Chapter 528

śrīnārāyaṇa uvāca |
śṛṇu lakṣmi ṛṣiśreṣṭha āvaṭyastvekadā girim |
raivataṃ kārtike māsi pradakṣiṇaṃ vidhāya ca || 1 ||
[Analyze grammar]

māsatrayaṃ samuvāsa lomaśasyā''śrame tadā |
aśvapaṭṭasarastīre kṛṣṇanārāyaṇālaye || 2 ||
[Analyze grammar]

śivarātrau niśāyāṃ ca pupūja lomaśeśvaram |
prātarbrāhmamuhūrtaṃ ca kṣaṇaṃ nidrā'bhavad yadā || 3 ||
[Analyze grammar]

svapnaṃ tatra dadarśā'sāvṛṣirāvaṭyanāmakaḥ |
divyayānena sa yayau satyalokaṃ tataḥ param || 4 ||
[Analyze grammar]

viṣṇulokaṃ mahāviṣṇorlokaṃ kailāsamāyayau |
vaihāyasena yānena vaikuॆṭhaṃ sa yayau tataḥ || 5 ||
[Analyze grammar]

golokaṃ sa yayau paścād yayāvakṣaradhāma saḥ |
yayau ca paramaṃ dhāmā'nantaṃ parātparātparam || 6 ||
[Analyze grammar]

sarvaśreṣṭhaṃ brahmalokaṃ gatvā dadarśa pūruṣam |
divyaṃ śrīmatkṛṣṇanārāyaṇaṃ muktā'kṣareśvaram || 7 ||
[Analyze grammar]

anādiśrīkṛṣṇanārāyaṇaṃ muktābhivanditam |
sthitaḥ sa śrīharistasmāyāvaṭyāya jagāda ha || 8 ||
[Analyze grammar]

vada lokeṣu sarvatra kiṃ tvayā cā'valokitam |
āvaṭyaḥ prāha bhagavan atra yadvai vilokyate || 9 ||
[Analyze grammar]

tādṛśaṃ sukhasāmrājyaṃ kutrāpi nāvalokitam |
nā'kṣare na ca goloke na vaikuṇṭhe'mṛte'pi ca || 10 ||
[Analyze grammar]

na ca satye tathā bhūmau te sukhāṃśo na vidyate |
vilakṣaṇaṃ sukhaṃ te'sti nityānandasutṛptidam || 11 ||
[Analyze grammar]

akṣare muktabāhulyaṃ goloke rādhikādayaḥ |
vaikuṇṭhe śrīramādyāśca satye devādayaḥ sthitāḥ || 12 ||
[Analyze grammar]

tadanyatra tu kā vārtā sarvā vai bhogabhūmayaḥ |
golokaṃ cāpi vaikuṇṭhaṃ kailāsaṃ cākṣaraṃ padam || 13 ||
[Analyze grammar]

catvāryetāni te kṛṣṇanārāyaṇasya bhūmikāḥ |
bhaktānāṃ ramaṇārthaṃ ca tvayā vai śāśvatīkṛtāḥ || 14 ||
[Analyze grammar]

ye tu bhaktā yathecchanti sevārthaṃ tāṃstathā tathā |
tṛptiṃ dadāsi dāsyatve premṇā snehena kāmataḥ || 15 ||
[Analyze grammar]

ātmānandastava mūrteḥ paradhāmni viśiṣyate |
sevā''nando'kṣare dhāmni tadanyebhyo viśiṣyate || 16 ||
[Analyze grammar]

dāsyānandaśca goloke sakhyānando vikuṇṭhake |
pūjā''nandaḥ satyaloke yathāyogyaṃ viśiṣyate || 17 ||
[Analyze grammar]

anyatra viṣayānandaḥ kleśamiśro viśiṣyate |
mayā dṛṣṭo'tra bhagavan sa evā'kṣaradhāmani || 18 ||
[Analyze grammar]

mayā cā''lokitaḥ kṛṣṇanārāyaṇo'kṣarā'dhipaḥ |
goloke tvaṃ rādhikeśaḥ kṛṣṇanrāyaṇa īkṣitaḥ || 19 ||
[Analyze grammar]

vaikuṇṭhe tvaṃ lakṣmīśaśca dṛṣṭaḥ kṛṣṇanarāyaṇaḥ |
kailāse tvaṃ lokitaśca vairāgyānandasaṃbhṛtaḥ || 20 ||
[Analyze grammar]

yogī jñānī yatiścāpi śivāpatiḥ svayaṃ hariḥ |
satyaloke tvamevā'si sāvitrīśvara eva ha || 21 ||
[Analyze grammar]

so'yaṃ sūrye mayā dṛṣṭo hiraṇmayaḥ pumān bhavān |
pṛthvyāṃ kuṃkumavāpyāṃ ca gopālakṛṣṇabālakaḥ || 22 ||
[Analyze grammar]

vartase kambharālakṣmīputraḥ kṛṣṇanarāyaṇaḥ |
lomaśasyāśrame tatra mandire vartase prabho || 23 ||
[Analyze grammar]

rādhāṃ kvacit kvacillakṣmīṃ kvacicca pārvatīṃ satīm |
kvacicca māṇikīṃ devīṃ kvacit prabhāṃ ramāṃ kvacit || 24 ||
[Analyze grammar]

padmāṃ jayāṃ ca lalitāṃ haṃsāṃ ca mañjulāṃ kvacit |
padmāvatīṃ satīṃ vṛndāṃ tulasīṃ ca sarasvatīm || 25 ||
[Analyze grammar]

śivāṃ pārśve prapaśyāmi mūlaprakṛtikāṃ kvacit |
kvacinmuktāṃ devikāṃ ca campāṃ haimīṃ ca śāntikām || 26 ||
[Analyze grammar]

kvacittu yoginaṃ sādhuṃ vidvāṃsaṃ ca sanātanam |
vīkṣe rūpāṇi te kṛṣṇa dṛṣṭvā pāraṃ na yāmyaham || 27 ||
[Analyze grammar]

adya me saphalaṃ janma mokṣapāraṃ gato yataḥ |
anekakalpapuṇyena na te darśanamāpyate || 28 ||
[Analyze grammar]

kṛpayā'dya mayā labdhaṃ darśanaṃ te śriyaḥ pate |
ityucyamāne nidrā sā naṣṭā''vaṭayasya tatkṣaṇam || 29 ||
[Analyze grammar]

purataḥ śrīkṛṣṇanārāyaṇaṃ dadarśa sasmitam |
praṇipatya ṛṣiḥ prāha svapnaṃ dṛṣṭaṃ mayā prabho || 30 ||
[Analyze grammar]

vada me tatphalaṃ tvadya kiṃ me syācchāśvataṃ phalam |
kṛṣṇanārāyaṇaḥ prāha śṛṇu tvāvaṭya tatphalam || 31 ||
[Analyze grammar]

śīghraṃ te bhāvinī muktirlomaśasya tu sannidhau |
aśvapaṭṭasarasaśca kṣetrasyā'sya prabhāvataḥ || 32 ||
[Analyze grammar]

śivarātrervratapuṇyāttathā'trāgamanānmune |
gṛhāṇa mantraṃ ye tvatra sannaddhau mokṣaṇe bhava || 33 ||
[Analyze grammar]

oṃ namaḥ śrīkṛṣṇanārāyaṇāya svāmine namaḥ |
gṛhāṇa tulasīmālāṃ kaṇṭhe kaṇṭhīṃ gṛhāṇa ca || 34 ||
[Analyze grammar]

vad cānyattu te'bhīṣṭaṃ dadāmyatra na saṃśayaḥ |
āvaṭyastu tadā prāha muktiṃ dehi pare'kṣarāt || 35 ||
[Analyze grammar]

sarvalokahitārthaṃ ca svapnajñānaṃ vadātra me |
tathāstviti hariḥ prāha kṛṣṇanārāyaṇaḥ prabhuḥ || 36 ||
[Analyze grammar]

prāha jñānaṃ tadā''vaṭyāṃ ya svapnānāṃ śṛṇu priye |
susvapnadarśanaṃ puṇyaṃ yadi nīcaṃ na vakti ca || 37 ||
[Analyze grammar]

kāśyapaṃ durbhagaṃ nīcaṃ śatrumajñāninaṃ striyam |
tyaktvā rātriṃ ca divase vakti vipraṃ supaṇḍitam || 38 ||
[Analyze grammar]

devālaye ca devaṃ cāpyaśvatthatulasīvaṭam |
uktvā tad dviguṇaṃ puṇyamaprakāśyaṃ caturguṇam || 39 ||
[Analyze grammar]

susvapnadarśane prājño gaṃgāsnānaphalaṃ labhet |
arthaṃ vittaṃ ca bhāryāṃ ca bhūmiṃ putraṃ labheta saḥ || 40 ||
[Analyze grammar]

mokṣaṃ ca paramaiśvaryaṃ labhate sarvavāñchitam |
svapnastu prathame yāme saṃvatsare phalapradaḥ || 41 ||
[Analyze grammar]

dvitīye cāṣṭabhirmāsaistribhirmāsaistṛtīyake |
caturthetvardhamāsena svapnaḥ svātmaphalapradaḥ || 42 ||
[Analyze grammar]

daśāhe phaladaḥ svapno'pyaruṇodayadarśane |
prātaḥ svapnastuphaladastatkṣaṇaṃ yadi bodhitaḥ || 43 ||
[Analyze grammar]

cintāvyādhisamāyukto naraḥ svapnaṃ tu paśyati |
tatsarvaṃ niṣphalaṃ dṛṣṭaṃ divā svapnaṃ ca niṣphalam || 44 ||
[Analyze grammar]

jaḍo mūtrapurīṣeṇa pīḍitaśca bhayākulaḥ |
digambaro muktakeśo na labhet svapnajaṃ phalam || 45 ||
[Analyze grammar]

svapnottaraṃ punarnidrāṃ prayāto na labhet phalam |
svapnaṃ rātrau yaśca vakti na tasya jāyate phalam || 46 ||
[Analyze grammar]

uktvā kāśyapagotraṃ tu vipattiṃ labhate janaḥ |
durgate durgatiṃ yāti nīce vyādhiṃ prayāti ca || 47 ||
[Analyze grammar]

rātrau bhayaṃ ca labhate mūrkhe ca kalahaṃ labhet |
kāminyāṃ dhanahāniḥ syād rātrau caurabhayaṃ bhavet || 48 ||
[Analyze grammar]

nidrāyāṃ labhate śokaṃ paṇḍite vāñchitaṃ phalam |
na prakāśyaśca sa svapno budhena kāśyape kvacit || 49 ||
[Analyze grammar]

gavāṃ hayānāṃ śailānāṃ prāsādānāṃ ca hastinām |
drūṇāmārohaṇaṃ svapne dhanadaṃ parikīrtitam || 50 ||
[Analyze grammar]

bhojanaṃ rodanaṃ vīṇāvādanaṃ dṛśyate yadi |
pratigṛhṇāti vā svapne sasyāḍhyāṃ bhūmimālabhet || 51 ||
[Analyze grammar]

śastrāstreṇa yadi viddho vraṇena kramiṇā tathā |
viṣṭhayā rudhireṇāpi svapne lipto dhanī bhavet || 52 ||
[Analyze grammar]

svapne'pyagamyāgamano bhāryālābhaṃ karoti hi |
mūtrasiktaḥ pibecchukraṃ narakaṃ ca viśatyapi || 53 ||
[Analyze grammar]

nagaraṃ praviśed raktaṃ samudraṃ vā sudhāṃ pibet |
sa cāpnoti śubhāṃ vārtāṃ vipulaṃ ca dhanaṃ labhet || 54 ||
[Analyze grammar]

gajaṃ nṛpaṃ suvarṇaṃ ca vṛṣabhaṃ dhenumityapi |
dīpamannaṃ phalaṃ puṣpaṃ kanyāṃ chatraṃ rathaṃ dhvajam || 55 ||
[Analyze grammar]

dṛṣṭvā kuṭumbaṃ labhate kīrtiṃ ca vipulāṃ śriyam |
pūrṇakuṃbhaṃ dvijaṃ vahniṃ puṣpatāmbūlamandiram || 56 ||
[Analyze grammar]

śukladhānyaṃ naṭaṃ veśyāṃ dṛṣṭvā śriyamavāpnuyāt |
gavāṃ kṣīraṃ ghṛtaṃ dṛṣṭvā cārthaṃ puṇyadhanaṃ labhet || 57 ||
[Analyze grammar]

pāyasaṃ padmapatre ca dadhi dugdhaṃ ghṛtaṃ madhu |
miṣṭānnaṃ svastikaṃ bhuktvā dhruvaṃ rājā bhavediti || 58 ||
[Analyze grammar]

pakṣiṇāṃ vā manuṣyāṇāṃ bhuṃkte māṃsaṃ naro yadi |
bahvarthaṃ śubhavārtāṃ ca labhate vāñchitaṃ phalam || 59 ||
[Analyze grammar]

chatraṃ khaḍgaṃ pādukāṃ ca labdhvā dhānyaṃ ca gacchati |
jale tarettu yaḥ svapne pradhāno jāyate dhruvam || 60 ||
[Analyze grammar]

phalitaṃ bhūruhaṃ dṛṣṭvā dhanaṃ prāpsyati niścitam |
sarpeṇa daṣṭo manujo dhanasya lābhavān bhavet || 61 ||
[Analyze grammar]

sūryaṃ candraṃ ca saṃvīkṣya svapne vyādhirvinaśyati |
vaḍavāṃ kukkuṭīṃ krauṃcīṃ dṛṣṭvā patnīṃ labhejjanaḥ || 62 ||
[Analyze grammar]

svapne yo nigaḍairbaddhaḥ pratiṣṭhāṃ ca sutaṃ labhet |
padmapatre nadītīre bhuṃkte padmapuṭe tathā || 63 ||
[Analyze grammar]

dadhyannaṃ pāyasaṃ svapne sa syād rājā na saṃśayaḥ |
jalaukasaṃ vṛścikaṃ ca sarpaṃ svapne papraśyati || 64 ||
[Analyze grammar]

dhanaṃ putraṃ ca vijayaṃ pratiṣṭhāṃ ca prapadyate |
śṛṃgibhirdaṃṣṭribhiḥ kolairvānaraiḥ pīḍito yadi || 65 ||
[Analyze grammar]

svapne śirasi mukuṭaṃ dhārayed bhūpatirbhavet |
dhanaṃ vā vipulaṃ yadvā pradhānaṃ ca padaṃ labhet || 66 ||
[Analyze grammar]

matsyaṃ māṃsaṃ mauktikaṃ ca śaṃkhaṃ candanahīrakam |
sphaṭikaṃ rajataṃ dṛṣṭvā vipulaṃ dhanamāpnuyāt || 67 ||
[Analyze grammar]

sutaṃ ca rudhiraṃ svarṇaṃ bhuktvā viṣṭhāṃ dhanaṃ labhet |
pratimāṃ śivaliṃgaṃ ca dṛṣṭvā dhanaṃ jayaṃ labhet || 68 ||
[Analyze grammar]

phalitaṃ puṣpitaṃ bilvamāmraṃ dṛṣṭvā dhanaṃ labhet |
jvaladvahniṃ prasamīkṣya dhanaṃ buddhiṃ śriyaṃ labhet || 69 ||
[Analyze grammar]

āmalakaṃ ca kamalaṃ dṛṣṭvā ca dhanavān bhavet |
devatāśca dvijā gāvaḥ pitaraḥ sādhavo guruḥ || 70 ||
[Analyze grammar]

patnī patiśca nṛpatiḥ satī kanyāḥ pativratāḥ |
yad dadāti nijaṃ svapne tadvastu prāpsyate dhruvam || 71 ||
[Analyze grammar]

śuklāmbaradharā nāryaḥ śuklamālyānulepanāḥ |
samāśliṣyanti yaṃ svapne tasya śrīḥ sarvataḥ sukham || 72 ||
[Analyze grammar]

pītāmbaradharāṃ nārīṃ pītamālyānulepanām |
avagūhati yaḥ svapne kalyāṇaṃ tasya jāyate || 73 ||
[Analyze grammar]

śuklaṃ sarvaṃ praśastaṃ bhasmā'sthikārpāsamantarā |
kṛṣṇaṃ duṣṭaṃ hastivājigodvijadevamantarā || 74 ||
[Analyze grammar]

divyā strī sasmitā viprā ratnabhūṣaṇabhūṣitā |
yasya gṛhaṃ samāyāti sa priyaṃ labhate dhruvam || 75 ||
[Analyze grammar]

svapne tu brāhmaṇo devo brāhmaṇī devakanyakā |
brahmacāriṇī santuṣṭā sasmitā ca pativratā || 76 ||
[Analyze grammar]

phalaṃ dadāti yasmai ca tasya putro bhaviṣyati |
yaṃ svapne brāhmaṇāḥ santaḥ prakurvanti śubhāśiṣam || 77 ||
[Analyze grammar]

yadvadanti ca tadvastu tasyaiśvaryaṃ ca tadbhavet |
parituṣṭo dvijo yasya gṛhamāyāti tasya vai || 78 ||
[Analyze grammar]

sampattistasya cāyāti yaśaśca vipulaṃ sukham |
pade pade sukhaṃ tasya sa mānaṃ gauravaṃ labhet || 79 ||
[Analyze grammar]

akasmādapi tu svapne labhate surabhiṃ yadi |
bhūmilābho bhavettasya patnī cāpi pativratā || 80 ||
[Analyze grammar]

kareṇa kṛtvā hastī yaṃ mastake sthāpayed yadi |
rājyalābho bhavettasyā''cāryapadaṃ guroḥ padam || 81 ||
[Analyze grammar]

svapne vipraḥ pratuṣṭaḥ san samāśliṣyati yaṃ janam |
tīrthasnāyī śriyā yuktaḥ susampanno bhavettu saḥ || 82 ||
[Analyze grammar]

dvijaḥ svapne tu kusumaṃ yasmai dadāti saṃhasan |
jayayukto dhanayukto yaśasvī ca sukhī bhavet || 83 ||
[Analyze grammar]

svapne vilokya tīrthāni saudharatnagṛhāṇi ca |
tīrthasnāyī dhanavāṃśca jayayukto bhaveddhi saḥ || 84 ||
[Analyze grammar]

svapne yaṃ pūrṇakalaśaṃ kaścit kasmai dadāti cet |
putralābho grahītuḥ syāt sampadaścākṣayāstathā || 85 ||
[Analyze grammar]

haste dhṛtvā kuḍavaṃ cāḍhakaṃ vā vārasundarī |
yasya gṛhaṃ samāyāti sa lakṣmīṃ vipulāṃ labhet || 86 ||
[Analyze grammar]

divyā strī yadgṛhaṃ gatvā purīṣaṃ visṛjed yadi |
arthalābho bhavettasya dāridryaṃ tu prayātyapi || 87 ||
[Analyze grammar]

yasya gṛhaṃ samāyāti brāhmaṇo bhāryayā saha |
pārvatyā saha śaṃbhurvā lakṣmyā nārāyaṇo'thavā || 88 ||
[Analyze grammar]

sādhuḥ sādhvī gururgurvī svapne yasmai dadāti vai |
dhānyaṃ puṣpāṃjaliṃ svarṇaṃ tasya śrīḥ sarvatomukhī || 89 ||
[Analyze grammar]

muktāhāraṃ puṣpamālyaṃ candanaṃ brāhmaṇo'rpayate |
yasmai tasya gṛhe lakṣmīstathā śrīḥ sarvatomukhī || 90 ||
[Analyze grammar]

gorocanaṃ patākāṃ ca haridrāmikṣudaṇḍakam |
siddhānnaṃ ca labhet svapne tasya śrīḥ sarvatomukhī || 91 ||
[Analyze grammar]

brāhmaṇo brāhmaṇī vāpi dadāti yasya mastake |
chatraṃ puṣpaṃ śukladhānyaṃ sa ca rājā bhaved dhruvam || 92 ||
[Analyze grammar]

svapne rathasthitaḥ śuklamālyalepanaśobhitaḥ |
bhuṃkte dadhi dugdhapākaṃ sa vai rājā bhavediti || 93 ||
[Analyze grammar]

svapne vipro'thavā viprā yasmai sudhāṃ ghṛtaṃ dadhi |
dadāti svarṇapātrādi so'pi rājā bhaved dhruvam || 94 ||
[Analyze grammar]

kumāro cāṣṭavarṣīyā ratnabhūṣaṇabhūṣitā |
yasya tuṣṭā bhavet svapne sa bhavet kavipaṇḍitaḥ || 95 ||
[Analyze grammar]

dadāti cet pustakaṃ sā sa syādvai paṇḍiteśvaraḥ |
māteva cetpāṭhayati syātsārvabhaumapaṇḍitaḥ || 96 ||
[Analyze grammar]

piteva pāṭhayed vipro yaṃ so'pi syād bṛhaspatiḥ |
prāpnoti pustakaṃ svapne sa khyātaḥ paṇḍito bhavet || 97 ||
[Analyze grammar]

svapne vipro yaṃ sumantraṃ dadāti pratimāṃ tathā |
yasmai sa mantrasiddhimān guṇavān dhanavān bhavet || 98 ||
[Analyze grammar]

vipro viprāśiṣaṃ labdhvā kavirnṛpo dhanī bhavet |
viprastuṣṭaḥ sasyayuktāṃ sadhānyāṃ pṛthvīṃ jane || 99 ||
[Analyze grammar]

svapne dadāti sa vai syādavaśyaṃ pṛthivīpatiḥ |
svapne vipro rathe kṛtvā svargādikaṃ pradarśayet || 100 ||
[Analyze grammar]

yaṃ sa bhavetu dīrghāyuściraṃjīvī dhanādhipaḥ |
viprāya vipraḥ santuṣṭo yasmai kanyāṃ dadāti ca || 101 ||
[Analyze grammar]

svapne sa tu bhavennityaṃ dhanāḍhya pṛthivīpatiḥ |
svapne sarovaraṃ cābdhiṃ nadīṃ nadaṃ pravīkṣya ca || 102 ||
[Analyze grammar]

śvetasarpaṃ śvetaśailaṃ dṛṣṭvā śriyamavāpnuyāt |
yaṃ paśyati mṛtaṃ svapne sa bhaveccirajīvanaḥ || 103 ||
[Analyze grammar]

arogī rogiṇaṃ duḥkhī sukhinaṃ vīkṣya syāttathā |
divyā strī yaṃ pravadati mama svāmī bhavāniti || 104 ||
[Analyze grammar]

svapne dṛṣṭvā ca jāgarti sa ca rājā bhaved dhruvam |
svapne tu kālikāṃ dṛṣṭvā labdhvā sphaṭikamālikām || 105 ||
[Analyze grammar]

indracāpaṃ śakravajraṃ sa pratiṣṭhāṃ labhed dhruvām |
svapne viprastu yaṃ vakti mama dāso bhaveti ca || 106 ||
[Analyze grammar]

haridāsyaṃ sa bhaktiṃ ca labdhvā suvaiṣṇavo bhavet |
svapne vipro hariḥ śaṃbhurbrahmāṇī kamalā śivāḥ || 107 ||
[Analyze grammar]

śuklā strī devamātā vā jāhnavī vā sarasvatī |
gopālikā satī sādhvī kanyakā ca pativratā || 108 ||
[Analyze grammar]

dṛśyate suprasannā ca tathāśīrvādadāyinī |
draṣṭā bhaved devatulyo nṛpo vā''cāryasattamaḥ || 109 ||
[Analyze grammar]

ityevaṃ kathitaṃ te'trā''vaṭya susvapnajaṃ phalam |
dṛṣṭvā nārāyaṇaṃ māṃ ca svapne mokṣamavāpnuyāt || 110 ||
[Analyze grammar]

āvaṭyaḥ prāha bhagavan daśa kalpā gatā mama |
lomaśasya pratāpena tava yogakṛtaṃ phalam || 111 ||
[Analyze grammar]

samāsādya prayāmyadya tava dhāma sanātanam |
ityuktvā divyadehena kṛṣṇanārāyaṇāśrayam || 112 ||
[Analyze grammar]

divyayānaṃ samāruhya yayāvakṣaradhāma saḥ |
śravaṇātpaṭhanāllakṣmi jīvanmukto bhavejjanaḥ || 113 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne āvaṭyākhyaṛṣeḥ svapne'nekadhāmadarśanottaraṃ śrīkṛṣṇanārāyaṇena susvapnānāṃ phalānyabhihitāni śrutvā''vaṭyo muktiṃ jagāmetyādinirūpaṇanāmā'ṣṭāviṃśatyadhikapañcaśatatamo'dhyāyaḥ || 528 ||
[Analyze grammar]