Chapter 70

vaiśaṃpāyana uvāca |
tataḥ prabhāte vimale pakṣivyāhārasaṃkule |
naiśākare raśmijāle kṣaṇadākṣayasaṃhṛte || 1 ||
[Analyze grammar]

nabhasyaruṇasaṃtīrṇe paryaste jyotimaṇḍale |
pratyūṣapavanāsāraiḥ kledite dharaṇītale || 2 ||
[Analyze grammar]

kṣīṇākārāsu tārāsu suptaniṣpratibhāsu ca |
naiśamantardadhe rūpamudagacchaddivākaraḥ |
śītāṃśuḥ śāntakiraṇo niṣprabhaḥ samapadyata || 3 ||
[Analyze grammar]

eko nāśayate rūpameko vardhayate vapuḥ || 3 ||
[Analyze grammar]

gobhiḥ samavakīrṇāsu vrajaniryāṇabhūmiṣu |
manthāvartanapūrṇeṣu gargareṣu nadatsu ca || 4 ||
[Analyze grammar]

dāmabhiryamyamāneṣu vatseṣu taruṇeṣu ca |
gopairāpūryamāṇeṣu ghoṣarathyāsu sarvaśaḥ || 5 ||
[Analyze grammar]

tatraiva gurukaṃ bhāṇḍaṃ sakaṭāropitaṃ bahu |
tvaritāḥ pṛṣṭhataḥ kṛtvā jagmuḥ syandanavāhanāḥ || 6 ||
[Analyze grammar]

kṛṣṇo'tha rauhiṇeyaśca sa caivāmitadakṣiṇaḥ |
trayo rathagatā jagmustrilokapatayo yathā || 7 ||
[Analyze grammar]

athāha kṛṣṇamakrūro yamunātīramāśritaḥ |
syandanaṃ tāta rakṣasva yatnaṃ ca kuru vājiṣu || 8 ||
[Analyze grammar]

hayebhyo yavasaṃ dattvā hayabhāṇḍe rathe tathā |
pragāḍhaṃ yatnamāsthāya kṣaṇaṃ tāta pratīkṣatām || 9 ||
[Analyze grammar]

yamunāyā hrade hyasmintoṣyāmi bhujageśvaram |
divyairbhāgavatairmantraiḥ sarvalokaprabhuṃ yataḥ || 10 ||
[Analyze grammar]

guhyaṃ bhāgavataṃ devaṃ sarvalokasya bhāvanam || 10 ||
[Analyze grammar]

śrīmatsvastikamūrdhānaṃ praṇamiṣyāmi bhoginam |
sahasraśirasaṃ devamanantaṃ nīlavāsasam || 11 ||
[Analyze grammar]

dharmadevasya tasyāsyād yadviṣaṃ prabhaviṣyati |
sarvaṃ tadamṛtaprakhyamaśiṣyāmyamaro yathā || 12 ||
[Analyze grammar]

svastikāyatanaṃ dṛṣṭvā dvijihvaṃ śrīvibhūṣitam |
samājastatra sarpāṇāṃ śāntyarthaṃ vai bhaviṣyati || 13 ||
[Analyze grammar]

āstāṃ māṃ samudīkṣantau bhavantau saṃgatāv ubhau |
nivṛtto bhujagendrasya yāvadasmi hradottamāt || 14 ||
[Analyze grammar]

tamāha kṛṣṇaḥ saṃhṛṣṭo gaccha dharmiṣṭha māciram |
āvāṃ khalu na śaktau svastvayā hīnāvihāsitum || 15 ||
[Analyze grammar]

evamuktastu kṛṣṇena praṇamya manasā harim || 15 ||
[Analyze grammar]

sa hrade yamunāyāstu mamajjāmitadakṣiṇaḥ |
rasātale sa dadṛśe sarpalokamimaṃ yathā || 16 ||
[Analyze grammar]

rasātale hradāntaśca darśanāgamanaṃ yathā || 16 ||
[Analyze grammar]

tasya madhye sahasrāsyam hematālocchritadhvajam |
lāṅgalāsaktahastāgraṃ musalāpāśritodaram || 17 ||
[Analyze grammar]

asitāmbarasaṃvītam pāṇḍuraṃ pāṇḍurānanam |
kuṇḍalaikadharaṃ mattaṃ suptamamburuhekṣaṇam || 18 ||
[Analyze grammar]

bhogodarāsane śubhre svena dehena kalpite |
svāsīnaṃ svastikābhyāṃ ca varābhyāṃ ca mahīdharam || 19 ||
[Analyze grammar]

kiṃcitsavyāpavṛttena maulinā hemacūlinā |
jātarūpamayaiḥ padmairmālayā cchannavakṣasam || 20 ||
[Analyze grammar]

raktacandanadigdhāṅgam dīrghabāhumariṃdamam |
padmanābhaṃ sitābhrābham bhābhirjvalitatejasam || 21 ||
[Analyze grammar]

dadarśa bhogināṃ nāthaṃ sthitamekārṇaveśvaram |
pūjyamānaṃ dvijihvendrairvāsukipramukhaiḥ prabhum || 22 ||
[Analyze grammar]

kambalāśvatarau nāgau tau cāmaradharāv ubhau |
avījayetāṃ taṃ devam dharmāsanagataṃ prabhum || 23 ||
[Analyze grammar]

tasyābhyāsagato bhāti vāsukiḥ pannageśvaraḥ |
vṛto'nyaiḥ sacivaiḥ sarpaiḥ karkoṭakapuraḥsaraiḥ || 24 ||
[Analyze grammar]

taṃ ghaṭaiḥ kāñcanairdivyaiḥ paṅkajacchannamūrdhajam |
rājānaṃ snāpayāmāsuḥ snātamekārṇavāmbubhiḥ || 25 ||
[Analyze grammar]

tasyotsaṅge ghanaśyāmaṃ śrīvatsācchāditodaram |
koṭikandarpasundaram |
dakṣiṇāvartasusnigdha- |
sahasraśubhanāmānamarkacandrekṣaṇadyutim |
pītāmbaradharaṃ viṣṇuṃ sūpaviṣṭaṃ dadarśa ha || 26 ||
[Analyze grammar]

āsīnaṃ caiva somena tulyasaṃhananaṃ prabhum |
saṃkarṣaṇamivāsīnaṃ taṃ divyaṃ viṣṭaraṃ vinā || 27 ||
[Analyze grammar]

sa kṛṣṇaṃ tatra sahasā vyāhartumupacakrame |
tasya saṃstambhayāmāsa vākyaṃ kṛṣṇaḥ svatejasā || 28 ||
[Analyze grammar]

sa ca bhāgavatairmantrairarcayitvā gadādharam || 28 ||
[Analyze grammar]

stutvā ca devamīśānaṃ varadaṃ bhaktavatsalam || 28 ||
[Analyze grammar]

ātmānaṃ kṛtakṛtyānāmagresaramamaṃsta saḥ || 28 ||
[Analyze grammar]

so'nubhūya bhujaṃgānāṃ taṃ bhāgavatamavyayam |
udatiṣṭhatpunastoyādvismito'mitadakṣiṇaḥ || 29 ||
[Analyze grammar]

sa tau rathasthāvāsinau tatraiva balakeśavau |
udīkṣamāṇāvanyonyaṃ dadarśādbhutarūpiṇau || 30 ||
[Analyze grammar]

athāmajjatpunastatra tadākrūraḥ kutūhalāt |
ijyate yatra devaḥ sa nīlavāsāḥ sanātanaḥ || 31 ||
[Analyze grammar]

tathaivāsīnamutsaṅge sahasrāsyadharasya vai |
dadarśa kṛṣṇamakrūraḥ pūjyamānaṃ yathāvidhi || 32 ||
[Analyze grammar]

bhūyaśca sahasotthāya taṃ mantraṃ manasā vahan |
rathaṃ tenaiva mārgeṇa jagāmāmitadakṣiṇaḥ || 33 ||
[Analyze grammar]

tamāha keśavo hṛṣṭaḥ sthitamakrūramāgatam |
kīdṛśaṃ nāgalokasya vṛttaṃ bhāgavate hrade || 34 ||
[Analyze grammar]

ciraṃ tu bhavatā kālaṃ vyākṣepeṇa vilambitam |
manye dṛṣṭaṃ tvayāścaryaṃ hṛdayaṃ te yathācalam || 35 ||
[Analyze grammar]

pratyuvāca sa taṃ kṛṣṇamāścaryaṃ bhavatā vinā |
kiṃ bhaviṣyati lokeṣu careṣu sthāvareṣu ca || 36 ||
[Analyze grammar]

tatrāścaryaṃ mayā dṛṣṭaṃ yatkṛṣṇa bhuvi durlabham |
tadihāpi yathā tatra paśyāmi ca ramāni ca || 37 ||
[Analyze grammar]

saṃgataścāsmi lokānāmāścaryeṇeha rūpiṇā |
ataḥ parataraṃ kṛṣṇa nāścaryaṃ draṣṭumutsahe || 38 ||
[Analyze grammar]

ko vāyaṃ triṣu lokeṣu vismayaṃ bhavatā vinā || 38 ||
[Analyze grammar]

namaḥ sarvātmane tubhyaṃ vismayāya jagatpate || 38 ||
[Analyze grammar]

namo'stu devadeveśa tubhyaṃ sarvātmane namaḥ || 38 ||
[Analyze grammar]

namo'stu viṣṇave tubhyamameyāya jagatpate || 38 ||
[Analyze grammar]

kiṃ vānena jagannātha kṛtakṛtyo'smi sāṃpratam || 38 ||
[Analyze grammar]

kṛtyaśeṣaṃ sadā viṣṇo kimutsṛjasi sāṃpratam || 38 ||
[Analyze grammar]

tadāgaccha gamiṣyāmaḥ kaṃsarājapurīṃ prabho |
yāvannāstaṃ vrajatyeṣa divasānte divākaraḥ || 39 ||
[Analyze grammar]