Chapter 22

[English text for this chapter is available]

maitreya uvāca |
janeṣu pragṛṇatsvevaṃ pṛthuṃ pṛthulavikramam |
tatropajagmurmunayaḥ catvāraḥ sūryavarcasaḥ || 1 ||
[Analyze grammar]

tāṃstu siddheśvarān rājā vyomno'vatarato'rciṣā |
lokānapāpān kurvatyā sānugo'caṣṭa lakṣitān || 2 ||
[Analyze grammar]

taddarśanod‍gatān prāṇān pratyāditsurivotthitaḥ |
sasadasyānugo vainya indriyeśo guṇāniva || 3 ||
[Analyze grammar]

gauravādyantritaḥ sabhyaḥ praśrayānatakandharaḥ |
vidhivatpūjayāṃ cakre gṛhītādhyarhaṇāsanān || 4 ||
[Analyze grammar]

tatpādaśaucasalilaiḥ mārjitālakabandhanaḥ |
tatra śīlavatāṃ vṛttaṃ ācaran mānayanniva || 5 ||
[Analyze grammar]

hāṭakāsana āsīnān svadhiṣṇyeṣviva pāvakān |
śraddhāsaṃyamasaṃyuktaḥ prītaḥ prāha bhavāgrajān || 6 ||
[Analyze grammar]

pṛthuruvāca |
aho ācaritaṃ kiṃ me maṅgalaṃ maṅgalāyanāḥ |
yasya vo darśanaṃ hyāsīd durdarśānāṃ ca yogibhiḥ || 7 ||
[Analyze grammar]

kiṃ tasya durlabhataraṃ iha loke paratra ca |
yasya viprāḥ prasīdanti śivo viṣṇuśca sānugaḥ || 8 ||
[Analyze grammar]

naiva lakṣayate loko lokān paryaṭato'pi yān |
yathā sarvadṛśaṃ sarva ātmānaṃ ye'sya hetavaḥ || 9 ||
[Analyze grammar]

adhanā api te dhanyāḥ sādhavo gṛhamedhinaḥ |
yad‍gṛhā hyarhavaryāmbu tṛṇabhūmīśvarāvarāḥ || 10 ||
[Analyze grammar]

vyālālayadrumā vai te'pi ariktākhilasampadaḥ |
yad‍gṛhāstīrthapādīya pādatīrthavivarjitāḥ || 11 ||
[Analyze grammar]

svāgataṃ vo dvijaśreṣṭhā yadvratāni mumukṣavaḥ |
caranti śraddhayā dhīrā bālā eva bṛhanti ca || 12 ||
[Analyze grammar]

kaccinnaḥ kuśalaṃ nāthā indriyārthārthavedinām |
vyasanāvāpa etasmin patitānāṃ svakarmabhiḥ || 13 ||
[Analyze grammar]

bhavatsu kuśalapraśna ātmārāmeṣu neṣyate |
kuśalākuśalā yatra na santi mativṛttayaḥ || 14 ||
[Analyze grammar]

tadahaṃ kṛtaviśrambhaḥ suhṛdo vastapasvinām |
sampṛcche bhava etasmin kṣemaḥ kenāñjasā bhavet || 15 ||
[Analyze grammar]

vyaktamātmavatāmātmā bhagavān ātmabhāvanaḥ |
svānāṃ anugrahāyemāṃ siddharūpī caratyajaḥ || 1 || 6 ||
[Analyze grammar]

maitreya uvāca |
pṛthostatsūktamākarṇya sāraṃ suṣṭhu mitaṃ madhu |
smayamāna iva prītyā kumāraḥ pratyuvāca ha || 17 ||
[Analyze grammar]

sanatkumāra uvāca |
sādhu pṛṣṭaṃ mahārāja sarvabhūtahitātmanā |
bhavatā viduṣā cāpi sādhūnāṃ matirīdṛśī || 18 ||
[Analyze grammar]

saṅgamaḥ khalu sādhūnāṃ ubhayeṣāṃ ca sammataḥ |
yatsambhāṣaṇasampraśnaḥ sarveṣāṃ vitanoti śam || 19 ||
[Analyze grammar]

astyeva rājan bhavato madhudviṣaḥ |
pādāravindasya guṇānuvādane |
ratirdurāpā vidhunoti naiṣṭhikī |
kāmaṃ kaṣāyaṃ malamantarātmanaḥ || 20 ||
[Analyze grammar]

śāstreṣviyāneva suniścito nṛṇāṃ |
kṣemasya sadhryagvimṛśeṣu hetuḥ |
asaṅga ātmavyatirikta ātmani |
dṛḍhā ratirbrahmaṇi nirguṇe ca yā || 21 ||
[Analyze grammar]

sā śraddhayā bhagavaddharmacaryayā |
jijñāsayā'dhyātmikayoganiṣṭhayā |
yogeśvaropāsanayā ca nityaṃ |
puṇyaśravaḥkathayā puṇyayā ca || 22 ||
[Analyze grammar]

arthendriyārāmasagoṣṭhyatṛṣṇayā |
tatsammatānāmaparigraheṇa ca |
viviktarucyā paritoṣa ātman |
vinā harerguṇapīyūṣapānāt || 23 ||
[Analyze grammar]

ahiṃsayā pāramahaṃsyacaryayā |
smṛtyā mukundācaritāgryasīdhunā |
yamairakāmairniyamaiścāpyanindayā |
nirīhayā dvandvatitikṣayā ca || 24 ||
[Analyze grammar]

harermuhustatparakarṇapūra |
guṇābhidhānena vijṛmbhamāṇayā |
bhaktyā hyasaṅgaḥ sadasatyanātmani |
syānnirguṇe brahmaṇi cāñjasā ratiḥ || 25 ||
[Analyze grammar]

yadā ratirbrahmaṇi naiṣṭhikī pumān |
ācāryavān jñānavirāgaraṃhasā |
dahatyavīryaṃ hṛdayaṃ jīvakośaṃ |
pañcātmakaṃ yonimivotthito'gniḥ || 26 ||
[Analyze grammar]

dagdhāśayo muktasamastatad‍guṇo |
naivātmano bahirantarvicaṣṭe |
parātmanoryad vyavadhānaṃ purastāt |
svapne yathā puruṣastadvināśe || 27 ||
[Analyze grammar]

ātmānamindriyārthaṃ ca paraṃ yadubhayorapi |
satyāśaya upādhau vai pumān paśyati nānyadā || 28 ||
[Analyze grammar]

nimitte sati sarvatra jalādau api pūruṣaḥ |
ātmanaśca parasyāpi bhidāṃ paśyati nānyadā || 29 ||
[Analyze grammar]

indriyairviṣayākṛṣṭaiḥ ākṣiptaṃ dhyāyatāṃ manaḥ |
cetanāṃ harate buddheḥ stambastoyamiva hradāt || 30 ||
[Analyze grammar]

bhraśyatyanu smṛtiścittaṃ jñānabhraṃśaḥ smṛtikṣaye |
tadrodhaṃ kavayaḥ prāhuḥ ātmāpahnavamātmanaḥ || 31 ||
[Analyze grammar]

nātaḥ parataro loke puṃsaḥ svārthavyatikramaḥ |
yadadhyanyasya preyastvaṃ ātmanaḥ svavyatikramāt || 32 ||
[Analyze grammar]

arthendriyārthābhidhyānaṃ sarvārthāpahnavo nṛṇām |
bhraṃśito jñānavijñānād yenāviśati mukhyatām || 33 ||
[Analyze grammar]

na kuryātkarhicitsaṅgaṃ tamastīvraṃ titīriṣuḥ |
dharmārthakāmamokṣāṇāṃ yadatyantavighātakam || 34 ||
[Analyze grammar]

tatrāpi mokṣa evārtha ātyantikatayeṣyate |
traivargyo'rtho yato nityaṃ kṛtāntabhayasaṃyutaḥ || 35 ||
[Analyze grammar]

pare'vare ca ye bhāvā guṇavyatikarādanu |
na teṣāṃ vidyate kṣemaṃ īśavidhvaṃsitāśiṣām || 3 || 6 ||
[Analyze grammar]

tattvaṃ narendra jagatāmatha tasthūṣāṃ ca |
dehendriyāsudhiṣaṇātmabhirāvṛtānām |
yaḥ kṣetravittapatayā hṛdi viśvagāviḥ |
pratyak cakāsti bhagavān tamavehi so'smi || 37 ||
[Analyze grammar]

yasminnidaṃ sadasadātmatayā vibhāti |
māyā vivekavidhuti sraji vāhibuddhiḥ |
taṃ nityamuktapariśuddhaviśuddhatattvaṃ |
pratyūḍhakarmakalilaprakṛtiṃ prapadye || 38 ||
[Analyze grammar]

yatpādapaṅkajapalāśavilāsabhaktyā |
karmāśayaṃ grathitamud‍grathayanti santaḥ |
tadvanna riktamatayo yatayo'pi ruddha |
srotogaṇāstamaraṇaṃ bhaja vāsudevam || 39 ||
[Analyze grammar]

kṛcchro mahāniha bhavārṇavamaplaveśāṃ |
ṣaḍvarganakramasukhena titīraṣanti |
tattvaṃ harerbhagavato bhajanīyamaṅghriṃ |
kṛtvoḍupaṃ vyasanamuttara dustarārṇam || 40 ||
[Analyze grammar]

maitreya uvāca |
sa evaṃ brahmaputreṇa kumāreṇātmamedhasā |
darśitātmagatiḥ samyak praśasyovāca taṃ nṛpaḥ || 41 ||
[Analyze grammar]

rājovāca |
kṛto me'nugrahaḥ pūrvaṃ hariṇā'rtānukampinā |
tamāpādayituṃ brahman bhagavan yūyamāgatāḥ || 42 ||
[Analyze grammar]

niṣpāditaśca kārtsnyena bhagavadbhiḥ ghṛṇālubhiḥ |
sādhūcchiṣṭaṃ hi me sarvaṃ ātmanā saha kiṃ dade || 43 ||
[Analyze grammar]

prāṇā dārāḥ sutā brahman guhāśca saparicchadāḥ |
rājyaṃ balaṃ mahī kośa iti sarvaṃ niveditam || 44 ||
[Analyze grammar]

saināpatyaṃ ca rājyaṃ ca daṇḍanetṛtvameva ca |
sarva lokādhipatyaṃ ca vedaśāstravidarhati || 45 ||
[Analyze grammar]

svameva brāhmaṇo bhuṅkte svaṃ vaste svaṃ dadāti ca |
tasyaivānugraheṇānnaṃ bhuñjate kṣatriyādayaḥ || 46 ||
[Analyze grammar]

yairīdṛśī bhagavato gatirātmavāde |
ekāntato nigamibhiḥ pratipāditā naḥ |
tuṣyantvadabhrakaruṇāḥ svakṛtena nityaṃ |
ko nāma tatpratikaroti vinodapātram || 47 ||
[Analyze grammar]

maitreya uvāca |
te ātmayogapataya ādirājena pūjitāḥ |
śīlaṃ tadīyaṃ śaṃsantaḥ khe'bhūvan miṣatāṃ nṛṇām || 48 ||
[Analyze grammar]

vainyastu dhuryo mahatāṃ saṃsthityādhyātmaśikṣayā |
āptakāmaṃ ivātmānaṃ mena ātmanyavasthitaḥ || 49 ||
[Analyze grammar]

karmāṇi ca yathākālaṃ yathādeśaṃ yathābalam |
yathocitaṃ yathāvittaṃ akarod‍brahmasātkṛtam || 50 ||
[Analyze grammar]

phalaṃ brahmaṇi vinyasya nirviṣaṅgaḥ samāhitaḥ |
karmādhyakṣaṃ ca manvāna ātmānaṃ prakṛteḥ param || 51 ||
[Analyze grammar]

gṛheṣu vartamāno'pi sa sāmrājyaśriyānvitaḥ |
nāsajjatendriyārtheṣu nirahaṃmatirarkavat || 52 ||
[Analyze grammar]

evaṃ adhyātmayogena karmāṇi anusamācaran |
putrān utpādayāmāsa pañcārciṣyātmasammatān || 53 ||
[Analyze grammar]

vijitāśvaṃ dhūmrakeśaṃ haryakṣaṃ draviṇaṃ vṛkam |
sarveṣāṃ lokapālānāṃ dadhāraikaḥ pṛthurguṇān || 54 ||
[Analyze grammar]

gopīthāya jagatsṛṣṭeḥ kāle sve sve'cyutātmakaḥ |
manovāg vṛttibhiḥ saumyaiḥ guṇaiḥ saṃrañjayan prajāḥ || 55 ||
[Analyze grammar]

rājetyadhān nāmadheyaṃ somarāja ivāparaḥ |
sūryavadvisṛjangṛhṇan pratapaṃśca bhuvo vasu || 56 ||
[Analyze grammar]

durdharṣastejasevāgniḥ mahendra iva durjayaḥ |
titikṣayā dharitrīva dyaurivābhīṣṭado nṛṇām || 57 ||
[Analyze grammar]

varṣati sma yathākāmaṃ parjanya iva tarpayan |
samudra iva durbodhaḥ sattvenācalarāḍiva || 58 ||
[Analyze grammar]

dharmarāḍiva śikṣāyāṃ āścarye himavāniva |
kuvera iva kośāḍhyo guptārtho varuṇo yathā || 59 ||
[Analyze grammar]

mātariśveva sarvātmā balena mahasaujasā |
aviṣahyatayā devo bhagavān bhūtarāḍiva || 60 ||
[Analyze grammar]

kandarpa iva saundarye manasvī mṛgarāḍiva |
vātsalye manuvannṝṇāṃ prabhutve bhagavānajaḥ || 61 ||
[Analyze grammar]

bṛhaspatirbrahmavāde ātmavattve svayaṃ hariḥ |
bhaktyā goguruvipreṣu viṣvaksenānuvartiṣu || 62 ||
[Analyze grammar]

hriyā praśrayaśīlābhyāṃ ātmatulyaḥ parodyame || 62 ||
[Analyze grammar]

kīrtyordhvagītayā pumbhiḥ trailokye tatra tatra ha |
praviṣṭaḥ karṇarandhreṣu strīṇāṃ rāmaḥ satāmiva || 63 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
caturthaskandhe pṛthucarite dvāviṃśo'dhyāyaḥ || 22 ||
[Analyze grammar]