Chapter 12

[English text for this chapter is available]

śrībhagavānuvāca |
na rodhayati māṃ yogo na sāṅkhyaṃ dharma eva ca |
na svādhyāyastapastyāgo neṣṭāpūrtaṃ na dakṣiṇā || 1 ||
[Analyze grammar]

vratāni yajñaśchandāṃsi tīrthāni niyamā yamāḥ |
yathāvarundhe satsaṅgaḥ sarvasaṅgāpaho hi mām || 2 ||
[Analyze grammar]

satsaṅgena hi daiteyā yātudhānā mṛgāḥ khagāḥ |
gandharvāpsaraso nāgāḥ siddhāścāraṇaguhyakāḥ || 3 ||
[Analyze grammar]

vidyādharā manuṣyeṣu vaiśyāḥ śūdrāḥ striyo'ntyajāḥ |
rajastamaḥprakṛtayastasmiṃstasminyuge yuge || 4 ||
[Analyze grammar]

bahavo matpadaṃ prāptāstvāṣṭrakāyādhavādayaḥ |
vṛṣaparvā balirbāṇo mayaścātha vibhīṣaṇaḥ || 5 ||
[Analyze grammar]

sugrīvo hanumānṛkṣo gajo gṛdhro vaṇikpathaḥ |
vyādhaḥ kubjā vraje gopyo yajñapatnyastathāpare || 6 ||
[Analyze grammar]

te nādhītaśrutigaṇā nopāsitamahattamāḥ |
avratātaptatapasaḥ matsaṅgānmāmupāgatāḥ || 7 ||
[Analyze grammar]

kevalena hi bhāvena gopyo gāvo nagā mṛgāḥ |
ye'nye mūḍhadhiyo nāgāḥ siddhā māmīyurañjasā || 8 ||
[Analyze grammar]

yaṃ na yogena sāṅkhyena dānavratatapo'dhvaraiḥ |
vyākhyāsvādhyāyasannyāsaiḥ prāpnuyādyatnavānapi || 9 ||
[Analyze grammar]

rāmeṇa sārdhaṃ mathurāṃ praṇīte śvāphalkinā mayyanuraktacittāḥ |
vigāḍhabhāvena na me viyoga tīvrādhayo'nyaṃ dadṛśuḥ sukhāya || 10 ||
[Analyze grammar]

tāstāḥ kṣapāḥ preṣṭhatamena nītā mayaiva vṛndāvanagocareṇa |
kṣaṇārdhavattāḥ punaraṅga tāsāṃ hīnā mayā kalpasamā babhūvuḥ || 11 ||
[Analyze grammar]

tā nāvidanmayyanuṣaṅgabaddha dhiyaḥ svamātmānamadastathedam |
yathā samādhau munayo'bdhitoye nadyaḥ praviṣṭā iva nāmarūpe || 12 ||
[Analyze grammar]

matkāmā ramaṇaṃ jāramasvarūpavido'balāḥ |
brahma māṃ paramaṃ prāpuḥ saṅgācchatasahasraśaḥ || 13 ||
[Analyze grammar]

tasmāttvamuddhavotsṛjya codanāṃ praticodanām |
pravṛttiṃ ca nivṛttiṃ ca śrotavyaṃ śrutameva ca || 14 ||
[Analyze grammar]

māmekameva śaraṇamātmānaṃ sarvadehinām |
yāhi sarvātmabhāvena mayā syā hyakutobhayaḥ || 15 ||
[Analyze grammar]

śrīuddhava uvāca |
saṃśayaḥ śṛṇvato vācaṃ tava yogeśvareśvara |
na nivartata ātmastho yena bhrāmyati me manaḥ || 16 ||
[Analyze grammar]

śrībhagavānuvāca |
sa eṣa jīvo vivaraprasūtiḥ prāṇena ghoṣeṇa guhāṃ praviṣṭaḥ |
manomayaṃ sūkṣmamupetya rūpaṃ mātrā svaro varṇa iti sthaviṣṭhaḥ || 17 ||
[Analyze grammar]

yathānalaḥ khe'nilabandhuruṣmā balena dāruṇyadhimathyamānaḥ |
aṇuḥ prajāto haviṣā samedhate tathaiva me vyaktiriyaṃ hi vāṇī || 18 ||
[Analyze grammar]

evaṃ gadiḥ karma gatirvisargo ghrāṇo raso dṛksparśaḥ śrutiśca |
saṅkalpavijñānamathābhimānaḥ sūtraṃ rajaḥsattvatamovikāraḥ || 19 ||
[Analyze grammar]

ayaṃ hi jīvastrivṛdabjayoniravyakta eko vayasā sa ādyaḥ |
viśliṣṭaśaktirbahudheva bhāti bījāni yoniṃ pratipadya yadvat || 20 ||
[Analyze grammar]

yasminnidaṃ protamaśeṣamotaṃ paṭo yathā tantuvitānasaṃsthaḥ |
ya eṣa saṃsārataruḥ purāṇaḥ karmātmakaḥ puṣpaphale prasūte || 21 ||
[Analyze grammar]

dve asya bīje śatamūlastrinālaḥ pañcaskandhaḥ pañcarasaprasūtiḥ |
daśaikaśākho dvisuparṇanīḍastrivalkalo dviphalo'rkaṃ praviṣṭaḥ || 22 ||
[Analyze grammar]

adanti caikaṃ phalamasya gṛdhrā grāmecarā ekamaraṇyavāsāḥ |
haṃsā ya ekaṃ bahurūpamijyairmāyāmayaṃ veda sa veda vedam || 23 ||
[Analyze grammar]

evaṃ gurūpāsanayaikabhaktyā vidyākuṭhāreṇa śitena dhīraḥ |
vivṛścya jīvāśayamapramattaḥ sampadya cātmānamatha tyajāstram || 24 ||
[Analyze grammar]