Chapter 14

sūta uvāca |
bhṛguvarya mahābhāga vaitālo nṛpamabravīt |
rājanpuṣpāvatī ramyā nagarī tatra bhūpatiḥ |
suvicāra iti khyātaḥ prajāpālanatatparaḥ || 1 ||
[Analyze grammar]

candraprabhā tasya patnī rūpayauvana śālinī |
tasyāṃ jātā sutā devī nāmnā candrāvalī matā || 2 ||
[Analyze grammar]

kadācitsvālibhiḥ sārddhaṃ vipinaṃ kusumākaram |
āyayau tatra vai vipraṃ sudevaṃ sā dadarśa ha || 3 ||
[Analyze grammar]

mohitā cābhavaddevī vipropi patitaḥ kṣitau |
kāmabāṇavyathāṃ prāpya gataprāṇa ivābhavat || 4 ||
[Analyze grammar]

tasyāṃ gatāyāṃ sadane dvau viprau tatra cāgatau |
mūladevaḥ śaśī nāmnā tatra vidyāviśāradau || 5 ||
[Analyze grammar]

tathāgataṃ dvijaṃ dṛṣṭvā rūpayauvanaśālinam |
papraccha kāraṇaṃ sarva yena mohatvamāgataḥ || 6 ||
[Analyze grammar]

sa śrutvā rodanaṃ kṛtvā sarvaṃ tasmai nyavedayat |
kṛpālurmūladevastu taṃ svagehamavāptavān || 7 ||
[Analyze grammar]

gṛhe japtvā mahāmaṃtraṃ cāmuṇḍābījasaṃyutam |
kṛtavānguṭike cobhe sudevāya samārpayat || 8 ||
[Analyze grammar]

ekayā suṃdarī kanyā dvādaśābdamayī śubhā |
dvitīyayā mahāvṛddho mūladevastadābhavat || 9 ||
[Analyze grammar]

dvau gatau rājasadane nṛpamāśīrbhirarcya tam |
hetuṃ nivedayāmāsa tacchuṇuṣva mahāmate || 10 ||
[Analyze grammar]

nagare tāṃtrike rājanmadgehaṃ sundaropamam |
vilāpadhvajanāmnā vai rājñā saṃluṭhitaṃ balāt || 11 ||
[Analyze grammar]

palāyitau sutaḥ patnī tāvanveṣṭuṃ samāyayau |
iyaṃ vadhūrmahārāja mama tatputrabhāvinī || 12 ||
[Analyze grammar]

yāvadahaṃ na gacchāmi svagehe rakṣa dharmataḥ |
iti śrutvā sa nṛpatiścāhūya svasutāṃ tadā |
tasyai samarpya tāṃ paścātsa dvijo gehamāyayau || 13 ||
[Analyze grammar]

sudevastu niśīthe vai ramaṇīṃ prāha nirbhayaḥ |
kutaste mana udvignaṃ satyaṃ kathaya me sakhi || 14 ||
[Analyze grammar]

sāha me hṛdaye nityaṃ sudevo brāhmaṇottamaḥ |
uṣitastadviyogena vyākulāhaṃ sadā sakhe || 15 ||
[Analyze grammar]

sudevaścāha bhoḥ subhūryadi te brāhmaṇottamam |
samarpayāmi tattvaṃ me kiṃ dadāsi vadasva bhoḥ |
sāha te sarvadā dāsī bhavāmi dvijabhāmini || 16 ||
[Analyze grammar]

iti śrutvā sudevastu mukhānniṣkṛṣya yaṃtrakam |
pūrvadehatvamāpannastayā sārddhaṃ samāramat || 17 ||
[Analyze grammar]

caturmāsyo bhavadgarbhastasminkāle tu bho nṛpa || 18 ||
[Analyze grammar]

amātyatanayo viprastrīrūpaṃ prati mohitaḥ |
tadā maraṇasampannaṃ jñātvā taṃ madanālasam || 19 ||
[Analyze grammar]

mantrī snehācca bahudhā sañcitya hṛdi paṃḍitaiḥ |
tasmai samarpayāmāsa tāṃ nārīṃ mantrasambhavām || 20 ||
[Analyze grammar]

sāha bhomātyatanaya trimāsaṃ tīrthamaṇḍale |
saṃsnāhi tarhi me yogyo bhaviṣyasi tathā kuru || 21 ||
[Analyze grammar]

tathā matvā maṃtrisuto namrātmā madanālasaḥ |
tīrthāṃtaraṃ gataḥ so'pi sudevastasya yoṣitam || 22 ||
[Analyze grammar]

bhūpakāṃtiṃ kāmavaśāṃ cāliliṃga sa kāmukaḥ |
sā tu garbhaṃ dadhārāśu dvimāsasya dvijena vai || 23 ||
[Analyze grammar]

sudevo mānuṣo bhūtvā mūladevagṛhaṃ yayau |
sarvaṃ nivedayāmāsa yathājātaṃ nṛpālaye || 24 ||
[Analyze grammar]

mūladevaḥ prasannātmā śaśinaṃ nāma mitrakam |
viṃśadvarṣataraṃ kṛtvā svayaṃ vṛddhasya rūpavān || 25 ||
[Analyze grammar]

rājñe nivedya tatsarvaṃ vadhūṃ me dehi bhūpate |
tadā tu sa nṛpo bhītyā taṃ prāha ślakṣṇayā girā || 26 ||
[Analyze grammar]

mantrī rājakaro nāma tatputro madanālasaḥ |
dṛṣṭvā tava vadhūṃ ramyāṃ mumoha maraṇonmukhaḥ || 27 ||
[Analyze grammar]

svaputrasya viyogena sa mantrī ca tathedṛśaḥ |
tathāhaṃ brāhmaṇānvṛddhānpṛṣṭvā tasmai ca tāmadām || 28 ||
[Analyze grammar]

yathā prasanno hi bhavānkuru tvaṃ ca tathāvidham |
mūladevastu nṛpatiṃ provāca viṣamudvaman || 29 ||
[Analyze grammar]

dehi bhūpa sutāṃ mahyaṃ tatputrasya suratāya vai |
tathaiva matvā sa nṛpaḥ sutāṃ candrāvalīṃ śubhām || 30 ||
[Analyze grammar]

dattvā ca vedavidhinā bahudhā dravyasaṃyutām |
svayaṃ cakāra rājyaṃ vai brahmadoṣavivarjitaḥ || 31 ||
[Analyze grammar]

śaśī tu bhūpateḥ kanyāṃ gṛhītvā svagṛhaṃ yayau |
sudevastu tadā duḥkhī mūladevamuvāca ha || 32 ||
[Analyze grammar]

madīyeyaṃ nṛpasutā bhogapatnī mahottamā |
tacchrutvā mūladevastu vismitaḥ sa tathākarot || 33 ||
[Analyze grammar]

ityuktvā nṛpatiṃ prāha vaitālo rudrakiṃkaraḥ |
kasmai prāptā nṛpasutā dharmatastadvadasva me || 34 ||
[Analyze grammar]

rājovāca |
pitāmātrājñayā putrī devānāṃ sanmukhe sthitā |
yasmai niveditā tasmai sā yogyā dharmataḥ sadā || 35 ||
[Analyze grammar]

śāstreṣu kathitaṃ deva strīratnaṃ sarvadaiva hi |
yathākṣetraṃ bhuvi khyātaṃ bījamantrena ropitam || 36 ||
[Analyze grammar]

tatkṣetraṃ kṛṣikārasya bījadāturna caiva ha |
tasmādvai rājatanayā śaśinaṃ varayiṣyati || 37 ||
[Analyze grammar]

sudevasya vai tanayo yogyatvaṃ hi gamiṣyati || 38 ||
[Analyze grammar]

iti te kathitaṃ deva yathāśāstreṣu bhāṣitam |
kiṃ kṛtaṃ mantriputreṇa tathaiva kathayasva me || 39 ||
[Analyze grammar]

iti śrutvā sa hovāca sa putro madanālasaḥ |
vṛndāvanaṃ śubhaṃ prāpya rādhākuṇḍe samāgataḥ || 40 ||
[Analyze grammar]

sa snātvā bahulā ṣṭamyāṃ tatpuṇyena nṛpottama |
bhasmasādabhavatpāpaṃ yena mohatvamāgataḥ || 41 ||
[Analyze grammar]

smṛtvā sa hṛdi goviṃdaṃ tuṣṭāva ślakṣṇayā girā || 42 ||
[Analyze grammar]

madanālasa uvāca |
namaste dayāsiṃdhave kṛṣṇadeva tvayedaṃ tataṃ viśvamambhodhirūpam |
tvayaikena līlārthato devadeva priyārādhayā sārddhametaddhi guptam || 43 ||
[Analyze grammar]

jagatyantakāle tvayā kālamūrtyā jagatsaṃhṛtaṃ vai namastenamaste |
madīyā ca buddhirhṛṣīkeśa śuddhā yathā syāttathaiveśa śīghraṃ kuru tvam || 44 ||
[Analyze grammar]

iti stotraprabhāvena devadevena mocitā |
kāmapāśāttasya buddhiḥ sa kṣatrī gṛhamāyayau || 45 ||
[Analyze grammar]

ramaṇīṃ svāṃ samāliṃgya nananda mudito nṛpa |
vipradoṣavināśāya hṛdi saṃcintya buddhimān |
sudevaṃ sa samāhūya svāṃ svasāraṃ dadau mudā || 46 ||
[Analyze grammar]

sudevastasya bhaginīṃ kṣatriyasya madāturām |
dharmeṇodvāhya svagehaṃ prāptavānkāmakiṃkaraḥ || 47 ||
[Analyze grammar]

iti te kathitaṃ bhūpa caritraṃ tasya dhīmataḥ |
mūladevasya viprasya tathānyatkathayāmyaham || 48 ||
[Analyze grammar]