![Bhagavad-gita with four Commentaries [sanskrit] - book cover](/uploads/a/Gita-Bhushana.jpg)
Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 10.30
prahlādaścāsmi daityānāṃ kālaḥ kalayatāmaham |
mṛgāṇāṃ ca mṛgendro'haṃ vainateyaśca pakṣiṇām ||30||
The Subodhinī commentary by Śrīdhara
prahlāda iti | kalayatāṃ vaśīkurvatāṃ gaṇayatāṃ vā madhye kālo'hamasmi | mṛgendraḥ siṃhaḥ | pakṣiṇāṃ madhye vainateyo garuḍo'smi ||30||
The Gūḍhārthadīpikā commentary by Madhusūdana
daityānāṃ ditivaṃśyānāṃ madhye prakarṣeṇa hlādayatyānandayati paramasāttvikatvena sarvāniti prahlādaścāsmi | kalayatāṃ saṅkhyānaṃ gaṇanaṃ kurvatāṃ madhye kālo'ham | mṛgendraḥ siṃho mṛgāṇāṃ paśūnāṃ madhye'ham | vainateyaśca pakṣiṇāṃ vinatāputro garuḍaḥ ||30||
The Sārārthavarṣiṇī commentary by Viśvanātha
kalayatāṃ vaśīkurvatām | mṛgendraḥ siṃhaḥ | vainateyo garuḍaḥ ||30||
The Gītābhūṣaṇa commentary by Baladeva
daityānāṃ ditivaṃśyānāṃ madhye teṣāmadhipatirbhagavanniṣṭhātiśayādvarīyān prahlādo'ham | kalayatāṃ vaśīkurvatāṃ madhye kālo'ham | mṛgāṇāṃ paśūnāṃ madhye'tivikrameṇotkṛṣṭo mṛgendraḥ siṃho'ham | pakṣiṇāṃ madhye viṣṇurathatvenātiśreṣṭho vainateyo garuḍo'ham ||30||
__________________________________________________________