Chapter 243

śrīkṛṣṇa uvāca |
śrūyatāṃ ca tvayā rādhe vāmadevasya kanyakāḥ |
pañca vijñāya vai bhrāturvāsaṃ tvaśvapaṭṭasarovare || 1 ||
[Analyze grammar]

mātaraṃ divyamuktānīṃ satyaloke sthitāṃ sadā |
pṛṣṭvā samāyayuḥ sarvāścā'śvapaṭṭasarovaram || 2 ||
[Analyze grammar]

anādiśrīkṛṣṇanārāyaṇaṃ śrīkṛṣṇavallabham |
draṣṭuṃ ca varituṃ cāpi labdhuṃ ca kṛtakṛtyatām || 3 ||
[Analyze grammar]

divyadehāḥ kaumudikā yathā cāndryastathāvidhāḥ |
kṛtaśṛṃgārasarvasvā nārāyaṇasya tuṣṭaye || 4 ||
[Analyze grammar]

māyāṃśavarjitāścāpi parabrahmāṃśamohitāḥ |
vyomamārgeṇa sahasā ciraṃjīvyaḥ samāyayuḥ || 5 ||
[Analyze grammar]

mārgaśīrṣasya vai ṣaṣṭhyāṃ kṛṣṇe dale'kṣarakṣitau |
āgatya bhrātaraṃ naijaṃ nemuśca vāmanaṃ prabhum |
pupūjuḥ parayā prītyā bhrātā svāgatamācarat || 6 ||
[Analyze grammar]

mātrājñāṃ cānujāyāpi kathayāmāsureva tāḥ |
bhrātā prasannatāṃ prāpto bhaginyo yaddharipriyāḥ || 7 ||
[Analyze grammar]

yāsāṃ prasādato jātā pañcakalpāntajīvitā |
tāsāṃ nārāyaṇītvaṃ vai śrutvā mumoda cāti hi || 8 ||
[Analyze grammar]

saptamyāṃ prātarevaitāḥ kṛtvā śṛṃgāraśobhanām |
mātrā samaṃ yayuḥ śrīmadbālakṛṣṇālayaṃ prage || 9 ||
[Analyze grammar]

sapūjādravyahastāśca varamālānvitāstathā |
sarvasvārpaṇabhāvāśca kṛṣṇavallabhasannidhau || 10 ||
[Analyze grammar]

tatra sthitāṃ mātaraṃ śrīkambharāṃ prathamaṃ tu tāḥ |
pupūjuḥ parayā prītyā daduḥ paricayaṃ nijam || 11 ||
[Analyze grammar]

pitaraṃ cāpi natvaiva svasāraṃ cāgrajāvapi |
amṛtāṃ bhrātṛpatnīṃ ca tato nārāyaṇaṃ muhuḥ || 12 ||
[Analyze grammar]

natvā natvā pūjanaṃ sapracakrurbahuvastubhiḥ |
bhrātrā niveditāstāstu sarvasvārpaṇamāgatāḥ || 13 ||
[Analyze grammar]

harirbhāvaṃ vilokyaiva tathāstviti samagrahīt |
bhrātrā paṃkilamuninā tāsāṃ karā hareḥ hare || 14 ||
[Analyze grammar]

arpitāḥ śrīhariṃ premṇā karān jagrāha vai tadā |
āpastambī prathamā ca drumastambī dvitīyakā || 15 ||
[Analyze grammar]

marutstambī tṛtīyā ca phenastambī caturthikā |
dhūmrastambī pañcamīti patnyo'bhavan hareḥ priyāḥ || 16 ||
[Analyze grammar]

pūjayitvā nijaṃ kāntaṃ varamālā dadurgale |
hariḥ pārśve nije tāśca niṣādya varamālikāḥ || 17 ||
[Analyze grammar]

tāsāṃ kaṇṭheṣvadhāttatra prasādaṃ pradadau tataḥ |
tāśca bhuktvā saha bhrātrā lomaśasyā''śramaṃ yayuḥ || 18 ||
[Analyze grammar]

nideśato hareḥ rādhe brahmapriyāsu cā'vasan |
ityevaṃ prāpya rādheśaṃ rādhāvat tāḥ sadā'bhavan || 19 ||
[Analyze grammar]

athā'nyatpāvanaṃ ramyaṃ priye śṛṇu kathānakam |
svarṇāṃgadasya rājño vai saurāṣṭrīyasya vaṃśajaḥ || 20 ||
[Analyze grammar]

haimakalgināmavāṃśca rājā'bhūd dharmavarmavān |
anādiśrīkṛṣṇanārāyaṇabhakto hi sāttvataḥ || 21 ||
[Analyze grammar]

bhajate śrīpatiṃ nityaṃ kriyāsvapi divāniśam |
mālāṃ na dūramādhatte smaraṇaṃ na tyajatyapi || 22 ||
[Analyze grammar]

bhojane śayane kṛṣṇaṃ hṛdaye saṃprarakṣati |
bālakṛṣṇeti kṛṣṇeti harikṛṣṇeti vai muhuḥ || 23 ||
[Analyze grammar]

anādiśrīkṛṣṇanārāyaṇetyāha divāniśam |
vākyānte bālakṛṣṇeti kāṃbhareyeti sarvadā || 24 ||
[Analyze grammar]

pravaktyeveti raṭaṇaṃ karoti paramātmanaḥ |
tasya pūjanavelāyāṃ yatra kvāpi gṛhe vane || 25 ||
[Analyze grammar]

sarastaṭe samudyāne maṇḍape mandire'thavā |
nirjane sajane marde raho vā premabandhanaḥ || 26 ||
[Analyze grammar]

bālakṛṣṇo hi sākṣādvai gatvā tiṣṭhati cāgrataḥ |
gṛhṇātyevā'rpitadravyāṇyakhilāni prapūjane || 27 ||
[Analyze grammar]

naivedyaṃ ca phalaṃ khādyaṃ pāyasādyaṃ ca pūrikāḥ |
sarvaṃ bhuktvā bālakṛṣṇaḥ śeṣaṃ dadāti bhūbhṛte || 28 ||
[Analyze grammar]

tatastirobhavatyeva rājā gṛhṇāti bhojanam |
ityevaṃ hemakalgervā bhaktyā śrīpatirīśvaraḥ || 29 ||
[Analyze grammar]

vaśastasya vartate sma rādhike suprasāditaḥ |
rājñī tasya kumudākṣīnāmnī tathaiva vartate || 30 ||
[Analyze grammar]

sāpi śīghraṃ samutthāya snātvā'nnaṃ miṣṭamuttamam |
pācayatyeva bhaktyāḍhyā bālakṛṣṇasya tuṣṭaye || 31 ||
[Analyze grammar]

pāyasānnaṃ gavāṃ kṣīraṃ saśarkaraṃ sahaudanam |
pūrikā ghṛtapakvāśca tathā'nyad ṛtusammatam || 32 ||
[Analyze grammar]

gundrapakvānnamevāpi laḍḍukān māṣapiṣṭajān |
kṛtvā dadāti prātarvai rājñe pūjānivedane || 33 ||
[Analyze grammar]

tāmbūlakaṃ jalaṃ miṣṭaṃ madhuraṃ śītamuṣṇakam |
yathākālaṃ dadātyevā'bhyaṃgadravyāṇi yāni ca || 34 ||
[Analyze grammar]

nityaṃ sā gāyati saudhe sakhīmadhye sukīrtanam |
sakhyastāmanugāyanti tālīvādayutāḥ saha || 35 ||
[Analyze grammar]

śrībālakṛṣṇo janasaukhyakārīśrīkāṃbhareyo janapāpahārī |
rājādhirājo mama bhāgyadhārī gopālabālo jayate murāriḥ || 36 ||
[Analyze grammar]

rādhāvihārī bhavabhītihārī gopīvicārī mama bhojyakārī |
snehaprasārī nijabhaktatārī nārījanā''rtikṣapaṇaprakārī || 37 ||
[Analyze grammar]

cakṣuḥprakāśī hṛdayābhikāśī vijñānavāsī bahudhāmavāsī |
māyāvipāśī nijabhaktadāśī sevābhilāṣiprasaratprakāśī || 38 ||
[Analyze grammar]

bhaktervikāsī nijarūpavāsī loke'syudāsī vadatīti dāsī |
sā pālanīyā satatapravāsī gṛhābhivāsī bhava me'ntarāsī || 39 ||
[Analyze grammar]

ityevaṃ rādhike nityaṃ rājñīṃ sakhīsamāyutā |
gāyatyevā'rthayatyeva guṇān guṇinameva tam || 40 ||
[Analyze grammar]

bālakṛṣṇo'pi tacchrutvā jāyate tuṣṭamānasaḥ |
evaṃ kāle gate kṛṣṇo dadau varmabhayacchidam || 41 ||
[Analyze grammar]

yad dhṛtvā nirbhayaścāste rājā rājñīyutaḥ sadā |
mahākālo'pi tadvarma dṛṣṭvā prayāti dūrataḥ || 42 ||
[Analyze grammar]

yogasiddhiprabandhaṃ tanmadhyakaustubharājitam |
paritaḥ prāntabhāgeṣu cāṣṭaiśvaryasamanvitam || 43 ||
[Analyze grammar]

mastake varmaṇo yasya rājate tu sudarśanam |
skandhe gadā ca kukṣau tu pāśo yasya virājate || 44 ||
[Analyze grammar]

etādṛśaṃ suvarṇātisuvarṇaṃ taijasaṃ mṛdu |
krūraṃ ca rakṣaṇe saumyaṃ darśane dhāraṇe laghu || 45 ||
[Analyze grammar]

varma vastrasvarūpaṃ vai bālakṛṣṇena cārpitam |
rājā dadhāra tadvarma nairantaryeṇa kañcukam || 46 ||
[Analyze grammar]

yasmājjarā prayātyeva dūraṃ daṇḍo yamasya ca |
saṃkarṣaṇasya saṃhāro dūraṃ yātyapi varmataḥ || 47 ||
[Analyze grammar]

pāśo varuṇadevasya bhayaṃ prāpnoti varmaṇaḥ |
kavacācchaṃkaragaṇā vepante mārgagā api || 48 ||
[Analyze grammar]

mṛtyurmṛtyupadaṃ yāti yadi varmapathaṃ gataḥ |
tādṛśaṃ bālasāmarthyayutaṃ tu kavacaṃ hi tat || 49 ||
[Analyze grammar]

rādhike nṛpatirdhṛtvā muktavanmodate bhuvi |
yasya kṛṣṇaḥ svayaṃ pārśve kā bhītirvada rādhike || 50 ||
[Analyze grammar]

yasya nārāyaṇaḥ pārśve kā bhītirvada bhāmini |
rādhikeva ramevā'yaṃ nirbhīko nṛpatirvane || 51 ||
[Analyze grammar]

araṇye viharatyeva bhajan kṛṣṇanarāyaṇam |
atha rājā yayau vyāghrāraṇye vihartukāmyayā || 52 ||
[Analyze grammar]

siṃhāraṇyaṃ tataścāpi yayau vyomnā vimānagaḥ |
prayayau daṇḍakāraṇyaṃ dharmāraṇyaṃ tato yayau || 53 ||
[Analyze grammar]

naimiṣāraṇyakaṃ cāpi māhendrāraṇyamityapi |
evaṃ vihṛtya vai rājñyā sākaṃ saurāṣṭrakaṃ yayau || 54 ||
[Analyze grammar]

tadvimānaṃ mahat kṣātratejobhṛtaṃ vilokya tu |
parśurāmaḥ kṣatrahantā cakampe kālanoditaḥ || 55 ||
[Analyze grammar]

mahendraparvatācchrīghraṃ gṛhītvā paraśuṃ nijam |
dhanurdhṛtvā śarāṃścāpi khaḍgaṃ dhṛtvā'tiroṣavān || 56 ||
[Analyze grammar]

nipapāta vimānasya pṛṣṭhe vyomnā sa satvaram |
mahātejaḥpragolo vai pṛṣṭhe tvāyāti śīghragaḥ || 57 ||
[Analyze grammar]

rājā naitatprajānāti nirbhayo hi vimānagaḥ |
prajānāṃ hṛdayeṣvāsīt kṣobho'nile'ntarīkṣake || 58 ||
[Analyze grammar]

grahacakraṃ tadākṣubdhaṃ cāsīt bhāvibhayaṃkaram |
cakampe pṛthivī cāpi tadā tejodvayā'sahā || 59 ||
[Analyze grammar]

sampāte pralayo bhāvī tejasoravināśinoḥ |
evaṃ tresustadā devā divyanetrāśca yoginaḥ || 60 ||
[Analyze grammar]

maharṣayo'tisaṃvignāstadāsan bhāvibhītitaḥ |
dikpālāḥ kṣetrapālādyāḥ kṣayaṃ lokasya menire || 61 ||
[Analyze grammar]

pratuṣṭuvustadā siddhā viṣṇuṃ nārāyaṇaṃ prabhum |
mā bhūdvai jagatāṃ nāśaḥ parśuvarmasamāgame || 62 ||
[Analyze grammar]

atha rājño vimānaṃ tu manovegaṃ kṣaṇād drutam |
aśvapaṭṭasarastīraṃ samāyātamavātarat || 63 ||
[Analyze grammar]

rājā cakre jalapānaṃ bālakṛṣṇaṃ mudā smaran |
rājñī pānaṃ pracakre'pi pāyayitvā nijaṃ prabhum || 64 ||
[Analyze grammar]

tāvadākāśamārgeṇa sūryavat krūragolakaḥ |
tejomayo raktavarṇaḥ satvaraṃ samavātarat || 65 ||
[Analyze grammar]

pṛthivī cukṣubhe vāri sarasaścukṣubhe tadā |
bhayaṃ tu menire tīrthavāsinaḥ kaṣṭamāgatam || 66 ||
[Analyze grammar]

tarkayanti vyomamārge dṛṣṭvā paraśugolakam |
graho vā kṣubhitaścāyaṃ bhraṣṭo vā sthānato nijāt || 67 ||
[Analyze grammar]

sūryakhaṇḍo'thavā''yāti vahnijvālāsamanvitaḥ |
yadvā vahniḥ svayaṃ cāste kiṃ vā kopasamanvitaḥ || 68 ||
[Analyze grammar]

kiṃvā saṃkarṣaṇo devaḥ śeṣo vā''yāti roṣavān |
brahmaśastraṃ ca vā kṣiptaṃ kenacidapyavāritam || 69 ||
[Analyze grammar]

lokānāmapunarbhāvāyā''yātyatra tu vā kimu |
yadvā vai vāḍavaścāgniḥ samudrādutthitaḥ punaḥ || 70 ||
[Analyze grammar]

dagdhuṃ lokān samāyāti ko vā'yaṃ krūradarśanaḥ |
ityevaṃ cā'tarkayaṃśca mānasāni hi dehinām || 71 ||
[Analyze grammar]

tāvat sannidhimāpannaḥ sphuṭamūrtiradṛśyata |
vikarālānano haste paraśudhragjaṭādharaḥ || 72 ||
[Analyze grammar]

sakacchaḥ sāyudhaścāpi brahmasūtrasamanvitaḥ |
sphāracakṣuḥpradaṃṣṭrauṣṭhaprāntaścotphullavigrahaḥ || 73 ||
[Analyze grammar]

ko'yaṃ kṣātrakule cāste jīvati parśuyogini |
vimānena vināśāya pracchanno'tra prakāśate || 74 ||
[Analyze grammar]

ityevaṃ vyāharaṃstūrṇaṃ sarastaṭamavātarat |
tāvaktrokaiḥ sa vijñātaḥ parśurāmo'ntakṛd dvijaḥ || 75 ||
[Analyze grammar]

dudruvurmānavā bhītāḥ paśavaḥ pakṣiṇo'pi ca |
haimakalgervimānāgre parśudhraḥ samupasthitaḥ || 76 ||
[Analyze grammar]

āśvapaṭṭataṭe ramye garvagaṃjanaśārṅgiṇaḥ |
bālakṛṣṇasyā''kṣarākhye kṣetre kaupīnabhūsuraḥ || 77 ||
[Analyze grammar]

yāvad bhūmau padaṃ naijaṃ dhṛtavān parśudhārakaḥ |
tāvadaṃguṣṭhasya nakhaḥ kaṃkareṇa vibheditaḥ || 78 ||
[Analyze grammar]

jātaṃ viprasya vai taccā'māṃgalyaṃ vijayārthinaḥ |
tathāpi mānabhāvena hantuṃ haimaṃ samāyayau || 79 ||
[Analyze grammar]

kastvaṃ kṣatriyadāyāda matparśukṣut praśiṣyase |
vada śīghraṃ prayuddhasva yamalokābhigo bhava || 80 ||
[Analyze grammar]

ityukto nṛpatirhaimaḥ śīghraṃ kṣātreṇa tejasā |
viprasya tu yathā na syādaparādho jagāda tam || 81 ||
[Analyze grammar]

viprāḥ pūjyā jāmadagne mā kṣatreṇa parābhavaḥ |
mā tvaṃ pūjyaśca prayuṅkṣvā'trā'sthāne parśuṃ balaṃ ca vā || 82 ||
[Analyze grammar]

sambhāvitasya cā'sthāne parābhavo gururmṛtaḥ |
kṣātro'haṃ brāhmaṇe vipra nāparāddhuṃ prakāṃkṣaye || 83 ||
[Analyze grammar]

mā roṣaṃ kuru viprendra mā puṇyaṃ kṣālaya dvija |
pūjyo'syavadhya evāsi cātatāyyasi bhūsura || 84 ||
[Analyze grammar]

tasmātpūjāṃ pragṛhṇāsi kṣantumarhasi cānayam |
ityuktvā haimarājo vai vipraṃ pūjayituṃ puraḥ || 85 ||
[Analyze grammar]

yāvadgacchati rādhe sa tāvatparśudharo dvijaḥ |
hantuṃ pratatparo jāto roṣato yuddhamudrayā || 86 ||
[Analyze grammar]

haimakalgidrutaṃ smṛtvā śrīmatkṛṣṇanarāyaṇam |
parśudhraṃ bandhayāmāsa sudarśanīyaraśmibhiḥ || 87 ||
[Analyze grammar]

cakraṃ sudarśanaṃ divyaṃ śrīhariṇā'rpitaṃ tu yat |
tat svakiraṇairvāhneyairjālaṃ kṛtvā babandha tam || 88 ||
[Analyze grammar]

parśurāmaṃ saroṣaṃ vai sāyudhaṃ sabalaṃ kṣaṇāt |
parśudhrastejasā tatra cakrasyā''vṛtaśaktikaḥ || 89 ||
[Analyze grammar]

jaḍa iva kṣaṇājjātaḥ patāta pṛthivītale |
rājā prāha kṣamasvā'tra śrīmān māmaparādhinam || 90 ||
[Analyze grammar]

vipre'vamānakartāraṃ muñca krodhaṃ drutaṃ vraja |
parśudhraḥ prāha muñcasva na me śaktiḥ pravartate || 91 ||
[Analyze grammar]

rājaṃstava prasanno'smi varadānaṃ dadāmi te |
pāśān jālān cakradevaṃ pūjayāmi vrajāmi ca || 92 ||
[Analyze grammar]

drutaṃ muñcasva māṃ dahyamānaṃ cakrasya raśmibhiḥ |
rājā prāha harerbhaktaṃ mā jighāṃsatu vai bhavān || 93 ||
[Analyze grammar]

kṣātraṃ viprāt samutpannaṃ bhaktaṃ vipro na hantu tat |
varaṃ tvekaṃ pālayasvā'paraṃ cātraiva saṃvasa || 94 ||
[Analyze grammar]

aśvapaṭṭasaraḥkṣetre tiṣṭha mūrtisvarūpadhṛk |
ityuktaḥ parśurāmo vai varau dvau pradadau tadā || 95 ||
[Analyze grammar]

rājñā tu mandire parśurāmaḥ saṃsthāpitastataḥ |
snāpito'śvajale cāpi pūjitaścopacārakaiḥ || 96 ||
[Analyze grammar]

rādhike tu tatastatra paraśurāmatīrthakam |
pūrvadiśi samabhavat haimakalgipratīrthakam || 97 ||
[Analyze grammar]

parśurāmo hariṃ pūjayitvā yayau hi mandaram |
mūrtirūpastatra nityaṃ tvāste'śvapaṭṭasāgare || 18 ||
[Analyze grammar]

rājā tato yayau śrīmatkṛṣṇanārāyaṇaṃ prabhum |
pūjayitvā hariṃ natvā kathayitvā hyudantakam || 99 ||
[Analyze grammar]

kṛtvā tīrthaṃ yayau naijāṃ rājadhānīṃ himāvatīm |
atra tīrthe snānadānācamanairvijayo bhavet || 100 ||
[Analyze grammar]

paṭhanācchravaṇād vā'sya doṣā naśyanti vai hṛdaḥ |
bhuktirmuktirbhaveccāpyārogyaṃ dhanaṃ sutaṃ labhet || 101 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne vāmadevīyapañcakanyānāṃ śrīkṛṣṇanārāyaṇakāntalabdhiḥ haimakalginṛpasya bhaktyā harernityaṃ pratyakṣam nṛpāt |
parśurāmaparābhavaḥ aśvapaṭṭasarasi paraśurāmatīrthaṃ haimakalgitīrthaṃ cetyādinirūpaṇanāmā tricatvāriṃśadadhikadviśatatamo'dhyāyaḥ || 243 ||
[Analyze grammar]