Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 80 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīkṛṣṇa uvāca |
śrūyatāṃ ca tvayā rādhe camatkāro hareḥ paraḥ |
tāritā duḥkhato bhaktā bhīmāsarittaṭe purā || 1 ||
[Analyze grammar]

dakṣiṇe pauṃḍrakasaṃjñe pattane kṣatriyarṣabhaḥ |
nāmnā baleśavarmā'bhūd rājā khaṇḍadharāpatiḥ || 2 ||
[Analyze grammar]

vaiṣṇavaḥ paramo bhakto yogakriyāviśāradaḥ |
kapilasyā'bhavacchiṣyaḥ sāṃkhyajñānavivekavān || 3 ||
[Analyze grammar]

bhīmātaṭe nātidūre parvate kapilāśrame |
sāṃkhyānāṃ yogināṃ yogaṃ samāgamaṃ karoti saḥ || 4 ||
[Analyze grammar]

yadāśrame purā devaḥ kapilastīrthayogakṛt |
daśavarṣāṇi tatraiva tasthau ramye vane śubhe || 5 ||
[Analyze grammar]

adribhāge'tiśubhage śāntide nirjane'male |
tadā baleśavarmā'sau saṃsevya kapilaṃ munim || 6 ||
[Analyze grammar]

prāptavān sāṃkhyayogau ca paramaiśvaryasampadaḥ |
siddhīścā'dṛśyabhāvaṃ ca bahurūpabhavādikam || 7 ||
[Analyze grammar]

kapilastu tathaiśvaryaṃ datvā yayau sthalāntaram |
rājā nityaṃ samāyāti tadāśramaṃ vilokitum || 8 ||
[Analyze grammar]

kṣaṇaṃ dhyātvā padaṃ tacca guruṃ saṃsmṛtya vai muhuḥ |
prapūjya pīṭhametacca tato yogijanān parān || 9 ||
[Analyze grammar]

sādhūn vane sthitāṃścāpi natvā yāti nijaṃ gṛham |
evaṃ karoti nityaṃ sa sāṃkhyayogaparāyaṇaḥ || 10 ||
[Analyze grammar]

athaikadā vrataṃ kartuṃ rājā śrīkapilāśrame |
samāyayau sapatnīkaḥ kārtike nyavasad bahiḥ || 11 ||
[Analyze grammar]

vṛkṣacchāyāṃ samāśritya bhūśayānaḥ phalāśanaḥ |
brahmacaryaparaḥ kṛcchravratasthitā ca tatpriyā || 12 ||
[Analyze grammar]

ātithyadharmanirataścānnasatraprabandhanaḥ |
nityaṃ homaparaścāpi sahasradīnabhojanaḥ || 13 ||
[Analyze grammar]

dānadharmaparaścāturmāsyāntavratatatparaḥ |
bahavaḥ sādhavastatra siddhāḥ sādhyaśca yoginaḥ || 14 ||
[Analyze grammar]

yātriṇo vanavāsāśca samāyānti sadāvrate |
annārthibhyo dadātyannaṃ vastrārthibhyastathā'mbaram || 15 ||
[Analyze grammar]

pātrārthibhyaśca pātrāṇi dhanārthibhyo dhanāni ca |
yadyadiṣṭaṃ bhaved yasyā'rthinastasmai tadiṣṭakam || 16 ||
[Analyze grammar]

dadātyeva baleśaḥ sa dakṣiṇāṃ pradadāti ca |
kārtike dhṛtavān śreṣṭhaṃ vrataṃ yo yatprayācate || 17 ||
[Analyze grammar]

tattasmai sampradeyaṃ vai nakāro vācya eva na |
rājñaḥ putro'bhavattatra dvādaśābdo'tikomalaḥ || 18 ||
[Analyze grammar]

rājñī śīlavatī nāmnā pātivratyaṃ prarakṣati |
putraśca puṇḍrako nāmnā brahmabhaktiṃ karoti hi || 19 ||
[Analyze grammar]

trayaste lokasādhūnāṃ sevāparā bhavanti vai |
tārakāyananāmā ca maharṣirvaiṣṇavo mahān || 20 ||
[Analyze grammar]

tatraiva vasati yogī yogadhyānaparāyaṇaḥ |
vaihāyasagatirdivyaḥ kāmarūpadharo yatiḥ || 21 ||
[Analyze grammar]

aṣṭasiddhyāśrayaścāste sarvakāmānyavarjitaḥ |
sa munirdhyānayogena jñātvā kuṃkumavāpikām || 22 ||
[Analyze grammar]

sākṣādanādiśrīkṛṣṇanārāyaṇasamāśritām |
lomaśasyāśramaṃ gatvā kṛtvā śrīkṛṣṇadarśanam || 23 ||
[Analyze grammar]

gṛhītvā ca manuṃ mokṣapradaṃ śrīpatimādhavāt |
oṃ namaḥ śrīkṛṣṇanārāyaṇāya svāmine svāhā || 24 ||
[Analyze grammar]

jajāpa nityadā naijāśrame sthitvāntare sthale |
nityaṃ vyomnā prage yāti cāśvapaṭṭasarovaram || 25 ||
[Analyze grammar]

kṛtvā harerdarśanaṃ ca punaḥ prayāti cāśramam |
tārakāyanasaṃjño'yaṃ maharṣirvyomato bhuvam || 26 ||
[Analyze grammar]

avātarat tadā rājā darśanārthaṃ yayau drutam |
papraccha vinayī bhūtvā praṇatārtiharaṃ munim || 27 ||
[Analyze grammar]

gamyate kva ṛṣe nityaṃ prātaḥ kalyāṇakṛd yadi |
jijñāsitaṃ tu me vācyaṃ yadi rodho na vidyate || 28 ||
[Analyze grammar]

sādhūnāṃ saṃgatiḥ svargapradā mokṣapradā tathā |
duḥkhanāśakārī cāpadvināśinī matā sadā || 29 ||
[Analyze grammar]

yogināmīśvarāṇāṃ ca sādhūnāṃ ca satāmapi |
vihāro yatra tatrā'sti nārāyaṇo hi gocaraḥ || 30 ||
[Analyze grammar]

sādhūnāṃ caraṇaḥ pūjyo jalaṃ peyaṃ padāmṛtam |
bhojyaṃ prāsādikaṃ teṣāṃ grāhyaṃ vaco mukhodbhavam || 31 ||
[Analyze grammar]

satāṃ sevā hareḥ sevā satāṃ saṃgo harerhi saḥ |
satāṃ deho harerdehaḥ santo vai harimūrtayaḥ || 32 ||
[Analyze grammar]

santo dhyeyāḥ sadā dhyāne santo dhāryā sadā hṛdi |
santaḥ sevyāḥ sarvadānaiḥ satsu harirvirājate || 33 ||
[Analyze grammar]

satāṃ dṛṣṭirharerdṛṣṭiḥ satāṃ sparśo harerhi saḥ |
satāmāśleṣaṇaṃ kṛṣṇāśleṣaṇaṃ pāpanāśakam || 34 ||
[Analyze grammar]

satāṃ pādarajo dhāryaṃ mastake hṛdi cānane |
satāṃ pādajalaṃ dhāryaṃ mukhe śirasi vigrahe || 35 ||
[Analyze grammar]

satāṃ prasannatā prāpyā dehagehasutādibhiḥ |
dhanasampatpradānaiśca svātmārpaṇena sarvathā || 36 ||
[Analyze grammar]

anityaḥ sarvathā deho rakṣito'pi vinaśyati |
tena sevā sadā kāryā grāhyā prasannatā satām || 37 ||
[Analyze grammar]

yatrendriye ca viṣaye ruciḥ svasyā'tivegitā |
tatrendriye hi kartavyā sevā tūbhayatuṣṭaye || 38 ||
[Analyze grammar]

sādhūnāṃ hṛdaye sākṣātparamātmā virājate |
śubhāstasmāt kriyāḥ sarvāḥ satāmindriyadehajāḥ || 39 ||
[Analyze grammar]

santo divyāḥ kriyā divyā divyo dehaḥ satāṃ sadā |
divyaścendriyavargaśca satāṃ divyā hi dhātavaḥ || 40 ||
[Analyze grammar]

satāṃ vicāro divyaśca buddhirdivyā satāṃ sadā |
satāṃ svapnaṃ ca śayanaṃ ramaṇaṃ divyameva tat || 41 ||
[Analyze grammar]

satsu māyākṛtaṃ kāryaṃ vidyate naiva sarvathā |
satsu puṇyaṃ tathā pāpaṃ parameśvaramāśritam || 42 ||
[Analyze grammar]

lepahīnaṃ sadā divyaṃ śāśvatānandadāyakam |
puṇyānāṃ khanayaḥ santaḥ pāpaleśo na yatra vai || 43 ||
[Analyze grammar]

tādṛśastvaṃ mune divyo vartase tārakāyana |
yathā viṣṇustathā tvaṃ vai tārako'si bhavārṇavāt || 44 ||
[Analyze grammar]

vada te saṃgamāptebhyo naśca bhāgyaṃ hi no mahat |
ityuktvā nṛpatistasthau pratikṣaṃstadṛṣervacaḥ || 45 ||
[Analyze grammar]

taṃ tārakāyanaḥ prāha śṛṇu rājan baleśvara |
yo loke prathitaścāsti bhagavān puruṣottamaḥ || 46 ||
[Analyze grammar]

parabrahma ca vede'sti sarvāvatāradhṛk prabhuḥ |
paradhāmasthito yaḥ saḥ saurāṣṭre kambharāgṛhe || 47 ||
[Analyze grammar]

aśvapaṭṭasaraḥkṣetre kuṃkumavāpikābhuvi |
śrīmadgopālabālaḥ sa lomaśabhvāṃ virājate || 48 ||
[Analyze grammar]

yatra brahmapriyāḥ koṭyarbudābjapadmasaṃkhyakāḥ |
sarvāśca śaktayastīrthakoṭayaḥ santi dehinaḥ || 49 ||
[Analyze grammar]

mānave pādape tārṇe tairyañce bhautike'pi ca |
sarge brahmapriyā yatra tiṣṭhanti brahmalālasāḥ || 50 ||
[Analyze grammar]

muktā dhāmagatāścāpi bahudhāmanivāsinaḥ |
pracchannā bhinnavarṣmāṇo yatra tiṣṭhanti yoginaḥ || 51 ||
[Analyze grammar]

taṃ prabhuṃ paramātmānaṃ draṣṭuṃ gacchāmi nityaśaḥ |
prātaḥ sampūjya taṃ devaṃ pītvā taccaraṇāmbujam || 52 ||
[Analyze grammar]

tatastīrthāni kṛtvaiva samāgacchāmi cāsanam |
ityukto nṛpatiḥ prāha kadā taddarśanaṃ mama || 53 ||
[Analyze grammar]

bhaviṣyatīti me brahman vada sādho kṛpāṃ kuru |
muniḥ prāha gṛhāṇainaṃ mantraṃ japaparo bhava || 54 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
ityenaṃ rādhike mantraṃ datvā ca taulasīṃ srajam || 55 ||
[Analyze grammar]

mahāvaiṣṇavasevyaṃ ca datvā hareḥ padāmṛtam |
ṛṣiryayau nijāvāsaṃ rājā rājñī sutastataḥ || 56 ||
[Analyze grammar]

jepustaṃ paramaṃ mantraṃ dhyāne babhūvurāsthitāḥ |
sasmarustamanādiśrīkṛṣṇasvāminarāyaṇam || 57 ||
[Analyze grammar]

atha śrībālakṛṣṇastu parīkṣārthaṃ hi bhūbhṛtaḥ |
ājagāmā'tithirūpo madhyāhne bhojanottaram || 58 ||
[Analyze grammar]

saptame'hni kṛṣṇavarṇo lohavalayadhārakaḥ |
raktākṣaḥ kaupīnamātravasano jaṃgalī yathā || 59 ||
[Analyze grammar]

prāha rājā tu taṃ vīkṣya samāyāhi vanecara |
gṛhāṇa bhojanaṃ vāri tato yāhi yathāsukham || 60 ||
[Analyze grammar]

jaṃgamī prāha nocchiṣṭaṃ mayā vai bhujyate kvacit |
nānyapakvaṃ ca bhuṃje'haṃ kathaṃ dadāsi bhojanam || 61 ||
[Analyze grammar]

ahaṃ vai jaṃgalī cāsmi bhojanaṃ tāmasaṃ mama |
anyaprāṇisamutthaṃ tu nā'haṃ bhuṃje kadācana || 62 ||
[Analyze grammar]

yadi satyapratijño'si nakāro nocyate tvayā |
dehi me bhojanaṃ rājan priyaṃ yacchāntidaṃ bhavet || 63 ||
[Analyze grammar]

nṛpaḥ prāha yatheṣṭaṃ te dātuṃ śakto'smi bhojanam |
vada svaiṣṭaṃ dadāmyatra nā'deyaṃ me'tra vidyate || 64 ||
[Analyze grammar]

sāttvikaṃ rājasaṃ vā'pi tāmasaṃ te'tra rocate |
anyotthaṃ neṣyate cedve svotthaṃ vada dadāmi te || 65 ||
[Analyze grammar]

yacchaktaṃ tad dadāmyeva kārtikeyaṃ vrataṃ mama |
dātavyameva labhyaṃ ced vada vanin dadāmi te || 66 ||
[Analyze grammar]

vanī prāha śṛṇu rājan māṃsādo'smi vane vasan |
kārtike'pi mayā tvetadvrataṃ pālitameva ha || 67 ||
[Analyze grammar]

rājñaḥ putrasya māṃsaṃ vai mayā bhakṣyamayācitam |
rājā yadi svayaṃ dadyāddhṛdayasyaiva netarat || 68 ||
[Analyze grammar]

ityevaṃ me vrataṃ tvāste raktaṃ peyaṃ ca hṛdgatam |
naiva vāri prapeyaṃ ca vrataṃ me tāmasaṃ yataḥ || 69 ||
[Analyze grammar]

nā'haṃ yāce nṛpa tvatto vrataṃ mayā prakāśitam |
yācanā naiva kartavyā vratabhaṃgakarī yataḥ || 70 ||
[Analyze grammar]

ityuktvā sa tataḥ sthānād vanaṃ prati vilokya ca |
gantuṃ padakramān cakre yathā yāñcākaro na vai || 71 ||
[Analyze grammar]

rājñī prāha vilokyaiva vanin tiṣṭha sthiro bhava |
pādaprakṣālanaṃ kurve cātitheḥ paramātmanaḥ || 72 ||
[Analyze grammar]

kṣaṇāntare dadātyeṣaḥ rājā tvadiṣṭabhojanam |
āsanaṃ svīkuru tvetat kāmbalaṃ tiṣṭha śāntitaḥ || 73 ||
[Analyze grammar]

vanī prāha vrataṃ me'sti stheyaṃ vai kārtike sadā |
kumārīkanyakāsakthi vivastraṃ cettu labhyate || 74 ||
[Analyze grammar]

tasyā ūrau mayā cāsītavyaṃ na tvanyathā kvacit |
rājñī putrīṃ tadā prāha bhava putri śubhāsanam || 75 ||
[Analyze grammar]

kanyāḥ kṛṣṇā tathā bhīmā tuṃgabhadrā ca nāmataḥ |
tisra āsaṃśca tadrājñastisrastatra hyupasthitāḥ || 76 ||
[Analyze grammar]

kṛṣṇā vastraṃ parityajya dadau sakthi yathāsukham |
niṣasāda vanī tatra dhyānamagno babhūva ha || 77 ||
[Analyze grammar]

putraḥ prāha pitaraṃ tu rājan śīghraṃ hi hṛnmama |
bhittvā dehi pareśāyā'tithaye muktaye bhavet || 78 ||
[Analyze grammar]

kṣaṇād rājā tu khaṅgena dvedhā skandhāt kaṭiṃ prati |
vibhidya putrahṛdayaṃ dadau raktaṃ hi tatkṣaṇe || 79 ||
[Analyze grammar]

tāvat kanyā dvitīyā'pi bhīmā vastraṃ vinā nijam |
sakthi dadau vanine'tra vanī māṃsaṃ nidhāya ca || 80 ||
[Analyze grammar]

vubhuje ca papau raktaṃ tāvacca tuṅgabhadrikā |
vivastrā vanino hastamūrau saṃskṛtya vai muhuḥ || 81 ||
[Analyze grammar]

mukhaṃ saṃskṛtya sakthnā ca pādasaṃvāhanaṃ muhuḥ |
dehasammardanaṃ cāpi cakrustadvaninastadā || 82 ||
[Analyze grammar]

athotthāya pragantuṃ ca vanī yāvat samīhate |
tāvadrājā dakṣiṇārthaṃ dadāti vacanaṃ śubham || 83 ||
[Analyze grammar]

vanī prāha vrataṃ me'sti yanmāṃsaṃ bhakṣitaṃ bhavet |
tanmātā dakṣiṇāyāṃ vai grāhyā nānyat kadācana || 84 ||
[Analyze grammar]

vaninītyuktavatyeva rājñī śīghramupasthitā |
eṣā'haṃ tava dāsyāsmi dakṣiṇāṃ svīkuru prabho || 85 ||
[Analyze grammar]

vanī tāṃ tvambaraśūnyāṃ kṛtvā vṛkṣatale'bhavat |
ramaṇaṃ kṛtavān vyomni pṛthvīṃ caivā'spṛśan kṣaṇam || 86 ||
[Analyze grammar]

ākāśe tāṃ dhṛtāṃ dṛṣṭvā rājā vyatarkayat tadā |
aho me paramaṃ bhāgyaṃ putrasya yoṣitastathā || 87 ||
[Analyze grammar]

kanyakānāṃ mahābhāgyaṃ haryarthe yojitā vayam |
vanī vā syād vānaprastho vanecaro'vanecaraḥ || 88 ||
[Analyze grammar]

antarātmā haristṛpto'nityadehādito mama |
anityaṃ nāśamāyāti parārthaṃ saphalaṃ yadi || 89 ||
[Analyze grammar]

kimasmātparamaṃ bhāgyaṃ yairhi tṛpyati mādhavaḥ |
dhanyo'haṃ kṛtakṛtyo'haṃ sarvaṃ me saphalaṃ kṛtam || 90 ||
[Analyze grammar]

āgatya vaninā cātra vratārthaṃ bhautikaṃ mama |
nakārasyā'tra vai sthānaṃ na jātaṃ mama cānane || 91 ||
[Analyze grammar]

matpatnyā vā sutānāṃ vā putrasyeti jayo mama |
dhanyāstāḥ putrikāścāpi dhanyaḥ putro'pi me priyaḥ || 92 ||
[Analyze grammar]

dhanyā rājñī ca me tvatra vrate naṃ nahi jagṛhuḥ |
tārito'haṃ kuṭumbena satyaṃ kuṭumbakaṃ mama || 93 ||
[Analyze grammar]

atithyarthaṃ copayoge svīkāritaṃ svayaṃ śubham |
dharmārthakāmamokṣā me vratenā'dya kare sthitāḥ || 94 ||
[Analyze grammar]

jitaṃ jaganmayā tvadya cātitheḥ kṛpayā khalu |
evaṃ dhanyaṃ manyamānaḥ prasannamānaso'bhavat || 95 ||
[Analyze grammar]

tāvad rājñīṃ prabhuktvaiva vanī vṛkṣādayaḥ sthitaḥ |
vanitvaṃ pravihāyaiva śrīlakṣmīrādhikāyutaḥ || 96 ||
[Analyze grammar]

dvibhujo'tha mahālakṣmyā yuto'dṛśyata vai tadā |
mahāviṣṇudhṛtacchatro viṣṇudhṛtānnapātrakaḥ || 97 ||
[Analyze grammar]

bhojanaṃ saṃgrasan tatrā'dṛśyata pareśvaraḥ |
koṭikandarpaśobhāḍhyaḥ koṭisūryasamojjvalaḥ || 98 ||
[Analyze grammar]

anantamuktasaṃstutyo devapitṛpravanditaḥ |
īśvarairavatāraiśca pūjito bhūṣaṇairbhṛtaḥ || 99 ||
[Analyze grammar]

koṭibrahmapriyāsevyaḥ paramākṣaravanditaḥ |
divyavyomapare dhāmni rājamāno vilokitaḥ || 100 ||
[Analyze grammar]

divyavimānamadhyasthagajāsanavirājitaḥ |
divyaḥ ṣoḍaśavarṣāḍhyo hasan prema pradarśayan || 101 ||
[Analyze grammar]

vīkṣate parito bhaktān rājānaṃ tatpriyāṃ satīm |
kanyāstisro'tibhāvena mohayan mānasaṃ muhuḥ || 102 ||
[Analyze grammar]

śrīhareḥ sannidhau tatra rājaputraḥ sthito'bhavat |
divyo divyavibhūṣāḍhyo yathāpūrvākṛtiḥ śubhaḥ || 103 ||
[Analyze grammar]

puṇḍrakaḥ prahasan pārśvāddhareḥ svapitaraṃ prati |
samājagāma sahasā suptotthita ivā'malaḥ || 104 ||
[Analyze grammar]

devā muktā īśvarāśca cakruḥ kusumavarṣaṇam |
rājā tuṣṭāva bhaktyā śrīkṛṣṇanārāyaṇaṃ prabhum || 105 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne baleśvararājñaḥ kapilabhagavadyogena paramabhāgavatatvaṃ tārakāyanamaharṣiyogena kārtikavrate parīkṣārthaṃ śrīkṛṣṇanārāyaṇasya |
vanecararūpeṇā''gamanaṃ rājñaḥ putraputrīstrīkuṭumbārpaṇena prabhordarśanaṃ cetyādinirūpaṇanāmā'śītitamo'dhyāyaḥ || 80 ||
[Analyze grammar]

Other editions:

Also see the following editions of the Sanskrit text or (alternative) English translations of the Lakshminarayana Samhita Chapter 80

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Help me keep this site Ad-Free

For over a decade, this site has never bothered you with ads. I want to keep it that way. But I humbly request your help to keep doing what I do best: provide the world with unbiased truth, wisdom and knowledge.

Let's make the world a better place together!

Like what you read? Consider supporting this website: