Chapter 248

śrīkṛṣṇa uvāca |
pañcame divase rādhe prātaḥ somasya cottaram |
vidhiṃ sarvaṃ pravakṣyāmi lomaśo yaṃ cakāra ha || 1 ||
[Analyze grammar]

dvādaśyāṃ brāhmakālasyā''raṃbhe tu sarvaṛtvijaḥ |
prabudhya snātvā somābhiṣavakarmāṇi cārabhan || 2 ||
[Analyze grammar]

adhvaryustāni pātrāṇyayojayat tatsthalīṣu vai |
hotā śastraṃ cānuvākākhyamārabhata vai tataḥ || 3 ||
[Analyze grammar]

savanīyahaviṣāṃ nirvāpaṃ cakre ca pañcabhiḥ |
dhānābhiśca karaṃbhena parivāpena vai tathā || 4 ||
[Analyze grammar]

puroḍāśena ca pratiprasthātāmikṣayā tathā |
dhānā bhraṣṭayavā bodhyāḥ karaṃbho yavasaktavaḥ || 9 ||
[Analyze grammar]

parivāpaśca vai lājāḥ payasyā''mikṣikā matā |
teṣāṃ ca devatāḥ pañca haritvānindra ādimaḥ || 6 ||
[Analyze grammar]

pūṣaṇvānindro dvitīyaḥ sarasvatī tṛtīyakā |
indrasturyo mitrāvaruṇau pañcamadevatā || 7 ||
[Analyze grammar]

tāḥ prapūjya tataścakre dadhigrahapracārakam |
tadyathodumbarapātre gṛhītvā dadhiṃ hyuttamam || 8 ||
[Analyze grammar]

prajāpatidevatāyai juhāvaudumbareṇa vai |
tato'dābhyagrahaṃ cakre somadevāya tadyathā || 9 ||
[Analyze grammar]

dadhnā vā payasā''pūrya pātraṃ tathopanahya ca |
somalatāvayavānāmaṃśutrayaṃ pragṛhya ca || 10 ||
[Analyze grammar]

grahapātre sthāpayitvā pañcakṛtvo grahaṃ hi tat |
saptakṛtvo'thavā''dhūya tatpātraṃ sañjuhāva ha || 11 ||
[Analyze grammar]

tataścakreṃśugrahaṃ saṃgṛhyaikagrahasomakam |
kṣiptvā pāṣāṇake siktvā vasatīvarīvāriṇā || 12 ||
[Analyze grammar]

abhiṣutya grāvabhiścā'dābhyapātre nidhāya ca |
juhāva ca prajāpatidevatāyai tataḥ param || 13 ||
[Analyze grammar]

gṛhītvaiva ca tatpātraṃ praviśya ca sadastataḥ |
bhakṣayitvā pātragataṃ somarasaṃ ca vai tataḥ || 14 ||
[Analyze grammar]

pātraṃ khare'sādayaścopāṃśugrahaṃ vyadhāttataḥ |
tatra krītaṃ tathā vastre sthāpitaṃ copanahya ca || 15 ||
[Analyze grammar]

somaṃ samavamucyaiva gṛhītvā sarvameva ca |
pravibhajya dvidhā prātassavanārtha viśeṣataḥ || 16 ||
[Analyze grammar]

svalpaṃ mādhyandinasavanārthaṃ kṛtvā ca vai tataḥ |
prātaḥ stavanasomādvai caikagrahārthameva ha || 17 ||
[Analyze grammar]

somaṃ dhṛtvā hotṛcamase nidhāya ca vai tataḥ |
vasatīvarībhiradbhiḥ siktvā piṣṭvā ca grāvabhiḥ || 18 ||
[Analyze grammar]

niṣpīḍya ca rasaṃ labdhvā'ñjalinā'dhvaryureva tam |
upāṃśupātre trivāraṃ cānāyya ca juhāva ha || 19 ||
[Analyze grammar]

ādhārāgraha evā'yaṃ devatāprāṇa eva ca |
tasyai datvā tataścakurdhārāgrahān dhruvāntakān || 20 ||
[Analyze grammar]

somābhiṣavakaḥ so'yaṃ mahābhiṣavaḥ sammataḥ |
upaviśyā'dhvaryavaśca hyabhiṣavasthale tataḥ || 21 ||
[Analyze grammar]

grāvṇaḥ prācyāmadhvaryuśca pratyaṅamu'kha upāviśat |
dakṣiṇe pratiprasthātā codaṅamukha upāviśat || 22 ||
[Analyze grammar]

paścime prāṅmukho hotā cottare dakṣiṇāmukhaḥ |
unnetā niṣasādāpi śilāyāṃ nyasya somakam || 23 ||
[Analyze grammar]

siktvā vasatīvaryadbhiḥ piṣṭvā'bhiṣuṇuyustathā |
dakṣastenaivameva vāratrayaṃ vidhāya ca || 24 ||
[Analyze grammar]

piṣṭān somalatākhaṇḍān nikṣipyā'dhāvanīyake |
mṛtpātre ca prapīḍyaiva rasaṃ niṣkāsya taṃ rasam || 25 ||
[Analyze grammar]

pātrāntare gṛhītvaiva tuṣān pārśve samakṣipan |
athā'jalomajāṃ nābhiṃ prādeśamātranirmitām || 26 ||
[Analyze grammar]

pavitravastrakhaṇḍe tāmālambya droṇapātrake |
vitatyā'dhārayaṃstāṃ codgātāraśca tataḥ param || 27 ||
[Analyze grammar]

unnetā''dhavanīyādudacanena ca somakam |
rasaṃ dhṛtvā''ninayacca hotṛcamase eva tam || 28 ||
[Analyze grammar]

yathā pavitravastrāṃśe pated rasastathā'dharet |
tataḥ sravantyā dhārāyā antaryāmyākhyapātrake || 29 ||
[Analyze grammar]

antaryāmagrahaṃ nyasyā'dhvaryurjuhāva śeṣakam |
saśeṣamevā''grayaṇasthālyāṃ sampātamāpya ca || 30 ||
[Analyze grammar]

saśeṣaṃ ca grahaṃ khare'sādayacca tataḥ param |
indrākhyadevatāyai taṃ homaṃ dadau guruḥ svayam || 31 ||
[Analyze grammar]

athaindravāyavādyāṃśca grahān cakrustataḥ param |
aindravāyavaṃ saṃgṛhītvā dhārātaśca tato guruḥ || 32 ||
[Analyze grammar]

pavitradaśayā bahirmṛṣṭvā khare'pyasādayat |
evaṃ maitrāvaruṇaṃ ca śukraṃ ca manthinaṃ rasam || 33 ||
[Analyze grammar]

āgrayaṇaṃ tathā''gneyam aindraṃ sauryaṃ samukthyakam |
dhruvaṃ ceti kramād gṛhye khare'sādayadeva saḥ || 34 ||
[Analyze grammar]

dhruvagrahagrahaṇordhva dhārāvirāmamācarat |
havirdhānamaṇḍapācca pañcartvijo bahiryayuḥ || 35 ||
[Analyze grammar]

prāsarpan samanvārabdhā bahiṣpavamānakṛte |
agre'dhvaryustataḥ kacchaṃ dhṛtvā prastotā'nvasarat || 36 ||
[Analyze grammar]

kacchaṃ dhṛtvā pratihartā tata udgātā'nvasarat |
tato brahmā yajamānasataḥ kacchena cā'sarat || 37 ||
[Analyze grammar]

cātvāladeśaṃ gatvopaviśya kacchamavā'sṛjan |
udgātā samprastotā ca pratihartā trayastvime || 38 ||
[Analyze grammar]

asruvaṃste bahiṣpavamānastotreṇa vai tadā |
tena sampāvitau cāśvinau grahau makhayogyakau || 39 ||
[Analyze grammar]

kṛtvā''gnīdhreṇa dhiṣṇyeṣu prajvāliteṣu cāśvinam |
adhvaryurgrahamāsādya droṇaghaṭāt khare'nyasan || 40 ||
[Analyze grammar]

tataḥ kṛtvā savanīyaphalopākaraṇādikam |
vapāyāgāntakaṃ prātaḥsavanāya tataḥ param || 41 ||
[Analyze grammar]

adhvaryubrahmayajamānasadasyāḥ sadaḥsthalam |
praviśya grahacamacādikapātrāṇi vai tathā || 42 ||
[Analyze grammar]

dhṛtvā dravyāṇi ca brahmā yajamānastataḥ param |
taistairmantrairupasthāya sarvapātrāṇi vai tataḥ || 43 ||
[Analyze grammar]

uttareṇa havirdhānaṃ gatvā ca pūrvayā tathā |
dvārā sadaḥ praviśyaiva svasvasthāne upāviśan || 44 ||
[Analyze grammar]

tataścakruḥ savanīyahaviṣāmanuṣṭhānakam |
dhārāgrahapracāraṃ ca cakruryathocitaṃ tathā || 45 ||
[Analyze grammar]

sviṣṭakṛdantakarmā'nuṣṭhāyā'dhvaryuḥ samācarat |
aindravāyavamaitrāvaruṇāśvinān hi trigrāhān || 46 ||
[Analyze grammar]

adhvaryuṇaindravāyave gṛhīte ca tataḥ param |
pratiprasthātā cādityapātre droṇaghaṭāt khalu || 47 ||
[Analyze grammar]

aindravāyavanigrāhyaṃ dhṛtvā sākaṃ juhāva ha |
paraspararasasekottaramādityapātrake || 48 ||
[Analyze grammar]

samānayacca sampātaṃ hotre pātraṃ gururdadau |
evamuttaragrahayoranuṣṭhānaṃ ca pātanam || 49 ||
[Analyze grammar]

unnetā ca tataścācchāvākacamasameva ca |
varjayitvā tatra navacamasānapyapūrayat || 50 ||
[Analyze grammar]

hotuśca brahmaṇaścāpyudrāturyajayitustathā |
brāhmaṇyācchaṃsino maitrāvaruṇasya tathā ca vai || 51 ||
[Analyze grammar]

poturneṣṭustathā cāgnīdhrasya te camasā nava |
pariplavayā kalaśādāsrāvya somakaṃ rasam || 52 ||
[Analyze grammar]

pūtabhṛtkalaśāt somamādāya camasāṃstataḥ |
prapūrya droṇakalaśānnyasyā'tha camaseṣu ca || 813 ||
[Analyze grammar]

asrāvayat prathamaṃ srāvaṇaṃ copastarātmakam |
dvitīyaṃ srāvaṇaṃ cābhidhāraṇasthānakaṃ matam || 24 ||
[Analyze grammar]

evaṃ sarvonnayanaṃ kartavyaṃ prapūraṇe khalu |
tato'dhvaryuḥ śukrapātraṃ gṛhītvā somasaṃyutam || 55 ||
[Analyze grammar]

manthipātraṃ pratiprasthātā gṛhītvā sasomakam |
havirdhānamaṇḍapasya pūrvadvāri susanmukhau || 56 ||
[Analyze grammar]

tiṣṭhantau svaṃ gṛhaṃ vā'ratniṃ sandhāya parasparam |
mantrakṛtvaścāhavanīyasya puro'nugamya ca || 57 ||
[Analyze grammar]

paścamukhau grahahomārthaṃ sajjā sambabhūvatuḥ |
tadā navacamasādhvaryavaḥ sacamasāḥ khalu || 58 ||
[Analyze grammar]

āvahanīyadeśaṃ ca gatvā pūrvānanāstadā |
homārthamudyatāścāsan cakruścāśravaṇaṃ tathā || 59 ||
[Analyze grammar]

cakruḥ pratyāśravaṇādi dadau praiṣa tato guruḥ |
hotrā kṛte vaṣaṭkāre'nuvaṣaṭkārake kṛte || 60 ||
[Analyze grammar]

dvirhutvā camasaścādhvaryuṇā ca preṣitā sadaḥ |
pratibhakṣārthaṃ camasānāharat hotṛkādayaḥ || 61 ||
[Analyze grammar]

maitrāvaruṇādyādhvaryavaścamasān prapūrya ca |
homārthamānayaṃścāpyāhavanīyaṃ prati drutam || 62 ||
[Analyze grammar]

adhvaryupratiprasthātārau ca homaṃ pracakratuḥ |
indradevatāyai svāhā'gnaye sviṣṭakṛte svāhā || 63 ||
[Analyze grammar]

pratiprasthātā saṃsrāvahomamaṃgārake'karot |
rudrāya svāheti tato'dhvaryuścamasamāpya ca || 64 ||
[Analyze grammar]

juhāva mitravaruṇābhyāṃ svāheti kramādapi |
sarve'dhvaryavo juhuvuḥ svaṃ svaṃ camasameva ha || 65 ||
[Analyze grammar]

indrāya marute tvaṣṭre cāgnaye svāhā namama |
tataścamasaprasādaṃ bhakṣayāmāsureva te || 66 ||
[Analyze grammar]

acchāvāko'pi camasaṃ bhakṣayāmāsa vai tataḥ |
ṛtugrahapracāraṃ cā'kurutāṃ dvau tataḥ param || 67 ||
[Analyze grammar]

adhvaryupratiprasthātārau cakraturhavān śubhān |
indrāya madhave svāhā maruta mādhavāya ca || 68 ||
[Analyze grammar]

tvaṣṭre śukrāya ca svāhā'gnaye ca śucaye svāhā |
indrāya nabhase svāhā mitrāvaruṇanabhasyebhyaḥ svāhā || 69 ||
[Analyze grammar]

draviṇodase iṣāya svāhā draviṇodase ūrjāya svāhā |
draviṇodase sahāya svāhā draviṇodase sahasyāya svāhā || 70 ||
[Analyze grammar]

aśvinābhyāṃ tapase svāhā gṛhapataye tapasyāya svāhā |
tataścamasānāṃ vai bhakṣaṇaṃ vidhinā'bhavat || 71 ||
[Analyze grammar]

tataḥ śastraprapaṭhanaṃ pratigarasya pāṭhanam |
adhvaryo śoṃsāvo im śoṃsāmoda iva || 72 ||
[Analyze grammar]

oṃ mo3thāmoda iva othāmoda iva |
oṃ othāmoda ivetyādipāṭhaṃ samācaran || 73 ||
[Analyze grammar]

tato nārāśaṃsahomaṃ juhāvā'dhvaryureva ca |
indrāgnibhyāmidaṃ svāhā pitṛbhyaḥ svāhā namaḥ || 74 ||
[Analyze grammar]

nārāśaṃsaṃ vidhāyaivaṃ praugaśastramuktavān |
viśvedevatābhyaśca svāheti havanaṃ dadau || 75 ||
[Analyze grammar]

camasāṃśca tato'bhakṣayan vai niravaśeṣataḥ |
ukthyagrahapracāraṃ ca homaṃ ca sarvabhakṣaṇam || 76 ||
[Analyze grammar]

prakṣālanaṃ khare sādanaṃ ceti sarvamācarat |
mitrāvaruṇābhyāṃ ca svāhendrāgnibhyāṃ tathā svāhā || 77 ||
[Analyze grammar]

ṛtvijaśca vidhāyaivaṃ sādanāntaṃ vidhiṃ tataḥ |
prātaḥ savanaṃ nirvartya bahiryayuśca maṇḍapāt || 78 ||
[Analyze grammar]

madhyāhne ca pracakruśca mādhyandinaṃ savaṃ ca te |
prātarvat sarvamākṛtvo dhārāsrāvaṃ vyadhuśca te || 79 ||
[Analyze grammar]

śukrāya manthine cāgrayaṇāya svāhā namama |
pavamānaṃ jaguścāpi dadhiyāgaṃ vyadhustataḥ || 80 ||
[Analyze grammar]

bhakṣaṇaṃ sādane cakruruccāvacaṃ ca karma ca |
dakṣiṇādānamevāpi yajamānaścakāra ha || 81 ||
[Analyze grammar]

gāvo'śvāścāśvatarāśca gardabhā'jā'vayastathā |
tilamāṣavrīhiyavā gajavāsohiraṇyakam || 82 ||
[Analyze grammar]

sarvasvameva rājyādi kanyāgṛhāṇi vāṭikāḥ |
dakṣiṇāyāṃ pradattāni rājñā tadā makhotsave || 83 ||
[Analyze grammar]

marutvatīyagrahapracārastato'bhavat khalu |
vaiśvadevapañcahomānadhvaryuḥ pracakāra ha || 84 ||
[Analyze grammar]

adhvaryuḥ pratiprasthātā hutvā cakraturbhakṣaṇam |
homaṃ kampaṃ pracakruśca indrāya marutvate svāhā || 85 ||
[Analyze grammar]

ūrvobhyaḥ pitṛbhyaḥ svāhā māhendrāya namaḥ svāhā |
agnaye cendrāya svāhā raktāya ca svāhā namama || 86 ||
[Analyze grammar]

ukthyavigrahānuṣṭhānaṃ pañcastotraprapāṭhanam |
savasamāptihomaṃ ca kṛtvā bahiryayustataḥ || 87 ||
[Analyze grammar]

tṛtīyaṃ savanaṃ cāpi cakrurhomaṃ ca bhakṣaṇam |
ādityebhyaḥ svāhā namaḥ payo dadhīdaṃ somakam || 88 ||
[Analyze grammar]

tataścārbhavapavamānāya prasarpaṇaṃ vyadhuḥ |
dhiṣṇyān prajvālayāmāsuḥ kṛtveḍābhakṣaṇāntakam || 89 ||
[Analyze grammar]

savanīyahavīṃṣi sampracaryādhvaryureva tu |
sakṛddhomaṃ pracakāra homaṃ cakre taduttaram || 90 ||
[Analyze grammar]

camasinaḥ svasvapitṝnuddiśya tānatiṣṭhipan |
tato homaṃ savitre ca viśvadevebhya ādadau || 91 ||
[Analyze grammar]

makṣaṇaṃ ca tataḥ saumyacaruyāgo hyavartata |
anavasrāvitastaṇḍulapakvaudanakaṃ carum || 92 ||
[Analyze grammar]

juhāva cāgnaye patnīvate svāheti vai guruḥ |
ekaviṃśatikastomaṃ stotraṃ cāgāyata prakham || 93 ||
[Analyze grammar]

camasān juhuvuścāpi vaiśvānarāgnaye svāhā |
marudbhyaḥ svāheti namama bhakṣaṇaṃ ca tataḥ param || 94 ||
[Analyze grammar]

tato hāriyojanātmagrahapracārakaṃ vyadhuḥ |
unnetā ca somarasaṃ yavadhānādimiśritam || 95 ||
[Analyze grammar]

juhāvā'nye'pajighraṃśca patnīsaṃjāyasaṃ tathā |
yajuhomādikaṃ prāyaścittahomān cakāra ha || 96 ||
[Analyze grammar]

yajamānasya ca tato viṣṇukramaṇakādikam |
evaṃ samāpya tṛtīyasavane bhojanāni ca || 97 ||
[Analyze grammar]

vyadhuḥ sarve mahīmānā janāśca tīrthavāsinaḥ |
sthāyinaśca tataścāvabhṛtheṣṭiḥ samajāyata || 98 ||
[Analyze grammar]

sapatnīko yajamānaḥ ṛtvijaścāpare janāḥ |
rājāsandyāṃ somapātrāṇyādāyā''gṛhya jīṣakam || 99 ||
[Analyze grammar]

yayurjalasamīpaṃ ca gāyantaḥ sāmagītikāḥ |
jale'gnīvaruṇābhyāṃ ca ājyabhāgau dadustadā || 100 ||
[Analyze grammar]

catuḥprayājāṃścakruśca dvāvanūyājakau tathā |
varuṇāya puroḍāśaṃ dadāmi vai jale namaḥ || 101 ||
[Analyze grammar]

ṛjīṣādīni ca jale kṣiptvā patnīnṛpastathā |
sasnatuścāpare cāpi nemuścādityamityapi || 102 ||
[Analyze grammar]

śālāmukhe samāgatyodayanīyeṣṭimācaran |
tata ānubandhyaphalayāgaścāmikṣikāyajiḥ || 103 ||
[Analyze grammar]

mitrāvaruṇābhyāṃ svāhā datvā baliṃ tathocitam |
yajamānaḥ keśaśmaśrunakhalomāni vai tataḥ || 104 ||
[Analyze grammar]

vāpayitvā ca snātvā ceṣṭikalpena ca pañca ca |
dhātā'numatirākāsinīvālīkuhūrityapi || 105 ||
[Analyze grammar]

vyājyeneṣṭvā devatāstā udavasānīyeṣṭikām |
aṣṭākapālapuroḍāśadravyāṃ tathā'karot || 106 ||
[Analyze grammar]

viṣṇave svāheti datvā'gnihotraṃ niśi cācarat |
tataścakruḥ parihāraṃ somayāgasya carṣayaḥ || 107 ||
[Analyze grammar]

somapānaṃ pracakāra rājā patnīyutastadā |
bhojanāni pracakruśca sarve vai makhino'dhvare || 108 ||
[Analyze grammar]

evaṃ vai rādhike somayāgo dvādaśikādine |
sampūrṇaścā'bhavad rātrau yajñanārāyaṇaḥ svayam || 109 ||
[Analyze grammar]

darśanaṃ pradadau rājñe varadānaṃ dadau tathā |
svasti te'stu sadā rājan cānte mokṣapadaṃ vraja || 110 ||
[Analyze grammar]

sthāpayā'tra ca māṃ saudhe mūrtirūpaṃ narāyaṇam |
sa rājā rādhike tūrṇa mandiraṃ samakārayat || 111 ||
[Analyze grammar]

yajñanārāyaṇastatra yājñīpatnīsamanvitaḥ |
sthāpitastena vidhinā tīrthaṃ yajñākhyameva tat || 112 ||
[Analyze grammar]

somatīrthaṃ tathā cā'bhūt snānād yajñaphalapradam |
aśvapaṭṭasarasyeveśānakoṇe hi pāvanam || 113 ||
[Analyze grammar]

nṛpo'śvapāṭalaḥ śrīmadbālakṛṣṇasya hastataḥ |
kaṇṭhīṃ ca vaiṣṇavīṃ prāpa mantraṃ jagrāha lomaśāt || 114 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
tataḥ prapūjya deveśaṃ datvā dānāni sarvaśaḥ || 115 ||
[Analyze grammar]

yayau naijaṃ prarāṣṭraṃ ca rādhike sukhato nṛpaḥ |
ṛṣayo'nye devatādyā yayurnaijān pradeśakān || 116 ||
[Analyze grammar]

tatra dānājjalapānādavagāhācca bhojanāt |
pūjanādapi svargaṃ syādante'kṣarapadaṃ vrajet || 117 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne somayāge pañcamadine mārgakṛṣṇadvādaśyāṃ prātaḥsavane mādhyandinasavane taduttarasavanaṃ pūrṇāhutiravabhṛtheṣṭiḥ |
parihāraścetyādinirūpaṇanāmā'ṣṭācatvāriṃśadadhikadviśatatamo'dhyāyaḥ || 248 ||
[Analyze grammar]