Chapter 13

śrīkṛṣṇa uvāca |
śṛṇu rādhe hyasurāṇāṃ pāvakaḥ śrīnarāyaṇaḥ |
sarvān daityān nijalīnān kṛtvā dhāmni svako'nayat || 1 ||
[Analyze grammar]

adhamoddhāra evaṃ śrībhagavān puruṣottamaḥ |
daityānāṃ dānavānāṃ rakṣasāṃ dviṣāṃ virodhinām || 2 ||
[Analyze grammar]

śaraṇaṃ svaṃ prapannānāmārttihā mokṣado hi saḥ |
anugraho'yaṃ kṛṣṇasya śrīpateḥ paramātmanaḥ || 3 ||
[Analyze grammar]

kṛpāsādhyo hyayaṃ mokṣaḥ pāritoṣikavanmataḥ |
śṛṇu tvaṃ rādhike daityā mokṣaṃ gatā mṛtā iti || 4 ||
[Analyze grammar]

śrutvā damanapatnī ca śīlahākhyā tathā'parāḥ |
mārtaṇḍādipradhānānāṃ vīraśmidyuhanādikāḥ || 5 ||
[Analyze grammar]

dhībhakṣyā vānasī śauṇḍī mātīryā kaṇḍikā hṛti |
kuṇṭhā kāluṣikī dhūmrā pādhūlī ca rajo'ṇḍikā || 6 ||
[Analyze grammar]

karaṃdhamī ca vikaṭī datkaṭī dāmanī rukhā |
dāminī tālajaṃghā ca dīrghikā daṇḍikā ghaṭī || 7 ||
[Analyze grammar]

horā āyā damā diṣṭiḥ piṣṭiḥ pāmpī prakuṇḍikā |
karaṇḍikādyāśca tathā pradhānānāṃ priyāstu tāḥ || 8 ||
[Analyze grammar]

samākarṇya tu daityānāṃ mṛtyuṃ rurudurutsvarāḥ |
hā hatāḥsmeti cukruśurvyastakeśā vimūrchitāḥ || 9 ||
[Analyze grammar]

vinaṣṭasarvaśṛṃgārāḥ sarvasaubhāgyavarjitāḥ |
prāṇahīnā iva lakṣādhikā vaidhadhyapīḍitāḥ || 10 ||
[Analyze grammar]

athā''yāt tatra vai tāsāṃ gurvī vai śukrajīvanī |
sāntvayāmāsa bodhena vairaniryāpanaṃ tathā || 11 ||
[Analyze grammar]

vayaṃ sarvā gamiṣyāmo haniṣyāmaśca lomaśam |
bālaṃ hatvā kariṣyāmo vināthāḥ sarvakanyakāḥ || 12 ||
[Analyze grammar]

sajjābhavatha sarvāśca patyarthaṃ prāṇadāyikāḥ |
svāmimārgaṃ gamiṣyāmaḥ kṛtvā vairasya tarpaṇam || 13 ||
[Analyze grammar]

yā na patyuḥ kṛte naṣṭā jīvitā'pi mṛtā hi sā |
patirdhanaṃ hi nārīṇāṃ tadgate vigataṃ dhanam || 14 ||
[Analyze grammar]

patirdaivaṃ patirbhāgyaṃ saubhāgyaṃ patireva ca |
svāmī mānaṃ patiḥ śobhā pratiṣṭhā svāmini sthitā || 15 ||
[Analyze grammar]

keśāḥ kaṃkaṇamābhogāḥ śobhante patijīvanāḥ |
teṣāṃ nāśe jīvanaṃ tu naṣṭaṃ strīṇāṃ tato januḥ || 16 ||
[Analyze grammar]

nirarthakaṃ bhavet paścānmaraṇaṃ sārthakaṃ bhavet |
satīrūpeṇa martavyaṃ vairaniryāpanaṃ vinā || 17 ||
[Analyze grammar]

nirarthikā mṛtiḥ sā'tra na sā patyuḥ praśāntaye |
vairaniryāpanaṃ kṛtvā sṛtiḥ patyuḥ praśāntidā || 18 ||
[Analyze grammar]

tasmādāyāta sarvāśca sambhūya kṛtaniścayāḥ |
sannahya sarvā yotsyāmo haniṣyāmaśca kanyakāḥ || 19 ||
[Analyze grammar]

lomaśasya jaṭājūṭān troṭayiṣyāma eva ca |
bālakṛṣṇaṃ hariṣyāmo mārayiṣyāma eva vā || 20 ||
[Analyze grammar]

ityāmantrya tadā daityapatnyo lakṣā'tilakṣakāḥ |
śīlahādyāḥ śastrayuktāḥ samutpeturvihāyasā || 21 ||
[Analyze grammar]

śaktitomarakhaṅgā'sibhūśuṇḍīmudgarā''yasān |
cipīṭakān muśalāṃśca daṇḍān dantrān triśūlakān || 22 ||
[Analyze grammar]

kuntān sitāḥ kṛpāṇāṃśca cakrāṇi paṭṭiśān śarān |
kuntalān churikā vedhān dṛṣado yaṣṭikāḥ kaśān || 23 ||
[Analyze grammar]

śaṃkūnaṃkuśakān bhallān vaṃśānagnimukhān karān |
kṣepaṇān bandhanān pāśān raśmīn pannigaḍān kaṭān || 24 ||
[Analyze grammar]

kuṭhārān paraśūn kāṣṭhopalāḥ pādāṃśca śṛṃkhalāḥ |
evaṃ bahuvidhān śastrahetīn dhṛtvā'surastriyaḥ || 25 ||
[Analyze grammar]

varmayuktāścarmayuktāḥ sthālīgopitamūrdhajāḥ |
sakacchā baddhakaṭikāḥ sudṛḍhāmbarabandhanāḥ || 26 ||
[Analyze grammar]

satrāṇasādhanā yānairvyomnā vāditraniḥsvanaiḥ |
trāsayantyo jagatsarvaṃ cāyayurlomaśāśramam || 27 ||
[Analyze grammar]

madyapānāraktanetrā māṃsādanapramādikāḥ |
unmattavatpralāpinyaścāvaterurbhuvaṃ prati || 28 ||
[Analyze grammar]

kṛṣṇakajjalaśṛṃgādikṛtacitrānanāstadā |
stanayoḥ raktacandrābhicakrādibhirbhayaṃkarāḥ || 29 ||
[Analyze grammar]

chindhi māraya bhindhīti khādayainaṃ ca mardaya |
carvaya prāṇataścainaṃ pracūrṇaya madādibhiḥ || 30 ||
[Analyze grammar]

āntrāṇyāsāṃ karṣayantu peṣayantu śilātale |
mastakāni sphoṭayantu pibantu rudhirāṇi ca || 31 ||
[Analyze grammar]

carvayantu ca māṃsāni kanyakānāṃ harestathā |
lomaśaṃ khaṇḍaśaḥ sakhyaḥ kurvantu bhavatīvrajāḥ || 32 ||
[Analyze grammar]

anenā'smatsvāmino vai hatā bhasmā'tra vidyate |
lomaśaṃ prathamaṃ cātra mārayantu prahārakaiḥ || 33 ||
[Analyze grammar]

karṣayantu tato mūtrakardame malamiśritam |
kardamaṃ cāsya ca mukhe nikṣipantu ca cakṣuṣoḥ || 34 ||
[Analyze grammar]

netre cotpāṭayantvasya śūle cāropayantu ca |
dvedhā padbhyāṃ viniṣpīḍya dvidalaṃ kārayantu ca || 35 ||
[Analyze grammar]

evaṃ tā vadamānā vai lomaśasyā''śramaṃ gatāḥ |
parito vanavṛkṣādyān nāśayāmāsurugragāḥ || 36 ||
[Analyze grammar]

vallīrvināśayāmāsurgrāhayāmāsurutkarāḥ |
mayūrādīn śukān haṃsān hariṇān jaghnurulbaṇāḥ || 37 ||
[Analyze grammar]

lomaśarṣiryoṣitāṃ tān gaṇānnaivā'valokayat |
strīṇāmabhibhavaḥ puṃsā naiva kāryaḥ kadācana || 38 ||
[Analyze grammar]

tatrāpi muninā naivaṃ vicāryeti dadau na hṛt |
tāvattāstu samāyātāḥ saśastrā dhartumeva tam || 39 ||
[Analyze grammar]

ṛṣiṃ sarvāḥ kanyakāśca nāśayituṃ prarebhire |
vilokyaitattu ṛṣiṇā jalamādāya sarvataḥ || 40 ||
[Analyze grammar]

svasya rakṣā kanyakānāṃ tathā rakṣā kṛtā tadā |
kṣiptaṃ jalaṃ vahnirūpaṃ vyajāyata dadāha tāḥ || 41 ||
[Analyze grammar]

vahniḥ prākārarūpeṇā'vyāpnot saṃparitastadā |
daityastrīṇāṃ mahat sainyaṃ vartulākāravahnirāṭ || 42 ||
[Analyze grammar]

ūrdhvaṃ vitānarūpaśca bhūtvā rurodha rākṣasīḥ |
dadruvurdahyamānāstā bālakṛṣṇālayaṃ prati || 43 ||
[Analyze grammar]

atha kanyā api sarvā lomaśo munirāḍapi |
mitho jagurimā rākṣasyo vai yānti hariṃ prati || 44 ||
[Analyze grammar]

mārayiṣyanti taṃ bālaṃ mātaraṃ pitaraṃ ca vā |
atha strībhirna yoddhavyaṃ puruṣaiḥ sarvathā yataḥ || 45 ||
[Analyze grammar]

strībhiḥ sākaṃ suyoddhavyaṃ strībhireva hi dharmataḥ |
bhavatyaḥ kanyakāḥ sarvā dhārayantu hi varma ca || 46 ||
[Analyze grammar]

śastrāṇīmāni sarvāṇi dhārayantu yathāyatham |
mantrān divyān dhārayantu nāśayantu ca tā drutam || 47 ||
[Analyze grammar]

ityuktvā lomaśaḥ śīghraṃ patyarthaprāṇarakṣikāḥ |
kanyakāḥ śrāvayāmāsa śrīsvāmikavacaṃ tadā || 48 ||
[Analyze grammar]

trirācamya hariṃ dhyātvā prāṇānāyamya tristathā |
mastake me harerastu mastakaṃ ca mukhe mukham || 49 ||
[Analyze grammar]

netrayorme'sya netre stāṃ śravasorme'sya vai śravau |
mamakaṇṭhe hareḥ kaṇṭho hastayorme hareḥ karau || 50 ||
[Analyze grammar]

vakṣasi stanayorme ca harervakṣaḥstanau tathā |
udare me hare rastūdaraṃ kaṭyāṃ hareḥ kaṭiḥ || 51 ||
[Analyze grammar]

pṛṣṭhe pṛṣṭhaṃ nitambayorme nitambau harestathā |
gupte guptaṃ tathā sakthnoḥ sakthinī pādayoḥ pade || 52 ||
[Analyze grammar]

sarvā mūrtirharerastu mayi sarvāṃgamūrtike |
itinyāsān vidhāyaiva svāmikavacamuccaret || 53 ||
[Analyze grammar]

om anādiśrīkṛṣṇanārāyaṇaḥ sarvaprahetimān |
divyavimānamārūḍhaḥ sarvarakṣāṃ karotu naḥ || 54 ||
[Analyze grammar]

śaṃkhacakragadāpadmacarmāsicāpapāśavān |
dhanustriśūlaśaravān śastrebhyo'vatu no hariḥ || 55 ||
[Analyze grammar]

vyomni divyakramo'vyānno'nale kṛṣṇanarāyaṇaḥ |
vāyau prāṇapatiḥ pāyājjale svāmī parātparaḥ || 56 ||
[Analyze grammar]

pṛthvyāmavyād bālakṛṣṇo yuddhe'vyātpuruṣottamaḥ |
śastrāstramantrapātebhyo'vyānnaḥ patiḥ phalasthitaḥ || 57 ||
[Analyze grammar]

indrajālādimāyābhyo'ntarātmā'vyāt śriyaḥ patiḥ |
priyasvāmī kṛṣṇanārāyaṇo'vyātkālavegataḥ || 58 ||
[Analyze grammar]

rākṣasībhyaḥ kṛṣṇakāntaścāvyādanavadhānataḥ |
mṛpyurogā'cintyabhībhyaḥ pātu na kṛṣṇavallabhaḥ || 59 ||
[Analyze grammar]

bhautikebhyo vikārebhyaḥ pātu no'kṣaradhāmapaḥ |
sarvāvasthāsu sarvebhyaḥ pātu tvantaragaḥ prabhuḥ || 60 ||
[Analyze grammar]

saṃhara rākṣasīsainyaṃ rakṣaya kanyakākulam |
ānandaya tato naśca jayaṃ dehi pareśvara || 61 ||
[Analyze grammar]

omanādikṛṣṇanārāyaṇo'sya devatā'vatu |
lomaśāya namaḥ svāmikavacasyarṣaye sadā || 62 ||
[Analyze grammar]

kambharāśrīmahālakṣmyai rakṣākartryai namo'vatu |
nārāyaṇāya gopālakṛṣṇāya ca namo'vatu || 63 ||
[Analyze grammar]

ityuccāvitamevaitat kavacaṃ koṭirūpadhṛka |
kṣaṇādajāyata koṭisūryavarculamujjvalam || 64 ||
[Analyze grammar]

kanyāstā dhārayāmāsū rādhike ca tvayā saha |
mañjulā pārvatī lakṣmīḥ prabhā haṃsā ca māṇikī || 65 ||
[Analyze grammar]

koṭikoṭyaḥ svarṇavarṇaṃ dadhyustacchedavarjitam |
avṛṇaṃ cā'viyuktaṃ ca varma varṣmasu pūritam || 66 ||
[Analyze grammar]

komalaṃ niṣṭhuraṃ cāpi sukhasparśaṃ ca rakṣakam |
dhṛtvā jalena sākaṃ ca śastrāstramantrakān papuḥ || 67 ||
[Analyze grammar]

kanyakāvarmamantrāḍhyā yugapat kṛpayā'bhavan |
grasatvetat kṛṣṇakāntaḥ kāntārthamoṃ kṣaḥ phaṭ svāhā || 68 ||
[Analyze grammar]

jajapustā mantramevaṃ cāṣṭottaraśataṃ tadā |
yuddhe sarvatra cānyatra yaḥ smṛto rakṣako'sti vai || 69 ||
[Analyze grammar]

mantraścāyaṃ dhṛtastābhirjaptaścāpi tataḥ param |
lomaśaḥ pradadau tābhyo'ṇimādyāḥ siddhayastathā || 70 ||
[Analyze grammar]

aiśvaryāṇi samastāni cā'pradhṛṣyāṇi yānyapi |
sandhinīyojinīkṣatavāriṇīśūlahāriṇīḥ || 71 ||
[Analyze grammar]

jalā''camanasārdhaṃ vai dadau vidyāḥ sahasraśaḥ |
anekarūpabhavanaṃ mṛṣāsatyavidhāraṇam || 72 ||
[Analyze grammar]

antardhānaṃ punarbhāvaṃ sarvavidyā dadau tadā |
koṭyarbudānāṃ kanyānāṃ sainyaveṣāṃstadā drutam || 73 ||
[Analyze grammar]

jalabindvabhyukṣaṇena kṛtavān lomaśo muniḥ |
tūryavāditrayānāni gajasiṃhā'śvakāni ca || 74 ||
[Analyze grammar]

haṃsagaruḍayānāni kṣaṇājjalena cā'karot |
tāvat tūryāṇyavādyantotpeturvyomni kumārikāḥ || 75 ||
[Analyze grammar]

yatrā'ste bhagavān kṛṣṇo bālaḥ svāmī gṛhāntare |
kṣaṇadhyānena gatvaitāścā'mbaraṃ prāpya cāgrataḥ || 76 ||
[Analyze grammar]

rākṣasīnāṃ tu sainyānāṃ vāraṇārthaṃ vyavasthitāḥ |
rādhā lakṣmīḥ ramā śrīśca pārvatī māṇikī prabhā || 77 ||
[Analyze grammar]

maṃgalā manasā revā bhārgavī ca sarasvatī |
gaṃgā ca mañjulā bhaktirmuktirekādaśī ratiḥ || 78 ||
[Analyze grammar]

haṃsā saguṇā tulasī kamalā virajā satī |
mūrtiśca gomatī svarṇarekhā jayā ca nandinī || 79 ||
[Analyze grammar]

durgā lalitā sāvitrī dolā puṣpā kalāvatī |
badarī mādhavī pampā ṣaṣṭhī prītiḥ ṛtadhvajī || 80 ||
[Analyze grammar]

mauktikā lāḍakī devī manuḥ kastūrikā sitā |
haimī śāntiḥ praśāntā ca campā godāvarī yamī || 81 ||
[Analyze grammar]

ojasvatī ca savitā ratnā miṣṭā'mṛtā dhaniḥ |
caturā vajrikā muktā suśīlā śyāmikā'malā || 82 ||
[Analyze grammar]

santuṣṭā candrikā kāntiḥ kuṃvarī ca śivādikāḥ |
etāścānyāḥ śataṃ cāpi catvāriṃśattadgragāḥ || 83 ||
[Analyze grammar]

saināpatye'bhavannagragatāḥ koṭyo balātmikāḥ |
harṣanādāṃstadā cakrurjayakṛṣṇanarāyaṇa || 84 ||
[Analyze grammar]

jaya kānta mahākānta parameśvara vai jaya |
jaya svāmin jaya nātha lomaśo'pi jayatviha || 85 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
evaṃ mantraṃ raṭantyaśca rodhayāmāsurāsurīḥ || 86 ||
[Analyze grammar]

grasatvetat kṛṣṇakāntaḥ kāntārtham oṃ kṣaḥ phaṭ svāhā |
mantrajāpaṃ tadā'kurvan vārayāmāsurāsurīḥ || 87 ||
[Analyze grammar]

ākasmikaṃ rākṣasīnāṃ sainyaṃ cāmbaramārgataḥ |
samāyātaṃ vīkṣya mātāpitarau vāsino'pare || 88 ||
[Analyze grammar]

bhayaṃ prāpustadā bālakṛṣṇo bhūtvā kiśorakaḥ |
pitṛbhyāmāha bhetavyaṃ naiva naiva ca naiva ca || 89 ||
[Analyze grammar]

niryātuṃ vidhavā vairaṃ rākṣasyo yoddhumāgatāḥ |
striyo naiva prahantavyā mayā kvāpi nareṇa yat || 90 ||
[Analyze grammar]

lomaśenāpi hantavyā naiva naiva kadācana |
vahninā''śramarakṣāṃ sa cakāra gururāḍ yataḥ || 91 ||
[Analyze grammar]

tā bhītāśca tato'trāpi māṃ hantuṃ cāgatāḥ khalu |
lomaśapreṣitāstābhiryuddhyantāṃ kanyakāstvimāḥ || 92 ||
[Analyze grammar]

sannaddhā mantraśastrāstrayuddharmodibṛṃhitāḥ |
koṭiśastā imāḥ sainyarūpeṇā'mbarasaṃsthitāḥ || 93 ||
[Analyze grammar]

yuyutsantīcchayā me'mba nā'tra citraṃ kathaṃcana |
iti kṛṣṇe pravadite garuḍān haṃsavājinaḥ || 94 ||
[Analyze grammar]

gajān yānāni divyāni brahmaviṣṇumaheśvarāḥ |
dadurvyomni kanyakābhyo rathān vimānakāni ca || 95 ||
[Analyze grammar]

vīrakanyāmahāsainyaṃ vāhanairupaśobhitam |
yāvat tāvattu rākṣasyaḥ samutpetuḥ samantataḥ || 96 ||
[Analyze grammar]

tāḍayāmāsuratyugraṃ vīrakanyāgaṇaṃ tadā |
kanyakā raṇacaṇḍyastāḥ pratitāḍanamācaran || 97 ||
[Analyze grammar]

gajānāṃ vājināṃ haṃsagaruḍānāṃ ninādanam |
siṃhānāṃ devayānānāṃ garjanaṃ cāṇḍamāvṛṇot || 98 ||
[Analyze grammar]

gardabhānāṃ tathoṣṭrāṇāṃ kukkuṭānāṃ ca rakṣasām |
śunāṃ ca jambukānāṃ cā'krośāstatrā'bhavan prati || 99 ||
[Analyze grammar]

hetīnāṃ cā''yudhānāṃ ca śarāṇāṃ pātanāni vai |
hantrīṇāṃ yoṣitāṃ cānyonyaṃ deheṣvabhavan muhuḥ || 100 ||
[Analyze grammar]

nijaghnustomaraiḥ kāścit kāścijjaghnuḥ kṛpāṇakaiḥ |
kāścit keśān pragṛhyaiva cikṣipuḥ pṛthivītale || 101 ||
[Analyze grammar]

anyā jaghnurgadābhiśca tathā'parāstu mūśalaiḥ |
bhindīpālaiścetarāśca nijaghnuścā'sibhiḥ parāḥ || 102 ||
[Analyze grammar]

khaḍgaiścānyā upalābhiḥ pāṣāṇaiḥ kṣepaṇaistathā |
śṛṃkhalābhistathā daṇḍairnārācaiśca śaraiḥ parāḥ || 103 ||
[Analyze grammar]

hanyante tatra rākṣasyo jīvato na tu kanyakāḥ |
śaktibhirmudgaraiścānyā bhūśuṇḍībhistathā'parāḥ || 104 ||
[Analyze grammar]

ghnanti krodhānaladagdhā oṣṭhacarvaṇaroṣitāḥ |
daṇḍairdantaistriśūlaiśca cipīṭakaiśca paṭṭiśaiḥ || 105 ||
[Analyze grammar]

mūḍhamārāṇyapatan vai sitābhiśca kṛpāṇakaiḥ |
kuntaiḥ kuntalakaiścāpi śaraiścakraiśca mūśalaiḥ || 106 ||
[Analyze grammar]

churikābhirdṛṣadbhiśca yaṣṭikābhiśca vedhanaiḥ |
bhidyante brahmarandhrāṇi chidyante sakthibāhavaḥ || 107 ||
[Analyze grammar]

śaṃkubhiḥ kuśakairbhallairvaṃśairagnimukhaiḥ karaiḥ |
vidīryante hṛdayāni stanāni mastakāni ca || 108 ||
[Analyze grammar]

baddhyante raśmipāśaiśca kṣipyante kaṭakādibhiḥ |
kuṭhāraiḥ paraśubhiśca vibhidyante kabandhakāḥ || 109 ||
[Analyze grammar]

śṛṃkhalābhiḥ pratāḍyante jvālyante cānalaistadā |
rākṣasyaḥ kanyakā hanyante'ndhatāḍanakairmithaḥ || 110 ||
[Analyze grammar]

evaṃ vai tumulastatra saṃgrāmaḥ samajāyata |
na kasyāścicchrūyate'tra śabde yuddhapragarjanaiḥ || 111 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne rākṣasīnāṃ kanyakānāṃ ca aśvapaṭṭasaraḥsannidhau tumulayuddhāraṃbho nāma trayodaśo'dhyāyaḥ || 13 ||
[Analyze grammar]