Chapter 21

śrīkṛṣṇa uvāca |
śṛṇu tvaṃ rādhike dhāmni pare yathā virājate |
paramātmā'vatārī sa tathārūpo'bhavaddhariḥ || 1 ||
[Analyze grammar]

anādiśrīkṛṣṇanārāyaṇaḥ kṛṣṇā'rbudā'dhikaḥ |
rūpānurūparūpāḍhyaḥ sarvoparisvarūpavān || 2 ||
[Analyze grammar]

sarveṣāṃ prāṇināṃ cakṣurviṣayaścaika eva saḥ |
mano'haṃbuddhiviṣayaścātmaviṣaya ekalaḥ || 3 ||
[Analyze grammar]

divyarūpadharo nyūnaṣoḍaśābdo yuvā yathā |
bhrājamāno'titejasvī bhrājadvahnisamāmbaraḥ || 4 ||
[Analyze grammar]

kacchanī svarṇavarṇā'sya mañjulaṃ kaṭikañcukam |
svarṇabuṭṭābharatāḍhyaṃ tathā dhautraṃ ca kaisaram || 5 ||
[Analyze grammar]

svarṇatārāvalivyāptaṃ kāṭeyaṃ paṭamuttamam |
sthitaṃ kaṭyāṃ tathā skandhe cottarīyaṃ sutaijasam || 6 ||
[Analyze grammar]

mukuṭo mastake tvasya sthitaḥ śrīparamātmanaḥ |
sarvasaugandhyasaṃvyāpto divyāmodasamanvitaḥ || 7 ||
[Analyze grammar]

maṇḍape nijayogye sa niṣasādocchraye śubhe |
mahāvedīsthitāstatra candanānāṃ supaṭṭikāḥ || 8 ||
[Analyze grammar]

catasro dṛḍhapādāḍhyāḥ svarṇakuṃbhīpadāḥ śubhāḥ |
sahasramallasantolyā hyekaikā paṭṭikā hi sā || 9 ||
[Analyze grammar]

gāruḍī nārasiṃhī ca śārabhī kācchapī tathā |
pādeṣu śaktayastāsāṃ rājante balamaṇḍitāḥ || 10 ||
[Analyze grammar]

catuṣpaṭṭyaścaturhastyadhiṣṭhitāḥ ṣaṣṭihāyanāḥ |
kariṇastatra śobhante cotthitāścāmbaraspṛśaḥ || 11 ||
[Analyze grammar]

sarvabhūṣāmbaradharā dyotante svarṇavarṇijaḥ |
śvetodarāḥ śvetaśuṇḍhāḥ śvetadantāḥ payonibhāḥ || 12 ||
[Analyze grammar]

hastipṛṣṭhe sthitāḥ siṃhāḥ kānakā bhūṣitāḥ śubhāḥ |
catvāraḥ kesariṇaste saśuṇḍhā gaganaspṛśaḥ || 13 ||
[Analyze grammar]

catuḥkesariṇāṃ pṛṣṭhadeśeṣu kacchapo mahān |
rājate ca haridvarṇāṃ lambavartulamaṇḍalaḥ || 14 ||
[Analyze grammar]

tatpṛṣṭhe māṇikī śaktiraśvinī divyavigrahā |
sarvopaskaraśobhāḍhyā niṣaṇṇā samapṛṣṭhikā || 15 ||
[Analyze grammar]

tasyāḥ pṛṣṭhe svarṇavarṇaṃ mṛdu cāstaraṇaṃ śubham |
tulikā rājata tatra kauśeyī citravarṇinī || 16 ||
[Analyze grammar]

pārśvapṛṣṭhasthitadivyakaśipūttamasundarī |
makhamallāstaraṇaiḥ śobhitā sāptapadī śubhā || 17 ||
[Analyze grammar]

upari vartate chatraṃ śeṣabhogiphaṇātmakam |
ṭivyahīrakacakṣurbhirdivyatejaḥpradaṃ śubham || 18 ||
[Analyze grammar]

tulikāyāṃ haristatra pādau pīṭhe nidhāya ca |
niṣasāda mahārājo rājarājādhirājakaḥ || 19 ||
[Analyze grammar]

śrīkṛṣṇo'haṃ tathā nārāyaṇaḥ pārśve sthitāvubhau |
cāmarābhyāṃ ca sahitau pādāgre cākṣaraḥ sthitaḥ || 20 ||
[Analyze grammar]

lomaśaḥ pādapārśve ca pūjāsthālīkaraḥ sthitaḥ |
mātā pitā niṣaṇṇau ca kṛṣṇanārāyaṇāntikam || 21 ||
[Analyze grammar]

evaṃ sthite tadā vyomni vimānānāṃ tu koṭayaḥ |
draṣṭuṃ devabhṛtā divyā vartante yugalāśritāḥ || 22 ||
[Analyze grammar]

pūjārthaṃ bhūmitalataścāroḍhuṃ śobhanocchritā |
niḥśreṇikā kṛtā sopānānāṃ paramparāyutā || 23 ||
[Analyze grammar]

bhūmibhāge tu paṭṭīnāṃ kṛtaṃ sopānasaptakam |
tato hastilambaśuṇḍhādvayaṃ paṭṭīspṛśaṃ ca yat || 24 ||
[Analyze grammar]

sopānādhāratāprāptaṃ niḥśreṇīdaṇḍavat sthitam |
śuṇḍhayoḥ kuṃbhaparyantaṃ klṛptānyāruṇakāni ca || 25 ||
[Analyze grammar]

sopānāni śṛṃkhalābhirbaddhāni sudṛḍhāni ca |
kuṃbhasthalayostatraiva klṛptā viśrāmaśālikā || 26 ||
[Analyze grammar]

tata ūrdhvaṃ kesariṇoḥ śuṇḍhayordaṇḍabhāntayoḥ |
sopānāni suramyāṇi klṛptāni cāparāṇyapi || 27 ||
[Analyze grammar]

kesarimastakaṃ yāvat sā niḥśreṇī kṛtā tataḥ |
catuṣkī siṃhaśirasordhṛtā kacchapalagnikā || 28 ||
[Analyze grammar]

kacchapasya galapārśve sthitaṃ haṃsadvayaṃ śubham |
tayorantarbhujayośca klṛptā niḥśreṇikā parā || 29 ||
[Analyze grammar]

māṇikīmukhasaṃsparśā pārśvayorgaruḍadvayam |
pakṣābhyāṃ vivṛtābhyāṃ ca haṃsapṛṣṭhe tu picchikāḥ || 30 ||
[Analyze grammar]

spṛṣṭāḥ kramād yathā sopānāni pakṣātmakāni vai |
māṇikīpārśvayorlagnānyeva copari picchake || 31 ||
[Analyze grammar]

sthitvā pūjā hareryatra nirvartyate surādibhiḥ |
evaṃ divye cāyate cocchrite ramyāsane prabhuḥ || 32 ||
[Analyze grammar]

anādiśrīkṛṣṇānārāyaṇaḥ sarvaiḥ prapūjyate |
na śrutaṃ nāpi sandṛṣṭaṃ cāsanaṃ śrīprabhoḥ purā || 33 ||
[Analyze grammar]

tatra taṃ rājamānaṃ śrīrājādhirājaśobhayā |
pūjayituṃ kambharāśrīḥ prathamaṃ samupasthitā || 34 ||
[Analyze grammar]

dhṛtvā haste svarṇapātraṃ kuṃkumā'kṣatacandanaiḥ |
kastūrikā'biradravyaistulasīmañjarīyutaiḥ || 35 ||
[Analyze grammar]

gulālāṃ'kuralājābhiḥ puṣpamālāvibhūṣaṇaiḥ |
phalairjalaiḥ śarkarādyairgandhasāraiḥ prapūritam || 36 ||
[Analyze grammar]

lomaśaḥ prāha vai cāśīrvacanāni tadā kṣaṇe |
oṃ svasti bālakṛṣṇasya muktāḥ svasti carantu ca || 37 ||
[Analyze grammar]

karotu cākṣaraṃ brahma svasti dīrghāyureva ca |
oṃ svasti taṃ vitanvantu śrīśrīkṛṣṇanarāyaṇāḥ || 38 ||
[Analyze grammar]

vāsudevādayaḥ svasti svasti kurvantu ceśvarā |
svasti kurvantvavatārā deveśāḥ śaṃkarādayaḥ || 39 ||
[Analyze grammar]

ṛṣayaḥ pitaraḥ siddhāḥ sādhavaḥ sāṃkhyayogikāḥ |
svasti kurvantu bālasya harerdevāśca mānavāḥ || 40 ||
[Analyze grammar]

sarvatīrthāni cādityā rudrāḥ svasti bhavantu ca |
vasavo nidhayo vaidyo svasti kurvantu vai hareḥ || 41 ||
[Analyze grammar]

satyaḥ sādhvyaḥ kumāryaśca pativratāśca yoṣitaḥ |
devatā vanavāsinyaḥ svasti kurvantu vai hareḥ || 42 ||
[Analyze grammar]

vṛkṣā vallyaścāraṇāśca kinnarādyāśca sūtakāḥ |
bhṛtyā dāsā nadā nadyaḥ svasti kurvantu vai hareḥ || 43 ||
[Analyze grammar]

yakṣāḥ ṛkṣāśca gandharvā māgadhāḥ kimpumaṃśakāḥ |
vidyādharāstathā sādhyāḥ svasti kurvantu vai hareḥ || 44 ||
[Analyze grammar]

parvatāḥ khanayo yūpāḥ khātā raṇā vanāni ca |
pātālāḥ sarpadaityāśca dānavā āsurāstathā || 45 ||
[Analyze grammar]

rākṣasā bhūtakūṣmāṇḍāḥ pretāḥ piśācakāstathā |
mātaraḥ kṛtyakāścāpi jaleśayāḥ sthaleśayāḥ || 46 ||
[Analyze grammar]

vaneśayā viśayāśca svasti kurvantu vai hareḥ |
caityā mantrā divyadehāḥ śastrā'strādyā vibhūtayaḥ || 47 ||
[Analyze grammar]

bālāśca bālikāvargā vṛddhā viprā jarāyujāḥ |
aṇḍajāḥ svedajāścāṃkurajāḥ svastidharāśca ye || 48 ||
[Analyze grammar]

vināyakā gaṇeśādyā hanumān garuḍastathā |
pārṣadā nandamukhyāśca svasti bhavantu vai hareḥ || 49 ||
[Analyze grammar]

rādhā ramā ca lalitā padmā jayā sarasvatī |
māṇikī śrīḥ kamalā ca pārvatī ca prabhā ratiḥ || 50 ||
[Analyze grammar]

śāradā virajā gaṃgā lakṣmīḥ satī ca narmadā |
sāvitrī maṃjulā haṃsā'mṛtā durgā ca maṃgalā || 51 ||
[Analyze grammar]

saguṇā dvādaśa svasti śataṃ kurvantu supriyāḥ |
anyāḥ ṣoḍaśasāhasrāḥ koṭyarbudābjaśaktayaḥ || 52 ||
[Analyze grammar]

sūryacandragrahādyāśca svasti bhavantu vai hareḥ |
tattvāni bhūtajā bhāvā māyā māyāpare sthitāḥ || 53 ||
[Analyze grammar]

yogino brahmacaryasthā vairājā guṇamūrtayaḥ |
ābhūṣaṇāni divyāni svasti bhavantu vai hareḥ || 54 ||
[Analyze grammar]

śṛṃgārā vividhākārāḥ svarāśca gītayastathā |
divyavādyāni vai svasti kurvantu śrīhareḥ sadā || 55 ||
[Analyze grammar]

saṃkarṣaṇo'niruddhaśca pradyumno dharmarājakaḥ |
dharmadevo bhaktiyuktaḥ svasti kurvantu te hareḥ || 56 ||
[Analyze grammar]

janakaḥ kambharāsvāmī svasti karotu vai hareḥ |
antarātmā paramātmā svasti svasya karotu saḥ || 57 ||
[Analyze grammar]

muktā campā jayā haimī ramā śāntā vrajā dayā |
bhānurdīpāvalī corjā svasti kurvantu vai hareḥ || 58 ||
[Analyze grammar]

oṃ suśāntiḥ sadā cāstu dīrghāyuścāntavarjitam |
ārogyaṃ nityasaukhyaṃ ca śāśvataṃ cāstu vai hareḥ || 59 ||
[Analyze grammar]

ityevaṃ lomaśaḥ svastivāgbhiḥ prokṣya jalādinā |
yavāṃkuraiśca kusumaistilakaṃ candrakaṃ śubham || 60 ||
[Analyze grammar]

mātrā saṃkārayāmāsa pūjana sāṃgakarmabhiḥ |
miṣṭaṃ mukhe dadau mātā duḥkhahā cāṃjaliṃ muhuḥ |
śirasyāvātārayaccāśīrvaco jananī dadau || 61 ||
[Analyze grammar]

śāśvatāyuryutastvaṃ vai bhava sarveśvaraḥ prabhuḥ |
ityuktvā divyapuṣpāṇāṃ kalpamālāṃ gale dadau || 62 ||
[Analyze grammar]

vikīrya mastake tasyā'kṣatān nīrājanaṃ vyadhāt |
puṣpāṃjaliṃ dadau mātā natvā svāsanamāgatā || 63 ||
[Analyze grammar]

pitā pūjāṃ cakāraivaṃ svastimān bhava putraka |
santānatantusandhātā śāśvatāyuryuto bhava || 64 ||
[Analyze grammar]

atha śrīlomaśo deveśvaraṃ samarcayanmudā |
sarvopacārakairmantrairāśīrvādṃ dadau śubham || 65 ||
[Analyze grammar]

buddhyā guṇairvicāraiścātmanā bhaktyā ca vidyayā |
dharmairyogaiśvaryavaryaiḥ śāśvatā'bhyudayo bhava || 66 ||
[Analyze grammar]

āyuṣā'caraṇairdivyaistejasā ca balena ca |
kāruṇyena virāgeṇa śāśvatā'bhyudayo bhava || 67 ||
[Analyze grammar]

mātāpitroḥ sevayā śrīguroḥ śuśrūṣayā tathā |
śaraṇāgatarakṣākṛt śāśvatābhyudayo bhava || 68 ||
[Analyze grammar]

brahmamārgaparo nityaṃ mānaseṣṭaprapūrakaḥ |
samadṛṣṭirmahāśreṣṭhī dānadharmaparāyaṇaḥ |
sarvasantoṣadātā ca śāśvatābhyudayo bhava || 69 ||
[Analyze grammar]

ityāśīrbhirlomaśena vardhito bālanandanaḥ |
anādiśrīkṛṣṇanārāyaṇo lājāvikīritaḥ || 70 ||
[Analyze grammar]

athā'nyebhyastataḥ pūjā'vasaraḥ sampradāpitaḥ |
paradhāmagatāḥ patnyaḥ pūjārthaṃ śrīharipriyāḥ || 71 ||
[Analyze grammar]

divyasādhanasampadbhirgandhacandanavāribhiḥ |
ratnahārasumālābhiḥ puṣpaiḥ saṃhṛdayaistathā || 72 ||
[Analyze grammar]

pūjāṃ cakrustata ārārtrikaṃ cakruśca duḥkhahām |
añjaliṃ śiraso nītvā caraṇodakamityapi || 73 ||
[Analyze grammar]

pītvopadāḥ samarpyaiva dhṛtvā prasādakuṃkumam |
gāle spṛṣṭvā muhuḥ premṇā nirīkṣya prāṇavallabham || 74 ||
[Analyze grammar]

yayurnaijavimānāni tatastatrā'kṣarādayaḥ |
akṣarasthāstathā muktā muktānyo'pyarcayan patim || 75 ||
[Analyze grammar]

śrīkṛṣṇo rādhikāyuktaḥ śrīyuktaśca narāyaṇaḥ |
golokavāsinaḥ sarve tathā vaikuṇṭhavāsinaḥ || 76 ||
[Analyze grammar]

caturvaikuṇṭhavāsāścā'mṛtā'vyākṛtavāsinaḥ |
anyadhāmanivāsāśca muktā vyūhāstathā pare || 77 ||
[Analyze grammar]

avatārā īśvarāśca sadāśivaprabhūttamāḥ |
mahāviṣṇusamakakṣā māyāpradhānapūruṣāḥ || 78 ||
[Analyze grammar]

vairājā brahmadeveśā munayaḥ ṛṣayastathā |
pitaraḥ surakoṭyaśca bhuvarlokanivāsinaḥ || 79 ||
[Analyze grammar]

bṛhaspatipurogāśca śukrācāryapurogamāḥ |
nadā nadyo mānavāśca parvatā drulatādayaḥ || 80 ||
[Analyze grammar]

stambāstīrthāni caityāśca mānavāḥ sūtabandinaḥ |
tṛṇāni raṇavāsāśca paśavaḥ pakṣiṇastathā || 81 ||
[Analyze grammar]

nāgā gandharvavaryāśca saurāṣṭrā bhūnivāsinaḥ |
sāmudrā vyomayānāśca koṭyarbudāśca kanyakāḥ || 82 ||
[Analyze grammar]

lokapālāstathā sarve diśāmagresareśvarāḥ |
rājāno divyarājāśca brahmakṣatrā divaukasām || 83 ||
[Analyze grammar]

sarve pupūjuratyarthaṃ bālakṛṣṇaṃ pumuttamam |
tilakaṃ candrakaṃ cakrurdaduścopāyanāni ca || 84 ||
[Analyze grammar]

bhava śāśvatajīvaścetyāśīrvādān dadurmuhuḥ |
sarvabrahmāṇḍadevyaśca militvā koṭivartikam || 85 ||
[Analyze grammar]

ārārtrikaṃ hareścakruḥ śataikavārabhrāmitam |
puṣpāñjaliṃ daduścātha pādavāri papustataḥ || 86 ||
[Analyze grammar]

duḥkhahāṃ cā'ñjaliṃ prāpya yayurnaijavimānakam |
evaṃ vai pūjane cāśīrvacane vinivartite || 87 ||
[Analyze grammar]

lomaśaḥ sarvasatkāraṃ bhāṣaṇaṃ vidadhe tataḥ |
svāgataṃ śrīharikṛṣṇaḥ svayaṃ karoti vaḥ śubham || 88 ||
[Analyze grammar]

bhavatāṃ śrīmatāṃ sarvapūjyānāṃ cāśiṣā'pyaham |
śāśvatā'bhyudayaścāsmīpyevaṃ cārthayate hariḥ || 89 ||
[Analyze grammar]

kṛtakṛtyo'smi sañjāto bālakṛṣṇo bhavatsutaḥ |
punaścāpi nibhālyo'haṃ pratyabdaṃ ca prativratam || 90 ||
[Analyze grammar]

pratyutsavaṃ prakarṣeṇa yojanīyaḥ śubhāśiṣā |
eṣo'haṃ vālaputro vai namaskaromi sādaram || 91 ||
[Analyze grammar]

kṣatiḥ tvāgatakarmādau kṣantavyā mama vai pituḥ |
lomaśasya maharṣeśca māturme'pi tatheśvarāḥ || 92 ||
[Analyze grammar]

ityuktvā lomaśaḥ prāha bhojanasya kṣaṇaḥ śubhaḥ |
vartate bhojanaṃ yuṣmannivāseṣvāgamiṣyati || 93 ||
[Analyze grammar]

sadasaḥ parihāraśca jāyate vijayo'stu vaḥ |
ityukte protthitaḥ kṛṣṇaḥ samājo'pi tadotthitaḥ || 94 ||
[Analyze grammar]

yayurnaijānnivāsāṃste bhojanaṃ tattadarhakam |
naikarūpaṃ tathā pānaṃ kanyāḥ parārdhasaṃkhyakāḥ || 95 ||
[Analyze grammar]

naikarūpadharā dāsyo bhūtvā ninyustadālayān |
tarpayitvā samājāṃśca viśrāntiśayanāni ca || 96 ||
[Analyze grammar]

daduḥ sevāṃ tathā cakrurmadhyāhnottaramuttamām |
vidāyaṃ prāpya ca yayurnaijadhāmāni sotsukāḥ || 97 ||
[Analyze grammar]

pitā dadau tadā viśvakarmaṇe pāritoṣikam |
kalpahāraṃ kalpasūtraṃ kalpavallīṃ trayaṃ tvidam || 98 ||
[Analyze grammar]

anyebhyaḥ karmacārebhyo dadāvupāyanāni ca |
lomaśāya dadau kalpakanyāṃ śāśvatasūtrajām || 99 ||
[Analyze grammar]

hareḥ prasādaṃ sarvebhyo dadau yāsyadbhya uttamam |
maṇḍapasyopasaṃhāraṃ kārayāmāsa vai tataḥ || 100 ||
[Analyze grammar]

vastūni yāni sarvāṇi tvavaśiṣṭāni tatra tu |
tāni dattānyanāthebhyo bhikṣukebhyaḥ samantataḥ || 101 ||
[Analyze grammar]

nṛtyantībhyaścāpsarobhyo dadau śṛṃgārakottamam |
hārān bhūṣāḥ kalpavṛkṣādīnyamūlyāni yāni ca || 102 ||
[Analyze grammar]

śrīmadgopālakṛṣṇaśca saṃhṛtya sāyamutsavam |
rātrau śāntiṃ parāṃ lebhe bhagavān bālarūpadhṛk || 103 ||
[Analyze grammar]

āste dolāsamārūḍho lokarītyanusārataḥ |
lomaśaḥ kanyakāścāpi lomaśasyā''śramaṃ yayuḥ || 104 ||
[Analyze grammar]

ityevaṃ rādhike'nādikṛṣṇanārāyaṇasya vai |
kṛto mahotsavo divyo dvitīyavatsarādyake || 105 ||
[Analyze grammar]

divase sarvasaubhāgyavardhano mokṣadastathā |
smartṝṇāṃ pāṭhakānāṃ ca śrotṝṇāṃ cāsya bhāvataḥ || 106 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne śrībālakṛṣṇasya prabhordvitīyavarṣārambhe mahotsave maṇḍape mahadāsanavarṇanaṃ sarvakṛtapūjāśīrvādāścetyādinirūpaṇanāmaikaviṃśatitamo'dhyāyaḥ || 21 ||
[Analyze grammar]