Chapter 13

[English text for this chapter is available]

bhagavatā haṃsarūpeṇa brahmaṇe jñānopadeśaḥ |
śrībhagavānuvāca |
sattvaṃ rajastama iti guṇā buddherna ca ātmanaḥ |
sattvenānyatamau hanyāt sattvaṃ sattvena caiva hi || 1 ||
[Analyze grammar]

sattvāt dharmo bhaved‍ vṛddhāt puṃso mad‍bhaktilakṣaṇaḥ |
sāttvikopāsayā sattvaṃ tato dharmaḥ pravartate || 2 ||
[Analyze grammar]

dharmo rajastamo hanyāt sattvavṛddhiḥ anuttamaḥ |
āśu naśyati tanmūlo hyadharma ubhaye hate || 3 ||
[Analyze grammar]

āgamopaḥ prajā deśaḥ kālaḥ karma ca janma ca |
dhyānaṃ maṃtro'tha saṃskāro daśaite guṇahetavaḥ || 4 ||
[Analyze grammar]

tat tat sāttvikamevaiṣāṃ yad yad vṛddhāḥ pracakṣate |
nindanti tāmasaṃ tattad rājasaṃ tad upekṣitam || 5 ||
[Analyze grammar]

sāttvikānyeva seveta pumān sattvavivṛddhaye |
tato dharmastato jñānaṃ yāvat smṛtirapohanam || 6 ||
[Analyze grammar]

veṇusaṅgharṣajo vahniḥ dagdhvā śāmyati tadvanam |
evaṃ guṇavyatyayajo dehaḥ śāmyati tatkriyaḥ || 7 ||
[Analyze grammar]

śrīuddhava uvāca |
vidanti martyāḥ prāyeṇa viṣayān padamāpadām |
tathāpi bhuñjate kṛṣṇa tatkathaṃ śvakharājavat || 8 ||
[Analyze grammar]

śrībhagavānuvāca |
ahamityanyathā buddhiḥ pramattasya yathā hṛdi |
utsarpati rajo ghoraṃ tato vaikārikaṃ manaḥ || 9 ||
[Analyze grammar]

rajoyuktasya manasaḥ saṅkalpaḥ savikalpakaḥ |
tataḥ kāmo guṇadhyānād duḥsahaḥ syād hi durmateḥ || 10 ||
[Analyze grammar]

karoti kāmavaśagaḥ karmāṇyavijitendriyaḥ |
duḥkhodarkāṇi saṃpaśyan rajovega vimohitaḥ || 11 ||
[Analyze grammar]

rajastamobhyāṃ yadapi vidvān vikṣiptadhīḥ punaḥ |
ataṃdrito mano yuñjan doṣadṛṣṭirna sajjate || 12 ||
[Analyze grammar]

apramatto'nuyuñjīta mano mayyarpayan śanaiḥ |
anirviṇṇo yathākālaṃ jitaśvāso jitāsanaḥ || 13 ||
[Analyze grammar]

etāvān yoga ādiṣṭo macchiṣyaiḥ sanakādibhiḥ |
sarvato mana ākṛṣya mayyaddhā'veśyate yathā || 14 ||
[Analyze grammar]

śrīuddhava uvāca |
yadā tvaṃ sanakādibhyo yena rūpeṇa keśava |
yogamādiṣṭavānetad rūpamicchāmi veditum || 15 ||
[Analyze grammar]

śrībhagavānuvāca |
putrā hiraṇyagarbhasya mānasāḥ sanakādayaḥ |
papracchuḥ pitaraṃ sūkṣmāṃ yogasyaikāntikīṃ gatim || 16 ||
[Analyze grammar]

sanakādaya ūcuḥ |
guṇeṣvāviśate ceto guṇāścetasi ca prabho |
kathamanyonya saṃtyāgo mumukṣoḥ atititīrṣoḥ || 17 ||
[Analyze grammar]

śrībhagavānuvāca |
evaṃ pṛṣṭo mahādevaḥ svayaṃbhūḥ bhūtabhāvanaḥ |
dhyāyamānaḥ praśnabījaṃ nābhyapadyata karmadhīḥ || 18 ||
[Analyze grammar]

sa māmacintayad devaḥ praśnapāratitīrṣayā |
tasyāhaṃ haṃsarūpeṇa sakāśamagamaṃ tadā || 19 ||
[Analyze grammar]

dṛṣṭvā māṃ ta upavrajya kṛtvā pādābhivandanam |
brahmāmagrataḥ kṛtvā papracchuḥ ko bhavān iti || 20 ||
[Analyze grammar]

ityahaṃ munibhiḥ pṛṣṭaḥ tattvajijñāsubhistadā |
yadavocamahaṃ tebhyaḥ tad uddhava nibodha me || 21 ||
[Analyze grammar]

vastuno yadyanānātvamātmanaḥ praśna īdṛśaḥ |
kathaṃ ghaṭeta vo viprā vakturvā me ka āśrayaḥ || 22 ||
[Analyze grammar]

pañcātmakeṣu bhūteṣu samāneṣu ca vastutaḥ |
ko bhavāniti vaḥ praśno vācārambho hyanarthakaḥ || 23 ||
[Analyze grammar]

manasā vacasā dṛṣṭyā gṛhyate'nyaiḥ apīndriyaiḥ |
ahameva na matto'nyat iti budhyadhvamañjasā || 24 ||
[Analyze grammar]

guṇeṣu āviśate ceto guṇāścetasi ca prajāḥ |
jīvasya deha ubhayaṃ guṇāśceto madātmanaḥ || 25 ||
[Analyze grammar]

guṇeṣu ca āviśat cittamabhīkṣṇaṃ guṇasevayā |
guṇāśca cittaprabhavā madrūpa ubhayaṃ tyajet || 26 ||
[Analyze grammar]

jāgrat svapnaḥ suṣuptaṃ ca guṇato buddhivṛttayaḥ |
tāsāṃ vilakṣaṇo jīvaḥ sākṣitvena viniścitaḥ || 27 ||
[Analyze grammar]

yarhi saṃsṛtibandho'yaṃ ātmano guṇavṛttidaḥ |
mayi turye sthito jahyāt tyāgaḥ tad guṇacetasām || 28 ||
[Analyze grammar]

ahaṅkārakṛtaṃ bandhaṃ ātmano'rthaviparyayam |
vidvān nirvidya saṃsāracintāṃ turye sthitaḥ tyajet || 29 ||
[Analyze grammar]

yāvat nānārthadhīḥ puṃso na nivarteta yuktibhiḥ |
jāgarti api svapan ajñaḥ svapne jāgaraṇaṃ yathā || 30 ||
[Analyze grammar]

asattvād ātmano'nyeṣāṃ bhāvānāṃ tatkṛtā bhidā |
gatayo hetavaścāsya mṛṣā svapnadṛśo yathā || 31 ||
[Analyze grammar]

yo jāgare bahiranukṣaṇadharmiṇo'rthān |
bhuṅkte samastakaraṇaihṛdi tatsadṛkṣān |
svapne suṣupta upasaṃharate sa ekaḥ |
smṛtyanvayāt triguṇavṛttidṛgindriyeśaḥ || 32 ||
[Analyze grammar]

evaṃ vimṛśya guṇato manasaḥ tryavasthā |
manmāyayā mayi kṛtā iti niścitārthāḥ |
saṃchidya hārdamanumānasaduktitīkṣṇa |
jñānāsinā bhajata mākhilasaṃśayādhim || 33 ||
[Analyze grammar]

īkṣeta vibhramamidaṃ manaso vilāsaṃ |
dṛṣṭaṃ vinaṣṭamatilolamalātacakram |
vijñānamekaṃ urudheva vibhāti māyā |
svapnaḥ tridhā guṇavisargakṛto vikalpaḥ || 34 ||
[Analyze grammar]

dṛṣṭiṃ tataḥ pratinivartya nivṛttatṛṣṇaḥ |
tūṣṇīṃ bhavet nijasukhānubhavo nirīhaḥ |
saṃdṛśyate kva ca yadīdamavastubuddhyā |
tyaktaṃ bhramāya na bhavet smṛtirānipātāt || 35 ||
[Analyze grammar]

dehaṃ ca naśvaramavasthitamutthitaṃ vā |
siddho na paśyati yato'dhyagamat svarūpam |
daivādapetamatha daivavaśād upetaṃ |
vāso yathā parikṛtaṃ madirāmadāndhaḥ || 36 ||
[Analyze grammar]

deho'pi daivavaśagaḥ khalu karma yāvat |
svāraṃbhakaṃ pratisamīkṣata eva sāsuḥ |
taṃ saprapañcamadhirūḍhasamādhiyogaḥ |
svāpnaṃ punarna bhajate pratibuddhavastuḥ || 37 ||
[Analyze grammar]

mayaitaduktaṃ vo viprā guhyaṃ yat sāṅkhyayogayoḥ |
jānīta mā'gataṃ yajñaṃ yuṣmaddharmavivakṣayā || 38 ||
[Analyze grammar]

ahaṃ yogasya sāṅkhyasya satyasyartasya tejasaḥ |
parāyaṇaṃ dvijaśreṣṭhāḥ śriyaḥ kīrteḥ damasya ca || 39 ||
[Analyze grammar]

māṃ bhajanti guṇāḥ sarve nirguṇaṃ nirapekṣakam |
suhṛdaṃ priyamātmānaṃ sāmyāsaṅgādayoguṇāḥ || 40 ||
[Analyze grammar]

iti me chinnasandehā munayaḥ sanakādayaḥ |
sabhājayitvā parayā bhaktyāgṛṇata saṃstavaiḥ || 41 ||
[Analyze grammar]

tairahaṃ pūjitaḥ samyak saṃstutaḥ paramarṣibhiḥ |
pratyeyāya svakaṃ dhāma paśyataḥ parameṣṭhinaḥ || 42 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ ekādaśaskandhe trayodaśo'dhyāyaḥ || 13 ||
[Analyze grammar]