Chapter 6

[English text for this chapter is available]

brahmovāca |
vācāṃ vahnermukhaṃ kṣetraṃ chandasāṃ sapta dhātavaḥ |
havyakavyāmṛta annānāṃ jihvā sarva rasasya ca || 1 ||
[Analyze grammar]

sarvā asūnāṃ ca vāyośca tat nāse paramāyaṇe |
aśvinoḥ oṣadhīnāṃ ca ghrāṇo moda pramodayoḥ || 2 ||
[Analyze grammar]

rūpāṇāṃ tejasāṃ cakṣuḥ divaḥ sūryasya cākṣiṇī |
karṇau diśāṃ ca tīrthānāṃ śrotraṃ ākāśa śabdayoḥ |
tad‍gātraṃ vastusārāṇāṃ saubhagasya ca bhājanam || 3 ||
[Analyze grammar]

tvagasya sparśavāyośca sarva medhasya caiva hi |
romāṇi udbhijja jātīnāṃ yairvā yajñastu sambhṛtaḥ || 4 ||
[Analyze grammar]

keśa śmaśru nakhānyasya śilālohābhra vidyutām |
bāhavo lokapālānāṃ prāyaśaḥ kṣemakarmaṇām || 5 ||
[Analyze grammar]

vikramo bhūrbhuvaḥsvaśca kṣemasya śaraṇasya ca |
sarvakāma varasyāpi hareścaraṇa āspadam || 6 ||
[Analyze grammar]

apāṃ vīryasya sargasya parjanyasya prajāpateḥ |
puṃsaḥ śiśna upasthastu prajātyānanda nirvṛteḥ || 7 ||
[Analyze grammar]

pāyuryamasya mitrasya parimokṣasya nārada |
hiṃsāyā nirṛtermṛtyo nirayasya gudaḥ smṛtaḥ || 8 ||
[Analyze grammar]

parābhūteḥ adharmasya tamasaścāpi paścimaḥ |
nāḍyo nadanadīnāṃ ca gotrāṇāṃ asthisaṃhatiḥ || 9 ||
[Analyze grammar]

avyakta rasasindhūnāṃ bhūtānāṃ nidhanasya ca |
udaraṃ viditaṃ puṃso hṛdayaṃ manasaḥ padam || 10 ||
[Analyze grammar]

dharmasya mama tubhyaṃ ca kumārāṇāṃ bhavasya ca |
vijñānasya ca sattvasya parasyā'tmā parāyaṇam || 11 ||
[Analyze grammar]

ahaṃ bhavān bhavaścaiva ta ime munayo'grajāḥ |
surāsuranarā nāgāḥ khagā mṛgasarīsṛpāḥ || 12 ||
[Analyze grammar]

gandharvāpsaraso yakṣā rakṣobhūtagaṇoragāḥ |
paśavaḥ pitaraḥ siddhā vidyādhrāścāraṇā drumāḥ || 13 ||
[Analyze grammar]

anye ca vividhā jīvāḥ jala sthala nabhaukasaḥ |
graha ṛkṣa ketavastārāḥ taḍitaḥ stanayit‍navaḥ || 14 ||
[Analyze grammar]

sarvaṃ puruṣa evedaṃ bhūtaṃ bhavyaṃ bhavacca yat |
tenedaṃ āvṛtaṃ viśvaṃ vitastiṃ adhitiṣṭhati || 15 ||
[Analyze grammar]

svadhiṣṇyaṃ pratapan prāṇo bahiśca pratapatyasau |
evaṃ virājaṃ pratapan tapatyantaḥ bahiḥ pumān || 16 ||
[Analyze grammar]

so'mṛtasyābhayasyeśo martyaṃ annaṃ yadatyagāt |
mahimā eṣa tato brahman puruṣasya duratyayaḥ || 17 ||
[Analyze grammar]

pādeṣu sarvabhūtāni puṃsaḥ sthitipado viduḥ |
amṛtaṃ kṣemamabhayaṃ trimūrdhno'dhāyi mūrdhasu || 18 ||
[Analyze grammar]

pādāstrayo bahiścāsan aprajānāṃ ya āśramāḥ |
antaḥ trilokyāstvaparo gṛhamedho'bṛhadvrataḥ || 19 ||
[Analyze grammar]

sṛtī vicakrame viśvaṅ sāśanānaśane ubhe |
yad avidyā ca vidyā ca puruṣastu ubhayāśrayaḥ || 20 ||
[Analyze grammar]

yasmād aṇḍaṃ virāḍ jajñe bhūtendriya guṇātmakaḥ |
tad dravyaṃ atyagād viśvaṃ gobhiḥ sūrya ivā'tapan || 21 ||
[Analyze grammar]

yadāsya nābhyānnalinād ahaṃ āsaṃ mahātmanaḥ |
nāviṃdaṃ yajñasambhārān puruṣā avayavāt ṛte || 22 ||
[Analyze grammar]

teṣu yajñasya paśavaḥ savanaspatayaḥ kuśāḥ |
idaṃ ca devayajanaṃ kālaścoru guṇānvitaḥ || 23 ||
[Analyze grammar]

vastūni oṣadhayaḥ snehā rasalohamṛdo jalam |
ṛco yajūṃṣi sāmāni cāturhotraṃ ca sattama || 24 ||
[Analyze grammar]

nāmadheyāni maṃtrāśca dakṣiṇāśca vratāni ca |
devatānukramaḥ kalpaḥ saṅkalpaḥ tantrameva ca || 25 ||
[Analyze grammar]

gatayo matayaścaiva prāyaścittaṃ samarpaṇam |
puruṣā avayavaiḥ ete saṃbhārāḥ saṃbhṛtā mayā || 26 ||
[Analyze grammar]

iti saṃbhṛtasaṃbhāraḥ puruṣā avayavaiḥ aham |
tameva puruṣaṃ yajñaṃ tenaivāyajamīśvaram || 27 ||
[Analyze grammar]

tataste bhrātara ime prajānāṃ patayo nava |
ayajan vyaktamavyaktaṃ puruṣaṃ susamāhitāḥ || 28 ||
[Analyze grammar]

tataśca manavaḥ kāle ījire ṛṣayo'pare |
pitaro vibudhā daityā manuṣyāḥ kratubhirvibhum || 29 ||
[Analyze grammar]

nārāyaṇe bhagavati tadidaṃ viśvamāhitam |
gṛhīta māyā uruguṇaḥ sargādau aguṇaḥ svataḥ || 30 ||
[Analyze grammar]

sṛjāmi tanniyukto'haṃ haro harati tadvaśaḥ |
viśvaṃ puruṣarūpeṇa paripāti triśaktidhṛk || 31 ||
[Analyze grammar]

iti te'bhihitaṃ tāta yathedaṃ anupṛcchasi |
na anyat bhagavataḥ kiñcid bhāvyaṃ sadasadātmakam || 32 ||
[Analyze grammar]

na bhāratī me'ṅga mṛṣopalakṣyate |
na vai kvacinme manaso mṛṣā gatiḥ |
na me hṛṣīkāṇi patantyasatpathe |
yanme hṛdautkaṇṭhyayavatā dhṛto hariḥ || 33 ||
[Analyze grammar]

so'haṃ samāmnāyamayaḥ tapomayaḥ |
prajāpatīnāṃ abhivanditaḥ patiḥ |
āsthāya yogaṃ nipuṇaṃ samāhitaḥ |
taṃ nādhyagacchaṃ yata ātmasaṃbhavaḥ || 34 ||
[Analyze grammar]

nato'smyahaṃ taccaraṇaṃ samīyuṣāṃ |
bhavacchidaṃ svastyayanaṃ sumaṅgalam |
yo hyātmamāyāvibhavaṃ sma paryagād |
yathā nabhaḥ svāntamathāpare kutaḥ || 35 ||
[Analyze grammar]

nāhaṃ na yūyaṃ yadṛtāṃ gatiṃ viduḥ |
na vāmadevaḥ kimutāpare surāḥ |
tanmāyayā mohitabuddhayastvidaṃ |
vinirmitaṃ cātmasamaṃ vicakṣmahe || 36 ||
[Analyze grammar]

yasyāvatārakarmāṇi gāyaṃti hyasmadādayaḥ |
na yaṃ vidaṃti tattvena tasmai bhagavate namaḥ || 37 ||
[Analyze grammar]

sa eṣa ādyaḥ puruṣaḥ kalpe kalpe sṛjatyajaḥ |
ātmā ātmani ātmanā'tmānaṃ sa saṃyacchati pāti ca || 38 ||
[Analyze grammar]

viśuddhaṃ kevalaṃ jñānaṃ pratyak samyag avasthitam |
satyaṃ pūrṇaṃ anādyantaṃ nirguṇaṃ nityamadvayam || 39 ||
[Analyze grammar]

ṛṣe vidaṃti munayaḥ praśāntātmendriyāśayāḥ |
yadā tad eva asat tarkaiḥ tirodhīyeta viplutam || 40 ||
[Analyze grammar]

ādyo'vatāraḥ puruṣaḥ parasya |
kālaḥ svabhāvaḥ sadasanmanaśca |
dravyaṃ vikāro guṇa indriyāṇi |
virāṭ svarāṭ sthāsnu cariṣṇu bhūmnaḥ || 41 ||
[Analyze grammar]

ahaṃ bhavo yajña ime prajeśā |
dakṣādayo ye bhavadādayaśca |
svarlokapālāḥ khagalokapālā |
nṛlokapālāḥ talalokapālāḥ || 42 ||
[Analyze grammar]

gandharvavidyādharacāraṇeśā |
ye yakṣarakṣoraga nāganāthāḥ |
ye vā ṛṣīṇāṃ ṛṣabhāḥ pitṝṇāṃ |
daityendrasiddheśvaradānaveṃdrāḥ || 43 ||
[Analyze grammar]

anye ca ye pretapiśācabhūta |
kūṣmāṇḍa yādaḥ mṛgapakṣiadhīśāḥ |
yatkiñca loke bhagavan mahasvat |
ojaḥ sahasvad balavat kṣamāvat |
śrīhrīvibhūtyātmavad adbhutārṇaṃ |
tattvaṃ paraṃ rūpavad asvarūpam || 44 ||
[Analyze grammar]

prādhānyato yā nṛṣa āmananti |
līlāvatārān puruṣasya bhūmnaḥ |
āpīyatāṃ karṇakaṣāyaśoṣān |
anukramiṣye ta imān supeśān || 45 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
dvitīyaskaṃdhe ṣaṣṭho'dhyāyaḥ || 6 ||
[Analyze grammar]