Chapter 12

śrīkṛṣṇa uvāca |
rādhike pāvanīṃ ramyāṃ samākarṇaya cāparām |
śrīhareraiśvaryayuktāṃ kathāmaṣṭamamāsajām || 1 ||
[Analyze grammar]

saurāṣṭre dakṣiṇe bhāge vyāghrāraṇyaṃ paraṃ mahat |
siṃhāraṇyaṃ tato'vācyāṃ tato'bdhirdvīpaśobhitaḥ || 2 ||
[Analyze grammar]

dvīpasyā'syā'bhavad rājā damanākhyo'tidāruṇaḥ |
paścimādabriktadeśādāgatyā'surabhāvanaḥ || 3 ||
[Analyze grammar]

vāsaṃ rājyaṃ prasahyaiva karoti smā'tidāruṇaḥ |
na manute baliṣṭho vai dharmaṃ svargaṃ punarbhavam || 4 ||
[Analyze grammar]

balaṃ dharmo balaṃ rājyaṃ balaṃ svargaṃ balaṃ sukham |
balena bhujyate rājyaṃ svargaṃ balena labhyate || 5 ||
[Analyze grammar]

nā''huto'gnirdadātyanyadghṛtakṣayaṃ karoti ca |
na japālabhyate rājyaṃ śastrād rājyaṃ tu labhyate || 6 ||
[Analyze grammar]

na smṛddhirgamyate stutyā yuddhena śrīravāpyate |
na kanyā labhyate dainyāt haraṇāt kanyakā'pyate || 7 ||
[Analyze grammar]

nā'nuyāti prajā sāmnā'nuyāti daṇḍajād bhayāt |
devāstu kalpanāmātrā na cā''yānti na bhānti ca || 8 ||
[Analyze grammar]

vṛthā bhojyaṃ brāhmaṇānāṃ vṛthā'rcanaṃ satāṃ tathā |
mṛṣā jñānaṃ kathakānāṃ satyaṃ tu puruṣārthiṃnām || 9 ||
[Analyze grammar]

balinaṃ lambate pṛthvī dāsā dāsyaḥ śrayanti ca |
puruṣārthavihīnasya na dārā na gṛhaṃ dhanam || 10 ||
[Analyze grammar]

balena labhyate yattat svīyaṃ naitikameva ca |
balahīnamadharmāḍhyaṃ tasmāt kuryād balaṃ param || 11 ||
[Analyze grammar]

dharmārthakāmamokṣāśca balameva ca netarat |
pāpaṃ puṇyaṃ balaṃ sarvaṃ nā'nyo'rthastasya vidyate || 12 ||
[Analyze grammar]

balinaḥ sukhinaḥ santi nirbalāstu daridrakāḥ |
balinaṃ copatiṣṭhanti calā lakṣmīśca sampadaḥ || 13 ||
[Analyze grammar]

alasasya kṣudhitasya mukhe nāyāti bhojanam |
viharatastu siṃhasya vane sampadyate'danam || 14 ||
[Analyze grammar]

ime hiṃsyā ime neti dharmo loke vyavasthitaḥ |
na tu mukhyaḥ sa śūrāṇāṃ mukhyatve balavān kṣayet || 15 ||
[Analyze grammar]

vividhāsu prajāsvatra balavānagrago bhavet |
paśupakṣipataṃgānāṃ balavānūrjito bhavet || 16 ||
[Analyze grammar]

bhuṃkte svargaṃ balavāṃśca bhāgyaṃ bale vyavasthitam |
śrūyate balavānatra bhuvi saurāṣṭramaṇḍale || 17 ||
[Analyze grammar]

susamṛddho'tibalavān nāmnā gopālakṛṣṇakaḥ |
kuṃkumavāpikākṣetre pitā kṛṣṇasya śārṅgiṇaḥ || 18 ||
[Analyze grammar]

bālakṛṣṇo'tra bālatve sthito'pi vartate prabhuḥ |
anekabalasāhasro lomaśasyā''śraye'sti ca || 19 ||
[Analyze grammar]

talā'rjantādikanyāśca santi lomaśakāśrame |
rakṣasāṃ ca surāṇāṃ ca vanināṃ kanyakāstathā || 20 ||
[Analyze grammar]

yuvatyaścātirūpāḍhyā bālakṛṣṇabalena vai |
rakṣitāstatra vidyante mama yogyā hi tā yataḥ || 21 ||
[Analyze grammar]

mayā vai lomaśaṃ hatvā hatvā gopālakṛṣṇakam |
bālakṛṣṇaṃ tathā hatvā''netavyā me vaśe tu tāḥ || 22 ||
[Analyze grammar]

iti vicārya damano mahāsuro nijān bhaṭān |
samāhūya sabhāyāṃ sa prakāśaṃ hṛdayaṃ nyadhāt || 23 ||
[Analyze grammar]

mārtaṇḍaṃ ca pracaṇḍaṃ ca kūṣmāṇḍaṃ bhāṇḍakaṃ tathā |
duṣṭāṇḍaṃ ca kaṭāhāṇḍaṃ gartāṇḍaṃ tāṇḍavaṃ tathā || 24 ||
[Analyze grammar]

bhaṇḍaṃ ṣaṇḍaṃ kubhāṇḍaṃ ca śailāṇḍaṃ bhramarāṇḍakam |
harjāṇḍaṃ cāpi garjāṇḍaṃ jaṭhrāṇḍaṃ gṛdhrakāṇḍakam || 25 ||
[Analyze grammar]

gokrāṇḍaṃ ghurghurāṇḍaṃ ca māyāṇḍaṃ sainyanāyakān |
sarvān vīravatīṃ vāṇīmuvāca dānaveśvarān || 26 ||
[Analyze grammar]

lakṣasainyasamāyuktāḥ sannaddhā bhavatā'tra vai |
saurāṣṭre vīrakanyāśca koṭiśo lomaśāśrame || 27 ||
[Analyze grammar]

anādiśrīkṛṣṇanārāyaṇārthe santi rakṣitāḥ |
talājā tiṣṭhati tatra tathā'nyāśca sahasraśaḥ || 28 ||
[Analyze grammar]

ānetavyā balāttāśca balaṃ vai rājyamucyate |
tāsāmiṣṭatamo bālo'ṣṭame māse pravekṣyati || 29 ||
[Analyze grammar]

śrūyate sa mahaiśvaryayuto nityaṃ na bālakaḥ |
tasmāt sāvadhānabhāvā bhavatā'strādiyoginaḥ || 30 ||
[Analyze grammar]

caturaṃgaṃ balaṃ sarvaॆ sannahya yāta cā'grataḥ |
vimānaiḥ kamalākārairvāhanairvyomagāmibhiḥ || 31 ||
[Analyze grammar]

sarvā''yudhaiḥ saha yāta cāgre kuॆkumavāpikām |
kāryaॆ trayaṃ prakartavyaṃ sādhyaṃ prāṇapradānakaiḥ || 32 ||
[Analyze grammar]

āhartavyāḥ kanyakāstāḥ prāṇairapi dhanairapi |
lomaśena samaṃ yuddhaṃ kartavyaṃ tadvināśakam || 33 ||
[Analyze grammar]

yadi kṛṣṇo vālarūpo mahān bhūtvā raṇaṃ caret |
ghātayitavya evā'yaṃ kāryaॆ caitanmahattaram || 34 ||
[Analyze grammar]

evaṃ kāryatrayaṃ kāryaṃ pratijñāṃ yāta matpade |
ipyuktāstatra kūṣmāṇḍaḥ prāha vinayagarbhitam || 35 ||
[Analyze grammar]

bhṛtyoktaṃ hitakṛdvākyaṃ mantavyaṃ kaṭu vā bhavet |
ahaṃ kūṣmāṇḍakeṣveva gaṇeṣu śaṃkarasya ca || 36 ||
[Analyze grammar]

sthitvā vai śrutavān pūrvaṃ kṛṣṇanārāyaṇo hariḥ |
paramātmā'surahāśca daityahā dānavakṣayaḥ || 37 ||
[Analyze grammar]

kuṃkumavāpikākṣetre vartate divyavigrahaḥ |
hiraṇyakūrcaprabhṛternāśakānāṃ gurorguruḥ || 38 ||
[Analyze grammar]

yasyaikaromṇi padmāni daśakoṭyayutāni vai |
vartante devatāḥ sarvā balavaddaityanāśikāḥ || 39 ||
[Analyze grammar]

brahmaviṣṇumaheśādyā rudrā vidyādharādayaḥ |
nāgāḥ sarpāḥ pattalasthāḥ kiṃkarā yasya vai matāḥ || 40 ||
[Analyze grammar]

tasya cecchrīkṛṣṇanārāyaṇasya dhanameva tāḥ |
kanyakā yadi vartante mā spraṣṭavyāstu tāḥ kvacit || 41 ||
[Analyze grammar]

śaraṇaṃ maraṇaṃ tatra paśyāmi netarat param |
nā'tilobhaḥ prakartavyaḥ śāśvataṃ sukhamicchatā || 42 ||
[Analyze grammar]

paradravyaṃ na hartavyaṃ dīrghaṃ jīvanamicchatā |
yat svasya bhāgyataḥ prāptaṃ tanna kaiścidviyujyate || 43 ||
[Analyze grammar]

yatparārthaṃ samutpannaṃ tannātmārthaṃ hi jāyate |
kṛte tatra puruṣārthe vaiparītyaṃ prajāyate || 44 ||
[Analyze grammar]

striyo dravyaṃ kṣitiśceti poṣayanti nijāśrayam |
yadi puṇyena labdhāśced viparītāstu nāśakāḥ || 45 ||
[Analyze grammar]

āyuryaśo balaṃ dravyaṃ santānaṃ rājyamityapi |
viparītā yadi te syurnāśayanti na saṃśayaḥ || 46 ||
[Analyze grammar]

tava rājan bahu cāsti patnyo dravyaṃ prajājanaḥ |
dāsā dāsyo gajāśceti kathaṃ tṛṣṇāṃ na muñcasi || 47 ||
[Analyze grammar]

tṛṣṇāyā bahavo naṣṭāḥ padmabhramaravanniśi |
santoṣeṇa tu bahavo modante nijavastuṣu || 48 ||
[Analyze grammar]

mayoktaṃ kaṭu cāpyasti kintu miṣṭaṃ tu bhāvini |
saṃkṣepānnāyayuktā'nyad duḥkhadaṃ ceti vedmyaham || 49 ||
[Analyze grammar]

tathāpi manyase rājan kartavyaṃ cānugā vayam |
avaśyaṃ hi kariṣyāmo maraṇārthaṃ tavehitam || 50 ||
[Analyze grammar]

ityuktvā virarāmā'sau kūṣmāṇḍaśca tataḥ param |
mārtaṇḍādyā api tattvaṃ vimṛśyocurnijādhipam || 51 ||
[Analyze grammar]

vahnau ratnaṃ ravau puṣpaṃ ratnākaratale maṇim |
hṛdayasthaṃ ca raktaṃ tvaṃ kṛṣṇakāntāḥ samicchasi || 52 ||
[Analyze grammar]

labdhaṃ cāpi na sukhadaṃ labdhavyaṃ ca durantakam |
bhṛtyaistathāpi nopalaṃghyā rājājñā pārameśvarī || 53 ||
[Analyze grammar]

javrāṇḍaśca tadā vṛddho maghrāṇḍaśca sahāyakaḥ |
ubhau balena tān satyān śauryābhaṃ prāhatustadā || 54 ||
[Analyze grammar]

manorasthāstu jāyante pravartante janāstathā |
śūrā nirmālyavalloke bhavanti yadi niṣkriyāḥ || 55 ||
[Analyze grammar]

pravṛttiṃ ke kariṣyanti parīkṣārhe tu vastuni |
śūrāṇāṃ maraṇaṃ yuddhe nimittaṃ strīdhanādikam || 56 ||
[Analyze grammar]

vijaye sati cāyānti parājaye vināśanam |
paralokapradaṃ śreṣṭhaṃ maraṇaṃ raṇamadhyataḥ || 57 ||
[Analyze grammar]

ityevameva matvaiva yatra ratnāni santi ca |
tatra gatvaiva śūraiśca prāptavyāni samarpaṇāt || 58 ||
[Analyze grammar]

tasmād yuddhaṃ prakartavyaṃ prāptavyāḥ kanyakāśca tāḥ |
lomaśo bālakṛṣṇaśca tathā gopālakṛṣṇakaḥ || 59 ||
[Analyze grammar]

anye teṣāṃ sahāyāśca hantavyā vighnadā hi naḥ |
iti śrutvā jāgṛtāṇḍo vicāryā''ha sabhājanān || 60 ||
[Analyze grammar]

harirbālo vidyate ca rudrādyā nahi bālakāḥ |
trayastriṃśatkoṭidevā na bālāḥ kṛṣṇapūjakāḥ || 61 ||
[Analyze grammar]

akāṇḍaṃ pralayaṃ draṣṭuṃ yadicchatha praśūrakāḥ |
kuruta vijayaṃ gantuṃ dharmarājā''titheyakam || 62 ||
[Analyze grammar]

damanastu tadā śrutvā sarveṣāṃ nirbalātmakam |
eṣo'haṃ prathamaṃ yāmītyuktvā'siṃ dhṛtavān kare || 63 ||
[Analyze grammar]

ye jīvalubdhā gacchantu naijaṃ gṛhaṃ vihāya mām |
raṇaśūrāḥ samāyāntu śīghraṃ sainyasamanvitāḥ || 64 ||
[Analyze grammar]

rājā damanakaścaivaṃ krudhā śauryeṇa jalpavān |
amanaskāḥ samanaskāḥ sarve sajjāstadā'bhavan || 65 ||
[Analyze grammar]

gamane cā'śakunāni jātānyeṣāṃ punaḥ punaḥ |
kṛṣṇasarpā'valokaśca ghūkadarśanamityapi || 66 ||
[Analyze grammar]

mukuṭānāṃ ca śastrāṇāṃ pātanaṃ yānabhañjanam |
dāridryadarśanaṃ riktapātrāṇāṃ darśanaṃ tathā || 67 ||
[Analyze grammar]

agre yāti rajako nāpitastamanugacchati |
śuṣkakāṣṭhe rauti kāko bhūkampo'pi vyajāyata || 68 ||
[Analyze grammar]

teṣāṃ strīṇāṃ ca keśebhyaḥ srastāni kusumāni ca |
akāle'pi rajobhāvo gṛhaṃ vahnirdadāha ca || 69 ||
[Analyze grammar]

paśupakṣivirāvāśca trāsadāścā'bhavaṃstadā |
anādiśrīkṛṣṇanārāyaṇapreritameva hi || 70 ||
[Analyze grammar]

kāle sarvaṃ bhavatyeva damanasya tu kā kathā |
ityevaṃ cā'paśakune jāyamāne'pi rādhike || 71 ||
[Analyze grammar]

kanyakālālasāvyāpto damanaḥ sainyasaṃyutaḥ |
kuṃkumavāpikākṣetraṃ tvāgato lomaśāśramam || 72 ||
[Analyze grammar]

cakāra śaṃkhanirghoṣaṃ vādayāmāsa dundubhim |
raṇatūryāṇi bahudhā tāḍayāmāsa tajjanaiḥ || 73 ||
[Analyze grammar]

dūtaṃ svaṃ preṣayāmāsa lomaśaṃ prati kharvaṭam |
kharvaṭastu samāgatya nanāma pādayoḥ ṛṣeḥ || 74 ||
[Analyze grammar]

sandeśaṃ kathayāmāsa damanasya nayena ha |
ṛṣe rājā damanakaḥ sāmudrakṣitirājyavān || 75 ||
[Analyze grammar]

āvedayati mānyasya pūjyasya pādayornaman |
kanyakāḥ koṭiśo rājayogyāḥ santi tavā''śrame || 76 ||
[Analyze grammar]

dehi naḥ kṛpayā śāntyā vinayena raṇena vā |
lomaśastaṃ kharvaṭaṃ ca prāha nemā dhanaṃ mama || 77 ||
[Analyze grammar]

bālakṛṣṇasya tu dhanaṃ kathaṃ dātuṃ samutsahe |
anādiśrīkṛṣṇanārāyaṇaḥ śrīparameśvaraḥ || 78 ||
[Analyze grammar]

tasya śāśvatanikṣepaḥ kathaṃ dīyeta vai mayā |
yātaca bālakṛṣṇaṃ taṃ yatheṣṭaṃ kurutā'thavā || 79 ||
[Analyze grammar]

ityuktaḥ sa kharvaṭastu natvā yayau nṛpaṃ prati |
uvācā'nupūrvikāyugvākyaṃ śrutvā damastadā || 80 ||
[Analyze grammar]

prairayat kanyakā hartuṃ sarvān daityān bhayaṃkarān |
sainyaṃ lomaśabhūbhāgaṃ samāvṛṇot samantataḥ || 81 ||
[Analyze grammar]

dharṣayantu cāharantu mardayantu ca kanyakāḥ |
nītvā nītvā samāyāntu tvevaṃ sainyabhaṭāstadā || 82 ||
[Analyze grammar]

ākrośanto dudruvuśca garjayantaḥ parasparam |
yatra tāḥ kanyakāḥ santi dṛṣṭvā dudruvurantikam || 83 ||
[Analyze grammar]

kolāhalaṃ tathā dṛṣṭvā bhītāstu kanyakā harim |
sasmarurlomaśaṃ nivedayāmāsurmahābhayam || 84 ||
[Analyze grammar]

dhyānastho lomaśastatra bālakṛṣṇaṃ hariṃ prabhum |
smṛtvā vai stambhanamantraṃ prākṣipat kṣaṇamātrataḥ || 85 ||
[Analyze grammar]

tāvat sainyaṃ jaḍībhūtaṃ vṛkṣastambā yathā tathā |
sarvaṃ niśceṣṭamevā''sīt kāṣṭhaputtalikā yathā || 86 ||
[Analyze grammar]

hāhākāro mahānāsīd damanasya bhaṭeṣu ca |
nāyakāścāti santrastā mṛtyumukhe gatā iva || 87 ||
[Analyze grammar]

atha bālaḥ kṛṣṇanārāyaṇo jñātvā'tidāruṇam |
priyāṇāṃ ca tadā kaṣṭaṃ cāgacchat kanyakāḥ prati || 88 ||
[Analyze grammar]

lomaśaṃ ca muniṃ natvā śaṃkhacakradharaḥ prabhuḥ |
saumyadṛṣṭyā priyā vīkṣya hasaṃstasthau kṣaṇaṃ puraḥ || 89 ||
[Analyze grammar]

lomaśena pradatte tvāsane vai niṣasāda saḥ |
bhayodvignāḥ kanyakāśca rakṣa nātheti vai jaguḥ || 90 ||
[Analyze grammar]

atha te jaḍatāṃ prāptā damanādyāḥ śilā iva |
manasā śaraṇaṃ jagmurlomaśaṃ parameśvaram || 91 ||
[Analyze grammar]

aparāddhaṃ yuddhabalairnātmabalaiḥ kṛpāṃ kuru |
ātmabalāṃśaleśena balaṃ no vilayaṃ gatam || 92 ||
[Analyze grammar]

nirbalāścā'balāstulyāstato naścā'balājanān |
jaḍabhāvāt pravicāvya jīvanaṃ dehi naḥ prabho || 93 ||
[Analyze grammar]

ityevaṃ te hṛdā munerlomaśasya tu pādayoḥ |
śaraṇaṃ nemuratyarthaṃ tadā'nugrahavān muniḥ || 94 ||
[Analyze grammar]

jaḍabhāvaṃ stambhanaṃ mocayāmāsa hare puraḥ |
atha duṣṭasvabhāvena damanena niyojitāḥ || 95 ||
[Analyze grammar]

punaḥ kanyāḥ samākraṣṭuṃ nipetuḥ śyenavattadā |
dṛṣṭvā'parāddhaṃ bhagavān sudarśanaṃ mumoca ha || 96 ||
[Analyze grammar]

vahnijvālāmayaṃ naikarūpadhṛk sarvatodiśam |
ciccheda sasyavad daityān lakṣaśastatra raṃhasā || 97 ||
[Analyze grammar]

kṣaṇamātreṇa sainyaṃ tat nāyakā damakastathā |
sarve chinnāstadā dvedhā naikaḥ śeṣo'pi vidyate || 98 ||
[Analyze grammar]

dagdhāḥ sarve'pi tatraiva saudarśanena vahninā |
sudarśanaṃ harerhaste nītvā''tmanaḥ samāgatam || 99 ||
[Analyze grammar]

kṛṣṇamūrtau layaṃ yātā lakṣātmānastu rādhike |
bhagavāṃścakramādāya natvā ca lomaśaṃ munim || 100 ||
[Analyze grammar]

vīkṣyā''bhāṣya priyāḥ sarvāḥ kanyakā hi muhurmuhuḥ |
bālarūpaṃ vidhāyaiva paryaṃkikāṃ samāyayau || 101 ||
[Analyze grammar]

ityevaṃ bhagavāṃścakre daityalakṣapraṇāśanam |
kṣaṇādvai kimasādhyaṃ śrīpateḥ śrīrādhikāpateḥ || 102 ||
[Analyze grammar]

yatrā'surā vinaṣṭāste cakreṇa nihatāstadā |
cakrakhātā'bhavatprakhyā bhūmiḥ sā sarasastaṭe || 103 ||
[Analyze grammar]

cakratīrthaṃ tu tajjātaṃ cāśvapaṭṭasarovare |
evaṃ bhagavatā tatra bhūbhāraharaṇaṃ kṛtam || 104 ||
[Analyze grammar]

śrotuḥ śrāvayituḥ smarturvācayituścamatkṛteḥ |
mokṣaḥ syādeva vā smṛddhirbhavet sukāma ityapi || 105 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne dakṣiṇodadhisthadamanakadaityasya kanyakā hartuṃ lomaśāśramamāgatasya lomaśena kṛto jaḍībhāvo bālakṛṣṇena sudarśanena kṛtaḥ sasainyasya dhvaṃso mokṣaścetyādinirūpaṇanāmā dvādaśo'dhyāyaḥ || 12 ||
[Analyze grammar]