Chapter 12

sūta uvāca |
tato bheryādighoṣeṇa yajamāna udaṅmukhaḥ |
kanakatoyena gandhena mudgalāgreṇa lepayet || 1 ||
[Analyze grammar]

aiśānyāṃ madhyabhāge vā yajedvā susamāhitaḥ |
vartulākārayedyasmānmana icchati saṃjapan || 2 ||
[Analyze grammar]

ṛṣiḥ kaṃṭhotha gāyatrī chanda ityabhidhīyate |
devatā pṛthivī caiva stutau ca viniyojayet || 3 ||
[Analyze grammar]

vivare pūjayetkarma brahmāṇaṃ ca dharādharam |
pṛthivīṃ gandhapuṣpādyairnaivedyairvividhairapi || 4 ||
[Analyze grammar]

agrato'ṣṭadalaṃ lekhyaṃ sthāpayetkalaśaṃ tataḥ |
mukhe vidhāya kanakaṃ rājatena vinirmitam || 5 ||
[Analyze grammar]

śuktiśaṃkhasamaṃ vāpi viśvāmitrasamudbhavam |
pūjayettīrthatoyena gandhapuṣpākṣatādinā || 6 ||
[Analyze grammar]

viṣṇukrāṃtā vacākuṣṭhacandanena viloḍitam |
kṣīraṃ ca mātuliṃgaṃ ca sāvitraṃ ca sadūrvayā || 7 ||
[Analyze grammar]

dadhyakṣataṃ madhuyutamevamarghyaṃ ca sādhayet |
sitacandanavastrādyaiḥ śālyaiśca vividhairapi || 8 ||
[Analyze grammar]

avraṇaṃ kalaśaṃ kṛtvā pañcavarṇasamanvitam |
āvāhayettoyanidhiṃ maṃtreṇānena bhaktitaḥ || 9 ||
[Analyze grammar]

āyāhi bhagavandeva toyamūrte jaleśvara |
hṛdvarṇārghyaṃ mayā dattaṃ paritoṣāya te namaḥ || 10 ||
[Analyze grammar]

gṛhebhyaścaiva somāya tvaṣṭre caiva ca śūline |
imaṃ me varuṇetyādi pratyekaṃ syādgatitrayam || 11 ||
[Analyze grammar]

tatorghyadānaṃ vidhivatkṣīreṇa haviṣā madhu |
yajamānaḥ sapatnīkaḥ kuṃbhaṃ kukṣau nidhāya ca || 12 ||
[Analyze grammar]

hiraṇyagarbheti maṃtrasya bharadvājaṛṣiḥ smṛtaḥ |
chandaśca jagatī khyātaṃ devatā ca jalādhipaḥ || 13 ||
[Analyze grammar]

varuṇasyottaṃbhaneti maṃtrasya jalakuṃbhaṃ nivedayet |
asya maṃtrasya ca ṛṣirnāradaḥ parikīrtitaḥ |
virāṭchandaśca īśāno devatā samudāhṛtā || 14 ||
[Analyze grammar]

mocayenmīnayugmaṃ ca meṣayugmaṃ tathaiva ca |
saṃbhave pakṣiyugmaṃ ca āḍīṃ vā cakravākakam || 15 ||
[Analyze grammar]

mocayennāgayugmaṃ ca āyuvṛddheśca hetave |
dikṣu jīvaṃtikāṃ dadyādrākṣasebhyo baliṃ haret || 16 ||
[Analyze grammar]

nirmitaṃ māṣabhaktena raktapuṣpairalaṃkṛtam |
kṣātrako lakṣmaṇaścaiva maṇibhadro gaṇeśvaraḥ |
sabiṃdukena haṃtena dikṣu madhye yathā kramāt || 17 ||
[Analyze grammar]

ye bhavā bhāvino bhūtā ye ca teṣu mayāsinaḥ |
āharaṃ tu baliṃ tuṣṭyā prayacchaṃtu śubhaṃ mama || 18 ||
[Analyze grammar]

ityuktvā ca baliṃ dadyānnamaskuryādanaṃtaram |
dadyātpayasvinīṃ gāṃ ca ācāryāya viśeṣataḥ || 19 ||
[Analyze grammar]

anyeṣāṃ hi hiraṇyaṃ ca gāṃ ca dadyāddvijanmane |
vyāhṛtidvitayaṃ caiva tato vāruṇapaṃcakam || 20 ||
[Analyze grammar]

prājāpatyaṃ sviṣṭakṛcca juhuyāttadanaṃtaram |
ghṛtaiḥ sviṣṭakṛtaṃ nāsti tathā rasavisārakaiḥ || 21 ||
[Analyze grammar]

padmotpalairmātuliṃgaiḥ panasairmātuluṃgakaiḥ |
madhūkairviśvapuṣpaiśca tathāmrātakakāśakaiḥ || 22 ||
[Analyze grammar]

abhiṣekaṃ tataḥ kuryātsuvāstviti ca vai japan |
dadyātpūrṇāṃ ca vidhivatsūryāyārghyaṃ nivedayet || 23 ||
[Analyze grammar]

pañcadoṣaṃ puraskṛtya brāhmaṇānumatena ca |
gṛhaṃ praviśya ca tato brāhmaṇānatha bhojayet || 24 ||
[Analyze grammar]

dīnāṃdhakṛpaṇe caiva dadyādvittānusārataḥ |
jñātibhiḥ saha bhuñjīta dadhikṣīrāmiṣaṃ vinā || 25 ||
[Analyze grammar]

na kṣīraṃ ca kaṣāyaṃ ca bharjitaṃ śākameva ca |
na kāṇḍaṃ ca na puṣpaṃ ca karīraṃ ca kadācana || 26 ||
[Analyze grammar]

śālyannaṃ mūlakaṃ caiva panasāmraphalāni ca |
mastaṃ madhughṛtaguḍaṃ mātuliṃgaṃ sasaiṃdhavam || 27 ||
[Analyze grammar]

badaraṃ dhātakiphalaṃ kunda puṣpaṃ tathā tilam |
etatpraśastaṃ jānīyānmarīcāni viśeṣataḥ || 28 ||
[Analyze grammar]

trirātramatha saptāhaṃ parityajya khale tataḥ |
pañcāṃgakaṃ tataḥ kuryātsthāpa yenneti yugmakam || 29 ||
[Analyze grammar]

prathamā cārkahastena dvitīyā daśahastikā |
vitaste tu bhavecchataṃ dviguṇaṃ tadanaṃtaram || 30 ||
[Analyze grammar]

śatārdhaṃ tataḥ paścātṣaṣṭihastamanaṃtaram || 31 ||
[Analyze grammar]

iti śrībhaviṣye mahāpurāṇe madhyamaparvaṇi dvitīyabhāge'rghyadānavidhau dvādaśo'dhyāyaḥ || 12 ||
[Analyze grammar]