Chapter 146

śrīnārāyaṇa uvāca |
śṛṇu lakṣmi mamāścaryakaraṃ vāmanadarśanam |
vilakṣaṇaṃ tu sarvebhyo dṛṣṭvā jātaṃ kutūhalam || 1 ||
[Analyze grammar]

mahān kolāhalo jātaḥ kaściddhrasvaḥ samāgataḥ |
rūpeṇa tejasā viṣṇusamo dehena chadmakṛt || 2 ||
[Analyze grammar]

brāhmaṇairbahubhiḥ sārdhaṃ vedānuccārayan sthitaḥ |
praviṣṭairdaityabālaiḥ sa daityāya viniveditaḥ || 3 ||
[Analyze grammar]

draṣṭuṃ samāgato'yaṃ vai brāhmaṇo vāmano'dhvaram |
balirhṛṣṭo'bravrīdvākyaṃ mama bhāgyodayo hyayam || 4 ||
[Analyze grammar]

nirīho vāmano devo yācate naiva kiṃcana |
pūjayiṣyāmi viprendraṃ dāsye cāsya yadīpsitam || 5 ||
[Analyze grammar]

abhyāgataḥ svayaṃ viṣṇustasmai deyaṃ yadicchati |
kiṃcidvedamayaṃ pātraṃ kiṃcitpātraṃ tapomayam || 6 ||
[Analyze grammar]

pātraṃ satyaṃ samāgatya balimuddhārayiṣyati |
yajñe pravartamāne tu dātavyā dakṣiṇā mayā || 7 ||
[Analyze grammar]

sahasrapūrakaścāyaṃ yajño me'ntima eva vai |
sarvasvamatra dātavyaṃ yācakebhyo'vicārya yat || 8 ||
[Analyze grammar]

indrapadapralābhāya śataṃ tu kratavo matāḥ |
pārameṣṭhipadalābhaḥ sahasrakratubhirbhavet || 9 ||
[Analyze grammar]

tasmādayaṃ mahāyajño mā bhūnnakārasaṃkaraḥ |
dātavyameva dātavyaṃ dātavyaṃ sarvathaiva hi || 10 ||
[Analyze grammar]

nakāro naiva vaktavyo dehastryapatyavastuṣu |
dhanyo'smi kṛtakṛtyo'smi saphalaṃ mama jīvitam || 11 ||
[Analyze grammar]

pūjayāmāsa vidhinā niveśya kusumāsane |
praṇipatya namaskṛtvā prāha gadgadayā girā || 12 ||
[Analyze grammar]

tvāṃ samabhyarcya viprendra kiṃ karomi tava priyam |
āgato'si yadarthaṃ tvaṃ māmuddiśya dvijottama || 13 ||
[Analyze grammar]

tatprayacchāmi te śīghraṃ brūhi vedavidāṃ vara |
hrasvaḥ prahṛṣṭamanasā tamuvāca mahīpatim || 14 ||
[Analyze grammar]

agnikuṇḍasya pṛthivīṃ dehi daityapate mama |
mama trivikramamitāṃ pṛthvīṃ tvaṃ dātumarhasi || 15 ||
[Analyze grammar]

sarveṣāmeva dānānāṃ bhūmidānaṃ mahottamam |
yo dadāti mahīṃ rājan viprāyā'kiṃcanāya vai || 16 ||
[Analyze grammar]

aṃguṣṭhamātrāmapi vā sa bhavetpṛthivīpatiḥ |
na bhūmidānasadṛśaṃ poṣakaṃ ceha vidyate || 17 ||
[Analyze grammar]

bhūmiṃ yaḥ pratigṛhṇāti bhūmiṃ yaśca prayacchati |
ubhau tau puṇyakarmāṇau niyatau svargagāminau || 18 ||
[Analyze grammar]

tasmād bhūmiṃ mahārāja prayaccha tripadīṃ mama |
etāmalpāṃ mahīṃ dātuṃ mā viśaṃka mahīpate || 19 ||
[Analyze grammar]

jagattrayapradānena nāma bhūpa bhaviṣyati |
tataḥ prahṛṣṭahṛdayastathetyāha mahīpatiḥ || 20 ||
[Analyze grammar]

tasmai mahīpradānaṃ tu kartuṃ mene vidhānataḥ |
tāvattasya guruḥ śukro vārayāmāsa taṃ balim || 21 ||
[Analyze grammar]

anyadvai dīyatāṃ dāna mā rājan dīyatāṃ mahī |
kintvanyacchrūyatāṃ rājannakāryaṃ kriyate tvayā || 22 ||
[Analyze grammar]

bahiḥ pūjyā dvijā ye syurdīnāndhakṛpaṇādayaḥ |
badhirā vāmanāḥ kubjā vṛkṇā rugṇāśca niṣṭhurāḥ || 22 ||
[Analyze grammar]

kratukuṇḍāntike naiva khāṇḍāste'rhanti pūjanam |
suvarṇarajatairvastrairvāmanaḥ pūjyatā bahiḥ || 24 ||
[Analyze grammar]

caturṇāṃ tu vṛthā janma vṛthā dānāni ṣoḍaśa |
aputrāṇāṃ vṛthā janma hyadharmiṇāṃ vṛthā janiḥ || 25 ||
[Analyze grammar]

parā'nnināṃ vṛthā janma parastraiṇī vṛthājaniḥ |
vyarthamabrāhmaṇe dānamanūḍhe patite tathā || 26 ||
[Analyze grammar]

sandhyāhīnanāmavipre kuṭile taskare tathā |
guroścā'prītijanake pitṛmātṛparāṅmukhe || 27 ||
[Analyze grammar]

brahmabandhau kṛtaghne ca vedavikrayiṇi tathā |
svagrāmayācake strīnirjite ca vṛṣalīpatau || 28 ||
[Analyze grammar]

vyālagrāhe nindake ca vṛthādānāni ṣoḍaśa |
atrāntare balirbrūte naivaṃ vācyaṃ tvayā guro || 29 ||
[Analyze grammar]

vedānadhīte yaḥ kaścit sa me viṣṇusamo mataḥ |
na vilambastu kartavyaḥ śrotriye gṛhamāgate || 30 ||
[Analyze grammar]

abhyutthānena vacasā pādaprakṣālanena ca |
yathāśaktyā pradātavyaṃ bhojanaṃ gṛhamedhinā || 31 ||
[Analyze grammar]

apūjito yadā yāti vāmano yajñamaṇḍapāt |
tadā'yaṃ vyarthatāṃ yāti yajñaḥ sarvasvadakṣiṇaḥ || 32 ||
[Analyze grammar]

tasmādenaṃ dvijaṃ channaṃ vāmanaṃ viṣṇurūpiṇam |
prakāśamānaṃ vapuṣā piṃgalaṃ sūryasannibham || 33 ||
[Analyze grammar]

yatheṣṭaṃ tasya dāsye vai rājyaṃ kiṃ na samicchati |
dhanyo'haṃ yasya me yajñe prāpto viṣṇusamo dvijaḥ || 34 ||
[Analyze grammar]

iti kṛtvā dadau tasmai ṣoḍaśopacarāṇi vai |
madhuparkaṃ ca gāṃ tasmai satvaraṃ sa nyavedayat || 35 ||
[Analyze grammar]

āghrāya madhuparkaṃ ca gaurhrasvena namaskṛtā |
yajñaṃ yajñagatān sarvānnamaskṛtya ca vāmanaḥ || 36 ||
[Analyze grammar]

ahamarthī samāyāto dīyatāṃ vada kiṃ bale |
vāsārthaṃ mama daityendra dayitāṃ me kramatrayam || 37 ||
[Analyze grammar]

vidhāya kuṭikāṃ divyāṃ śiṣyānadhyāpayāmyaham |
dattaṃ kramatrayaṃ tubhyaṃ gṛhītaṃ vāmano'bravīt || 38 ||
[Analyze grammar]

mā dehītyavadacchukro viṣṇureṣaḥ sanātanaḥ |
baliḥ prāha tadā śukraṃ pātraṃ syāt kimataḥ param || 39 ||
[Analyze grammar]

savyaṃ kṛtvā balirdarbhān sākṣatān dakṣiṇe kare |
prayogaṃ na guruścakre na muṃcati jalaṃ kare || 40 ||
[Analyze grammar]

sabhāsadaśca hotāro vismitā ṛṣayastathā |
viprāḥ surāstathā lokā daityāstasya kuṭumbinaḥ || 41 ||
[Analyze grammar]

dattaṃ gṛhītamityukte kasmāttoyaṃ na muñcati |
vāmanāya kare toyaṃ kalyāṇāya pradīyate || 42 ||
[Analyze grammar]

yad dānaṃ vacasā dattaṃ karmaṇā nopapadyate |
dātāraṃ niraye kṣiptvā tatkuṭumbaṃ nikṛntati || 43 ||
[Analyze grammar]

uśanāḥ prāha daityendraṃ vāmano harirityayam |
eṣa viṣṇuḥ pareśo'tha devaiḥ samprārthito hariḥ || 44 ||
[Analyze grammar]

kenāpi daivayogena tvāṃ draṣṭuṃ samupāgataḥ |
vañcayitvā mahīṃ sarvāṃ tvattaḥ prāptumihāgataḥ || 45 ||
[Analyze grammar]

apriyaṃ vā priyaṃ vāpi na jāne kiṃ kariṣyati |
tasmānmahī na dātavyā tasmai rājanmahātmane || 46 ||
[Analyze grammar]

anyamarthaṃ samādatsva vacanānmama bhūpate |
tataḥ prahasya rājā'sau taṃ guruṃ prāha dhairyataḥ || 47 ||
[Analyze grammar]

jānāmyahaṃ daivabalād viṣṇoranugrahāttathā |
yajñastu pūrṇatāṃ ceyād dvijaiḥ pūrṇo bhavatyapi || 48 ||
[Analyze grammar]

ahamindro dvijo viṣṇurdravyamādityadevatā |
tatkathaṃ na mayā deyaṃ viṣṇave prīyatāmiti || 49 ||
[Analyze grammar]

ityuktvā sa dadau toyaṃ vāmanāya kare baliḥ |
hāṃ hāṃ hāṃ kimidaṃ rājan kriyate yogyameva na || 50 ||
[Analyze grammar]

ityuccārya tadā śukraḥ saṃsthito maṇḍapādbahiḥ |
prītaye vāsudevasya sarvaṃ puṇyaṃ kṛtaṃ mayā || 51 ||
[Analyze grammar]

adya dhanyo'smyahaṃ viṣṇuḥ svayamevā''gato yadi |
tasya pradeyamevā'dya jīvitaṃ ca mahāsukham || 52 ||
[Analyze grammar]

tasmādasmai prayacchāmi trilokīmapi ca dhruvam |
pariṇīya namaskṛtya pādau prakṣālya bhaktitaḥ || 53 ||
[Analyze grammar]

caraṇāmṛtamevā''sye balinā mūrdhni ca dhṛtam |
prahṛṣṭenātmanā tena datvā vai dakṣiṇaṃ vasu || 54 ||
[Analyze grammar]

dhanyo'smi kṛtakṛtyo'smi prāha datvā mahīṃ tadā |
yatheṣṭaṃ tava viprendra tadgṛhāṇa mahīmimām || 55 ||
[Analyze grammar]

api cedicchasi rājyaṃ svarṇaṃ vā hīrakādikam |
naikadhāni ca ratnāni dāsadāsīśatāni ca || 56 ||
[Analyze grammar]

godhanaṃ ca tadanyacca prāsādā bhavanāni ca |
sādhanāni vimānāni dadāmīcchasi ced yadi || 57 ||
[Analyze grammar]

ahaṃ vā rājapatnī me putrapautrādikaṃ ca yat |
sarvaṃ dadāmi deveśa tvadarthaṃ mama yad bhavet || 58 ||
[Analyze grammar]

anantajanmatapasā nā''pyate'pi paraḥ pumān |
kṛpayā sa yadi prāptaḥ kiṃ me dārādhanādibhiḥ || 59 ||
[Analyze grammar]

ityuccārya balirbhakto'luṃṭhad vāmanapādayoḥ |
vāmanaḥ prāha bhaktendra sarvaṃ padatraye sthitam || 60 ||
[Analyze grammar]

tava bhaktyā prasanno'smi rājaṃstava samīpataḥ |
māpayāmi padenā'dya pṛthivīṃ tava paśyataḥ || 61 ||
[Analyze grammar]

ityuktvā baṭurūpaṃ tad vihāya parameśvaraḥ |
vavṛdhe vāmano'tīva kṛtvā rūpaṃ caturbhujam || 62 ||
[Analyze grammar]

vardhamānaṃ hariṃ dṛṣṭvā brāhmaṇāḥ ṛṣayaḥ surāḥ |
tuṣṭuvurgagane jātaṃ bhagavantaṃ janārdanam || 63 ||
[Analyze grammar]

jaya viṣṇo jaya viṣṇo jaya bhaktakṛpākara |
jaya hrasva jaya dīrgha jaya bhikṣuka vāmana || 64 ||
[Analyze grammar]

jaya devakṛpākartṛ jaya bhaktasya gocara |
jaya yajña jaya havya jaya vahne jayā'cyuta || 65 ||
[Analyze grammar]

jayā'rthin dātṛ netṛ tvaṃ jaya brahmāṇḍakṛdvapuḥ |
jaya matsya namastubhyaṃ jaya kūrma dharādhara || 66 ||
[Analyze grammar]

jaya vārāharūpadhṛk nṛsiṃhāya namo'stu te |
jaya kṛṣṇa jaya śrīmannārāyaṇa namo'stu te || 67 ||
[Analyze grammar]

namaḥ kṛṣṇāya kambharāgopālāya namo namaḥ |
namaḥ patnīvratākhyāya lakṣmīnāthāya te namaḥ || 68 ||
[Analyze grammar]

varṇitaṃ bahudhā śāstre dṛṣṭaṃ naiva kadāpi yat |
dṛśyate'dya kṛpāleśāccaturdaśadharāsthitaiḥ || 69 ||
[Analyze grammar]

vairājaṃ te mahadrūpaṃ dṛṣṭvā hṛṣṭāḥ sma tāritāḥ |
yoginaḥ sanakādyā ye te stuvanti janārdanam || 70 ||
[Analyze grammar]

gaganārdhaṃ gate kṛṣṇe vardhamāne baleḥ puraḥ |
ūrdhvavaktrāḥ sthitāḥ sarve nirīkṣante divaṃ gatam || 71 ||
[Analyze grammar]

chatraṃ yaṣṭirmṛgacarma kamaṇḍaluśca pāduke |
yad yadabhūddhareragre sarvaṃ vai vavṛdhe saha || 72 ||
[Analyze grammar]

dṛṣṭacchatrākṛtistāvat paścādūrdhvagato hariḥ |
cūḍāmaṇirivā''bhāti bhāskaro harimastake || 73 ||
[Analyze grammar]

tataḥ punarvavṛdhe'tha lalāṭe tilakāyate |
athāpi vardhito hariḥ sūryaḥ sa kuṇḍalāyate || 74 ||
[Analyze grammar]

uccairgato haristasmāt sūryaḥ sa kaustubhāyate |
agre gatvā mahendreṇa vanamālā gale'rpitā || 75 ||
[Analyze grammar]

pṛthivī kampate bhārāt svargasthaṃ grahamaṇḍalam |
nāśameṣyati daityāste bhītāḥ paśyanti vāmanam || 76 ||
[Analyze grammar]

athāpi vavṛdhe kṛṣṇo nābhau padmāyate raviḥ |
pañcāśatkoṭivistīrṇāṃ sasamudramahīdharām || 77 ||
[Analyze grammar]

sasāgarāṃ sadvīpāṃ ca sadevāsuramānuṣām |
pādenaikena puruṣo jagrāha madhusūdanaḥ || 78 ||
[Analyze grammar]

tatpadaṃ pṛthivīṃ sarvāmākramya padmaje śubhe |
atiriktaṃ samabhavacchatayojanamāyatam || 79 ||
[Analyze grammar]

divyaṃ cakṣurdadau tasmai daityeśāya sanātanaḥ |
tadviśvarūpaṃ devasya dṛṣṭvā daityośvaro baliḥ || 80 ||
[Analyze grammar]

praharṣamatulaṃ lebhe sānandāśrupariplutaḥ |
dṛṣṭvā devaṃ namaskṛtya stutvā stutibhireva ca || 81 ||
[Analyze grammar]

prāha gadgadayā vācā prahṛṣṭenā'ntarātmanā |
dhanyo'smi kṛtakṛtyo'smi tvāṃ dṛṣṭvā parameśvaram || 82 ||
[Analyze grammar]

lokatrayaṃ tvamevaitad gṛhāṇa parameśvara |
atha sarveśvaro viṣṇurdvitīyaṃ padamacyutam || 83 ||
[Analyze grammar]

ūrdhvaṃ prasārayāmāsa brahmalokāntamacyutaḥ |
pādo na paripūrṇo'bhūdacyutasya śubhānane || 84 ||
[Analyze grammar]

vegenotkṣipya hariṇā nīto brahmāṇḍamastake |
brahmāṇḍaṃ jarjaraṃ jātaṃ pādāṃguṣṭhābhidhātanāt || 85 ||
[Analyze grammar]

bhinnaṃ cāsmin samāyātaṃ bāhyaṃ toyaṃ jagattraye |
viṣṇupādodbhavā gaṃgā tatsthānāt prasṛtā tadā || 86 ||
[Analyze grammar]

pitāmaho hareḥ pādaṃ cakrapadmādicihnitam |
jñātvā kamaṇḍaluṃ bhṛtvā tatastajjalavāribhiḥ || 87 ||
[Analyze grammar]

muhuḥ prakṣālayāmāsa śrīhareścaraṇāmbujam |
tat toyamakṣayyameva jātaṃ kṛṣṇaprabhāvataḥ || 88 ||
[Analyze grammar]

tattīrthaṃ meruśikhare papāta salilaṃ śubham |
jagataḥ pāvanārthaṃ vai caturdikṣu pravāhitam || 89 ||
[Analyze grammar]

pūrve sītā dakṣiṇe sā'lakanandeti kīrtitā |
paścime cakṣurityākhyā bhadrākhyā cottare matā || 90 ||
[Analyze grammar]

tatra cālakanandāpi tridhā nāmnā'bhavat tadā |
ūrdhve mandākinī proktā madhye gaṃgā prakīrtitā || 91 ||
[Analyze grammar]

pātāle sā yadā prāptā hyajo bhogavatī matā |
svardhunī procyate svarge gaṃgā tu gāṃ gatā satī || 92 ||
[Analyze grammar]

pātāle tu gatā sā'bhūnnāmnā tripathagā'pi ca |
sevitā pūjitā dṛṣṭā spaṣṭā pītā'vagāhitā || 93 ||
[Analyze grammar]

prajvālya sarvapāpāni muktiṃ dadāti dehine |
tāṃ dṛṣṭvā merumadhyāttu prasravantīṃ śubhānane || 94 ||
[Analyze grammar]

ativegapravāhaiśca patantīṃ dhārayettu kaḥ |
mahāpravāhavegaṃ bhūrdṛṣṭvā bhītā vidāraṇāt || 95 ||
[Analyze grammar]

prārthayāmāsa śaṃbhuṃ tāṃ dhārayituṃ jaṭāvane |
ātmanaḥ pāvanārthāya mūrdhnā śaṃbhuradhārayat || 96 ||
[Analyze grammar]

divyavarṣasahasraṃ sā jaṭāyāmeva saṃsthitā |
tato bhāgīrathī rājā gautamaśca mahātapāḥ || 97 ||
[Analyze grammar]

prasādya tapasayā śaṃbhuṃ gaṃgārthaṃ samayācata |
sarvalokahitārthāya tābhyāṃ dattā tu śaṃbhunā || 98 ||
[Analyze grammar]

gautamena samānītā gautamīti prakīrtitā |
bhagīrathena cāyātā bhāgīrathīti cocyate || 99 ||
[Analyze grammar]

jahnunā pīyamānā sā jānośca prakaṭīkṛtā |
jāhnavīti samākhyātā samudrāntā hi pāvanī || 100 ||
[Analyze grammar]

kapilasyā''śrame dagdhān sagarasyātmajān bahūn |
uddhārayitvā ṣaṣṭisāhasrānabdhāvavāpatat || 101 ||
[Analyze grammar]

evaṃ vṛddhiṃ gato viṣṇurjagṛhe ca padadvayam |
sthānaṃ nāsti tṛtīyasya brahmāṇḍaṃ sakalaṃ hṛtam || 102 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne vāmanasya yajñasthale praveśaḥ bhūmiyācanā śukrakṛnniṣedhe'pi tripadabhūmidānaṃ vāmanavardhanaṃ dvitīyapadenā'ṇḍakaṭāhād gaṃgodbhava ityādinirūpaṇanāmā ṣaṭcatvāriṃśadadhikaśatatamo' |
dhyāyaḥ || 146 ||
[Analyze grammar]