Chapter 498

śrīnārāyaṇa uvāca |
śṛṇu lakṣmi brāhmaṇānāṃ camatkāramayīṃ kathām |
ānartādhipatirbhūbhṛt prasanno brāhmaṇān varān || 1 ||
[Analyze grammar]

samāhūya samuvāca praṇipatya muhurmuhuḥ |
suvarṇaṃ vā gajāśvaṃ vā saṃkrāntau makare raveḥ || 2 ||
[Analyze grammar]

yasya yadrocate dātumicchāmi pṛthivīmapi |
prasādaḥ kriyatāṃ mahyaṃ dīnasya praṇatasya ca || 3 ||
[Analyze grammar]

viprāstvāhurvayaṃ nityaṃ niṣparigrahadharmiṇaḥ |
bhikṣāhārāstāpasāśca kiṃ gajāśvasuvarṇakaiḥ || 4 ||
[Analyze grammar]

camatkāro nṛpaḥ prāha bhavanto lokapāvanāḥ |
rājyalakṣmyāḥ praśuddhyarthaṃ dānaṃ gṛhṇantu pāvanāḥ || 5 ||
[Analyze grammar]

dvāsaptatibrāhmaṇāśca vartante'tra nadītaṭe |
parṇakuṭīrvidhāyaiva vyomamārgavihāriṇaḥ || 6 ||
[Analyze grammar]

tapaḥśaktyā sadā yānti nānātīrtheṣu bhaktitaḥ |
japaṃ snānaṃ tarpaṇaṃ ca kṛtvā tvāyānti vai punaḥ || 7 ||
[Analyze grammar]

vārāṇasyāṃ prayāge vā puṣkare naimiṣe tathā |
aśvapaṭṭasarasi prabhāse kedārake tathā || 8 ||
[Analyze grammar]

kvacit prayānti saṃkrāntau cāturmāsye'pi yānti ca |
atra varṣe ca saṃkrāntau nāgavatyāstaṭe dvijāḥ || 9 ||
[Analyze grammar]

gṛhṇantu mama dānaṃ ca kurvantu pāvanān hi naḥ |
ityuktā api viprāste virāgāḥ puṣkaraṃ yayuḥ || 10 ||
[Analyze grammar]

pañcarātrinivāsārthaṃ saṃkrāntau makare raveḥ |
rājā vijñāya tatsarvaṃ damayantīṃ priyāṃ tadā || 11 ||
[Analyze grammar]

prāha tvaṃ kanakaṃ bhūṣā vastrāṇyādāya saddhanam |
nāganadyāstaṭaṃ yāhi yatra brāhmaṇayoṣitaḥ || 12 ||
[Analyze grammar]

bhūṣaṇādīni vastūni tāsāṃ yaccha yathecchayā |
na tāsāṃ patayo'smākaṃ prakurvanti pratigraham || 13 ||
[Analyze grammar]

striyo'vaśyaṃ grahīṣyanti dānaṃ bhūṣaṇaprabhṛti |
yādṛśaṃ yādṛśaṃ vā'pi nārī dhatte vibhūṣaṇam || 14 ||
[Analyze grammar]

sā tatheti pratijñāya bahūnyābharaṇāni ca |
maṇimuktāpravālāni kuṇḍalāni śubhāni ca || 15 ||
[Analyze grammar]

tathā candrojjvalān hārān nūpurāṇi bṛhanti ca |
indranīlamahānīlavaidūryakhacitāni ca || 16 ||
[Analyze grammar]

padmarāgaistathā vajrairmāṇikyaiśca manoharaiḥ |
keyūraiḥ kaṃkaṇairdivyaiḥ śṛṃkhalāhemasūtrakaiḥ || 17 ||
[Analyze grammar]

gṛhītvā nāgavatyāṃ vai snātuṃ saṃkrāntiparvaṇi |
samāyātā tilamiṣṭānnāni nītvā bṛhanti ca || 18 ||
[Analyze grammar]

snātvā tīre niveśyaitanmahābhūṣaṇaparvatam |
pratīkṣate ca pātrāṇi dānasya tannadītaṭe || 19 ||
[Analyze grammar]

etasminnantare prāptāstāpasyaḥ kautukānvitāḥ |
jñātvā dānārthamāyātāṃ damayantīṃ nṛpapriyām || 20 ||
[Analyze grammar]

kīdṛśī rājapatnī sā kiṃrūpā kiṃvibhūṣaṇā |
itikautukamāpannā viprapatnyaḥ samāgatāḥ || 21 ||
[Analyze grammar]

āgatāstā namaścakre prāha rājñī manoharam |
mayā'yaṃ bhūṣaṇastoma uddiśya garuḍadhvajam || 22 ||
[Analyze grammar]

kalpito'dya dine dānaṃ brāhmaṇīṣu phalapradam |
tasmād gṛhṇantu tāpasyo mayā dattāni vāñchayā || 23 ||
[Analyze grammar]

bhūṣaṇāni hyanekāni prasādaḥ kriyatāṃ mama |
tataścaikā'bravīt tāsāmenāṃ muktāvalīṃ mama || 24 ||
[Analyze grammar]

dehi śrutvā nṛpapatnyā prakṣālya caraṇau svayam |
dattā muktāvalī tasyai vastrairdivyaiḥ samanvitā || 25 ||
[Analyze grammar]

tathā'nyāyai dadau hāraṃ hārākāṃkṣāṃ vibudhya sā |
tṛtīyāyai kuṇḍale ca dadau jñātvā ca tanmanaḥ || 26 ||
[Analyze grammar]

tataśca śeṣāstāpasyo jagṛhurbhūṣaṇāni ca |
yāni yāni dadau tasyai tasyai mudā ca tāni ca || 27 ||
[Analyze grammar]

yathā yathā pragṛhṇanti tāpasyo bhūṣaṇāni tāḥ |
tathā tathā'syāḥ saṃjajñe damayantyāḥ pramodakaḥ || 28 ||
[Analyze grammar]

anyāni ca pracikṣepa śataśo'tha sahasraśaḥ |
gṛhṇantviti kathayitvā maunaṃ tasthau nṛpapriyā || 29 ||
[Analyze grammar]

gṛhītāni tu sarvāṇi tāpasībhistato hyapi |
na tṛptirjāyate tāsāṃ rājñī tadāha tāḥ punaḥ || 30 ||
[Analyze grammar]

santoṣaḥ kriyatāṃ gatvā cānayāmi punaḥ punaḥ |
ityuktvā prayayau tūrṇaṃ gṛhītvā cāyayau drutam || 31 ||
[Analyze grammar]

anantāni bhūṣaṇāni cāmbarāṇi dhanāni ca |
dadau pañcāhaparyantaṃ brāhmaṇībhyo muhurmuhuḥ || 32 ||
[Analyze grammar]

tāpasyo'pi dadhustāni vastrāṇi vividhāni hi |
bhūṣaṇāni ca gātreṣu saspṛhāstoṣapūrvikāḥ || 33 ||
[Analyze grammar]

ūṭajāni dhanavastrabhūṣāpūrṇāni cakrire |
atha catasro brāhmaṇyo valkalājinaśobhitāḥ || 34 ||
[Analyze grammar]

dānagrahaṇaṃ necchantyo na tasyāḥ pārśvamāgatāḥ |
tāsāṃ dānasya lābhārthaṃ rājñī tu pañcame dine || 35 ||
[Analyze grammar]

bhūṣaṇāni mahārhāṇi gṛhītvā tāḥ yayau drutam |
rājñī provāca tāḥ sarvāḥ prasādaḥ kriyatāmiti || 36 ||
[Analyze grammar]

imāni bhūṣaṇārthāya gṛhyantāṃ bhūṣaṇāni vai |
tāpasyastu virāgiṇyaḥ patīcchānugatāḥ sadā || 37 ||
[Analyze grammar]

pātivratyaparāḥ prāhuḥ patīnāṃ nāsti tanmanaḥ |
patyurājñāṃ vinā patnī karoti dehaśobhanam || 38 ||
[Analyze grammar]

pāpaṃ sā prāpnuyāt tasmād gṛhṇīmo na vayaṃ tava |
nā'smākaṃ bhūṣaṇaiḥ kāryaṃ bhūṣitā valkalairvayam || 39 ||
[Analyze grammar]

evaṃ saṃvadatāṃ tāsāṃ tayā sārdhaṃ tu tatkṣaṇam |
catvāraḥ patayaḥ prāptā vyomamārgeṇa cāśramān || 40 ||
[Analyze grammar]

śunaḥśepo'tha śākreyo boddho dāntaścaturthakaḥ |
śeṣāḥ sarve gatibhraṃśaṃ prāpya bhūmārgamāśritāḥ || 41 ||
[Analyze grammar]

patnīnāṃ tṛṣṇayā bhūṣādānagrahaṇadoṣataḥ |
catvāraste ṛṣipatnīḥ kanyakāśca vibhūṣitāḥ || 42 ||
[Analyze grammar]

dṛṣṭvā kimidaṃ kimidaṃ procurvikṛtamāśritāḥ |
kena datvā''bhūṣaṇāni yat tāpasyo viḍambitāḥ || 43 ||
[Analyze grammar]

dhanavastrāṇi datvā naścāśramo'yaṃ vikāritaḥ |
tadā prāhustu tāpasyaścamatkāranṛpasya vai || 44 ||
[Analyze grammar]

mahiṣī damayantīyaṃ vartate sāmprataṃ tayā |
sampradattāni sarvāsāṃ bhūṣaṇānyambarāṇi ca || 45 ||
[Analyze grammar]

asmākamapi saṃprāptā dātuṃ seyaṃ pratiṣṭhati |
asmābhirna gṛhītāni niṣiddhā sā nivāritā || 46 ||
[Analyze grammar]

itiśrutvā ca tāṃ dṛṣṭvā brāhmaṇāstapasaḥ kṣayāt |
tāṃ śepuste śrāvayitvā śṛṇu lakṣmi tapobalam || 47 ||
[Analyze grammar]

dvāsaptatirvayaṃ rājñi snānārthaṃ puṣkare gatāḥ |
vyomamārgeṇa tapasā manomārutaraṃhasā || 48 ||
[Analyze grammar]

catvārasta ime prāptā yeṣāṃ dāraiḥ parigrahaḥ |
na kṛtaste'pare vyomno mārgād bhraṣṭāśca puṣkare || 49 ||
[Analyze grammar]

nārīṇāṃ ca satīnāṃ tu satītvena mahadbalam |
dānagraheṇa naṣṭaṃ tad vaihāyasaṃ balaṃ yataḥ || 50 ||
[Analyze grammar]

tapaso vañcito'smākamāśramo'yaṃ tvayā dhanaiḥ |
vibhūṣaṇādidānaiśca tat tvaṃ śilā bhavā'tra vai || 51 ||
[Analyze grammar]

atha tuṣṭāva sā rājñī muktyarthaṃ ca tadā tu te |
prāhuścātra mādhavīti śāṇḍilī kamalāṃśajā || 52 ||
[Analyze grammar]

viprakanyā samāgatya tavoddhāraṃ kariṣyati |
acireṇaiva kālena sā''gamiṣyati mādhavī || 53 ||
[Analyze grammar]

lakṣmīrūpā śilāyāṃ sā sthāsyatyeva nadītaṭe |
śilā kanyāsvarūpā sā bhaviṣyati ramā yathā || 54 ||
[Analyze grammar]

śṛṇu lakṣmi tatra kanyāṃ śilāṃ brāhmaṇasannidhau |
tatkṣaṇameva sañjātāṃ jñātvā vṛttāntameva tam || 55 ||
[Analyze grammar]

rājā tatra drutaṃ prāpa patnīṃ śuśoca vai drutam |
catvāro brāhmaṇā nītvā kuṭumbaṃ vyomasatpathā || 56 ||
[Analyze grammar]

yayurhimālayaṃ vighnaśūnyaṃ sthalaṃ tapasvinaḥ |
rājā śilāṃ prasaṃspṛśya smṛtvā smṛtvā priyāguṇān || 57 ||
[Analyze grammar]

vilalāpa kṣaṇaṃ pativratāṃ śrāddhaṃ cakāra ha |
tasyā upari saudhaṃ ca kārayāmāsa pārthivaḥ || 58 ||
[Analyze grammar]

svayaṃ karpūradhūpādyairvastrakuṃkumacandanaiḥ |
pūjāṃ cakāra nityaṃ ca kārayāmāsa bhūsuraiḥ || 59 ||
[Analyze grammar]

atha padbhyāṃ mahīṃ krāntvā cā'ṣṭaṣaṣṭidvijāḥ śubhāḥ |
āyātā nāganadyāste tīre śrāntāḥ sudūragāḥ || 60 ||
[Analyze grammar]

dṛṣṭvā''bharaṇayuktāṃśca jñātvā vṛttāntamityapi |
vividuḥ kāraṇaṃ vyomnaḥ pātasya dānasaṃgraham || 61 ||
[Analyze grammar]

damayantyāḥ śilābhāvaṃ jñātavantaśca vai tataḥ |
camatkāranṛparāṣṭranāśārthaṃ jagṛhurjalam || 62 ||
[Analyze grammar]

yataścāsmadgatirvyomni nāśitā dānalobhataḥ |
brāhmaṇīnāṃ mano jātaṃ rājasaṃ rāgamiśritam || 63 ||
[Analyze grammar]

tatphalaṃ yātu rājā ca rāṣṭraṃ ceti vicintyate |
śāpaṃ vaktumārabhante tāvadvai viprayoṣitaḥ || 64 ||
[Analyze grammar]

vārayāmāsuratyarthaṃ śāpo deyo na sarvathā |
yato vayaṃ narendrasya bhāryayā samalaṃkṛtāḥ || 65 ||
[Analyze grammar]

suvastrairbhūṣaṇairdivyaiḥ śraddhāpūtena cetasā |
vayaṃ dāridryadoṣeṇa karṣitā bhavatāṃ gṛhe || 66 ||
[Analyze grammar]

na prāptaṃ tu sukhaṃ martye vastrabhūṣādisaṃbhavam |
kevalānāṃ tāpasānāṃ paro lokaḥ sukhapradaḥ || 67 ||
[Analyze grammar]

nīcānāṃ viṣayasthānāṃ tvihaiva sukhamātrakam |
tapodharmagṛhasthānāmubhayatra sukhaṃ sadā || 68 ||
[Analyze grammar]

tadasmābhiḥ sukhaṃ cātra bhoktavyaṃ dharmavartibhiḥ |
tā vayaṃ vastrabhūṣāṇāṃ sukhaṃ saṃsevya sarvadā || 69 ||
[Analyze grammar]

gṛhasthadharmān saṃsevya patisevāṃ surārcanam |
saṃsevya sādhayiṣyāmo lokadvayamanuttam || 70 ||
[Analyze grammar]

tasmād yūyaṃ cātra viprā bhūmimādāya bhūpateḥ |
vṛttiṃ cāpi gṛhītvaiva ramyāṇi ca gṛhāṇi ca || 71 ||
[Analyze grammar]

gṛhītvaivātha vīkṣadhvaṃ putrapautrasamudbhavam |
saukhyaṃ cāpi kumārīṇāṃ bāndhavānāṃ viśeṣataḥ || 72 ||
[Analyze grammar]

na kariṣyatha cedvākyametadasmadudīritam |
sarvāḥ prāṇaparityāgaṃ kariṣyāmo na saṃśayaḥ || 73 ||
[Analyze grammar]

yūyaṃ strīvadhapāpena yuktāḥ yāsyatha rauravam |
śrutvaitacchāpadānārthaṃ dhṛtaṃ vāri bhuvastale || 74 ||
[Analyze grammar]

tatyajurdāravākyaiste sā bhūrūṣaratāṃ gatā |
atha śrutvā ca tadvārtāṃ rājā mumoda cāyayau || 75 ||
[Analyze grammar]

brāhmaṇebhyaḥ pradānārthaṃ bhuvo dhanasya sampadām |
brāhmaṇānāṃ vacanena rājā puramakārayat || 76 ||
[Analyze grammar]

prākāraparikhāyuktaṃ gopuraiḥ saudhapaṃktibhiḥ |
śobhitaṃ nagaraṃ nāma camatkārapuraṃ tu tat || 77 ||
[Analyze grammar]

aṣṭaṣaṣṭibrāhmaṇānāṃ vāsastatra kuṭumbinām |
kārito bhūbhṛtā tebhyo jīvikā'pi samarpitā || 78 ||
[Analyze grammar]

tataḥ paraṃ ca sā lakṣmīrmādhavī yā ca śāṇḍilī |
nāganadyāṃ nacirādvai puraṃ draṣṭuṃ samāgatā || 79 ||
[Analyze grammar]

snātvā kṣaṇaṃ śilāyāṃ sā niṣasāda tadā satī |
damayantī punarjātā nārīrūpā yathā purā || 80 ||
[Analyze grammar]

brāhmaṇībhyo namaskṛtya svapnotthitaiva harṣitā |
yayau rājagṛhaṃ mahotsavaṃ cakāra bhūpatiḥ || 81 ||
[Analyze grammar]

grāmāṇāmaṣṭaṣaṣṭiṃ ca dadau dānaṃ sukhapradam |
viprāṇāmatha catvāri gotrāṇyanyānyapi priye || 82 ||
[Analyze grammar]

yayurhimālayaṃ cātra catuḥṣaṣṭiśca śeṣitāḥ |
taiḥ samyakkāritā yajñā bahuhavyasudakṣiṇāḥ || 83 ||
[Analyze grammar]

yajñe kṛte'bhavad rājā rogeṇātiprapīḍitaḥ |
kāraṇaṃ tatra vai cāsīdekasya brāhmaṇasya vai || 84 ||
[Analyze grammar]

trijātasya spṛṣṭadravyahomaḥ krūraphalapradaḥ |
trijātasya parīkṣārthaṃ vahninā divyasajjalam || 85 ||
[Analyze grammar]

kuṇḍaṃ pradarśitaṃ tatra snāne visphoṭako bhavet |
yasya sa eva boddhavyastrijāta iti tatkṛtam || 86 ||
[Analyze grammar]

parīkṣyaivaṃ ca vipraḥ sa niṣkāsito vanaṃ yayau |
tapaścakre haraṃ smṛtvā harastuṣṭo babhūva ha || 87 ||
[Analyze grammar]

varaṃ vṛṇu haraḥ prāha vipra uvāca śaṃkaram |
trijātadoṣaṃ niṣkāsya dehi sarvottamocchratām || 88 ||
[Analyze grammar]

śaṃkaraśca dadau tasmai na garaṃ na garaṃ manum |
yaduccāraṇamātreṇa sarpā nirviṣatāṃ tathā || 89 ||
[Analyze grammar]

prāpnuyurmaraṇaṃ cāpi gṛhāṇa gaccha tatsthalam |
etanmantraṃ gṛhītvā sa nagaraṃ ca yayau dvijaḥ || 90 ||
[Analyze grammar]

nagarasthā dvijā hyāsaṃstadā sarpaprapīḍitāḥ |
trijātena ca mantreṇa rakṣitāḥ sarvato dvijāḥ || 91 ||
[Analyze grammar]

te sthitā nāgarāḥ sarve trijātādyāḥ samuttamāḥ |
kṛṣṇabhaktiparāḥ sarve hāṭakeśvarapūjakāḥ || 92 ||
[Analyze grammar]

hāṭakeśvaradevātte labdhavanto manuṃ tadā |
oṃ namaḥ śrīkṛṣṇanārāyaṇāya svāmine namaḥ || 93 ||
[Analyze grammar]

cakruśca bhajanaṃ jāpaṃ narā nāryaśca sarvadā |
golokaṃ prayayuścānye prayānti bhajanāt priye || 94 ||
[Analyze grammar]

ityākhyātaścamatkāro brāhmaṇānāṃ tapasvinām |
paṭhanācchravaṇāccāsya vāñcchitaṃ ca phalaṃ bhavet || 95 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne camatkāranṛpatibhāryayā damayantyā kṛtaratnasvarṇādidānagrahaṇena vyomamārgagāmibrāhmaṇānāṃ patanaṃ vipraśāpena damayantyāḥ śilātvaṃ punarmādhavīsparśena rājñītvaṃ nagaravāsādi cetinirūpaṇanāmā'ṣṭanavatyadhikacatuśśatatamo'dhyāyaḥ || 498 ||
[Analyze grammar]