Chapter 298

| śrīnārāyaṇa uvāca |
śṛṇu lakṣmi kathāṃ divyāṃ sukhasampatpradāyinīm |
kāmanāpūrikāṃ daivīṃ puruṣottamayoginīm || 1 ||
[Analyze grammar]

sṛṣṭyāraṃbhe tu pitṝṇāṃ kanyā āsan susadguṇāḥ |
tisro nāmnā svadhāputryo menā dhanyā kalāvatī || 2 ||
[Analyze grammar]

sarvasadguṇasampannā yoginyaḥ kāmarūpagāḥ |
viharantyaḥ pitṛgehe śuśruvurdundubhiṃ hareḥ || 3 ||
[Analyze grammar]

puruṣottamamāso'yaṃ mannāmnā tu mayā''dṛtaḥ |
ekakālaṃ dvikālaṃ vā tadvratasthamanorathān || 4 ||
[Analyze grammar]

pūrayiṣyāmyahaṃ nārāyaṇo bravīmi vai svayam |
pitṛgehe tithau ṣaṣṭhyāṃ prātarākarṇya ghoṣaṇām || 5 ||
[Analyze grammar]

tisṛbhiścintitaṃ tvadya vrataṃ kāryaṃ hareḥ khalu |
yenā'smākaṃ svabhīṣṭaṃ dāsyati nārāyaṇaḥ svayam || 6 ||
[Analyze grammar]

pitṝṇāṃ nityasantoṣastṛptirvai śāśvatī bhavet |
taddhetuṃ mārgayitvā'tra yācyaḥ śrīpuruṣottamaḥ || 7 ||
[Analyze grammar]

patitvena tu viṣṇuḥ sa yācanīyo na vai kvacit |
yatastasya tu patnīnāṃ bāhulyaṃ vidyate tataḥ || 8 ||
[Analyze grammar]

sāpatnyaṃ sarvadā duḥkhaṃ sukhanikṛntanaṃ hi tat |
pitṛtvenā'thavā bhrātṛtvenā'dhyeṣṭavya eva na || 9 ||
[Analyze grammar]

bālikānāṃ tadā'smākamajñānāṃ kiṃ sukhena vai |
vivāhāvadhivāsastu tadgṛhe vai bhavet tataḥ || 10 ||
[Analyze grammar]

viyogo bāndhavānāṃ ca pituśca duḥkhameva tat |
putratvenāpi viṣṇuḥ sa yācanīyo na vai kvacit || 11 ||
[Analyze grammar]

tāḍane śikṣaṇe'dhikṣepādau syādaparādhitā |
śvaśurādisvarūpe tu maryādā duḥkhadā bhavet || 12 ||
[Analyze grammar]

aparādho'tinaikaṭye'tidūre syādasevanam |
atiyoge'timaryādā vimaryādā'pi duḥkhadā || 13 ||
[Analyze grammar]

viṣṇustasmād yācanīyaḥ kena rūpeṇa vai bhavet |
parasparamiti kṛtvā saṃvidaṃ tisra eva tāḥ || 14 ||
[Analyze grammar]

samādadhuḥ kṣaṇaṃ maunaṃ cintayantyo narāyaṇam |
tāvad vyomagatā vāṇī tā jagād punaḥ punaḥ || 15 ||
[Analyze grammar]

kṛṣṇanārāyaṇaṃ jāmātṛtvena vṛṇutā'balāḥ |
sarvaṃ sukhaṃ bhavet tasmai putrīdānena śāśvatam || 16 ||
[Analyze grammar]

putrī mātā svayaṃ proktā putrīmukhena nityadā |
sukhitā manyate putrīdānaṃ svadānavad bhavet || 17 ||
[Analyze grammar]

jāmātā putravat syācca dānapātraṃ paraṃ mataḥ |
pūjanīyastoṣaṇīyo vividhaiḥ sevanairapi || 18 ||
[Analyze grammar]

putryā sevā kṛtā yā tatphalaṃ māturbhavedapi |
mātrā'nunītayā putryā sevanaṃ yad vidhīyate || 19 ||
[Analyze grammar]

śiṣyakṛte gurorbhāgastadvanmātrā'pi labhyate |
aihikī sukhasampattiryaśaḥ khyātirdhruvā bhavet || 20 ||
[Analyze grammar]

śreyāṃsi bahurūpāṇi loke jāmātṛvaibhavāt |
bhavantyeveti niścitya jāmātāraṃ samīcchata || 21 ||
[Analyze grammar]

putrī vaikuṇṭhanāthasya dhāmni yasyā vaset sadā |
tanmātāpitarau puṇyau kvacid vaikuṇṭhagau matau || 22 ||
[Analyze grammar]

saptakulaśataikānāṃ bhaveduddharaṇaṃ tathā |
mātā mātāmahādyāśca bhaveyurmokṣagāstathā || 23 ||
[Analyze grammar]

pitṝṇāṃ sarvadā vāso jāmātṛbhavane bhavet |
tasmādbhavatyo yācantu jāmātāraṃ hariṃ sadā || 24 ||
[Analyze grammar]

putrīṇāṃ tatra sāpatnyaṃ mā bhavedityapi dhruvam |
yācantvadhikamāsasya vrataṃ kṛtvā tathā'rcanam || 25 ||
[Analyze grammar]

virarāmeti sambodhyā''kāśavāṇī tataśca tāḥ |
cakitā atisaṃhṛṣṭā vinirṇīya tathaiva tāḥ || 26 ||
[Analyze grammar]

brahma bhavatājjāmātā jāmātā bhavatāddhariḥ |
kṛṣṇo bhavatu jāmātetyuktvā vai cakrire vratam || 27 ||
[Analyze grammar]

ṣaṣṭhyāṃ prātaśca tāḥ snātvā vyadhustisro'pi pūjanam |
tisro mūrtīḥ suvarṇasya menā dhanyā kalāvatī || 28 ||
[Analyze grammar]

vidhāya pūjayāmāsuḥ kramādāvāhanādibhiḥ |
devān pañcāmṛtaistrīṃśca snapayāmāsurādarāt || 29 ||
[Analyze grammar]

candanādibhirāmardya snapayāmāsurabvaraiḥ |
sammārjya vastrabhūṣābhiralaṃcakrurdravādibhiḥ || 30 ||
[Analyze grammar]

kuṃkumā'kṣatakastūrīsugandhivastupuṣpakaiḥ |
hāramālāmukuṭādyairdhūpadīpādibhistathā || 31 ||
[Analyze grammar]

naivedyairvividhairmiṣṭaiḥ pānatāmbūlacūrṇakaiḥ |
sampūjya trīn chatraśayyācāmaropānahādibhiḥ || 32 ||
[Analyze grammar]

phalaiśca śarkarābhiśca trīn devānabhivardhya ca |
arghyaṃ ratnādisaṃyuktaṃ kadalīphalasaṃyutam || 33 ||
[Analyze grammar]

dadustāśca namaskṛtya tataḥ puṣpāñjalīn daduḥ |
kṣamāṃ samprārthya vavarurjāmātā bhava keśava || 34 ||
[Analyze grammar]

bhavaddundubhinirghoṣādasmābhirhṛtsu saṃdhṛtaḥ |
sarvathā sukhado deva putrīdvārā bhavātra naḥ || 35 ||
[Analyze grammar]

puruṣottamamāsasya ṣaṣṭhīyaṃ pālitā vrate |
kariṣyāmo vayaṃ naktaṃ punaḥ pūjāṃ vidhāyate || 36 ||
[Analyze grammar]

tato visarjayāmāsustāndevānprātareva ha |
divāvrataṃ kṛtaṃ tābhirvipradvārā'nale ghṛtaiḥ || 37 ||
[Analyze grammar]

madhyāhne havanaṃ kārayitvā pupūjurādarāt |
pitṝn ṛṣīṃstathā devānmunīn janatapaḥsthitān || 38 ||
[Analyze grammar]

pāyasairdugdhasāraiśca piṇḍakaiḥ śākapatrakaiḥ |
rasairnānāvidhairmiṣṭaistarpayāmāsurīśvarān || 39 ||
[Analyze grammar]

prasannāste śubhāśīrbhiryuyujustisṛkanyakāḥ |
brahma nārāyaṇaḥ kṛṣṇo bhavadvrataphalapradāḥ || 40 ||
[Analyze grammar]

bhavantu bhavatīnāṃ ca yatheṣṭasukhakāriṇaḥ |
atha sāyaṃ punastābhirdīpamālāṃ prakāśya ca || 41 ||
[Analyze grammar]

maṇḍapaṃ kadalīstambhapatratoraṇarājitam |
kārayitvā svarṇapātradarpaṇollekhaśobhitam || 42 ||
[Analyze grammar]

vastravidyudvicitraṃ saccitraujjvalyamanoharam |
kārayitvā ca madhye sadratnakhacitakānakam || 43 ||
[Analyze grammar]

makhamallakaśipvādyairāstṛtaṃ śobhanaṃ mahata |
siṃhāsanaṃ kārayitvā brahma kṛṣṇaṃ narāyaṇam || 44 ||
[Analyze grammar]

mūrtitrayaṃ pratiṣṭhāpya gītavāditrapūrvakam |
cakruḥ supūjanaṃ tatra suvarṇākṣatakuṃkumaiḥ || 45 ||
[Analyze grammar]

haridrāraktasaddravyaiḥ saubhāgyārhasuvastubhiḥ |
nartanaṃ gāyanaṃ cakruḥ kiṃkiṇīnādamiśritam || 46 ||
[Analyze grammar]

ārārtrikaṃ dhūpadīpau jalamarghyaṃ vidhāya ca |
pūrikā dugdhapānaṃ ca śākaṃ sarṣapapatrajam || 47 ||
[Analyze grammar]

bhojayitvā trayaṃ vāripānamarpayya satphalam |
pradatvā ca kṣaṇaṃ dhyāne sthitavatyo'bhavaṃśca tāḥ || 48 ||
[Analyze grammar]

tatra dhyāne samāyātā brahmakṛṣṇanarāyaṇāḥ |
etāsu menayā dṛṣṭaḥ kaṭyambaro'tipuṣṭimāna || 49 ||
[Analyze grammar]

nihāradhavalo vyāghracarmadhṛk candraśekharaḥ |
sajaṭaḥ parito vyāpta brahmatejo'tibhāsuraḥ || 50 ||
[Analyze grammar]

yuvā manauhārimūrtirbrahma nirguṇameva yat |
saguṇatvaṃ samāpannaṃ nararūpaṃ sa eva saḥ || 51 ||
[Analyze grammar]

nirmalāntarvṛttigamyaḥ śaṃkaro bhāvapūrakaḥ |
prasannatāpravarṣā prakhyāpayan smitahāsyataḥ || 52 ||
[Analyze grammar]

tāvattadaṅkamāsīnāṃ putrīṃ svāṃ bhāvinīṃ śubhām |
apaśyannāhvayantīṃ ca hyambe mā'mbeti vai muhuḥ || 53 ||
[Analyze grammar]

śaṃkaro brahmarūpo'yaṃ bhagavān prāha menakām |
menake tvaṃ mamāṃśasya himādreḥ saṃbhaviṣyasi || 54 ||
[Analyze grammar]

patnī tatra ca kanyeyaṃ pārvatī te bhaviṣyati |
tāṃ tvaṃ dāsyasi mahyaṃ vai mattaḥ sukhamavāpsyasi || 55 ||
[Analyze grammar]

puruṣottamamāsasyaikadinasya vratasya ca |
taveṣṭaṃ tu phalaṃ sarvasukhadaṃ saṃbhaviṣyati || 56 ||
[Analyze grammar]

ityuktvā'ntarhito devaḥ śaṃkaro brahma yatparam |
athaiva dhanyayā dṛṣṭaḥ svayaṃ vai sadhanurhariḥ || 57 ||
[Analyze grammar]

jaṭāvalkalaśobhāḍhyaḥ punaḥ sadrājyacihnavān |
yuvā manoharo devo vāsudevo guṇātigaḥ || 58 ||
[Analyze grammar]

tejaḥparidhisaṃvyāptānanahāsyānvitaḥ prabhuḥ |
caturbhujo dvibhujo'yaṃ siṃhāsanavirājitaḥ || 59 ||
[Analyze grammar]

tasya pārśve surūpāṃ svāṃ kanyāṃ sītāṃ dadarśa sā |
āhvayantīṃ ca mo he'mba iti miṣṭagirā muhuḥ || 60 ||
[Analyze grammar]

śrīrāmo bhagavāṃścāyaṃ prasannaḥ prāha dhanyakām |
dhanye tvaṃ vai janakasya gṛhiṇī bhāvinī tataḥ || 61 ||
[Analyze grammar]

iyaṃ tu te sutā sītā mahālakṣmīrbhaviṣyati |
tāṃ tvaṃ dāsyasi mahyaṃ vai mattaḥ sukhamavāpsyasi || 62 ||
[Analyze grammar]

puruṣottamamāsasyaikasyā'hnastu vratasya vai |
taveṣṭaṃ tu phalaṃ snigdhaṃ bhaviṣyati sukhātmakam || 63 ||
[Analyze grammar]

ityuktvā'ntarhito vāsudevo nārāyaṇaḥ prabhuḥ |
atha dṛṣṭaḥ kalāvatyā kṛṣṇaḥ sudarśanānvitaḥ || 64 ||
[Analyze grammar]

mayūrapicchamukuṭaḥ pītavastrauṣṭhaveṇukaḥ |
gopālabālakaḥ paścāt sa eva nṛpatīśvaraḥ || 65 ||
[Analyze grammar]

rājādhirājo bhagavān sarvaśobhātisundaraḥ |
navajīmūtasatkāntiryuvā bhūṣāvibhūṣitaḥ || 66 ||
[Analyze grammar]

divyasiṃhāsanaśreṣṭhasthito rājādhirājakaḥ |
dvibhujo mandahāsyena darśayansuprasannatām || 67 ||
[Analyze grammar]

tasya pārśve sthitāṃ divyāṃ rūpānurūpaśevadhim |
putrīṃ rādhāṃ bhāvinīṃ tāṃ sā dadarśa kalāvatī || 68 ||
[Analyze grammar]

kṛṣṇakaṇṭhe nijaṃ hastaṃ dadatī premavihvalām |
āhvayantīṃ ca mo ambe he'mbeti sadgirā muhuḥ || 69 ||
[Analyze grammar]

śrīkṛṣṇaḥ suprasannaḥ san spṛśan rādhāṃ kalāvatīm |
prāheyaṃ tava vaiśyatve putrī rādhā bhaviṣyati || 70 ||
[Analyze grammar]

tāṃ tvaṃ dāsyasi mahyaṃ vai bhāṇḍīravaṭasannidhau |
madīyā sā sadā patnī mūrdhanyā syāddhi śāśvatī || 71 ||
[Analyze grammar]

mattaḥ sarve sukhaṃ putrīdvārā tvaṃ samavāpsyasi |
puruṣottamamāsasyaikadinasya vratasya vai || 72 ||
[Analyze grammar]

phalaṃ cābhilaṣitaṃ te bhaviṣyati sukhātmakam |
ityabhidhāya kṛṣṇastatsthalādantarhito'bhavat || 73 ||
[Analyze grammar]

athā'cirāttu tisrastāstato dhyānātsamutthitāḥ |
prasannāsyāḥ kṛtakṛtyā natvā nārāyaṇaṃ muhuḥ || 74 ||
[Analyze grammar]

vyasarjayan sukusumāṃjalīn datvā'tha tanniśi |
pāraṇāṃ samakurvaṃstā bhojayantyo'pi kanyakā || 75 ||
[Analyze grammar]

brahmanārāyaṇakṛṣṇamūrtidānaṃ pracakrire |
athā'cirādādyayuge pitṛbhistāḥ kramānnanu || 76 ||
[Analyze grammar]

haimajanakagopebhyo menā dhanyā kalāvatī |
vivāhitā tu vidhinā tāsāṃ putryo'bhavaṃśca tāḥ || 77 ||
[Analyze grammar]

kramāttu pārvatī sītā rādhā brahmaparātmikāḥ |
sṛṣṭyāraṃbhe sādhikāyāmādyāvatārarūpiṇe || 78 ||
[Analyze grammar]

śivāya rāmarūpāya kṛṣṇāya tvarpitāśca tāḥ |
jāmātṝṃstān parabrahmāvatārāṃścābhipadya vai || 79 ||
[Analyze grammar]

sarvānkāmānavāpustā menā dhanyā kalāvatī |
evaṃ lakṣmi vrataṃ naktamadhimāse prapūjanam || 80 ||
[Analyze grammar]

ṣaṣṭhyāṃ kālatraye kṛtvā purāṇapuruṣottamāt |
prāptaṃ vrataphalaṃ prāptā jāmātāro hariḥ svayam || 81 ||
[Analyze grammar]

putryastāḥ śaṃbhunā rāmeṇa ca kṛṣṇena śāśvate |
kailāse cātha vaikuṇṭhe goloke ca ramanti hi || 82 ||
[Analyze grammar]

tanmātāpitaraścāpi nityaṃ muktāstadīyakam |
sukhaṃ tvatyantamāptāśca yatheṣṭaṃ kīrtimityapi || 83 ||
[Analyze grammar]

kimvadhikaṃ ca te vakṣye lakṣmi loke paratra ca |
mātā svīyāṃ suputrīṃ vai sukhinīṃ kartumicchati || 84 ||
[Analyze grammar]

tadā tayā prakartavyaṃ vrataṃ cādhikamāsikam |
ṣaṣṭhyāṃ vrataṃ pūjanaṃ ca yathā menādibhiḥ kṛtam || 85 ||
[Analyze grammar]

kṛṣṇanārāyaṇaṃ jāmātaraṃ prāpsyati vai tataḥ |
bhuktiṃ muktiṃ tathā cānyat sarve prāpsyaṃtyayatnataḥ || 86 ||
[Analyze grammar]

putrīdānasya satpātraṃ kṛṣṇanārāyaṇo yadi |
tatra prāptaṃ parāṃ kāṣṭhāṃ puruṣārthacatuṣṭayam || 87 ||
[Analyze grammar]

kartavyaṃ laukikaṃ vā'nyalaukikaṃ nā'vaśiṣyate |
sarvaśeṣī hariryatra ramate sutayā saha || 88 ||
[Analyze grammar]

sutayā tuṣyati devastasya toṣe nu kiṃ punaḥ |
durlabhaṃ tvathavā'prāpyaṃ bhavet kṛṣṇasya sannidhau || 89 ||
[Analyze grammar]

evaṃ te kathitā lakṣmi kṛpā nārāyaṇasya sā |
adhimāse vratināṃ mānasāni pūrayatyajaḥ || 90 ||
[Analyze grammar]

yadīcchedguṇasāmarthya rūpavidyādibhiḥ samaḥ |
kṛṣṇena tulyo jāmātā syāditi cettathā bhavet || 91 ||
[Analyze grammar]

yadīcchellokavikhyāto rājasattāpravartaka |
jāmātā me bhavecceti tadā vai tādṛśau bhavet || 92 ||
[Analyze grammar]

yadīcchedbhagavadbhakto dhanadhānyasamṛddhimān |
jāmātā me ciraṃjīvī bhavediti tathā bhavet || 93 ||
[Analyze grammar]

yadīcched brāhmaṇaguṇo yadvā kṣatriyadharmavān |
jāmātā me bhavedeva vratakartryāstathā bhavet || 94 ||
[Analyze grammar]

yadīcched gṛhajāmātā sukhado me bhavediti |
putrapautrādimān syācca vratakartryāstathā bhavet || 95 ||
[Analyze grammar]

yathā tu yādṛśaṃ jāmātāraṃ vāñchati taṃ tathā |
tādṛśaṃ samavāpnoti śvaśrūḥ śrīharyanugrahāt || 96 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne puruṣottama māsamāhātmye pitṛ mānasa kanyābhiḥ menādhanyākalāvatībhiḥ adhikamāsadundubhiśravaṇena ṣaṣṭhyāṃ trikālavratena kramāt pārvatīsītārādhā'bhidhaputrīlābhe jāmātṛtvena śaṃkararāmakṛṣṇānāṃ sambandhopalabdhirūpaphalaprāptiprabhṛtinirūpatānāmā'ṣṭanavatyadhikadviśatatamo'dhyāyaḥ || 1298 ||
[Analyze grammar]