Chapter 132

yudhiṣṭhira uvāca |
kimarthaṃ phālgunasyāṃte paurṇamāsyāṃ janārdana |
utsavo jāyate loke grāmegrāme pure pure || 1 ||
[Analyze grammar]

kimarthaṃ śiśavastasyāṃ gehegehe'tivādinaḥ |
holikā dīpyate kasmātphālgunāṃte kimucyate || 2 ||
[Analyze grammar]

aḍāḍeti ca kā saṃjñā śītoṣṇeti kimucyate |
ko hyasyāṃ pūjyate devaḥ keneyamavatāritā |
kimasyāṃ kriyate kṛṣṇa etadvistarato vada || 3 ||
[Analyze grammar]

śrīkṛṣṇa uvāca |
āsītkṛtayuge pārtha raghurnāma narādhipaḥ |
śūraḥ sarvaguṇopataḥ priyavādī bahuśrutaḥ || 4 ||
[Analyze grammar]

sa sarvāṃ pṛthivīṃ jitvā vaśīkṛtya narādhipān |
dharmataḥ pālayāmāsa prajāḥ putrānivaurasān || 5 ||
[Analyze grammar]

na durbhikṣaṃ na ca vyādhirnākālamaraṇaṃ tathā |
nādharmarucayaḥ paurāstasmiñchāsati pārthiva || 6 ||
[Analyze grammar]

tasyaivaṃ śāsato rājyaṃ kṣātradharmaratasya vai |
paurāḥ sarve samāgamya pāhipāhītyathābruvan || 7 ||
[Analyze grammar]

paurā ūcuḥ |
asmākaṃ hi gṛhe kāciḍhḍhauṃḍhā nāmeti rākṣasī |
divā rātrau samāgamya bālānpīḍayate balāt || 8 ||
[Analyze grammar]

rakṣayā kaṃḍakenāpi bheṣajairvā narādhipa |
maṃtrajñaiḥ paramācāryaiḥ sā niyaṃtuṃ na śakyate || 9 ||
[Analyze grammar]

paurāṇāṃ vacanaṃ śrutvā raghurvismayamāgataḥ |
vismayāviṣṭahṛdayaḥ purohitamathābravīt || 10 ||
[Analyze grammar]

raghuruvāca |
ḍhauṃḍheti rākṣasī keyaṃ kiṃprabhāvā dvijottama |
kathameṣā niyaṃtavyā mayā duṣkṛtakāriṇī || 11 ||
[Analyze grammar]

rakṣaṇātprocyate rājā pṛthivīpālanātpatiḥ |
arakṣamāṇaḥ pṛthivīṃ rājā bhavati kilbiṣī || 12 ||
[Analyze grammar]

vaśiṣṭha uvāca |
śṛṇu rājanparaṃ guhyaṃ yannākhyātaṃ mayā kvacit |
ḍhauṃḍhā nāmeti vikhyātā rākṣasī mālinaḥ sutā || 13 ||
[Analyze grammar]

tayā cārādhitaḥ śaṃbhurugreṇa tapasā purā |
prītastāmāha bhagavānvaraṃ varaya suvrate || 14 ||
[Analyze grammar]

yatte manobhilaṣitaṃ taddadāmyavicāritam |
ḍhauṃḍhā prāha mahādevaṃ yadi tuṣṭaḥ svayaṃ mama || 15 ||
[Analyze grammar]

na ca vadhyāṃ surādīnāṃ manujānāṃ ca śaṃkara |
māṃ kuru tvaṃ trilokeśa śastrāstrāṇāṃ tathaiva ca || 16 ||
[Analyze grammar]

śītoṣṇavarṣāsamaye divā rātrau bahirgṛhe |
abhayaṃ sarvadā me syāttvatprasādānmaheśvara || 17 ||
[Analyze grammar]

śaṃkara uvāca |
evamastvityathoktvā tāṃ punaḥ provāca śūlabhṛt |
unmattebhyaḥ śiśubhyaśca bhayaṃ te saṃbhaviṣyati |
ṛtāvṛtau mahābhāge mā vyathāṃ hṛdaye kṛthāḥ || 18 ||
[Analyze grammar]

evaṃ datvā varaṃ tasyai bhagavānbhaganetrahā |
svapne labdho yathārthārthastatraivāṃtarhito'bhavat || 19 ||
[Analyze grammar]

evaṃ labdhavarā sā tu rākṣasī kāmarūpiṇī |
nityaṃ pīḍayate bālānsaṃsmṛtya harabhāṣitam || 20 ||
[Analyze grammar]

aḍāḍayeti gṛhṇāti siddhamaṃtraṃ kuṭuṃbinī |
gṛheṣu tena sā loke hyaḍāḍetyabhidhīyate || 21 ||
[Analyze grammar]

etatte sarvamākhyātaṃ ḍhauṃḍhāyāścaritaṃ mayā |
sāṃprataṃ kathayiṣyāmi yenopāyena hanyate || 22 ||
[Analyze grammar]

adya pañcadaśī śuklā phālgunasya narādhipa |
śītakālo viniṣkrāṃtaḥ prātargrīṣmo bhaviṣyati || 23 ||
[Analyze grammar]

abhayapradānaṃ lokānāṃ dīyatāṃ puruṣottama |
yathādyāśaṃkitā lokā ramaṃti ca hasaṃti ca || 24 ||
[Analyze grammar]

dārujāni ca khaṃḍāni gṛhītvā samarotsukāḥ |
yodhā iva viniryāṃtu śiśavaḥ saṃpraharṣitāḥ || 25 ||
[Analyze grammar]

saṃcayaṃ śuṣkakāṣṭhānāmupalānāṃ ca kārayet |
tatrāgniṃ vidhivaddhutvā rakṣoghnairmantravistaraiḥ || 26 ||
[Analyze grammar]

tataḥ kilakilāśabdaistālaśabdairmanoharaiḥ |
tamagniṃ triḥ parikramya gāyaṃtu ca hasaṃtu ca |
jalpaṃtu svecchayā lokā niḥśaṃkā yasya yanmatam || 27 ||
[Analyze grammar]

tena śabdena sā pāpā homena ca nirā kṛtā |
adṛṣṭaghātairḍiṃbhānāṃ rākṣasī kṣayameṣyati || 28 ||
[Analyze grammar]

śrīkṛṣṇa uvāca |
tasyarṣervacanaṃ śrutvā sa nṛpaḥ pāṃḍunadana |
sarvaṃ cakāra vidhivaduktaṃ tena ca dhīmatā || 29 ||
[Analyze grammar]

gatā sā rākṣasī nāśaṃ tena cogreṇa karmaṇā |
tataḥ prabhṛti loke'sminnaḍāḍā khyātimāgatā || 30 ||
[Analyze grammar]

sarvaduṣṭāpaho homaḥ sarvarogopaśāṃtidaḥ |
kriyate'syāṃ dvijaiḥ pārtha tena sā holikā matā || 31 ||
[Analyze grammar]

sarvasārātiviśveyaṃ pūrvamāsīdyudhiṣṭhira |
sāratvātphalgurityeṣā paramānaṃdadāyinī || 32 ||
[Analyze grammar]

asyāṃ niśāgame pārtha saṃrakṣyāḥ śiśavo gṛhe |
gomayenopasaṃlipte sacatuṣke gṛhāṃgaṇe || 33 ||
[Analyze grammar]

ākārayecchiśuprāyānkhaḍgavyagra karānnarān |
te kāṣṭhakhaṇḍaiḥ saṃspṛśya gītairhāsyakaraiḥ śiśūn |
rakṣaṃti teṣāṃ dātavyaṃ guḍaṃ pakvānnameva ca || 34 ||
[Analyze grammar]

evaṃ ḍhauṃḍhitamātrasya sa doṣaḥ praśamaṃ vrajet |
bālānāṃ rakṣaṇaṃ kāryaṃ tasyāttasminniśāgame || 35 ||
[Analyze grammar]

yudhiṣṭhira uvāca |
prabhāte kiñjanairdeva kartavyaṃ sukhamīpsubhiḥ |
pravṛtte mādhave māsi pratipadbhāskarodaye || 36 ||
[Analyze grammar]

śrīkṛṣṇa uvāca |
kṛtvā cāvaśyakāryāṇi saṃtarpya pitṛdevatāḥ |
vaṃdayeddholikābhūtiṃ sarvaduṣṭopaśāṃtaye || 37 ||
[Analyze grammar]

maṃḍite carcite caiva upalipte gṛhājire |
catuṣkaṃ kārayecchreṣṭhaṃ varṇakaiścākṣataiḥ śubhaiḥ || 38 ||
[Analyze grammar]

tanmadhye sthāpayetpīṭhaṃ śuklavastrottara cchadam |
agrataḥ pūrṇakalaśaṃ sthāpayetpallavairyutam || 39 ||
[Analyze grammar]

sākṣataṃ sahiraṇyaṃ ca sitacandanacarcitam |
kalaśasyāgrato deyā upānahavarāṃśukāḥ || 40 ||
[Analyze grammar]

āsane copaviṣṭasya brahmaghoṣeṇa bhārata |
carcayeccandanaṃ nārī avyaṃgāṃgā sulakṣaṇā || 41 ||
[Analyze grammar]

padmarāgottarapaṭā śreṣṭhāṃśukavibhūṣitā |
vasudhārāṃ śirogre ca dadhidūrvākṣatānvitām || 42 ||
[Analyze grammar]

carcāpayitvā śrīkhaṃḍamāyurārogyavṛddhaye |
paścācca prāśayedvidvāṃścūtapuṣpaṃ sacaṃdanam || 43 ||
[Analyze grammar]

manobhavasya sā pūjā ṛṣibhiḥ saṃpradarśitā |
ye pibaṃti vasaṃtādau cūtapuṣpaṃ sacandanam || 44 ||
[Analyze grammar]

satyaṃ hṛdisthakāmasya tatpūrtirjāyateñjasā |
anaṃtaraṃ dvijendrāṇāṃ sūtamāgadhabaṃdinām || 45 ||
[Analyze grammar]

dadyāddānaṃ yathāśaktyā kāmo me prīyatāmiti |
tato bhojanavelāyāṃ śṛtaṃ yatprāktane'hani || 46 ||
[Analyze grammar]

prāśnīyātprathamaṃ cānnaṃ tato bhuñjīta kāmataḥ |
ya evaṃ kurute pārtha śāstroktaṃ phālgunotsavam || 47 ||
[Analyze grammar]

anāyāsena sidhyaṃti tasya sarve manorathāḥ |
ādhayo vyādhayaścaiva yāṃti nāśaṃ na saṃśayaḥ || 48 ||
[Analyze grammar]

putrapautrasamāyuktaḥ sukhaṃ tiṣṭhati mānavaḥ || 49 ||
[Analyze grammar]

puṇyā pavitrā jayadā sarvavighravināśinī |
eṣā te kathitā pārtha tithīnāmuttamā tithiḥ || 50 ||
[Analyze grammar]

vṛtte tuṣārasamaye sitapañcadaśyāṃ prātarvasantasamaye samupasthite ca |
saṃprāśya cūtakusumaṃ saha candanena satyaṃ hi pārtha puruṣaḥ sa sukhī samāste || 51 ||
[Analyze grammar]