Chapter 494

śrīnārāyaṇa uvāca |
athā'nyāṃ ca kathāṃ divyāṃ hāṭakeśvarabhūmijām |
camatkāramayīṃ lakṣmi śṛṇu brahmavratānvitām || 1 ||
[Analyze grammar]

camatkārābhidhaścāsīnnṛpo yannāmaśobhitam |
camatkārapuraṃ nāgavatīnadyāstaṭe'karot || 2 ||
[Analyze grammar]

tasya purasya rakṣārthaṃ devatāstena nirmitāḥ |
sthāpitā vidhinā tāśca śubhā rakṣanti tatprajāḥ || 3 ||
[Analyze grammar]

atha tasya mahīpasya ambānāmnyabhavat sutā |
anyā vṛddhā'bhidhā putrī hyubhe te guṇamaṇḍite || 4 ||
[Analyze grammar]

kāśīrājaścopayeme hyubhe viprāgnisannidhau |
kasyacittvatha kālasya yavanaistūttarasthitaiḥ || 5 ||
[Analyze grammar]

saṃgaro'bhūnmahān kāśīrājaśca nidhanaṃ gataḥ |
athā'mbā cāpi ca vṛddhā vaidhavyaṃ prāpya duḥkhadam || 6 ||
[Analyze grammar]

pitṛgṛhaṃ yayatuste hāṭakeśvarabhūmigam |
yāvadvarṣaśataṃ cograṃ kṛtavatyau tapaḥ param || 7 ||
[Analyze grammar]

durgāyāḥ pūjanaṃ nityaṃ cakraturhomapūrvakam |
nāśārthaṃ patiśatrūṇāṃ kintu durgā tutoṣa na || 8 ||
[Analyze grammar]

tato vairāgyamāsādya vāñcchantyau svatanukṣayam |
mantrairātharvaṇairvipraiḥ kṣurikāsūktasaṃbhavaiḥ || 9 ||
[Analyze grammar]

chitvā chitvā svamāṃsāni mantrapūtāni bhaktitaḥ |
kāritavatyau homaṃ tu susamiddhe hutāśane || 10 ||
[Analyze grammar]

agnikuṇḍāttatastasmāccaturhastā śubhānanā |
śvetavastrā viniṣkrāntā dhāmnā bālārkasadṛśī || 11 ||
[Analyze grammar]

tathā'nyā cā'ṣṭanetrāsyā taptahāṭakasannibhā |
tasmāt kuṇḍād viniṣkrāntā dhṛtakhaḍgā bhayāvahā || 12 ||
[Analyze grammar]

aparā'pi tathārūpā śaktiḥ paramadāruṇā |
tāstu procurvarārthaṃ ca kāśīrājapriye tataḥ || 13 ||
[Analyze grammar]

ūcatuśca patirnau hi kāśīrājo hato raṇe |
yavanairhi tatasteṣāṃ kṣayaṃ vṛṇīmahe yataḥ || 14 ||
[Analyze grammar]

tathā'stviti varaṃ prāhustadā kuṇḍāt sahasraśaḥ |
niṣkrāntāḥ saṃkhyayā'pārā mātaro naikarūpikāḥ || 15 ||
[Analyze grammar]

ekā gajamukhā tatra tathā'nyā turagānanā |
sārameyamukhā cānyā pakṣirājamukhā parā || 16 ||
[Analyze grammar]

tiryagvapuḥsvarūpā'nyā vaktrairmānuṣasaṃbhavaiḥ |
triśīrṣāḥ pañcaśīrṣāśca saptaśīrṣāstathā'parāḥ || 17 ||
[Analyze grammar]

jaṃghāmukhā jaghanāsyā hṛdānanā nirānanāḥ |
pārśvānanāḥ paścimāsyāḥ pṛṣṭhāsyāḥ kāścanāpi ca || 18 ||
[Analyze grammar]

ekahastā dvihastāśca daśahastā vihastakāḥ |
anyā viṃśatihastāśca bahupādā vipādikāḥ || 19 ||
[Analyze grammar]

ekapādā ūrdhvapādā ekanetrā dvinetrakāḥ |
bahunetrā gajārūḍhā hayārūḍhā vṛṣasthitāḥ || 20 ||
[Analyze grammar]

naravānarasiṃhājagardabhavyāghrasaṃsthitāḥ |
sarpagodhā''khumakarakūrmakukkuṭasaṃsthitāḥ || 21 ||
[Analyze grammar]

vihagādisamārūḍhā nṛtyantyo hāsyaśobhitāḥ |
ūrdhvakeśā vikeśāśca gātrakeśāśca bhūriśaḥ || 22 ||
[Analyze grammar]

lambakeśā vājikeśā hrasvadantyastathā'parāḥ |
vidantyo dīrghadantyaśca gajadantyo vibhīṣaṇāḥ || 23 ||
[Analyze grammar]

lohadantyo lambakarṇo vikarṇyaḥ śūrpakarṇikāḥ |
śaṃkukarṇyaḥ kukarṇyaśca bahukarṇyaḥ sukarṇikāḥ || 24 ||
[Analyze grammar]

carmavastrā vivastrāśca romavastrāstathā'parāḥ |
khaḍgahastāḥ kuntahastā bāṇapāśadhanurdharāḥ || 25 ||
[Analyze grammar]

śūlamudgarabhūśuṇḍiprāśatomarabhūṣitāḥ |
prayayustā vināśārthaṃ yavanānāṃ kulāni vai || 26 ||
[Analyze grammar]

bālavṛddhasamopetaṃ teṣāṃ rāṣṭraṃ durātmanām |
strībhiśca sahitaṃ tābhirdevatābhiḥ prabhakṣitam || 27 ||
[Analyze grammar]

evaṃ nirvāsya tadrāṣṭaṃ tvāgatāḥ punareva tāḥ |
camatkārapuraṃ prāhuryavanānāṃ vināśanam || 28 ||
[Analyze grammar]

tābhyāṃ tā vidhavābhyāṃ ca pūjitāḥ sthāpitāśca tāḥ |
athocustā dīyatāṃ naścāhāro vāsa ityapi || 29 ||
[Analyze grammar]

mahādevī tadā tābhyo dadau vāsaṃ ca bhojanam |
martyaloke'tra yā nāryo garbhavatyaḥ svapanti ca || 30 ||
[Analyze grammar]

sandhyākāle prabhāte ca kāmāsaktā bhavanti ca |
snānaṃ naiva prakurvanti tadgarbho vo'stu bhojanam || 31 ||
[Analyze grammar]

rudantyo yā viniryānti catvareṣu vaneṣu ca |
tāsāṃ garbhastu yuṣmākaṃ sampadattaḥ prabhujyatām || 32 ||
[Analyze grammar]

ucchiṣṭā yāḥ prasarpanti ramante ca svapanti ca |
tāsāṃ garbhaḥ samastānāṃ yuṣmākaṃ bhojanāya vai || 33 ||
[Analyze grammar]

na ṣaṣṭhījāgaro yasya bālakasya bhaviṣyati |
sa bhaviṣyati bhojyāya yuṣmākaṃ nātra saṃśayaḥ || 34 ||
[Analyze grammar]

na saṃyāsyati vā yatra pāvakaṃ sūtikāgṛhe |
sa bhaviṣyati bhojyāya yuṣmākaṃ bālarūpadhṛk || 35 ||
[Analyze grammar]

māṅgalyaiḥ samparityaktaṃ yadbhavet sūtikāgṛham |
tasminyastiṣṭhate bālaḥ sa yuṣmākaṃ prakalpitaḥ || 36 ||
[Analyze grammar]

sandhyāyāṃ bālakā ye vā svapantyākāśadeśagāḥ |
te sarve bhojanārthāya yuṣmākaṃ sanniveditāḥ || 37 ||
[Analyze grammar]

yasya janmadine prāpte varṣānte kriyate na ca |
māṃgalyaṃ tasya tadgātraṃ yuṣmākaṃ parikalpitam || 38 ||
[Analyze grammar]

tailābhyaṃgaṃ naraḥ kṛtvā yaśca snānaṃ karoti na |
sa datto bhojanārthāya yuṣmākaṃ nātra saṃśayaḥ || 39 ||
[Analyze grammar]

ucchiṣṭo yaḥ pumāṃstiṣṭhed yo vā catvaramadhyagaḥ |
bhakṣaṇīyaḥ sa sarvābhirnirvikalpena cetasā || 40 ||
[Analyze grammar]

rajasvalāṃ vrajan yo vā puruṣaḥ kāmamohitaḥ |
nagnaḥ śete tathā snāti bhakṣaṇīyaḥ sa vo mataḥ || 41 ||
[Analyze grammar]

dakṣiṇā'bhimukhaḥ śete niśithe dadhibhakṣakaḥ |
yuṣmadamantā puruṣo bhakṣaṇīyo viśeṣataḥ || 42 ||
[Analyze grammar]

ityevaṃ krūradevīnāṃ sthānāni bhakṣaṇāni ca |
teṣāṃ gṛhe pradattāni tatastāstoṣamāgatāḥ || 43 ||
[Analyze grammar]

tāśca rakṣanti nagaraṃ kṣetraṃ śrīhāṭakeśvaram |
atha pitrā prajānāṃ ca camatkāreṇa bhūbhujā || 44 ||
[Analyze grammar]

mandiraṃ kāritaṃ ramyaṃ viśālaṃ saritastaṭe |
ambā pādaprahāreṇa bhūmiṃ cakre guhātmikām || 45 ||
[Analyze grammar]

tasyāṃ svapāduke nyaste tvambayā rājakanyayā |
vṛddhayā sthāpite tatra guhāyāṃ svakareṇa vai || 46 ||
[Analyze grammar]

ambā prāha tataḥ sarvā devīrvinayasaṃyutāḥ |
ime matpāduke divye guhāmadhye gate sadā || 47 ||
[Analyze grammar]

sarvābhiḥ sevanīye ca na netavye bahiḥ kvacit |
yā kācit pāduke dhṛtvā niṣkramiṣyati mohataḥ || 48 ||
[Analyze grammar]

sā divyabhāvanirmuktā śṛgālī saṃbhaviṣyati |
atrā''gatya pādukayorarcanaṃ yogino janāḥ || 49 ||
[Analyze grammar]

kariṣyanti tathā baliṃ bhavatībhyo mudānvitāḥ |
dāsyanti ye ca te siddhimavāpsyanti sudurlabhām || 50 ||
[Analyze grammar]

tataḥ sarvāśca tā devyo guhāmadhye vyavasthitāḥ |
parivārya mandire te pāduke mokṣadāyike || 51 ||
[Analyze grammar]

te prapūjya ca nāryo vā narā vā dūrataḥ śubhe |
tāśca devīrnamaskṛtya prāpsyantīṣṭamanorathān || 52 ||
[Analyze grammar]

prayāsyanti parāṃ siddhiṃ janmamṛtyuvivarjitām |
śaṃbhunā dhyāyamānena tṛtīyanetrataḥ purā || 53 ||
[Analyze grammar]

śvetāmbaradharā śubhrā kanyā prakāśitā khalu |
sā cāmbāsthāpitapādukārcane niyatā kṛtā || 54 ||
[Analyze grammar]

ambā prāha tu tāṃ kanyāṃ tava śiṣyāparamparā |
kanyakā dīkṣitā devīsvarūpaiva na mānavī || 55 ||
[Analyze grammar]

kaumārabrahmacaryeṇa yuktā syāt pūjikā'nayoḥ |
tato dadau ratnadaṇḍacāmarau chatramujjvalam || 56 ||
[Analyze grammar]

mantraṃ pūjāvidhiṃ śāṭīṃ kaṇṭhasūtraṃ dadau satī |
mantragrahaṇakartrī yā kanyakā sā paramparā || 57 ||
[Analyze grammar]

kanyāvaṃśodbhavaḥ sarvā bhaviṣyanti hi mantrataḥ |
oṃ śrīṃ hrīṃ klīṃ ambāyai nārāyaṇyai svāhā namaḥ om || 58 ||
[Analyze grammar]

itimantreṇa śiṣyā vai kanyakāvaṃśa ucyate |
tadanvayasamutthāyāḥ kanyakāyāḥ kareṇa tu || 59 ||
[Analyze grammar]

pādukayornaro nārī pūjāyāḥ kārakaḥ khalu |
kanyāpūjākārakaśca bhavedatisukhānvitaḥ || 60 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne camatkāranṛpateḥ ambāvṛddhākanyayostapobhirambāvṛddhāpādukāpūjanaṃ kumārikāvaṃśakṛtamevetyādinirūpaṇanāmā caturnavatyadhikacatuśśatatamo'dhyāyaḥ || 494 ||
[Analyze grammar]