthalīṃ yayau |
madhyāhne ca tathā sasnau yathoktasmṛtipūrvakam || 82 ||
[Analyze grammar]

anādiśrīkṛṣṇanārāyaṇaḥ sūryanarāyaṇaḥ |
dvau samānavayasyau vai bhūtvā bālasvarūpiṇau || 83 ||
[Analyze grammar]

sundarau mandahāsyā''syau divyakuṇḍaladhāriṇau |
rūpānurūpāvayavau devadevādipūjitau || 84 ||
[Analyze grammar]

āgatya jalamadhyasthaṃ snāntaṃ kāyasthabhaktakam |
karābhyāṃ ca karau dhṛtvonmajjya niṣkāsya vai bahiḥ || 85 ||
[Analyze grammar]

asthāpayatāṃ sarasastīre pūrṇakarāgrajam |
sūryeṇa tu dhṛto vāmakaraḥ pūrṇatamo'bhavat || 86 ||
[Analyze grammar]

hariṇā sandhṛto dakṣaḥ karaḥ pūrṇatamo'bhavat |
kāyasthaḥ kṛṣṇavarṇo'pi tejasā tapasā tathā || 87 ||
[Analyze grammar]

puṇyairnārāyaṇasparśeḥ śvetarūpastadā'bhavat |
yathā sūryo yathā kṛṣṇastattulyaḥ sa tadā'bhavat || 88 ||
[Analyze grammar]

tulyarūpāṃstrīn puruṣān devavadbhāsamanvitān |
janāstu dadṛśustatra mahāścaryaparāyaṇāḥ || 89 ||
[Analyze grammar]

ubhayoḥ śrīmatornārāyaṇayoḥ pādayostadā |
pūrṇakāmaḥ sa bhakto vai nipapāta muhurmuhuḥ || 90 ||
[Analyze grammar]

tārito'haṃ kuṣṭharogād bhavarogācca tāritaḥ |
hastalābhe harekṛṣṇa yadyahaṃ tuṣṭimāpnuyām || 91 ||
[Analyze grammar]

militayorbhavatorme punamelanamadhruvam |
tasmāt tyakṣye na milito pāvitavantau māṃ prabhū || 92 ||
[Analyze grammar]

ūrjavrataḥ pradhṛtvaiva tayoścaraṇāveva ha |
jagāda na mayā stheyaṃ bhūloke kleśasāgare || 93 ||
[Analyze grammar]

yuvāṃ nārāyaṇau kṛṣṇau hyuddhāraṃ kurutaṃ mama |
sūryaḥ prāha ca kāyastha sthitvā'tra mama mandiram || 94 ||
[Analyze grammar]

prakāraya śubhaṃ svalpaṃ pratiṣṭhāṃ mama kāraya |
kuṣṭhināṃ snānataḥ paścānmama darśanamātrataḥ || 95 ||
[Analyze grammar]

anādiśrīkṛṣṇanārāyaṇasya pūjanāttathā |
roganāthastathā tīrthayātrā pūrṇā bhavediha || 96 ||
[Analyze grammar]

evaṃ kṛtvā tatastvaṃ vai saṃyātā ravimaṇḍalam |
tataḥ satyapralokaṃ ca siddhānāṃ maṇḍalaṃ tataḥ || 97 ||
[Analyze grammar]

tato vaikuṇṭhamevāpi tato'kṣaraṃ gamiṣyasi |
ityuktvā'ntarhitau devau sūryaḥ kṛṣṇanarāyaṇaḥ || 98 ||
[Analyze grammar]

kāyastho divyadehasthaḥ kārayāmāsa mandiram |
sūryanārāyaṇaṃ cātra prātiṣṭhipat tathocitam || 99 ||
[Analyze grammar]

dvayornārāyaṇayośca tejāṃsyatra jalāntare |
saṃvyāptānyabhavan rājan tadā kāle samantataḥ || 100 ||
[Analyze grammar]

matsyāśca śuktayaścāpi maṇayaśca jalāni ca |
rajaḥkaṇāstadā tejovyāptāḥ sūryā ivā'bhavan || 101 ||
[Analyze grammar]

tādṛśyaḥ prakṛtayastāstato'dyā'pi jalāntare |
tābhyo vai jāyamānāśca tejomayyo hi śuktayaḥ || 102 ||
[Analyze grammar]

maṇayaḥ kaṃkarāścāpi rajāṃsi jalajāni ca |
tadvaṃśāstatkiraṇaiḥ saṃvyāptā bhavanti sarvadā || 103 ||
[Analyze grammar]

sūryanārāyaṇaścātra jale śuktau maṇāvapi |
mandire'dṛśyarūpo'pi vartate tejasānvitaḥ || 104 ||
[Analyze grammar]

tattejo'yaṃ sadā rājan prasaratyeva sarvataḥ |
sūryatīrthaṃ tato jātaṃ pratyakṣaṃ sūryavarculam || 105 ||
[Analyze grammar]

ūrjavratastataḥ kālāntare sūryarathaṃ yayau |
muktiṃ jagāma bhajanānnārāyaṇakṛpāvaśāt || 106 ||
[Analyze grammar]

kuṣṭhanāśakaraṃ tīrthaṃ sūryapratyakṣadarśanam |
sūryatejobhisaṃvyāptajalaśuktyādiśobhanam || 107 ||
[Analyze grammar]

arkatīrthaṃ tathā corjavratatīrthamidaṃ śubham |
kāyasthatīrthakaṃ cāpi sarvarogavināśakam || 108 ||
[Analyze grammar]

ityukto rādhike rājā cakre tīrthaṃ vidhānataḥ |
dadau dānāni saṃsnātvā pupūjā'rkaṃ narāyaṇam || 109 ||
[Analyze grammar]

tataścāgre yayau tīrthāntaraṃ rājā salomaśaḥ |
paṭhanācchravaṇādasyā''rogyaṃ muktiṃ vrajejjanaḥ || 110 ||
[Analyze grammar]

iti śrīlakṣmīnārāyaṇīyasahitāyāṃ dvitīye tretāsantāne galatkuṣṭhina ūrjavratakāyasthasya sūryopāsanayā nīrogitvaṃ muktiśca sūryatīrthaṃ cetyādinirūpaṇanāmā triṣaṣṭhyadhika |
dviśatatamo'dhyāyaḥ || 263 ||
[Analyze grammar]