Chapter 21 - garbhalakṣaṇādhyāyaḥ [garbhalakṣaṇa-adhyāya]

[English text for this chapter is available]

annaṃ jagataḥ prāṇāḥ prāvṛṭkālasya cānnamāyattam |
yasmādataḥ parīkṣyaḥ prāvṛṭkālaḥ prayatnena || 1 ||
[Analyze grammar]

tallakṣaṇāni munibhiryāni nibaddhāni tāni dṛṣṭvedam |
kriyate gargaparāśarakāśyapavajrādi racitāni || 2 ||
[vātsyādi]
[Analyze grammar]

daivavidavihitacitto dyuniśaṃ yo garbhalakṣaṇe bhavati |
tasya muneriva vāṇī na bhavati mithyāmbunirdeśe || 3 ||
[avahitacitto]
[Analyze grammar]

kiṃ vātaḥ paramanyacchāstrajyāyo asti yadviditvaiva |
pradhvaṃsinyapi kāle trikāladarśī kalau bhavati || 04 ||
[śāstraṃ jyāyo]
[Analyze grammar]

ke cidvadanti kārtika śuklāntamatītya garbhadivasāḥ syuḥ |
na ca tanmataṃ bahūnāṃ gargādīnāṃ mataṃ vakṣye || 5 ||
[kārttika | tu]
[Analyze grammar]

mārgaśiraḥsita pakṣapratipatprabhṛti kṣapākare'ṣāḍhām |
pūrvāṃ vā samupagate garbhāṇāṃ lakṣaṇaṃ jñeyam || 6 ||
[mārgaśiraśukla]
[Analyze grammar]

yannakṣatramupagate garbhaścandre bhavetsa candravaśāt |
pañcanavate dinaśate tatraiva prasavamāyāti || 7 ||
[Analyze grammar]

sitapakṣabhavāḥ kṛṣṇe śukle kṛṣṇā dyusambhavā rātrau |
naktaṃprabhavāścāhani sandhyājātāśca sandhyāyām || 8 ||
[Analyze grammar]

mṛgaśīrṣādyā garbhā mandaphalāḥ pauṣaśuklajātāśca |
pauṣasya kṛṣṇapakṣeṇa nirdiśecchrāvaṇasya sitam || 9 ||
[Analyze grammar]

māghasitotthā garbhāḥ śrāvaṇakṛṣṇe prasūtimāyānti |
māghasya kṛṣṇapakṣeṇa nirdiśedbhādrapadaśuklam || 10 ||
[Analyze grammar]

phālgunaśuklasamutthā bhādrapadasyāsite vinirdeśyāḥ |
tasyaiva kṛṣṇapakṣodbhavāstu ye te'śvayugśukle || 11 ||
[Analyze grammar]

caitrasitapakṣajātāḥ kṛṣṇe'śvayujasya vāridā garbhāḥ |
caitrāsitasambhūtāḥ kārtikaśukle abhivarṣanti || 12 ||
[kārttikaśukle]
[Analyze grammar]

pūrvodbhūtāḥ paścādaparotthāḥ prāgbhavanti jīmūtāḥ |
śeṣāsvapi dikṣvevaṃ viparyayo bhavati vāyośca || 13 ||
[Analyze grammar]

hlādimṛdūdagśivaśakradigbhavo māruto viyadvimalam |
snigdhasitabahulapariveṣaparivṛtau himamayakhārkau || 14 ||
[mayūkhārkau]
[Analyze grammar]

pṛthubahulasnigdhaghanaṃ ghanasūcīkṣurakalohitābhrayutam |
kākāṇḍamecakābhaṃ viyadviśuddhendunakṣatram || 15 ||
[Analyze grammar]

suracāpamandragarjitavidyutpratisūryakā śubhā sandhyā |
śaśiśivaśakrāśāsthāḥ śāntaravāḥ pakṣimṛgasaṅghāḥ || 16 ||
[pratisūryakāḥ]
[Analyze grammar]

vipulāḥ pradakṣiṇacarāḥ snigdhamayūkhā grahā nirupasargāḥ |
taravaśca nirupasṛṣṭāṅkurā naracatuṣpadā hṛṣṭāḥ || 17 ||
[Analyze grammar]

garbhāṇāṃ puṣṭikarāḥ sarveṣāmeva yo'tra tu viśeṣaḥ |
svartusvabhāvajanito garbhavivṛddhyai tamabhidhāsye || 18 ||
[vivṛddhau]
[Analyze grammar]

pauṣe samārgaśīrṣe sandhyārāgo'mbudāḥ sapariveṣāḥ |
nātyarthaṃ mṛgaśīrṣe śītaṃ pauṣe'tihimapātaḥ || 19 ||
[Analyze grammar]

māghe prabalo vāyustuṣārakaluṣadyutī raviśaśāṅkau |
atiśītaṃ saghanasya ca bhānorastodayau dhanyau || 20 ||
[Analyze grammar]

phālgunamāse rūkṣaścaṇḍaḥ pavano'bhrasamplavāḥ snigdhāḥ |
pariveṣāścāsakalāḥ kapilastāmro raviśca śubhaḥ || 21 ||
[Analyze grammar]

pavanaghanavṛṣṭiyuktāścaitre garbhāḥ śubhāḥ sapariveṣāḥ |
ghanapavanasalilavidyutstanitaiśca hitāya vaiśākhe || 22 ||
[Analyze grammar]

muktārajatanikāśāstamālanīlotpalāñjanābhāsaḥ |
jalacarasattvākārā grabheṣu ghanāḥ prabhūtajalāḥ || 23 ||
[Analyze grammar]

tīvradivākarakiraṇābhitāpitā mandamārutā jaladāḥ |
ruṣitā iva dhārābhirvisṛjantyambhaḥ prasavakāle || 24 ||
[Analyze grammar]

garbhopaghātaliṅgānyulkāśanipāṃśupātadigdāhaḥ |
kṣitikampakhapurakīlakaketugrahayuddhanirghātāḥ || 25 ||
[Analyze grammar]

rudhirādivṛṣṭivaikṛtaparighendradhanūṃṣi darśanaṃ rāhoḥ |
ityutpātairetaistrividhaiścānyairhato garbhaḥ || 26 ||
[Analyze grammar]

svartusvabhāvajanitaiḥ sāmānyairyaiśca lakṣaṇairvṛddhiḥ |
garbhāṇām viparītaistaireva viparyayo bhavati || 27 ||
[Analyze grammar]

bhadrapadādvayaviśvāmbu deva paitāmaheṣvatha ṛkṣeṣu |
sarveṣv ṛtuṣu vivṛddho garbho bahutoyado bhavati || 28 ||
[daiva]
[Analyze grammar]

śatabhiṣagāśleṣārdrāsvātimaghāsaṃyutaḥ śubho garbhaḥ |
puṣṇāti bahūndivasān hantyutpātairhatastrividhaiḥ || 29 ||
[Analyze grammar]

mṛgamāsādiṣvaṣṭau ṣaṭ ṣoḍaśa viṃśatiścaturyuktā |
viṃśatiratha divasatrayamekatamarkṣeṇa pañcabhyaḥ || 30 ||
[Analyze grammar]

pañcanimittaiḥ śatayojanaṃ tadardhārdhamekahānyātaḥ |
varṣati pañcanimittād rūpeṇaikena yo garbhaḥ || 31 ||
[pañcasamantād]
[Analyze grammar]

droṇaḥ pañcanimitte garbhe trīṇyāḍhakāni pavanena |
ṣaḍvidyutā navābhraiḥ stanitena dvādaśa prasave || 32 ||
[Analyze grammar]

krūragrahasaṃyukte karakāśanimatsyavarṣadā garbhāḥ |
śaśini ravau vā śubhasaṃyutekṣite bhūrivṛṣṭikarāḥ || 33 ||
[Analyze grammar]

grabhasamaye'tivṛṣṭirgarbhābhāvāya nirnimittakṛtā |
droṇāṣṭāṃśe'bhyadhike vṛṣṭe garbhaḥ sruto bhavati || 34 ||
[Analyze grammar]

garbhaḥ puṣṭaḥ prasave grahopaghātādibhiryadi na vṛṣṭaḥ |
ātmīyagarbhasamaye karakāmiśraṃ dadātyambhaḥ || 35 ||
[Analyze grammar]

kāṭhinyaṃ yāti yathā cirakāladhṛtaṃ payaḥ payasvinyāḥ |
kālātītaṃ tadvatsalilaṃ kāṭhinyamupayāti || 36 ||
[Analyze grammar]

pavanasalilavidyudgarjitābhrānvito yaḥ sa bhavati bahutoyaḥ pañcarūpābhyupetaḥ |
visṛjati yadi toyaṃ garbhakāle'tibhūri prasavasamayamitvā śīkarāmbhaḥ karoti || 37 ||
[Analyze grammar]