Chapter 530

śrīlakṣmīruvāca |
mānavānāṃ vividhānāmitikartavyatāvratam |
upakārāya me brūhi yathā mokṣodayo bhavet || 1 ||
[Analyze grammar]

śrīnārāyaṇa uvāca |
ahiṃsā sarvato jyeṣṭhā sarveṣāṃ puṇyadaṃ vratam |
ātmane tuṣṭidānaṃ ca paraṃ puṇyapradaṃ matam || 2 ||
[Analyze grammar]

yathākathañcijjīvānāṃ deyaṃ sukhaṃ ca toṣaṇam |
kāyena manasā vācā kriyayā vastubhistathā || 3 ||
[Analyze grammar]

āśīrvādāśca labhyante śreyo mokṣaśca sampadaḥ |
snānaṃ dhyānaṃ mama pūjā naivedyaṃ sevanaṃ tathā || 4 ||
[Analyze grammar]

paropakāraḥ santoṣaḥ kartavyāni sadā janaiḥ |
viṣṇuprasādabhojī ca jīvanmukto bhavejjanaḥ || 5 ||
[Analyze grammar]

viṣṇumantraṃ gṛhītvā ca kṛtvā vai gurusevanam |
dhyātvā kṛṣṇapadāmbhojaṃ mokṣasthānamavāpnuyāt || 6 ||
[Analyze grammar]

gurūṇāṃ pūjanaṃ nityaṃ kartavyaṃ poṣaṇaṃ tathā |
sarveṣāmapi vandyānāṃ pitā svasya mahān guruḥ || 7 ||
[Analyze grammar]

pituḥ śataguṇā mātā mātuḥ śataguṇaḥ suraḥ |
surasya mantradaścaturguṇo gururhi mokṣadaḥ || 8 ||
[Analyze grammar]

mokṣadasya śataguṇo jñānamokṣaprado guruḥ |
guruḥ pratyakṣa īśeśo gururnārāyaṇaḥ prabhuḥ || 9 ||
[Analyze grammar]

uddeśe dīyate tasmai surāya gurave śruteḥ |
pratyakṣabhoktā svaguruḥ svayaṃ dehī janārdanaḥ || 10 ||
[Analyze grammar]

gururbrahmā gururviṣṇurgurureva svayaṃ śivaḥ |
śrīgurau sarvadevā vai tiṣṭhanti satataṃ mudā || 11 ||
[Analyze grammar]

gurau tuṣṭe haristuṣṭastena tuṣyanti devatāḥ |
vaiṣṇavaḥ śrīhareprāptikaro gururnarāyaṇaḥ || 12 ||
[Analyze grammar]

brāhmaṇo vaiṣṇavo nityaṃ gururmuktaḥ suraiḥ samaḥ |
tasya pādodakaṃ pītvā śuddhyanti prāṇino hyaghāt || 13 ||
[Analyze grammar]

viṣṇuprasādabhojī tu pavitrāṃ kurute mahīm |
vaikuṇṭhe modate so'nte pārṣado hariṇā saha || 14 ||
[Analyze grammar]

tadāśrayaḥ prakartavyo grāhyo mantrastato'pi ca |
mantragrahaṇamātreṇa jīvanmuktaḥ prajāyate || 15 ||
[Analyze grammar]

puruṣāṇāṃ sahasraṃ sa līlayā tūddharet śuciḥ |
kriyā viṣṇupade yasya saṃkalpāśca tadarpitāḥ || 16 ||
[Analyze grammar]

sa eva śrīharirbodhyo na me tasmātparaḥ priyaḥ |
mantraṃ kvāpi na gṛhṇīyāt daridrād bhaktivarjitāt || 17 ||
[Analyze grammar]

āmiṣaṃ sarvathā bodhyaṃ mama naivedyavarjitam |
yadyapi syāt sudhātulyaṃ tadabhakṣyaṃ prakīrtitam || 18 ||
[Analyze grammar]

dharmavyādhena vai putrīṃ purā jñātvā śuciṃ dvijam |
mataṃgaputraṃ mātaṃgaṃ tasmai dattā yataḥ khalu || 19 ||
[Analyze grammar]

pavitrasya gṛhe putryāḥ paraṃ śreyo bhaviṣyati |
iti vicārya dattā sā kintvekasmin dine punaḥ || 20 ||
[Analyze grammar]

śvaśrūraḥ snuṣāṃ jagādedaṃ vyādhaje hiṃsakātmaje |
kiṃ jānāsi dharmakṛtyamaśuddhe kalahaṃkari || 21 ||
[Analyze grammar]

iti śrūtvā tu sā kanyā yayau svajanakaṃ prati |
prāha māṃ vyādhaje ceti śvaśrūḥ prāha punaḥ punaḥ || 22 ||
[Analyze grammar]

vyādho jagāma jāmāturgṛhaṃ prāha sukhodayam |
bhojanaṃ pradadau śvaśrūrvinā devaniveditam || 23 ||
[Analyze grammar]

na tatra devapūjāpi nā'nnaśuddhirvilokitā |
vaiśvadevaḥ kṛto naiva nā'tithiḥ pūjitastathā || 24 ||
[Analyze grammar]

jalaṃ na gālitaṃ cāpi vahnau ghṛtaṃ na cārpitam |
vyāhṛtirna kṛtā tatra snānaṃ dṛṣṭaṃ na vai gṛhe || 25 ||
[Analyze grammar]

gogrāso bhūtasaṃgrāso na jāmātrā kṛtopi hi |
na devakīrtanaṃ cāpi na sūryanamanaṃ tathā || 26 ||
[Analyze grammar]

śvaśrṛ'gṛhe tadīyaistu daivaṃ paitryaṃ na vai kṛtam |
tatsarvaṃ vīkṣya kanyāyāḥ pitā prabhojanā''sane ||re || 7 ||
[Analyze grammar]

sthitvā prāha mayā tvedad grāhyaṃ naiva bhavedyataḥ |
tasyānnaṃ tvāmiṣaṃ proktaṃ yad devāya na cārpyate || 28 ||
[Analyze grammar]

jalaṃ ca vāruṇītulyaṃ devapādāmṛtaṃ vinā |
tasmānmayā na bhoktavyaṃ bhavadīyaṃ prabhojanam || 29 ||
[Analyze grammar]

mayā putrī yato dattā jñātvā dharmagṛhaṃ śubham |
mokṣārthaṃ sā pradattā vai na tu pāpādanāya vai || 30 ||
[Analyze grammar]

yatra sandhyā japo dhyānaṃ devārcanaṃ samarpaṇam |
kiñcinnāsti tadannaṃ cāmiṣaṃ vāri surāsamam || 31 ||
[Analyze grammar]

mayā tvajānatā putrī sākṣānnarake pātitā |
tvadgṛhānme śuddhirasti devanaivedyajā sadā || 32 ||
[Analyze grammar]

vinā devārpaṇaṃ nāhaṃ bhunajmi tu kadācana |
vyādhaputrīti vai proktā na tattathyaṃ vacastava || 33 ||
[Analyze grammar]

harenaiṃvedyahīno vai vyādhaḥ satyatayocyate |
tasmādvyādho mataṃgastvaṃ brahmakarmavivarjitaḥ || 34 ||
[Analyze grammar]

ahaṃ jātyāpi cedvyādhaḥ karmaṇā naiva naiva ca |
tvaṃ karmaṇā mahāvyādhatulyo bhavasi nityadā || 35 ||
[Analyze grammar]

nā'haṃ putrīṃ preṣayiṣye gṛhaṃ te punarāgame |
ityuktvā prayayau vyādho vaiṣṇavo bhaktarāḍa gṛham || 36 ||
[Analyze grammar]

kṛtvā kṛṣṇārpaṇaṃ sarvaṃ bubhuje'nnajalādikam |
tasmāllakṣmi sarvavarṇairarpitaṃ me śubhaṃ bhavet || 37 ||
[Analyze grammar]

divyaṃ pramokṣadaṃ tvannaṃ jalaṃ patraṃ dalādikam |
brāhmaṇānāṃ sadā bhakṣyaṃ haviṣyaṃ ca nirāmiṣam || 38 ||
[Analyze grammar]

āmiṣasya parityāgāt sūryavattejasā bhavet |
anivedya prabhoktā tu surāmiṣāśano bhavet || 39 ||
[Analyze grammar]

śrāddhaṃ dadyāt sadā toyaṃ dadyādvai pitṛdaivataḥ |
mātā pitā gururbhāryā śiṣyaḥ putraḥ svasā sutā || 40 ||
[Analyze grammar]

anāthā pitṛvaṃśīyā nityaṃ poṣyā gurupriyā |
tāsāṃ vai poṣaṇāt kṛṣṇaścāntarātmā prasīdati || 41 ||
[Analyze grammar]

sarvaṃ kṛṣṇasya yatkiñcinnāhaṃ kartā'smi karmaṇām |
karmaṇā manasā vācā satataṃ cintayettathā || 42 ||
[Analyze grammar]

sarvārpaṇaṃ bhavet karma pūrvakarmanikṛntanam |
bhakṣyā'bhakṣyaṃ vicāryaiva kartavyaṃ karmakṛntanam || 43 ||
[Analyze grammar]

ayaspātre payaḥpānaṃ gavyaṃ siddhānnamityapi |
bhrāṣṭrādikaṃ guḍaṃ madhu nālikerodakaṃ tathā || 44 ||
[Analyze grammar]

phalaṃ mūlaṃ ca yatkiñcidayaḥpātre na bhakṣayet |
dagdhānnaṃ cātitaptaṃ cocchiṣṭaṃ paryuṣitaṃ tathā || 45 ||
[Analyze grammar]

mādakaṃ jīvahiṃsotthamabhakṣyaṃ ca parasya yat |
nālikerodakaṃ kāṃsye tāmrapātre sthitaṃ madhu || 46 ||
[Analyze grammar]

gavyaṃ ca tāmrapātrasthaṃ sarve madyaṃ vinā ghṛtam |
dugdhaṃ salavaṇaṃ madhumiśraṃ tailaṃ guḍaṃ ghṛtam || 47 ||
[Analyze grammar]

pītaśeṣajalaṃ māghe mūlakaṃ bhādrake dadhi |
hastāddhastagṛhītāni rasāni naiva bhakṣayet || 48 ||
[Analyze grammar]

karpūraṃ raupyapātrasthaṃ bhraṣṭaspṛṣṭaṃ na bhakṣayet|| |
hiṃsrakīnāṃ sūkarīṇāṃ camarīṇāṃ vanaukasām || 49 ||
[Analyze grammar]

hariṇīnāṃ vānarīṇāṃ bhallukīnāṃ payastathā |
vājinyuṣṭrīkareṇūnāṃ kharīṇāṃ gavayībhavam || 50 ||
[Analyze grammar]

geṇḍīnāṃ citrakīnāṃ ca dugdhādi naiva bhakṣayet |
agālitaṃ payo vāri takraṃ tailaṃ ghṛtādikam || 51 ||
[Analyze grammar]

anivedyaṃ hareścāpi sarvamabhakṣyameva yat |
pipīlikāmiśritaṃ ca madhu gavyaṃ guḍaṃ rasam || 52 ||
[Analyze grammar]

pakṣibhakṣyaṃ kīṭabhakṣyaṃ śuddhaṃ pakvaphalādikam |
kākabhakṣyamabhakṣyaṃ ca sarveṣāṃ dravyamityapi || 53 ||
[Analyze grammar]

ghṛtapakvaṃ tailapakvaṃ pakvaṃ kevalavahninā |
sūryapakvaṃ kālapakvaṃ bhakṣyaṃ śuddhaṃ bhaved yadi || 54 ||
[Analyze grammar]

sarveṣāmaśucīnāṃ ca jalamannaṃ parityajet |
abhakṣyabhakṣaṇe śuddhiṃ kuryāt kṛṣṇajapaṃ vratam || 55 ||
[Analyze grammar]

śubhā'śubhaṃ tu yatkarma vinā bhogaṃ kṣayo'sya na |
na naṣṭaṃ duṣkṛtaṃ kvāpi jāyate sukṛtena vai || 56 ||
[Analyze grammar]

na naśyati sukṛtaṃ ca duṣṭakṛtenāpi karmaṇā |
kintu puṇyena pāpasya balaṃ kṣīṇaṃ prajāyate || 57 ||
[Analyze grammar]

utpadyate balāt puṇyaṃ pāpaṃ kvacit parasparam |
śrīkṛṣṇārpaṇabhāve tu navaṃ bhogyaṃ na jāyate || 58 ||
[Analyze grammar]

svargaṃ tu sukṛtenaiva nirayo duṣṭakṛtena ca |
karmaṇā nahi mokṣaśca sa tu syānmama sevayā || 59 ||
[Analyze grammar]

jñānāgnau havanaṃ yasya karmaṇastattu bhasmasāt |
mayi vā havanaṃ yasya tattu mokṣaphalaṃ dadet || 60 ||
[Analyze grammar]

śṛṇu pāpena lokānāṃ yathā janma prajāyate |
yāmyadaṇḍottaraṃ janma jāyate kathayāmi tat || 61 ||
[Analyze grammar]

goghnaḥ syād dandaśūkaśca gauśca cāṇḍāla ityapi |
brahmaghno viṭakṛmirbhūtvā mlecchaścāndho bhavetattaḥ || 62 ||
[Analyze grammar]

strīghnaḥ syād yakṣmaṇā grastaḥ śvā daridraśca sarvathā |
garbhaghnaḥ śvā bhavetpaścād ghoṭakaśca bhavettathā || 63 ||
[Analyze grammar]

naraghnaśca gajendraḥ syāt tato bhavet kirātakaḥ |
kukkuṭaḥ kukkuraḥ syānmārjāraghno viḍālakaḥ || 64 ||
[Analyze grammar]

sarpahā ca bhavet sarpo hastī ca ghoṭako'pi ca |
kṣudrajantuvadhakartā kṣudrajantuḥ prajāyate || 65 ||
[Analyze grammar]

aśvatthaghnaḥ śālmaliḥ syāt tataḥ śūdro bhavet punaḥ |
mithyāsākṣyapradātā ca kṛtaghno'tikṛtaghnakaḥ || 66 ||
[Analyze grammar]

viśvāsaghātī mitraghno bhaved gṛdhraḥ punaḥ punaḥ |
sūkaraḥ śvāpado bhūtvā tataḥ śūdraḥ prajāyate || 67 ||
[Analyze grammar]

vastrahārī gavyahārī raupyamuktāpahārakaḥ |
bako bhūtvā śūdrajātistataḥ kuṣṭhī bhavediti || 68 ||
[Analyze grammar]

kośahārī phalahārī dravyahārī tu yakṣakaḥ |
bhūtvā tu cāṣapakṣī syāttataḥ śūdro bhavediti || 69 ||
[Analyze grammar]

pakvadravyāpahārī ca kastūrīmṛgajanmabhāk |
dhānyahartā kṛpaṇaḥ syāt svarṇahartā tu kuṣṭhavān || 70 ||
[Analyze grammar]

krodhī mṛtaḥ kharo maṃkoḍakaḥ sarpaśca vāyasaḥ |
lauhacaurastu nirvaṃśo maṣīcaurastu kokilaḥ || 71 ||
[Analyze grammar]

śuko'pyañjanacaurastu miṣṭacauraḥ kṛmirbhavet |
vipradveṣī gurudveṣī śirasāṃ sa kṛmirbhavet || 72 ||
[Analyze grammar]

raktadravyāpahārī ca raktadoṣānvito bhavet |
ācārahīno mlecchaḥ syāt khañjo bhavati hiṃsakaḥ || 73 ||
[Analyze grammar]

ahaṃkārī karṇahīno badhiraḥ śāstranindakaḥ |
vākyahartā tu mūkaḥ syāt hiṃsakaḥ keśavarjitaḥ || 74 ||
[Analyze grammar]

mithyāvādī śmaśruhīno durvākyo dantahīnakaḥ |
jihvāhīnaḥ satyahārī granthacauro jaḍo bhavet || 75 ||
[Analyze grammar]

aśvagrāhī tvaśvacauraḥ punaścāśvaḥ prajāyate |
tato vai ghoṭakaḥ kṣudro gajacauro gajo bhavet || 76 ||
[Analyze grammar]

chāgacauro bhavecchāgo dānahā mleccha eva ca |
ekākī miṣṭabhoktā syānmakṣikā ca pipīlikā || 77 ||
[Analyze grammar]

tailacaurastailakāro rasacauro haridrakaḥ |
asadoṣadhadātā ca vyālagrāhī bhavejjanaḥ || 78 ||
[Analyze grammar]

puṃścalī syād godhikā ca śṛgālī bhallukī tathā |
taḍāgahā nakrajātiḥ kacchapo matsyako bhavet || 79 ||
[Analyze grammar]

citravastrāpahārastu mayūraḥ syād vanādiṣu |
tejaḥpātrāpahārī ca bhavet kāraṇḍavaściram || 80 ||
[Analyze grammar]

surāṇāṃ pratimācauraścāndhaḥ syādvai punaḥ punaḥ |
pitṛdevārcanahantā śṛgālaḥ śavabhug bhavet || 81 ||
[Analyze grammar]

gurudveṣī daridraḥ syād devadrohī ca dāṃbhikaḥ |
dīpanirvāṇakartā tu khadyotaḥ syādvane vane || 82 ||
[Analyze grammar]

goṇīhartā kapotaḥ syānmālāhartā vihaṃgamaḥ |
carako dhānyacauraḥ syānmāṃsacauraśca kuṃjaraḥ || 83 ||
[Analyze grammar]

viduṣāṃ dukhadaḥ syāttu maṇḍuko vai punaḥ punaḥ |
kāvyadveṣī nakulaḥ syāt kṛkalāsastataḥ param || 84 ||
[Analyze grammar]

kanyāvikrayakārī ca vyādhaḥ syādvai punaḥ punaḥ |
dharmahīnaḥ paśuḥ syācca tailakārastataḥ param || 85 ||
[Analyze grammar]

mithyākalaṃkavaktā ca rajako mūka ityapi |
abhicāraprakartā syād hiṃsakaḥ preta ityapi || 86 ||
[Analyze grammar]

mithyāvaktā ca daivajño vānaro bhāṇḍa ityapi |
ityevaṃ kathitaṃ lakṣmi mukhyaṃ vipākajaṃ phalam || 87 ||
[Analyze grammar]

yasya rāgaśceṣṭabhoge dveṣo'sti viparītake |
tasya janma bhavet karma punaḥ punarvipākajam || 88 ||
[Analyze grammar]

rāgadveṣau gatau yasya buddhiryasya na lipyate |
dharmādharmaparityāgī karmaṇā nahi badhyate || 89 ||
[Analyze grammar]

nendriyāṇi pravartante matvā svaviṣayān prati |
ātmanyevā'rpaṇakartā badhyate nahi karmabhiḥ || 90 ||
[Analyze grammar]

nāryahaṃ vā naro'haṃ vetyevaṃ yo nābhimanyate |
ātmabhāve sadā magnastasya karma na lipyate || 91 ||
[Analyze grammar]

duḥkhaṃ sukhaṃ sukhaṃ duḥkhaṃ dve yasya samatāṃ gate |
parasvabhāvanālopastasya karma na lipyate || 92 ||
[Analyze grammar]

brahmarūpaḥ svayaṃ bhūtvā kurvan brahmārthameva cet |
pravṛtto vartate mayyacyute muktiṃ gato bhavet || 93 ||
[Analyze grammar]

ityevaṃ kathitaṃ lakṣmi karmanirbandhanaṃ mayā |
paṭhanācchravaṇāccāsya karmanikṛntanaṃ bhavet || 94 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne manuṣyasya kartavyaṃ vyādhakanyāmiṣeṇa hareranaivedyabhojināṃ vyādhatvam abhakṣyanirdeśaḥ pāpaphalātmakakarmavipākajanmādidarśanaṃ cetyādinirūpaṇanāmā triṃśadadhikapañcaśatatamo'dhyāyaḥ || 530 ||
[Analyze grammar]