Chapter 20

[English text for this chapter is available]

puruvaṃśavarṇanaṃ tatra duṣyaṃtabharatayoścaritam |
śrīśuka uvāca |
pūrorvaṃśaṃ pravakṣyāmi yatra jāto'si bhārata |
yatra rājarṣayo vaṃśyā brahmavaṃśyāśca jajñire || 1 ||
[Analyze grammar]

janamejayo hyabhūt pūroḥ pracinvāṃstat sutastataḥ |
pravīro'tha manusyurvai tasmāccārupado'bhavat || 2 ||
[Analyze grammar]

tasya sudyurabhūt putraḥ tasmād bahugavastataḥ |
saṃyātistasyāhaṃyātī raudrāśvastatsutaḥ smṛtaḥ || 3 ||
[Analyze grammar]

ṛteyustasya kakṣeyuḥ sthaṇḍileyuḥ kṛteyukaḥ |
jaleyuḥ sannateyuśca dharmasatyavrateyavaḥ || 4 ||
[Analyze grammar]

daśaite'psarasaḥ putrā vaneyuścāvamaḥ smṛtaḥ |
ghṛtācyāmindriyāṇīva mukhyasya jagadātmanaḥ || 5 ||
[Analyze grammar]

ṛteyo rantibhāro'bhūt trayastasyātmajā nṛpa |
sumatirdhruvo'pratirathaḥ kaṇvo'pratirathātmajaḥ || 6 ||
[Analyze grammar]

tasya medhātithiḥ tasmāt praskaṇvādyā dvijātayaḥ |
putro'bhūt sumate rebhyo duṣyantaḥ tatsuto mataḥ || 7 ||
[Analyze grammar]

duṣyanto mṛgayāṃ yātaḥ kaṇvāśramapadaṃ gataḥ |
tatrāsīnāṃ svaprabhayā maṇḍayantīṃ ramāmiva || 8 ||
[Analyze grammar]

vilokya sadyo mumuhe devamāyāmiva striyam |
babhāṣe tāṃ varārohāṃ bhaṭaiḥ katipayairvṛtaḥ || 9 ||
[Analyze grammar]

taddarśanapramuditaḥ saṃnivṛttapariśramaḥ |
papraccha kāmasantaptaḥ prahasan ślakṣṇayā girā || 10 ||
[Analyze grammar]

kā tvaṃ kamalapatrākṣi kasyāsi hṛdayaṃgame |
kiṃ vā cikīrṣitaṃ tvatra bhavatyā nirjane vane || 11 ||
[Analyze grammar]

vyaktaṃ rājanyatanayāṃ vedmyahaṃ tvāṃ sumadhyame |
na hi cetaḥ pauravāṇāṃ adharme ramate kvacit || 12 ||
[Analyze grammar]

śrīśakuntalovāca |
viśvāmitrātmajaivāhaṃ tyaktā menakayā vane |
vedaitad bhagavān kaṇvo vīra kiṃ karavāma te || 13 ||
[Analyze grammar]

āsyatāṃ hyaravindākṣa gṛhyatāṃ arhaṇaṃ ca naḥ |
bhujyatāṃ santi nīvārā uṣyatāṃ yadi rocate || 14 ||
[Analyze grammar]

duṣyanta uvāca |
upapannamidaṃ subhru jātāyāḥ kuśikānvaye |
svayaṃ hi vṛṇute rājñāṃ kanyakāḥ sadṛśaṃ varam || 15 ||
[Analyze grammar]

omityukte yathādharmaṃ upayeme śakuntalām |
gāndharvavidhinā rājā deśakālavidhānavit || 16 ||
[Analyze grammar]

amoghavīryo rājarṣiḥ mahiṣyāṃ vīryamādadhe |
śvobhūte svapuraṃ yātaḥ kālenāsūta sā sutam || 17 ||
[Analyze grammar]

kaṇvaḥ kumārasya vane cakre samucitāḥ kriyāḥ |
baddhvā mṛgendrān tarasā krīḍati sma sa bālakaḥ || 18 ||
[Analyze grammar]

taṃ duratyayavikrāntaṃ ādāya pramadottamā |
hareḥ aṃśāṃśasaṃbhūtaṃ bharturantikamāgamat || 19 ||
[Analyze grammar]

yadā na jagṛhe rājā bhāryāputrāvaninditau |
śrṛṇvatāṃ sarvabhūtānāṃ khe vāg āha aśarīriṇī || 20 ||
[Analyze grammar]

mātā bhastrā pituḥ putro yena jātaḥ sa eva saḥ |
bharasva putraṃ duṣyanta māvamaṃsthāḥ śakuntalām || 21 ||
[Analyze grammar]

retodhāḥ putro nayati naradeva yamakṣayāt |
tvaṃ cāsya dhātā garbhasya satyamāha śakuntalā || 22 ||
[Analyze grammar]

pitari uparate so'pi cakravartī mahāyaśāḥ |
mahimā gīyate tasya hareraṃśabhuvo bhuvi || 23 ||
[Analyze grammar]

cakraṃ dakṣiṇahaste'sya padmakośo'sya pādayoḥ |
īje mahābhiṣekeṇa so'bhiṣikto'dhirāḍ vibhuḥ || 24 ||
[Analyze grammar]

pañcapañcāśatā medhyaiḥ gaṃgāyāmanu vājibhiḥ |
māmateyaṃ purodhāya yamunāmanu ca prabhuḥ || 25 ||
[Analyze grammar]

aṣṭasaptatimedhyāśvān babandha pradadad vasu |
bharatasya hi dauṣyanteḥ agniḥ sācīguṇe citaḥ |
sahasraṃ badvaśo yasmin brāhmaṇā gā vibhejire || 26 ||
[Analyze grammar]

trayastriṃśacchataṃ hyaśvān baddhvā vismāpayan nṛpān |
dauṣyantiratyagānmāyāṃ devānāṃ gurumāyayau || 27 ||
[Analyze grammar]

mṛgān śukladataḥ kṛṣṇān hiraṇyena parīvṛtān |
adātkarmaṇi maṣṇāre niyutāni caturdaśa || 28 ||
[Analyze grammar]

bharatasya mahat karma na pūrve nāpare nṛpāḥ |
naivāpurnaiva prāpsyanti bāhubhyāṃ tridivaṃ yathā || 29 ||
[Analyze grammar]

kirātahūṇān yavanān aṃdhrān kaṃkān khagān śakān |
abrahmaṇyān nṛpāṃścāhan mlecchān digvijaye'khilān || 30 ||
[Analyze grammar]

jitvā purāsurā devān ye rasaukāṃsi bhejire |
devastriyo rasāṃ nītāḥ prāṇibhiḥ punarāharat || 31 ||
[Analyze grammar]

sarvān kāmān duduhatuḥ prajānāṃ tasya rodasī |
samāstriṇavasāhasrīḥ dikṣu cakramavartayat || 32 ||
[Analyze grammar]

sa samrāḍ lokapālākhyaṃ aiśvaryaṃ adhirāṭ śriyam |
cakraṃ cāskhalitaṃ prāṇān mṛnmṛṣetyupararāma ha || 33 ||
[Analyze grammar]

tasyāsan nṛpa vaidarbhyaḥ pat‍nyastisraḥ susammatāḥ |
jaghnustyāgabhayāt putrān nānurūpā itīrite || 34 ||
[Analyze grammar]

tasyaivaṃ vitathe vaṃśe tadarthaṃ yajataḥ sutam |
marutstomena maruto bharadvājamupādaduḥ || 35 ||
[Analyze grammar]

antarvat‍nyāṃ bhrātṛpat‍nyāṃ maithunāya bṛhaspatiḥ |
pravṛtto vārito garbhaṃ śaptvā vīryamupāsṛjat || 36 ||
[Analyze grammar]

taṃ tyaktukāmāṃ mamatāṃ bhartutyāgaviśaṃkitām |
nāmanirvācanaṃ tasya ślokamenaṃ surā jaguḥ || 37 ||
[Analyze grammar]

mūḍhe bhara dvājaṃ imaṃ bhara dvājaṃ bṛhaspate |
yātau yaduktvā pitarau bharadvājastatastvayam || 38 ||
[Analyze grammar]

codyamānā surairevaṃ matvā vitathamātmajam |
vyasṛjan maruto'bibhran datto'yaṃ vitathe'nvaye || 39 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ navamaskandhe viṃśo'dhyāyaḥ || 20 ||
[Analyze grammar]