Chapter 170

[English text for this chapter is available]

prāyaścittāni |
puṣkara uvāca |
mahāpāpānuyuktānāṃ prāyaścittāni vacmite |
saṃvatsareṇa patati patitena sahācaran || 1 ||
[Analyze grammar]

yājanāddhyāpanādyaunānna tu yānāśanāsanāt |
yo yena patitenaiṣāṃ saṃsargaṃ yāti mānavaḥ || 2 ||
[Analyze grammar]

sa tasyaiva vrataṃ kuryāttatsaṃsargasya śuddhaye |
patitasyodakaṃ kāryaṃ sapiṇḍairbāndhavaiḥ saha || 3 ||
[Analyze grammar]

nindite'hani sāyāhṇe jñātyṛtviggurusannidhau |
dāso ghaṭamapāṃ pūrṇaṃ paryasyetpretavatpadā || 4 ||
[Analyze grammar]

ahorātramupāsītannaśaucaṃ bāndhavaiḥ saha |
nivartayeraṃstasmāttu jyeṣṭhāṃśambhāṣaṇādike || 5 ||
[Analyze grammar]

jyeṣṭhāṃśamprāpnuyāccāsya yavīyān guṇato'dhikaḥ |
prāyaścitte tu carite pūrṇaṃ kumbhamapāṃ navaṃ || 6 ||
[Analyze grammar]

tenaiva sārdhaṃ prāśyeyuḥ snātvā puṇyajalāśaye |
evameva vidhiṃ kuryuryoṣitsu papitāsvapi || 7 ||
[Analyze grammar]

vastrānnapānandeyantu vaseyuśca gṛhāntike |
teṣāṃ dvijānāṃ sāvitrī nānūdyeta yathāvidhi || 8 ||
[Analyze grammar]

tāṃścārayitvā trīn kṛchrān yathāvidhyupanāyayet |
vikarmasthāḥ parityaktāsteṣāṃ mapyetadādiśet || 9 ||
[Analyze grammar]

japitvā trīṇi sāvitryāḥ sahastrāṇi samāhitaḥ |
māsaṅgoṣṭhe payaḥ pītvā mucyate'satpratigrahāt || 10 ||
[Analyze grammar]

brātyānāṃ yājanaṃ kṛtvā pareṣāmantyakarma ca |
abhicāramahīnānāntribhiḥ kṛcchairvyapohati || 11 ||
[Analyze grammar]

śaraṇāgataṃ parityajya vedaṃ viplāvya ca dvijaḥ |
saṃvatsaṃ yatāhārastatpāpamapasedhati || 12 ||
[Analyze grammar]

śvaśṛgālakharairdaṣṭo grāmyaiḥ kravyādbhireva ca |
naroṣṭrāśvairvarāhaiśca prāṇāyāmena śuddhyati || 13 ||
[Analyze grammar]

snātakavratalope ca karmatyāge hyabhojanaṃ |
huṅkāraṃ brāhmaṇasyoktvā tvaṅkarañca garīyasaḥ || 14 ||
[Analyze grammar]

snātvānaśnannahaḥśeṣamabhivādya prasādayet |
avagūrya carekṣacchramatikṛcchrannipātane || 15 ||
[Analyze grammar]

kṛcchrātikṛcchraṃ kurvīta viprasyotpādya śoṇitaṃ |
cāṇḍālādiravijñāto yasya tiṣṭheta veśmani || 16 ||
[Analyze grammar]

samyagjñātastu kālena tasya kurvīta śodhanaṃ |
cāndrāyaṇaṃ parākaṃ vā dvijānāntu viśodhanaṃ || 17 ||
[Analyze grammar]

prājāpatyantu śūdrāṇāṃ śeṣantadanusārataḥ |
guṃḍaṅkusumbhaṃ lavaṇaṃ tathā dhānyāni yāni ca || 18 ||
[Analyze grammar]

kṛtvā gṛhe tato dvāri teṣāndadyāddhutāśanaṃ |
mṛṇamayānāntu bhāṇḍānāṃ tyāga eva vidhīyate || 19 ||
[Analyze grammar]

dravyāṇāṃ pariśeṣāṇāṃ dravyaśuddhirvidhīyate |
kūpaikapānasaktā ye sparśātsaṅkalpadūṣitāḥ || 20 ||
[Analyze grammar]

śuddhyeyurupavāsena pañcagavyena vāpyatha |
yastu saṃspṛśya caṇḍālamaśnīyācca svakāmataḥ || 21 ||
[Analyze grammar]

dvijaścāndrāyaṇaṃ kuryāttaptakṛcchramathāpi vā |
bhāṇḍasaṅkalasaṅkīrṇaścāṇḍālādijugupsitaiḥ || 22 ||
[Analyze grammar]

bhuktvāpītvā tathā teṣāṃ ṣaḍrātreṇa viśuddhyati |
antyānāṃ bhuktaśeṣantu bhakṣayitvā dvijātayaḥ || 23 ||
[Analyze grammar]

vrataṃ cāndrāyaṇaṃ kuryustrirātraṃ śūdra eva tu |
caṇḍālakūpabhāṇḍeṣu ajñānātpivate jalaṃ || 24 ||
[Analyze grammar]

dvijaḥ śāntapanaṃ kuryācchūdraścopavaseddinaṃ |
caṇḍālena tu saṃspṛṣṭo yastvapaḥ pivate dvijaḥ || 25 ||
[Analyze grammar]

trirātrantena kartavyaṃ śūdraścopavaseddinaṃ |
ucchiṣṭena yadi spṛṣṭaḥ śunā śūdreṇa vā dvijaḥ || 26 ||
[Analyze grammar]

upoṣya rajanīmekāṃ pañcagavyena śuddhyati |
vaiśyena kṣatriyeṇaiva snānaṃ naktaṃ samācaret || 27 ||
[Analyze grammar]

adhvānaṃ prasthito vipraḥ kāntāre yadyanūdake |
pakvānnena gṛhītena mūtroccāraṅkaroti vai || 28 ||
[Analyze grammar]

anidhāyaiva taddravyaṃ aṅge kṛtvā tu saṃsthitaṃ |
śaucaṃ kṛtvānnamabhyukṣya arkasyāgneyaśca darśayet || 29 ||
[Analyze grammar]

mlecchairgatānāṃ caurairvā kāntāre vā pravāsināṃ |
bhakṣyābhakṣyaviśuddhyarthaṃ teṣāṃ vakṣyāmi niṣkṛtiṃ || 30 ||
[Analyze grammar]

punaḥ prāpya svadeśañca varṇānāmanupūrvaśaḥ |
kṛcchrasyānte brāhmaṇastu punaḥ saṃskāramarhati || 31 ||
[Analyze grammar]

pādonānte kṣatriyaśca ardhānte vaiśya eva ca |
pādaṃ kṛtvā tathā śūdro dānaṃ datvā viśuddhyati || 32 ||
[Analyze grammar]

udakyā tu savarṇā yā spṛṣṭā cetsyādudakyayā |
tasminnevāhani snātā śuddhimāpnotyasaṃśayaṃ || 33 ||
[Analyze grammar]

rajasvalā tu nāśnīyātsaṃspṛṣṭā hīnavarṇayā |
yāvanna śuddhimāpnoti śuddhasnānena śuddhyati || 34 ||
[Analyze grammar]

mūtraṃ kṛtvā vrajanvartma smṛtibhraṃśājjalaṃ pivet |
ahorātroṣito bhūtvā pañcagavyena śuddhyati || 35 ||
[Analyze grammar]

mūtroccāraṃ dvijaḥ kṛtvā akṛtvā śaucamātmanaḥ |
mohādbhuktvā trirātrantu yavān pītvā viśuddhyati || 36 ||
[Analyze grammar]

ye pratyavasitā viprāḥ pravrajyādibalāttathā |
anāśakanivṛtāśca teṣāṃ śuddhiḥ pracakṣyate || 37 ||
[Analyze grammar]

cārayettrīṇi kṛcchrāṇi cāndrāyaṇamathāpi vā |
jātakarmādisaṃskāraiḥ saṃskuryāttaṃ tathā punaḥ || 38 ||
[Analyze grammar]

upānahamamedhyaṃ ca yasya saṃspṛśate mukhaṃ |
mṛttikāgomayau tatra pañcagavyañca śodhanaṃ || 39 ||
[Analyze grammar]

vāpanaṃ vikrayañcaiva nīlavastrādidhāraṇaṃ |
tapanīyaṃ hi viprasya tribhiḥ kṛchrairviśuddhyati || 40 ||
[Analyze grammar]

antyajātiśvapākena saṃspṛṣṭā strī rajasvalā |
caturthe'hani śuddhā sā trirātraṃ tatra ācaret || 41 ||
[Analyze grammar]

cāṇḍālaśvapacau spṛṣṭvā tathā pūyañca sūtikāṃ |
śavaṃ tatsparśinaṃ spṛṣṭvā sadyaḥ snānena śuddhyati || 42 ||
[Analyze grammar]

nāraṃ spṛṣṭvāsthi sasnehaṃ snātvā vipro viśuddhyati |
rathyārkaddamatoyena adhīnābhermṛdodakaiḥ || 43 ||
[Analyze grammar]

vānto viviktaḥ snātvā tu ghṛtaṃ prāśya viśuddhyati |
snānātkṣurakarmakartā kṛcchrakṛdgrahaṇe'nnabhuk || 44 ||
[Analyze grammar]

apāṅkteyāśī gavyāśī śunā daṣṭastathā śuciḥ |
kṛmidaṣṭaścātmaghātī kṛcchrājjapyācca homataḥ || 45 ||
[Analyze grammar]

homādyaiścānutāpena pūyante pāpino'khilāḥ || 46 ||
[Analyze grammar]