Chapter 165

[English text for this chapter is available]

nānādharmāḥ |
agniruvāca |
dhyeya ātmā sthito yo'sau hṛdaye dīpavatprabhuḥ |
ananyaviṣayaṃ kṛtvā mano buddhismṛtīndriyaṃ || 1 ||
[Analyze grammar]

śrāddhantu dhyāyine deyaṃ gavyaṃ dadhi ghṛtaṃ payaḥ |
priyaṅgavo masūrāśca vārtākuḥ kodravo na hi || 2 ||
[Analyze grammar]

saiṃhikayo yadā sūryaṃ grasate parvasandhiṣu |
hasticchāyā tu sā jñeyā śrāddhadānādike'kṣyā || 3 ||
[Analyze grammar]

pitre caiva yadā somo haṃse caiva kare sthite |
tithirvaivasvato nāma sā chāyā kuñjarasya tu || 4 ||
[Analyze grammar]

agnaukaraṇaśeṣantu na dadyādvaiśvadevike |
agnyabhāve tu viprasya haste dadyāttu dakṣiṇe || 5 ||
[Analyze grammar]

na strī duṣyati jāreṇa na vipro vedakarmaṇā |
balātkāropabhuktā cedvairihastagatāpi vā || 6 ||
[Analyze grammar]

santyajeddūṣitānnārīmṛtukāle na śuddhyati |
ya ātmatryatirekeṇa dvitīyaṃ nātra paśyati || 7 ||
[Analyze grammar]

brahmabhūtaḥ sa eveha yogī cātmarato'malaḥ |
viṣayendriyasaṃyogātkecidyogaṃ vadanti vai || 8 ||
[Analyze grammar]

adharmo dharmabuddhyā tu gṛhītastairapaṇḍitaiḥ |
ātmano manasaścaiva saṃyogañca tathā pare || 9 ||
[Analyze grammar]

vṛttihīnaṃ manaḥ kṛtvā kṣetrajñaṃ paramātmani |
ekīkṛtya vimucyeta bandhādyogo'yamuttamaḥ || 10 ||
[Analyze grammar]

kuṭumbaiḥ pañcabhiryāmaḥ ṣaṣṭhastatra mahattaraḥ |
devāsuramanuṣyairvā sa jetuṃ naiva śakyate || 11 ||
[Analyze grammar]

bahirmukhāni sarvāṇi kṛtvā cābhimukhāni vai |
manasyevendriyagrāmaṃ manaścātmani yojayet || 12 ||
[Analyze grammar]

sarvabhāvavinirmuktaṃ kṣetrajñaṃ brahmaṇi nyaset |
etajjñānañca dhyānañca śeṣo'nyo granthavistaraḥ || 13 ||
[Analyze grammar]

yannāsti sarvalokasya tadastīti virudhyate |
kathyamānaṃ tathānyasya hṛdaye nāvatiṣṭhate || 14 ||
[Analyze grammar]

asaṃvedyaṃ hi tadbrahma kumārī strīmukhaṃ yathā |
ayogī naiva jānāti jātyandho hi ghaṭaṃ yathā || 15 ||
[Analyze grammar]

satryasantaṃ dvijaṃ dṛṣṭvā sthānāccalati bhāskaraḥ |
eṣa me maṇḍalaṃ bhittvā paraṃ brahmādhigacchati || 16 ||
[Analyze grammar]

upavāsavratañcaiva snānantīrthaṃ phalantapaḥ |
dvijasampādanañcaiva sampannantasya tatphalaṃ || 17 ||
[Analyze grammar]

ekākṣaraṃ paraṃ brahma prāṇāyāmaḥ parantapaḥ |
sāvitryāstu paraṃ nāsti pāvanaṃ paramaṃ smṛtaḥ || 18 ||
[Analyze grammar]

pūrvaṃ striyaḥ surairbhuktāḥ somagandharvavahnibhiḥ |
bhuñjate mānuṣāḥ paścānnaitā duṣyanti kenacit || 19 ||
[Analyze grammar]

asavarṇena yo garbhaḥ strīṇāṃ yonau niṣicyate |
aśuddhā tu bhavennārī yāvatchalyaṃ na muñcati || 20 ||
[Analyze grammar]

niḥsṛte tu tataḥ śalye rajasā śuddhyate tataḥ |
dhyānena sadṛśannāsti śodhanaṃ pāpakarmaṇāṃ || 21 ||
[Analyze grammar]

śvapākeṣvapi bhuñjāno dhyānena hi viśuddhyati |
ātmā dhyātā mano dhyānaṃ dhyeyo viṣṇuḥ phalaṃ hariḥ || 22 ||
[Analyze grammar]

akṣayāya yatiḥ śrāddhe paṅktipāvanapāvanaḥ |
ārūḍho naiṣṭhikandharmaṃ yastu pracyavate dvijaḥ || 23 ||
[Analyze grammar]

prāyaścittaṃ na paśyāmi yena śuddhyetsa ātmahā |
ye ca pravrajitāḥ patnyāṃ yā caiṣāṃ vījasantatiḥ || 24 ||
[Analyze grammar]

vidurā nāma caṇḍālā jāyante nātra saṃśayaḥ |
śatiko mriyate gṛdhraḥ śvāsau dvādaśikastathā || 25 ||
[Analyze grammar]

bhāso viṃśativarṣāṇi sūkaro daśabhistathā |
apuṣpo viphalo vṛkṣo jāyate kaṇṭakāvṛtaḥ || 26 ||
[Analyze grammar]

tato dāvāgnidagdhastu sthāṇurbhavati sānugaḥ |
tato varṣaśatānyaṣṭau dve tiṣṭhatyacetanaḥ || 27 ||
[Analyze grammar]

pūrṇe varṣasahasre tu jāyate brahmarākṣasaḥ |
plavena labhate mokṣaṃ kulasyotsādanena vā || 28 ||
[Analyze grammar]

yogameva niṣeveteta nānyaṃ mantramaghāpaham || 29 ||
[Analyze grammar]