Chapter 138

nārada uvāca |
hanta te kathayiṣyāmi dhvajāropaṇamuttamam |
yaduktaṃ brahmaṇā pūrvamṛṣabhādhipate puraḥ || 1 ||
[Analyze grammar]

purā devāsure yuddhe yāni devairjayepsubhiḥ |
kṛtānyupari cihnāni vāhanāni dhvajāni tu || 2 ||
[Analyze grammar]

lakṣmacihnadhvajaṃ keturiti paryāyanāmabhiḥ |
kīrtitaḥ sa ca tasyeha pramāṇaṃ gadataḥ śṛṇu || 3 ||
[Analyze grammar]

dhvajo vaṃśasya kartavyastvaviddha ṛjuravraṇaḥ |
prāsādavyāsa tulyasya dhvajavaṃśapramāṇataḥ || 4 ||
[Analyze grammar]

devāgārasya ye proktā mañjarīkalaśādayaḥ |
atha vā tatpramāṇastu dhvajadaṇḍaḥ prakīrtitaḥ || 5 ||
[Analyze grammar]

antargṛhasya yā vedī sūtrataḥ parikalpitā |
tasyā vyāso bhavedvaṃśaḥ prasādasya yadūttama || 6 ||
[Analyze grammar]

atha vā mūlasūtreṇa yo vyāso'ntargṛhasya tu |
prāsādavyāsa iti te proktaśceha na saṃśayaḥ || 7 ||
[Analyze grammar]

keturbhavedvaro vaṃśo na nimno na ṛjustathā |
patraṃ dhvaje yugaṃ caiva nalikāpuruṣastathā || 8 ||
[Analyze grammar]

caturhastā bhavantyete praśastāḥ kṛṣṇanandana |
aṣṭahastapramāṇastu viṃśārdhasya1 pramāṇataḥ || 9 ||
[Analyze grammar]

sāmānyo dhvajadaṇḍastu sarvasādhāraṇo mataḥ |
daṇḍapāṇidhvajo yastu smṛtaḥ ṣoḍaśahastavān || 10 ||
[Analyze grammar]

viṃśaddhastātparo daṇḍo na kāryaḥ sarvathā raveḥ |
yugmahastastu kartavyo dhvajadaṇḍo manīṣibhiḥ || 11 ||
[Analyze grammar]

caturaṅgulavistīrṇaḥ suvṛtto dvyaṅgulopari |
nātisūkṣmo na ca sthūlo na kāryo nataparvakaḥ || 12 ||
[Analyze grammar]

samaparvātu kartavyaḥ sudṛḍhaḥ sūkṣma eva hi |
vakraḥ putravināśāya savraṇo'rthavināśanaḥ || 13 ||
[Analyze grammar]

rogado yugmahastastu bhinno duḥkhamanantakam |
karoti hāni dharmasya hīno yastu pramāṇataḥ || 14 ||
[Analyze grammar]

vaiṣamyamasamaparvā dadyātkṛcchramadhonnataḥ |
jayo jayanto jaitreyaḥ4 śatruhantā jayāvahaḥ || 15 ||
[Analyze grammar]

nandopanandanau caivendropendrau gaditau tathā |
daśaite kīrtitā bhedā dhvajasyānandasammitāḥ || 16 ||
[Analyze grammar]

dvijahastastu jayo daṇḍo jayanto dviguṇo mataḥ |
dvādaśahastastu jaitreyaḥ śatruhantā kalānvitaḥ || 17 ||
[Analyze grammar]

jayāvahastu viṃśārdho nanda ādityasannibhaḥ |
caturdaśopanandastu indraḥ ṣoḍaśa ucyate || 18 ||
[Analyze grammar]

upendro'ṣṭādaśaḥ5 proktastathendro viṃśatiḥ smṛtaḥ |
bhinno vakro'sādhitaśca na kāryo daṇḍa eva hi || 19 ||
[Analyze grammar]

mūlamantreṇa kartavyo vyāsato'ntargṛhasya tu |
dhvajadaṇḍo mahābāho atha vā vāstumānataḥ || 20 ||
[Analyze grammar]

mañjarīmānato vāpi tadardhenāthavā vibho |
patākā vai śubhā kāryā dhvajavaṃśāvalambinī || 21 ||
[Analyze grammar]

devāgārasya śikharāttribhāgaparimārjanī |
sā proktā daśadhā vīra mānatomānatastathā || 22 ||
[Analyze grammar]

aṅkuraḥ pallavaścaiva skandhaḥ śākhā tathaiva ca |
patākā kadalī vīra keturlakṣma jayastathā || 23 ||
[Analyze grammar]

dhvajaśca daśamaḥ proktaḥ sarvadevamayovyayaḥ |
aṅkuro dvayaṃgulaḥ proktaḥ pallavaścaturaṅgulaḥ || 24 ||
[Analyze grammar]

skandhaḥ ṣaḍaṅgulaḥ proktaḥ śākhā cāṣṭāṅgulo matā |
ekādaśapatākā tu kadalī ca caturdaśa || 25 ||
[Analyze grammar]

ketustu ṣoḍaśaḥ prokto lakṣmāṣṭādaśamucyate |
jayā viṃśati vai proktā etāvattvaṅgulāni tu || 26 ||
[Analyze grammar]

devāgārasya kumbhasya prasannā sā pramārjanī |
aṅkureti patākā sā vijñeyā yadunandana || 27 ||
[Analyze grammar]

pallaveti dvitīyasya mārjanī parikīrtitā |
tribhāgamārjanīskandhaḥ śākhā vai pañcamasya tu || 28 ||
[Analyze grammar]

ṣaṣṭhasyoktā patākā tu kadalī saptamasya tu |
aṣṭamasya tathā keturlakṣma ca navamasya tu || 29 ||
[Analyze grammar]

tatastu daśamaḥ prokto jayanto yadunandana |
vṛṣasthānāvamārgī tu dhvajastu parikīrtitaḥ || 30 ||
[Analyze grammar]

gajo meṣo'tha mahiṣaḥ kabandhastu vṛṣastathā |
hariṇo'tha naraścaiva naraśca narasattama || 31 ||
[Analyze grammar]

sthānānyetāni bhūyo'tha1 prayuktasya dhvajasya tu |
diśabhāge tu pūrvāttu krameṇa parikalpayet || 32 ||
[Analyze grammar]

evaṃ daśavidhā proktā patākā tattvadarśibhiḥ |
kartavyā sā yathāpūrvaṃ tacchṛṇu tvaṃ narādhipa || 33 ||
[Analyze grammar]

śuklavastramayī citrā saghaṇṭā sumanoharā |
nānācāmarasampannā kiṅkiṇījālamaṇḍitā || 34 ||
[Analyze grammar]

dhvajāgre caiva kartavyo devatāliṅgasūcakaḥ |
kāñcano vātha raupyo vā maṇiratnamayo'pi vā || 35 ||
[Analyze grammar]

raṅgakairlikhyate vāpi tadvāhanasamākṛtiḥ |
dhvajadaṇḍo'tra vinyastaḥ kartavyo yadunandana || 36 ||
[Analyze grammar]

garutmātmāṃstu dhvajo viṣṇorīśvarasya dhvajo vṛṣaḥ |
brahmaṇaḥ paṅkajaṃ kāryaṃ raverdharmaḥ smṛto dhvajaḥ || 37 ||
[Analyze grammar]

haṃso1 jalādhipasyoktaḥ somasya tu naro dhvajaḥ |
baladevasya kālastu kāmasya makaradhvajaḥ || 38 ||
[Analyze grammar]

siṃho dhvajastu durgāyāḥ kīrtito yadunandana |
godhā cāpi umādevyā raivatasya hayaḥ smṛtaḥ || 39 ||
[Analyze grammar]

kacchapo varuṇasyokto vātasya hariṇo mataḥ |
pāvakasya tathā meṣa ākhurgaṇapatermataḥ || 40 ||
[Analyze grammar]

brahmarṣīṇāṃ kuśaḥ prokta ityeṣā dhvaja kalpanā |
yasya yadvāhanaṃ proktaṃ tattasya dhvaja ucyate || 41 ||
[Analyze grammar]

viṣṇordhvaje tu sauvarṇaṃ daṇḍaṃ kuryādvicakṣaṇaḥ |
patākā cāpi pītā syādgaruḍasya samīpagā || 42 ||
[Analyze grammar]

īśvarasya dhvaje daṇḍo rājato yadunandanaḥ |
patākā cāpi śuklā syādvṛṣabhasya samīpagā || 43 ||
[Analyze grammar]

pitāmahadhvaje daṇḍaḥ smṛtastāmramayo budhaiḥ |
padmavarṇā patākā syātpaṅkajasya samīpagā || 44 ||
[Analyze grammar]

ādityasya ca sauvarṇo dhvaje daṇḍaḥ prakīrtitaḥ |
pañcavarṇā patākā syāddharmasyādhogatā nṛpa || 45 ||
[Analyze grammar]

kiṅkiṇījālasampannā nānabudbudasannibhā |
puṣpamālopasampannā nānāvādibhirāvṛtā || 46 ||
[Analyze grammar]

daṇḍa indradhvajasyoktaḥ kāñcano yadunandana |
patākā bahuvarṇā syātkuñjarasya samīpagā || 47 ||
[Analyze grammar]

āyasaścāpi daṇḍokto yamacihnaṃ vicakṣaṇaiḥ |
patākā varṇataḥ kṛṣṇā mahiṣasya samīpagā || 48 ||
[Analyze grammar]

jalādhipadhvajo daṇḍo rājataḥ parikīrtitaḥ |
patākā sarvataḥ śvetā vicitrā sā ca kathyate || 49 ||
[Analyze grammar]

dhvaje cāpi kuberasya daṇḍo maṇimayaḥ smṛtaḥ |
patākā cāpi raktā syānnarapādasamīpagā || 50 ||
[Analyze grammar]

baladevadhvaje daṇḍo rājato yadunandana |
patākā varṇataḥ śuklā tālasyādhogatā smṛtā || 51 ||
[Analyze grammar]

kāmadhvaje trilohaḥ syāddaṇḍo yadukulodvaha |
patākā rohiṇī tatra makarasya samīpagā || 52 ||
[Analyze grammar]

māyūraṃ kārttikeyasya cihnaṃ lokeṣu gīyate |
trilohadaṇḍamārūḍhaṃ bahuratnavibhūṣitam || 53 ||
[Analyze grammar]

bahuvarṇakacitrā tu patākā kathitā budhaiḥ |
hastidantabhavaṃ daṇḍaṃ kuryādgaṇapaternṛpa || 54 ||
[Analyze grammar]

tāmradaṇḍaṃ samāruḍhaṃ saṃśuddhaṃ sampratiṣṭhitam |
śuklā patākā kartavyā supramāṇā mahīpate || 55 ||
[Analyze grammar]

mātṝṇāṃ cāpi kartavyo naikarūpo dhvajo budhaiḥ |
patākābhiranekābhibarhuratnābhiranvitaḥ || 56 ||
[Analyze grammar]

revatasyāpi kartavyo dhvajo vājī narādhipa |
raktā patākā tatrāpi kartavyā yadunandana || 57 ||
[Analyze grammar]

cāmuṇḍāmandire kāryaḥ śiromālākulo dhvajaḥ |
nīlā patākā kartavyā daṇḍo lohamayastathā || 58 ||
[Analyze grammar]

rītīmayaśca mātṝṇāṃ revatasya ca kārayet |
gauryā dhvajastāmramayaḥ patākā gopasannibhā || 59 ||
[Analyze grammar]

svarṇadaṇḍastu vīrasya dhvajo meṣasamanvitaḥ |
patākā bahuratnāḍhye1 kartavyā yadunandana || 60 ||
[Analyze grammar]

aśmasāramayo daṇḍo dhvajo vātasya ucyate |
patākā kṛṣṇavarṇā tu hariṇasya samīpagā || 61 ||
[Analyze grammar]

bhagavatyā dhvajo daṇḍaḥ sarvaratnamayaḥ smṛtaḥ |
patākā tu trivarṇā syātsiṃhasyādhogatā nṛpa || 62 ||
[Analyze grammar]

evaṃvidhamimaṃ kṛtvā dhvajaṃ lakṣaṇalakṣitam |
adhivāsya tato rājaṃstata āropayedbudhaḥ || 63 ||
[Analyze grammar]

tataḥ sarvauṣadhībhiśca snāpayitvā prayatnataḥ |
samālabhya ca badhnīyānmadhye pratisarānnṛpa || 64 ||
[Analyze grammar]

kalpayitvā śubhāṃ vediṃ kalaśairupaśobhitām |
tasyāṃ vedyāṃ samāropya tāṃ rātrimadhivāsayet || 65 ||
[Analyze grammar]

nānākusumacitrāṃ ca srajaṃ tasyānulambayet |
samabhyarcya prayatnena dhūpamasya nivedayet || 66 ||
[Analyze grammar]

balikarma tataḥ kṛtvā kṛśarāpūpakādibhiḥ |
palālapūpikābhiśca dadhipāyasasūpakaiḥ2 || 67 ||
[Analyze grammar]

uddiśya lokapālebhyo baliṃ dadyācca vāyasaiḥ |
brāhmaṇānsvasti vācyātha kṛtvā puṇyāhamaṅgalam || 68 ||
[Analyze grammar]

vāditrakṛtanirghoṣaṃ jalaṃ saṃskārasaṃyutam |
nānābudbudasapannaṃ veṣṭitaṃ navavāsasā || 69 ||
[Analyze grammar]

śubhe lagne dine ṛkṣe dhvajaṃ cāropayedbudhaḥ |
vinyasya svarṇakalaśaṃ śvabhrarājaṃ dhvajasya tu || 70 ||
[Analyze grammar]

evamāropayedyastu dhvajaṃ devālayopari |
sa śriyā vardhate nityaṃ prāpnoti paramāṃ gatim || 71 ||
[Analyze grammar]

asurā vāsamicchanti dhvajahīne surālaye |
tasmāddevālayaṃ prājño dhvajahīnaṃ na kārayet || 72 ||
[Analyze grammar]

mantraśca sthāpane prokto vidhānajñairdhvajasya tu |
ehyehi bhagavandeva devavāhana vai khaga || 73 ||
[Analyze grammar]

śrīkaraḥ śrīnivāsaśca jaya jaitropaśobhita |
vyomarūpa mahārūpa dharmātmaṃstvaṃ ca vai gateḥ || 74 ||
[Analyze grammar]

sānnidhyaṃ kuru daṇḍe'sminsākṣī ca dhruvatāṃ vraja |
kuru vṛddhiṃ sadā kartuḥ prāsādasyārkavallabha || 75 ||
[Analyze grammar]

oṃ ehyehi bhagavannīśvaravinirmita uparicaravāyumārgānusāriñchrīnivāsa ripudhvaṃsa |
yakṣanilaya sarvadevapriyaṃ kuru sānnidhyaṃ śānti svastyayanaṃ ca mebhayaṃ sarvavighnā vyapasarantu || 76 ||
[Analyze grammar]

mantreṇānena rājendra śvabhre daṇḍe niveśayet |
patākāṃ pūrvamantreṇa sthityā pūrvamukho nṛpa || 77 ||
[Analyze grammar]

kṣipedūrdhvamathākāśaṃ prāsādaśikharādvibhoḥ |
yajamānastataḥ paśyetpatākāṃ yadunandana || 78 ||
[Analyze grammar]

prāsādapurato vāpi patākāṃ pātayedyadi |
indralokaṃ tadā kartā viśedvai yadunandana || 79 ||
[Analyze grammar]

āgneyyāmagnilokaṃ tu yāmyāṃ yamasado bhajet |
naiṛtyāṃ naiṛtaṃ lokaṃ vāruṇyaḥ vāruṇaṃ vrajet || 80 ||
[Analyze grammar]

yasya devasya yadveśma kṛtaṃ yadukulodvaha |
tasya lokamavāpnoti vṛṣasthānagato yadi || 81 ||
[Analyze grammar]

vāyavye vāyumāpnoti saumyāyāṃ somamāpnuyāt |
aiśānyāmīśamāpnoti kartā vai devaveśmanaḥ || 82 ||
[Analyze grammar]

ya evaṃ kārayedbhaktyā dhvajasyāropaṇaṃ raveḥ |
sa hi bhuktvā parānbhogānsūryaloke mahīyate || 83 ||
[Analyze grammar]

tejasāmbujasaṃkāśaḥ kāntyā cāmbujasannibhaḥ |
dvijātitulyaḥ prabhayā vikrameṇa ca gopateḥ || 84 ||
[Analyze grammar]