Harivamsa [text] [sanskrit]

76,857 words

The Sanskrit edition of the Harivamsa, an important addition to the larger epic Mahabharata, existing in several editions. The text deals with the ancient Indian Solar and Lunar dynasties leading and recounts the history of Krishna.

vaiśaṃpāyana uvāca |
sa nandagopasya gṛhaṃ praviṣṭaḥ sahakeśavaḥ |
gopavṛddhān samānīya provācāmitadakṣiṇaḥ || 1 ||
[Analyze grammar]

kṛṣṇaṃ caivābravītprīto rauhiṇeyena saṃgatam |
śvaḥ purīṃ mathurāṃ tāta gamiṣyāmaḥ śivāya vai || 2 ||
[Analyze grammar]

yāsyanti ca vrajāḥ sarve sagokulaparigrahāḥ |
kaṃsājñayā samucitaṃ karamādāya vārṣikam || 3 ||
[Analyze grammar]

vayaṃ caiva pragantāro rathamāsthāya saṃgatāḥ || 3 ||
[Analyze grammar]

samṛddhastasya kaṃsasya bhaviṣyati dhanurmahaḥ |
taṃ drakṣyatha samṛddhaṃ ca svajanaṃ ca sameṣyatha || 4 ||
[Analyze grammar]

pitaraṃ vasudevaṃ ca satataṃ duḥkhabhājanam |
dīnaṃ putravadhaśrāntaṃ yuvāmatha sameṣyathaḥ || 5 ||
[Analyze grammar]

satataṃ pīḍyamānaṃ ca kaṃsenāśubhabuddhinā |
daśānte śoṣitaṃ vṛddhaṃ duḥkhaiḥ śithilatāṃ gatam || 6 ||
[Analyze grammar]

kaṃsasya ca bhayāttrastaṃ bhavadbhyāṃ ca vinākṛtam |
dahyamānaṃ divā rātrau sotkaṇṭhenāntarātmanā || 7 ||
[Analyze grammar]

tāṃ ca drakṣyāmi govinda putrairamṛditastanīm |
devakīṃ devasaṃkāśāṃ sidantīṃ vihataprabhām || 8 ||
[Analyze grammar]

putraśokena śuṣyantīṃ tvaddarśanaparāyaṇām |
viyogaśokasaṃtaptāṃ vivatsāmiva saurabhīm || 9 ||
[Analyze grammar]

upaplutekṣaṇāṃ nityaṃ nityaṃ malinavāsasam |
svarbhānuvadanagrastāṃ śaśāṅkasya prabhāmiva || 10 ||
[Analyze grammar]

tvaddarśanaparāṃ nityaṃ tavāgamanakāṅkṣiṇīm |
tvatpravṛttena śokena sīdantīṃ vai tapasvinīm || 11 ||
[Analyze grammar]

tvatpralāpeṣvakuśalāṃ tvayā bālye viyojitām |
arūpajñāṃ tava vibho vaktrasyāsyenduvarcasaḥ || 12 ||
[Analyze grammar]

yadi tvāṃ janayitvā sā kliśyate kṛṣṇa devakī |
apatyārtho nu kastasyā varaṃ hyevānapatyatā || 13 ||
[Analyze grammar]

ekaḥ śoko hi nārīṇāmaputrāṇāṃ vidhīyate |
saputrā tvaphale putre dhikprajātena tapyate || 14 ||
[Analyze grammar]

tvaṃ tu śakrasamaḥ putro yasyāstvatsadṛśo guṇaiḥ |
pareṣāmapyabhayado na sā śocitumarhati || 15 ||
[Analyze grammar]

vṛddhau tavāmbāpitarau parabhṛtyatvamāgatau |
tvatkṛte bhartsyamānau tau kaṃsenādīrghadarśinā || 16 ||
[Analyze grammar]

yadi te devakī mānyā pṛthivīvātmadhāriṇī |
tāṃ śokasalile magnāmuttārayitumarhasi || 17 ||
[Analyze grammar]

taṃ ca vṛddhaṃ priyasutaṃ vasudevaṃ mahābalam |
putrayogena saṃyojya kṛṣṇa dharmamavāpsyasi || 18 ||
[Analyze grammar]

yathā nāgaḥ sudurvṛtto damino yamunāhrade |
vipulaśca dhṛtaḥ śailo yathā vai bhūdharastvayā || 19 ||
[Analyze grammar]

darpodvṛttaśca balavānariṣṭo vinipātitaḥ |
paraprāṇaharaḥ keśī duṣṭātmā ca hatastvayā || 20 ||
[Analyze grammar]

etenaiva prayatnena vṛddhāv uddhṛtya duḥkhitau |
yathā dharmamavāpnoṣi tatkṛṣṇa paricintyatām || 21 ||
[Analyze grammar]

nirbhartsyamāno yairdṛṣṭaḥ pitā te kṛṣṇa saṃsadi |
te sarve cakruraśrūṇi netrairduḥkhānvitā bhṛśam || 22 ||
[Analyze grammar]

andhena kiṃciduktvaiva kaṃso nirbhartsitaḥ kila || 22 ||
[Analyze grammar]

garbhāvakartanādīni duḥkhāni subahūni sā |
mātā te devakī kṛṣṇa kaṃsasya sahate'vaśā || 23 ||
[Analyze grammar]

mātāpitṛbhyāṃ sarveṇa jātena nibhṛtena vai |
ṛṇaṃ vai pratikartavyaṃ yathāyogamudāhṛtam || 24 ||
[Analyze grammar]

evaṃ te kurvataḥ kṛṣṇa mātāpitroranugraham |
parityajetāṃ tau śokaṃ syācca dharmastavātulaḥ || 25 ||
[Analyze grammar]

dharmaste vipulo'nanto bhaviṣyati na saṃśayaḥ || 25 ||
[Analyze grammar]

kṛṣṇastu viditārtho vai tamāhāmitadakṣiṇam |
bāḍhamityeva tejasvī na ca cukrodha keśavaḥ || 26 ||
[Analyze grammar]

te ca gopāḥ samāgamya nandagopapurogamāḥ |
akrūravacanaṃ śrutvā saṃceluḥ kaṃsaśāsanāt || 27 ||
[Analyze grammar]

gamanāya ca te sajjā babhūvurvrajavāsinaḥ |
sajjaṃ copāyanaṃ kṛtvā gopavṛddhāḥ pratasthire || 28 ||
[Analyze grammar]

karaṃ cānaḍuhaḥ sarpirmahiṣāṃścopanāyikān |
yathāsāraṃ yathāyūthamupanīya payo ghṛtam || 29 ||
[Analyze grammar]

taṃ sajjayitvā kaṃsasya karaṃ copāyanāni ca |
te sarve gopapatayo gamanāyopatasthire || 30 ||
[Analyze grammar]

akrūrasya kathābhistu saha kṛṣṇena jāgrataḥ |
rauhiṇeyatṛtīyasya sā niśā vyatyavartata || 31 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Harivamsa Chapter 69

Cover of edition (2013)

Harivamsa Purana in 3 Volumes
by Shanti Lal Nagar (2013)

Text with English Notes and Index; [Eastern Book Linkers]

Buy now!
Cover of edition (2012)

Harivamsa Purana
by Ras Bihari Lal and Sons (2012)

Set of 10 Volumes; Transliterated Text with English Translation; [5425 pages]

Buy now!
Cover of edition (2021)

Shri Harivamsa Purana in Marathi
by Jitendra Nath Thakur (2021)

श्रीहरिवंशपुराण [Dharmik Prakashan Sanstha, Mumbai]

Buy now!
Cover of edition (2012)

Shri Harivamsha Purana (Telugu)
by Gollapudi Veeraswamy Son (2012)

శ్రీ వారివంశవ్రరాణం [Gollapudi Veeraswamy Son]

Buy now!
Cover of Gujarati edition

Harivamsa Purana in Gujarati
by Gita Press, Gorakhpur (2017)

હરિવંશપુરાણ

Buy now!
Cover of edition (2021)

Harivansha Mahapurana (Kannada)
by Saraswati Prakashan, Belgaum (2021)

1568 pages

Buy now!
Cover of edition (2013)

Shri Harivamsa Purana (Narayani Language)
by Ramtej Pandey (2013)

With Commentary (Set Of 3 Volumes); Sanskrit Text with Hindi Translation; [Chaukhamba Sanskrit Pratishthan]

Buy now!
Like what you read? Consider supporting this website: