Chapter 81

śrīkṛṣṇa uvāca |
śṛṇu tvaṃ rādhike rājā yathā tuṣṭāva mādhavam |
baleśvaro'tibhāvena śrīpatiṃ parameśvaram || 1 ||
[Analyze grammar]

tvaṃ devadevo'si sadā parātmaṃ |
stvaṃ cākṣare dhāmni pare sthito'si |
tvaṃ vai parabrahma pareśvaro'si |
muktaikavandyo'kṣaravandya eva || 2 ||
[Analyze grammar]

sarvā'vatārai itipūjanīyaścārādhanīyo'si yato'vatārī |
sarvairapīśairabhivandanīyo vyūhaiḥ samārādhanatatparaiśca || 3 ||
[Analyze grammar]

viṣṇusvarūpairapi pūjanīyo maheśavedhaḥprabhṛtiprathaiśca |
suraistathā pitṛbhirarcanīyo diśāṃ prapālairmanujaiśca siddhaiḥ || 4 ||
[Analyze grammar]

daityaistathā dānavapuṃgavaiścā'suraiśca rakṣobhirabhiṣṭutaśca |
nāgaiścaraiścācaraprāṇibhiśca dhyeyo'sigupto'sihṛdisthitaścā || 5 ||
[Analyze grammar]

tvaṃ vāmano'bhūrnarasiṃhako'bhūrnārāyaṇo'bhūrvṛṣaputrako'bhūḥ |
tvaṃ viṣṇurūpo'pi ca haṃsarūpastvaṃ matsyarūpaḥ kamaṭhastathā'bhūḥ || 6 ||
[Analyze grammar]

tvaṃ kroḍarūpaḥ kapilasvarūpastvaṃ dattarūpaḥ paraśudhrako'bhūḥ |
tvaṃ yajñarūpo ramaṇasvarūpaḥ kumārarūpo'śvamukhasvarūpaḥ || 7 ||
[Analyze grammar]

devarṣirūpo'pinṛpasvarūpo vyāsasvarūpo'pi ca rādhikeśaḥ |
jñānasvarūpaśca harisvarūpaḥ svāmisvarūpo'si patisvarūpaḥ || 8 ||
[Analyze grammar]

pracchannarūpo'si baṭusvarūpo |
gārhasthyarūpo'si vanastharūpaḥ |
sādhusvarūpo'si satīsvarūpo |
viprasvarūpo'si ca bāhujo'si || 9 ||
[Analyze grammar]

tvaṃ vaiśyarūpo'sicasevako'si pativratādharmasurūpako'si |
tvaṃ bhaktarakṣākaravatsalo'si tvaṃ mohinīrūpadharo'si nātha || 10 ||
[Analyze grammar]

tvaṃ koṭirūpo'si guṇāśrayo'si |
divyābhirāśīrbhirabhiprato'si |
tvaṃ divyadeho'si parīkṣako'si |
hyuddhārakartā'si ca naḥ prapāhi || 11 ||
[Analyze grammar]

tvaṃ yācakastvaṃ sutabhakṣakaśca |
tvaṃ rakṣako jīvada īkṣyate'tra |
tvaṃ bhogyabhoktā ca vihārakartā |
tva lepaśūnyo bhagavānihā'si || 12 ||
[Analyze grammar]

kathaṃkṛtaṃ kiṃkṛtamatra kṛṣṇanārāyaṇena dyumatā tvayā vai |
mayā'rpitaṃ tatsaphalaṃ tvayīha mayi prasanno bhava viśvamūrte || 13 ||
[Analyze grammar]

dhanyā satī śīlavatī priyā te |
tisro'pi dhanyāśca kumārikāste |
dhanyaḥ kumārastava pauṇḍrakaśca |
dhanyo baleśastava kiṃkaro'ham || 14 ||
[Analyze grammar]

dhanyaṃ svarūpaṃ vanavāsinaste |
dhanyā ratirvyomagatasya te ca |
dhanyaṃ sutorau tava bhojanaṃ ca |
dhanyaḥ kumārastava bhojyarūpaḥ || 15 ||
[Analyze grammar]

dhanyo gurustārakayogivaryo |
dhanyā ca bhīmātaṭabhūmikeyam |
dhanyā kriyā 3 divyatamā tvadīyā |
dhanyaṃ ca dhairye tava sevakānām || 16 ||
[Analyze grammar]

samarpaṇaṃ dhanyatamaṃ sutasya |
vrataṃ ca dhanyaṃ kumudasya māsaḥ |
anādilakṣmīpatikṛṣṇanārā |
yaṇo'si dhanyo'tra ca kambharājaḥ || 17 ||
[Analyze grammar]

gopālabālo'si ca bālakṛṣṇaḥ prabhāpatiḥ pāravatīpatiśca |
rādhāpatirmāṇikikāpatiśca śriyaḥ patirbhūpatirīśvareśaḥ || 18 ||
[Analyze grammar]

haṃsāpatirmañjupatiḥ sureśo |
māyāpatirvai saguṇāpatiśca |
rūpaṃ tavedaṃ bahukoṭisūryaiḥ |
samaṃ nirīkṣya sukhato na yadvai || 19 ||
[Analyze grammar]

koṭyarkabhāsvadbahumuktayuktaṃ tathā'vatārairbahubhiḥ sametam |
īśeśvaraiḥ pitṛsurādibhiśca daityaiśca nāgaiḥ parivāritaṃ ca || 20 ||
[Analyze grammar]

lakṣmyā śriyā rādhikayā yutaṃ ca yutaṃ tathā cakrapaviṣṇunā ca |
tathā mahālakṣmikayā yutaṃ ca tathā mahāviṣṇusupūjitaṃ ca || 21 ||
[Analyze grammar]

netre na me vīkṣitumīśvare'tra tato'patejaḥ kuru darśanārham |
prasīda jīveśa tava svarūpaṃ bālasvarūpaṃ subhagaṃ vidhehi || 22 ||
[Analyze grammar]

namo namaste bhavatāraṇāya namo'stu te brahmaparāyaṇāya |
śrībālakṛṣṇāya narāyaṇāya bhūyo'pibhūyo'pi namo namaste || 23 ||
[Analyze grammar]

anantarūpāya visaṃkhyavaktre hyasaṃkhyanetrāya namo namaste |
asaṃkhyanāmne parameśvarāya koṭyabjakanyāpataye namo'stu || 24 ||
[Analyze grammar]

sarvaṃ kṛtaṃ te'rpitameva kṛṣṇa yathāprasanno'si kuru tathā tvam |
prāptaṃ mayā''ptavyamamutra cātra varārthakaṃ śiṣyata evanā'dya || 25 ||
[Analyze grammar]

ityevaṃ rādhike stutvā virarāma nṛpaḥ kṣaṇam |
anādiśrīkṛṣṇanārāyaṇaḥ prāha bhuvaḥ patim || 26 ||
[Analyze grammar]

ayaṃ yo dṛśyate rājan mahāviṣṇuḥ svayaṃ bhavān |
mahālakṣmīśca yā tvāste seyaṃ śīlavatī tava || 27 ||
[Analyze grammar]

śrīriyaṃ tava bhīmā'sti lakṣmīḥ kṛṣṇā'sti te sutā |
rādhikā tuṃgabhadrā te putrītrayaṃ nibodha vai || 28 ||
[Analyze grammar]

ayaṃ viṣṇustava putraḥ pauṃḍrakaḥ svayameva ha |
tārako'yaṃ guruste'smi rājan mokṣapradaḥ prabhuḥ || 29 ||
[Analyze grammar]

divyairnetraiḥ pradattaiśca yūyaṃ paśyata māmiha |
sarvarūpaiḥ samāyuktaṃ naijarūpāṇi yānyapi || 30 ||
[Analyze grammar]

mamāvatārarūpāṇi prapaśyata tato hṛdi |
putro'yaṃ tava rājendra na mṛto māyayā mama || 31 ||
[Analyze grammar]

darśitaṃ ca parīkṣārthaṃ sarvārpaṇavidhau tava |
vrate'tra kārtike neti vaktavyaṃ nā'rthine kvacit || 32 ||
[Analyze grammar]

gṛhāṇa rājan putraṃ tvaṃ yathārūpaṃ yathā'sukam |
bhāryā bhuktā mayā naiva parīkṣārthaṃ pradarśitam || 33 ||
[Analyze grammar]

kanyā nagnāḥ kṛtā naiva parīkṣārthaṃ tu tatkṛtam |
prasanno'smi ca sañjātaḥ prasannatama ityapi || 34 ||
[Analyze grammar]

yūyaṃ mamā'vatārāḥ stha jñānaṃ tadvai bhaviṣyati |
sarvadā cādyataḥ sarve bhavatā'tra sudevatāḥ || 35 ||
[Analyze grammar]

uddhārārthaṃ mayā loke kalāṃśāṃśādibhistviha |
avatārāḥ saṃdhṛtā vaḥ kuṭumbarūpiṇo bhuvi || 36 ||
[Analyze grammar]

rūpadvayaṃ kurutā'tra matpratāpena ṣaṭ praṣaṭ |
ṣaḍrū'pāṇyatra tiṣṭhantu praṣaḍrū'pāṇi matsamam || 37 ||
[Analyze grammar]

āyāntu kuṃkumavāpīkṣetre tiṣṭhantu tatra ca |
aśvapaṭṭasarastīrthe tiṣṭhantu kanyakāḥ śubhāḥ || 38 ||
[Analyze grammar]

ityuktvā divyarūpaṃ svaṃ tiro'bhāvayadīśapaḥ |
bālakṛṣṇasvarūpo'bhūd darśanīyo viśeṣataḥ || 39 ||
[Analyze grammar]

lāvaṇyaparipūrṇaśca sarvasaundaryabhājanaḥ |
ākarṣakaśca netrāṇāṃ dṛṣṭeḥ sthairyasya bhūmikā || 40 ||
[Analyze grammar]

campakābhaḥ kānakābho vahniśuddhāṃ'śukā'nvitaḥ |
sadratnā'ñcitabhūṣaśca koṭikandarpasundaraḥ || 41 ||
[Analyze grammar]

navīnabalapūrāḍhyo dhātupūrṇā'ṅgasudṛḍhaḥ |
sarvāṃgaśobhanaścittākarṣakaśca manoharaḥ || 42 ||
[Analyze grammar]

saumyahāsyalasatkāntiḥ premadhārāpradāyakaḥ |
snehaśevadhisamprāpyaḥ karuṇāvaruṇālayaḥ || 43 ||
[Analyze grammar]

evaṃ bālasvarūpo'bhūt padmakiñjalkakomalaḥ |
puṇḍarīkāyatanetradvayenā''karṣayan muhuḥ || 44 ||
[Analyze grammar]

jagāda varadānārthaṃ sarvaṃ kuṭumbameva tat |
rājā'bhūt pūrṇakāmaśca kuṭumbaṃ tuṣṭameva ca || 45 ||
[Analyze grammar]

sākṣāt prāptiḥ prabhorjātā ko'nyo varo'tra śiṣyate |
vicāryetthaṃ tu te prāhuryatheṣṭaṃ no niyojaya || 46 ||
[Analyze grammar]

harirhasaṃstadā prāha tisraḥ kanyā nijāśritāḥ |
śrīśca kanyā tu yā bhīmānāmnī bhīmā''pagā'stu sā || 47 ||
[Analyze grammar]

mama tīrthasvarūpā'tra bhīmāyāṃ vāsametviha |
lakṣmīryā kanyakā kṛṣṇānāmnī kṛṣṇā''pagā'stu sā || 48 ||
[Analyze grammar]

mama tīrthasvarūpā'tra kṛṣṇāyāṃ vāsametviha |
rādhā tu kanyakā tuṃgabhadrākhyā saridastu sā || 49 ||
[Analyze grammar]

mama tīrthasvarūpā'tra tuṃgabhadrāsvarūpiṇī |
evaṃ kanyātrayaṃ tatra nadīṣvevā'bhavat sthitam || 50 ||
[Analyze grammar]

lokoddhāravidhānārthaṃ kṛpayā vyadadhattathā |
prabhuḥ svayaṃ tīrthakartā svayaṃ tābhiḥ sahā'vasat || 51 ||
[Analyze grammar]

bhīmātaṭe haristatra bhīmākṛṣṇo virājate |
kṛṣṇātaṭe hariḥ kṛṣṇā nivāsākhyo virājate || 52 ||
[Analyze grammar]

tuṃgabhadrātaṭe tuṃgabhadrānātho virājate |
evaṃ tīrthatrayaṃ ramyaṃ kṛtavān bhagavān svayam || 53 ||
[Analyze grammar]

tataḥ prāha ca rājānaṃ tvaṃ tu mahābaleśvaraḥ |
mahāviṣṇusvarūpo vai śaṃkareṇa samaṃ sadā || 54 ||
[Analyze grammar]

vasa rājan tīrtharūpo mama tīrthaphalapradaḥ |
mahālakṣmyā sahitastvaṃ śīlavatyā tu yoṣitā || 55 ||
[Analyze grammar]

evaṃ tīrthaṃ mahālakṣmīyutaṃ mahābaleśvaram |
kṛtaṃ kṛṣṇena vāsaṃ vai datvā tābhyāṃ tadā śubham || 56 ||
[Analyze grammar]

rājā rājñīṃ sthitavantau mahābaleśvare sadā |
atha viṣṇuṃ puṇḍakaṃ tu sutaṃ prāha hariḥ svayam || 57 ||
[Analyze grammar]

tvaṃ sadā divyarūpeṇa puṇḍrake nagaraṃ kuru |
viśvasthalasvarūpaśca sadā puṇḍrapure vasa || 58 ||
[Analyze grammar]

āśritānāṃ janānāṃ ca muktido bhava sarvadā |
evaṃ viṣṇuṃ puṇḍrapure sthātumājñāpya tatparam || 59 ||
[Analyze grammar]

tattattīrthāni saṃsthāpya teṣu teṣu praviśya ca |
viśeṣataḥ svayaṃ kṛṣṇanārāyaṇo'khileśvaraḥ || 60 ||
[Analyze grammar]

praṣaḍrūpāṇi divyāni yāni dhṛtāni cājñayā |
nītvā divye vimāne sve tatastaṃ tārakaṃ gurum || 61 ||
[Analyze grammar]

āhūya tārakaṃ puṇyaṃ divyāśramaṃ samārpayat |
tvayā satārake puṇye sthātavyaṃ tīrtharūpiṇi || 62 ||
[Analyze grammar]

mama mantraḥ pradātavyaḥ śaraṇāgatadehine |
ityuktvā sthāpayāmāsa tārake tārakāyanam || 63 ||
[Analyze grammar]

dvitīyaṃ cāpi tadrūpaṃ nītvā divye vimānake |
datvā''śiṣo'pi sarvebhyaḥ prasanno bhagavān hariḥ || 64 ||
[Analyze grammar]

kṛtvā tīrthāni saptaiva mūrdhanyāni bhuvastale |
snātvā tīrtheṣu tatrāpi tattatsthaleṣu mādhavaḥ || 65 ||
[Analyze grammar]

tīrthottamottamānyeva vyadhāt trailokyanāyakaḥ |
divyāni tāni rūpāṇi saptasaṃkhyāni vai yadā || 66 ||
[Analyze grammar]

vimāne śrīharirdivye dadhāra ca tadā surāḥ |
brahmaviṣṇumaheśādyāḥ ṛṣayaḥ pitarastathā || 67 ||
[Analyze grammar]

sādhyāḥ siddhā vasavaśca īśvarā mānavottamāḥ |
āyayustatra sahasā jayaśabdān vyadhurmuhuḥ || 68 ||
[Analyze grammar]

harṣanādān pracakruśca vardhayāmāsurakṣataiḥ |
puṣpavṛṣṭiṃ pracakruśca siṣicuścāndanaṃ jalam || 69 ||
[Analyze grammar]

lājābhirvardhayāmāsurharṣayāmāsurīḍanaiḥ |
praṇemurmānayāmāsuḥ satkāraṃ cakrurātmabhiḥ || 70 ||
[Analyze grammar]

arpitairvividhairdravyairdhanyavādān dadustathā |
prāhuḥ śrīparamātmānaṃ nātha bhaktasya te kvacit || 71 ||
[Analyze grammar]

nā'deyaṃ vidyate te'tra nidarśanaṃ baleśvaraḥ |
naitādṛśī parīkṣā tu kartavyā'nyatra kutracit || 72 ||
[Analyze grammar]

apakvānāṃ vratahantrī bhavet kvaciddhi māyayā |
amāyikasya te kṛṣṇa parīkṣaṇaṃ hyamāyikam || 73 ||
[Analyze grammar]

māyālubdhena durdharṣaṃ māyāhīnena pāryate |
ityuktvā puṣpahārādyaiḥ pūjayitvā pareśvaram || 74 ||
[Analyze grammar]

sapta tāṃstu mahāmuktān samabhyarcya punastataḥ |
adṛśyatāṃ yayurdevāḥ sarve'nye devasārthakāḥ || 75 ||
[Analyze grammar]

anādiśrīkṛṣṇanārāyaṇo vimānamambare |
prerayāmāsa tacchīghraṃ cāyayāvāśvasārasam || 76 ||
[Analyze grammar]

kuṃkumavāpikākṣetre lomaśāśramasannidhau |
koṭisūryābhatejovat mūrtyaṣṭakasamujjvalam || 77 ||
[Analyze grammar]

avātatāra ca sāyaṃ bhramitvā daśayojanam |
kadambānāṃ vanamadhye udyāne sumanohare || 78 ||
[Analyze grammar]

avateruśca te pṛthvyāṃ narā nāryastadā'bhitaḥ |
darśanārthaṃ dudruvuśca dadṛśuḥ parameśvaram || 79 ||
[Analyze grammar]

saptadivyamahābhāgavatabhaktasamanvitam |
vimānaṃ cā'dṛśyabhāvaṃ prāptaṃ kṣaṇājjanā api || 80 ||
[Analyze grammar]

jayaśabdāṃstadā cakruḥ praṇemuścāṣṭakaṃ śubham |
harirnināya cā''vāse mātaraṃ pitaraṃ prati || 81 ||
[Analyze grammar]

darśayitvā tataḥ śrīmallomaśaṃ praṇināya ca |
aśvapaṭṭasaraḥ paścāttīrthāni praṇināya ca || 82 ||
[Analyze grammar]

kudambāya dadau saudhaṃ sadāvāsāya cottamam |
kuṃkumavāpikākṣetre tārakāyā''śramaṃ dadau || 83 ||
[Analyze grammar]

satkāraṃ bhojanaṃ pānamupaskāraṃ ca vastu ca |
apekṣitaṃ dadau sarvaṃ divyaṃ śrīpuruṣottamaḥ || 84 ||
[Analyze grammar]

hariḥ prāha ca rājānaṃ vrataṃ te kārtikasya vai |
sarvaṃ sampūrṇatāṃ prāptaṃ mama yogena sarvathā || 85 ||
[Analyze grammar]

yaśo dānaṃ cānnasatraṃ jalaṃ vastraṃ dhanādikam |
japo homo'titheḥ sevā māsaṃ phalāśanādikam || 86 ||
[Analyze grammar]

sarvaṃ mama kṛpāleśāt tava sampūrṇatāṃ gatam |
kartavyaṃ nāsti te rājannavaśiṣṭaṃ tathetarat || 87 ||
[Analyze grammar]

atra sevāparo bhūtvā mayyarpaṇaṃ samācara |
kārtikānāṃ ca koṭīnāṃ vrataṃ te pūrṇatāṃ gatam || 88 ||
[Analyze grammar]

evamuktavate tasmai śrīkṛṣṇāya parātmane |
rājñā kanyātrayaṃ tatrā'rpitaṃ kāntāya śārṅgiṇe || 89 ||
[Analyze grammar]

āśrame lomaśamuneḥ preṣayāmāsa kanyakāḥ |
śrīharistārakaṃ baleśvaraṃ śīlavatīṃ satīm || 90 ||
[Analyze grammar]

puṇḍrakaṃ ca sutaṃ yatra kārayāmāsa cāplavam |
aśvapaṭṭasarasyeva tāni tīrthāni cā'bhavan || 91 ||
[Analyze grammar]

tattannāmnā prasiddhāni divyāni tārakāṇi vai |
tataḥ svayaṃ viśaśrāma nijālaye'tikomale || 92 ||
[Analyze grammar]

rātrau nidrāṃ cakārā'tha prātaścorjāṣṭamīprage |
śrīharerjanmadivase pūjāṃ cakāra tārakaḥ || 93 ||
[Analyze grammar]

mahābaleśvaraścāpi kanyātrayaṃ ca kanyakāḥ |
ṛṣayo munayaḥ siddhā mānavā devatādayaḥ || 94 ||
[Analyze grammar]

īśvarā devikā sarvāḥ pupūjuḥ parameśvaram |
daśame vatsarārambhadivase maṇḍape hariḥ || 95 ||
[Analyze grammar]

niṣasāda mahādivye gajāsane paraḥ pumān |
īśapālā lokapālā rājyapālāḥ samāyayuḥ || 96 ||
[Analyze grammar]

pupūjuścātipremṇaiva lomaśo'rcanamācarat |
ārārtrikaṃ cakārāthopadā daduḥ surādayaḥ || 97 ||
[Analyze grammar]

bhojayāmāsa ca pitā mātā satkāramācarat |
devadevīkuṭumbānāṃ bahumānadhanādibhiḥ || 98 ||
[Analyze grammar]

tataścakre parihāraṃ sāyaṃ cakre mahotsavam |
nartanaṃ gāyanaṃ vidyādharyo'nyāḥ kuśalastriyaḥ || 99 ||
[Analyze grammar]

tābhyo dadau pāritoṣikādikaṃ ca pitā svayam |
haristvāśīrvādasaukhyaṃ dadau subhojanādikam || 100 ||
[Analyze grammar]

evamutsavamutkṛṣṭaṃ nirvartya daśavārṣikam |
bhojayāmāsa viprādyān kuṃkumavāpikāsthitān || 101 ||
[Analyze grammar]

dadau dānāni ratnānāṃ gavāṃ cārthipratuṣṭaye |
evaṃ mahotsavaṃ kṛtvā yayurdevādayo divam || 102 ||
[Analyze grammar]

anye lokānnijān sarve yayurgopālakṛṣṇakaḥ |
viśaśrāma sukhaṃ kṛṣṇanārāyaṇo'pi mandire || 103 ||
[Analyze grammar]

lomaśaḥ kanyakāyuktaḥ pūjāṃ prāpyā''śramaṃ yayau |
mahīmānā yayurnaijaṃ deśaṃ śaṃsanta utsavam || 104 ||
[Analyze grammar]

atha svāmikṛṣṇanārāyaṇasevārthamutsuko |
hemantabhagavantau dvau divyau śrīharipārṣadau || 105 ||
[Analyze grammar]

sevāyāṃ dāsavannityaṃ sthitau sarvātmanā prabhoḥ |
rājopacārakaiḥ siṣevāte kṛṣṇanarāyaṇam || 106 ||
[Analyze grammar]

paṭhanācchravaṇād rādhe'nādikṛṣṇasya ceṣṭitam |
bhuktirmuktirbhaved dhrovyā prabhākāntapratāpataḥ || 107 ||
[Analyze grammar]

iti śrīlasmīnārāyaṇīyasaṃhitāyāṃ dvitīye tretāsantāne baleśvararājñaḥ sakuṭumbasya śrīharistutiḥ dvedhā divyadehādiprāptiścetyādinirūpaṇanāmaikāśītitamo'dhyāyaḥ || 81 ||
[Analyze grammar]