Chapter 84

[English text for this chapter is available]

ṛṣigaṇakṛtā bhagavatstutiḥ vasudevayajñotsavaḥ bandhūnāṃ prasthāpanādikaṃ ca |
śrīśuka uvāca |
śrutvā pṛthā subalaputryatha yājñasenī |
mādhavyatha kṣitipapat‍nya uta svagopyaḥ |
kṛṣṇe'khilātmani harau praṇayānubandhaṃ |
sarvā visismyuralamaśrukalākulākṣyaḥ || 1 ||
[Analyze grammar]

iti sambhāṣamāṇāsu strībhiḥ strīṣu nṛbhirnṛṣu |
āyayurmunayastatra kṛṣṇarāmadidṛkṣayā || 2 ||
[Analyze grammar]

dvaipāyano nāradaśca cyavano devalo'sitaḥ |
viśvāmitraḥ śatānando bharadvājo'tha gautamaḥ || 3 ||
[Analyze grammar]

rāmaḥ saśiṣyo bhagavān vasiṣṭho gālavo bhṛguḥ |
pulastyaḥ kaśyapo'triśca mārkaṇḍeyo bṛhaspatiḥ || 4 ||
[Analyze grammar]

dvitastritaścaikataśca brahmaputrāstathāṅgirāḥ |
agastyo yājñavalkyaśca vāmadevādayo'pare || 5 ||
[Analyze grammar]

tāndṛṣṭvā sahasotthāya prāgāsīnā nṛpādayaḥ |
pāṇḍavāḥ kṛṣṇarāmau ca praṇemurviśvavanditān || 6 ||
[Analyze grammar]

tān ānarcuryathā sarve saharāmo'cyuto'rcayat |
svāgatāsanapādyārghya mālyadhūpānulepanaiḥ || 7 ||
[Analyze grammar]

uvāca sukhamāsīnān bhagavān dharmaguptanuḥ |
sadasastasya mahato yatavāco'nuśrṛṇvataḥ || 8 ||
[Analyze grammar]

śrībhagavānuvāca |
aho vayaṃ janmabhṛto labdhaṃ kārtsnyena tatphalam |
devānāmapi duṣprāpaṃ yad yogeśvaradarśanam || 9 ||
[Analyze grammar]

kiṃ svalpatapasāṃ nṝṇāṃ arcāyāṃ devacakṣuṣām |
darśanasparśanapraśna prahvapādārcanādikam || 10 ||
[Analyze grammar]

na hyammayāni tīrthāni na devā mṛcchilāmayāḥ |
te punantyurukālena darśanādeva sādhavaḥ || 11 ||
[Analyze grammar]

nāgnirna sūryo na ca candratārakā |
na bhūrjalaṃ khaṃ śvasano'tha vāṅmanaḥ |
upāsitā bhedakṛto harantyaghaṃ |
vipaścito ghnanti muhūrtasevayā || 12 ||
[Analyze grammar]

yasyātmabuddhiḥ kuṇape tridhātuke |
svadhīḥ kalatrādiṣu bhauma ijyadhīḥ |
yattīrthabuddhiḥ salile na karhicit |
janeṣvabhijñeṣu sa eva gokharaḥ || 13 ||
[Analyze grammar]

śrīśuka uvāca |
niśamyetthaṃ bhagavataḥ kṛṣṇasyākuṇthamedhasaḥ |
vaco duranvayaṃ viprāḥ tūṣṇīmāsan bhramaddhiyaḥ || 14 ||
[Analyze grammar]

ciraṃ vimṛśya munaya īśvarasyeśitavyatām |
janasaṅgraha ityūcuḥ smayantastaṃ jagadgurum || 15 ||
[Analyze grammar]

śrīmunaya ūcuḥ |
yanmāyayā tattvaviduttamā vayaṃ |
vimohitā viśvasṛjāmadhīśvarāḥ |
yadīśitavyāyati gūḍha īhayā |
aho vicitraṃ bhagavad viceṣṭitam || 16 ||
[Analyze grammar]

anīha etad bahudhaika ātmanā |
sṛjatyavatyatti na badhyate yathā |
bhaumairhi bhūmirbahunāmarūpiṇī |
aho vibhūmnaścaritaṃ viḍambanam || 17 ||
[Analyze grammar]

athāpi kāle svajanābhiguptaye |
bibharṣi sattvaṃ khalanigrahāya ca |
svalīlayā vedapathaṃ sanātanaṃ |
varṇāśramātmā puruṣaḥ paro bhavān || 18 ||
[Analyze grammar]

brahma te hṛdayaṃ śuklaṃ tapaḥsvādhyāyasaṃyamaiḥ |
yatropalabdhaṃ sadvyaktaṃ avyaktaṃ ca tataḥ param || 19 ||
[Analyze grammar]

tasmād brahmakulaṃ brahman śāstrayonestvamātmanaḥ |
sabhājayasi saddhāma tad brahmaṇyāgraṇīrbhavān || 20 ||
[Analyze grammar]

adya no janmasāphalyaṃ vidyāyāstapaso dṛśaḥ |
tvayā saṅgamya sadgatyā yadantaḥ śreyasāṃ paraḥ || 21 ||
[Analyze grammar]

namastasmai bhagavate kṛṣṇāyākuṇṭhamedhase |
svayogamāyayācchanna mahimne paramātmane || 22 ||
[Analyze grammar]

na yaṃ vidantyamī bhūpā ekārāmāśca vṛṣṇayaḥ |
māyājavanikācchannaṃ ātmānaṃ kālamīśvaram || 23 ||
[Analyze grammar]

yathā śayānaḥ puruṣa ātmānaṃ guṇatattvadṛk |
nāmamātrendriyābhātaṃ na veda rahitaṃ param || 24 ||
[Analyze grammar]

evaṃ tvā nāmamātreṣu viṣayeṣvindriyehayā |
māyayā vibhramaccitto na veda smṛtyupaplavāt || 25 ||
[Analyze grammar]

tasyādya te dadṛśimāṅghrimaghaughamarṣa |
tīrthāspadaṃ hṛdi kṛtaṃ suvipakvayogaiḥ |
utsiktabhaktyupahatāśaya jīvakośā |
āpurbhavadgatimathānugṛhāna bhaktān || 26 ||
[Analyze grammar]

śrīśuka uvāca |
ityanujñāpya dāśārhaṃ dhṛtarāṣṭraṃ yudhiṣṭhiram |
rājarṣe svāśramān gantuṃ munayo dadhire manaḥ || 27 ||
[Analyze grammar]

tad vīkṣya tānupavrajya vasudevo mahāyaśāḥ |
praṇamya copasaṅgṛhya babhāṣedaṃ suyantritaḥ || 28 ||
[Analyze grammar]

śrīvasudeva uvāca |
namo vaḥ sarvadevebhya ṛṣayaḥ śrotumarhatha |
karmaṇā karmanirhāro yathā syānnastaducyatām || 29 ||
[Analyze grammar]

śrīnārada uvāca |
nāticitramidaṃ viprā vasudevo bubhutsayā |
kṛṣṇaṃ matvārbhakaṃ yannaḥ pṛcchati śreya ātmanaḥ || 30 ||
[Analyze grammar]

sannikarṣo'tra martyānāṃ anādaraṇakāraṇam |
gāṅgaṃ hitvā yathānyāmbhaḥ tatratyo yāti śuddhaye || 31 ||
[Analyze grammar]

yasyānubhūtiḥ kālena layotpattyādināsya vai |
svato'nyasmācca guṇato na kutaścana riṣyati || 32 ||
[Analyze grammar]

taṃ kleśakarmaparipākaguṇapravāhaiḥ |
avyāhatānubhavamīśvaramadvitīyam |
prāṇādibhiḥ svavibhavairupagūḍhamanyo |
manyeta sūryamiva meghahimoparāgaiḥ || 33 ||
[Analyze grammar]

athocurmunayo rājan ābhāṣyānakaduṃdubhim |
sarveṣāṃ śrṛṇatāṃ rājñāṃ tathaivācyutarāmayoḥ || 34 ||
[Analyze grammar]

karmaṇā karmanirhāra eṣa sādhunirūpitaḥ |
yacchraddhayā yajed viṣṇuṃ sarvayajñeśvaraṃ makhaiḥ || 35 ||
[Analyze grammar]

cittasyopaśamo'yaṃ vai kavibhiḥ śāstracakṣuṣā |
darśitaḥ sugamo yogo dharmaścātmamudāvahaḥ || 36 ||
[Analyze grammar]

ayaṃ svastyayanaḥ panthā dvijātergṛhamedhinaḥ |
yacchraddhayā'ptavittena śuklenejyeta pūruṣaḥ || 37 ||
[Analyze grammar]

vittaiṣaṇāṃ yajñadānaiḥ gṛhairdārasutaiṣaṇām |
ātmalokaiṣaṇāṃ deva kālena visṛjedbudhaḥ |
grāme tyaktaiṣaṇāḥ sarve yayurdhīrāstapovanam || 38 ||
[Analyze grammar]

ṛṇaistribhirdvijo jāto devarṣipitṝṇāṃ prabho |
yajñādhyayanaputraistāni anistīrya tyajanpatet || 39 ||
[Analyze grammar]

tvaṃ tvadya mukto dvābhyāṃ vai ṛṣipitrormahāmate |
yajñairdevarṇamunmucya nirṛṇo'śaraṇo bhava || 40 ||
[Analyze grammar]

vasudeva bhavānnūnaṃ bhaktyā paramayā harim |
jagatāmīśvaraṃ prārcaḥ sa yadvāṃ putratāṃ gataḥ || 41 ||
[Analyze grammar]

śrīśuka uvāca |
iti tadvacanaṃ śrutvā vasudevo mahāmanāḥ |
tān ṛṣīn ṛtvijo vavre mūrdhnā'namya prasādya ca || 42 ||
[Analyze grammar]

ta enamṛṣayo rājan vṛtā dharmeṇa dhārmikam |
tasmin ayājayan kṣetre makhairuttamakalpakaiḥ || 43 ||
[Analyze grammar]

taddīkṣāyāṃ pravṛttāyāṃ vṛṣṇayaḥ puṣkarasrajaḥ |
snātāḥ suvāsaso rājan rājānaḥ suṣṭhvalaṅkṛtāḥ || 44 ||
[Analyze grammar]

tanmahiṣyaśca muditā niṣkakaṇṭhyaḥ suvāsasaḥ |
dīkṣāśālāmupājagmuḥ āliptā vastupāṇayaḥ || 45 ||
[Analyze grammar]

nedurmṛdaṅgapaṭaha śaṅkhabheryānakādayaḥ |
nanṛturnaṭanartakyaḥ tuṣṭuvuḥ sūtamāgadhāḥ |
jaguḥ sukaṇṭhyo gandharvyaḥ saṃgītaṃ sahabhartṛkāḥ || 46 ||
[Analyze grammar]

tamabhyaṣiñcan vidhivad aktaṃ abhyaktamṛtvijaḥ |
pat‍nībhiraṣṭādaśabhiḥ somarājamivoḍubhiḥ || 47 ||
[Analyze grammar]

tābhirdukūlavalayaiḥ hāranūpurakuṇḍalaiḥ |
svalaṅkṛtābhirvibabhau dīkṣito'jinasaṃvṛtaḥ || 48 ||
[Analyze grammar]

tasyartvijo mahārāja rat‍nakauśeyavāsasaḥ |
sasadasyā virejuste yathā vṛtrahaṇo'dhvare || 49 ||
[Analyze grammar]

tadā rāmaśca kṛṣṇaśca svaiḥ svaiḥ bandhubhiranvitau |
rejatuḥ svasutairdāraiḥ jīveśau svavibhūtibhiḥ || 50 ||
[Analyze grammar]

īje'nuyajñaṃ vidhinā agnihotrādilakṣaṇaiḥ |
prākṛtairvaikṛtairyajñaiḥ dravyajñānakriyeśvaram || 51 ||
[Analyze grammar]

athartvigbhyo'dadātkāle yathāmnātaṃ sa dakṣiṇāḥ |
svalaṅkṛtebhyo'laṅkṛtya gobhūkanyā mahādhanāḥ || 52 ||
[Analyze grammar]

pat‍nīsaṃyājāvabhṛthyaiḥ caritvā te maharṣayaḥ |
sasnū rāmahrade viprā yajamānapuraḥsarāḥ || 53 ||
[Analyze grammar]

snāto'laṅkāravāsāṃsi vandibhyo'dāttathā striyaḥ |
tataḥ svalaṅkṛto varṇān āśvabhyo'nnena pūjayat || 54 ||
[Analyze grammar]

bandhūn sadārān sasutān pāribarheṇa bhūyasā |
vidarbhakośalakurūn kāśikekaya sṛñjayān || 55 ||
[Analyze grammar]

sadasyartviksuragaṇān nṛbhūtapitṛcāraṇān |
śrīniketamanujñāpya śaṃsantaḥ prayayuḥ kratum || 56 ||
[Analyze grammar]

dhṛtarāṣṭro'nujaḥ pārthā bhīṣmo droṇaḥ pṛthā yamau |
nārado bhagavān vyāsaḥ suhṛtsaṃbaṃdhibāṃdhavāḥ || 57 ||
[Analyze grammar]

bandhūnpariṣvajya yadūn sauhṛdāklinnacetasaḥ |
yayurvirahakṛcchreṇa svadeśāṃścāpare janāḥ || 58 ||
[Analyze grammar]

nandastu saha gopālaiḥ bṛhatyā pūjayārcitaḥ |
kṛṣṇarāmograsenādyaiḥ nyavātsīdbandhuvatsalaḥ || 59 ||
[Analyze grammar]

vasudevo'ñjasottīrya manorathamahārṇavam |
suhṛdvṛtaḥ prītamanā nandamāha kare spṛśan || 60 ||
[Analyze grammar]

śrīvasudeva uvāca |
bhrātarīśakṛtaḥ pāśo nṛnāṃ yaḥ snehasaṃjñitaḥ |
taṃ dustyajamahaṃ manye śūrāṇāmapi yoginām || 61 ||
[Analyze grammar]

asmāsvapratikalpeyaṃ yatkṛtājñeṣu sattamaiḥ |
maitryarpitāphalā cāpi na nivarteta karhicit || 62 ||
[Analyze grammar]

prāgakalpācca kuśalaṃ bhrātarvo nācarāma hi |
adhunā śrīmadāndhākṣā na paśyāmaḥ puraḥ sataḥ || 63 ||
[Analyze grammar]

mā rājyaśrīrabhūtpuṃsaḥ śreyaskāmasya mānada |
svajanānuta bandhūn vā na paśyati yayāndhadṛk || 64 ||
[Analyze grammar]

śrīśuka uvāca |
evaṃ sauhṛdaśaithilya citta ānakadundubhiḥ |
ruroda tatkṛtāṃ maitrīṃ smaran aśruvilocanaḥ || 65 ||
[Analyze grammar]

nandastu sakhyuḥ priyakṛt premṇā govindarāmayoḥ |
adya śva iti māsāṃstrīn yadubhirmānito'vasat || 66 ||
[Analyze grammar]

tataḥ kāmaiḥ pūryamāṇaḥ savrajaḥ sahabāndhavaḥ |
parārdhyābharaṇakṣauma nānānarghyaparicchadaiḥ || 67 ||
[Analyze grammar]

vasudevograsenābhyāṃ kṛṣṇoddhavabalādibhiḥ |
dattamādāya pāribarhaṃ yāpito yadubhiryayau || 68 ||
[Analyze grammar]

nando gopāśca gopyaśca govindacaraṇāmbuje |
manaḥ kṣiptaṃ punarhartuṃ anīśā mathurāṃ yayuḥ || 69 ||
[Analyze grammar]

bandhuṣu pratiyāteṣu vṛṣṇayaḥ kṛṣṇadevatāḥ |
vīkṣya prāvṛṣamāsannād yayurdvāravatīṃ punaḥ || 70 ||
[Analyze grammar]

janebhyaḥ kathayāṃ cakruḥ yadudevamahotsavam |
yadāsīt tīrthayātrāyāṃ suhṛt saṃdarśanādikam || 71 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ daśamaskandhe uttarārdhe |
tīrthayātrānuvarṇanaṃ nāma caturaśītitamo'dhyāyaḥ || 84 ||
[Analyze grammar]