Chapter 126

[English text for this chapter is available]

īśvara uvāca |
vakṣyāmyṛkṣātmakaṃ piṇḍaṃ śubhāśubhavibuddhaye |
yasminnṛkṣe bhavetsūryastadādau trīṇi mūrdhani || 1 ||
[Analyze grammar]

ekammukhe dvayannetre hastapāde catuṣṭayaṃ |
hṛdi pañca sute jānau āyurbuddhiṃ vicintayet || 2 ||
[Analyze grammar]

śirasthe tu bhavedrājyaṃ piṇḍato vaktrayogataḥ |
netrayoḥ kāntasaubhāgyaṃ hṛdaye dravyasaṅgrahaḥ || 3 ||
[Analyze grammar]

haste dhṛtaṃ taskaratvaṅgatāsuradhvagaḥ pade |
kumbhāṣṭake bhāni likhya sūryakumbhastu riktakaḥ || 4 ||
[Analyze grammar]

aśubhaḥ sūryakumbhaḥ syācchubhaḥ pūrvādisaṃsthitaḥ |
phaṇirāhuṃ pravakṣyāmi jayājayavivekadaṃ || 5 ||
[Analyze grammar]

aṣṭāviṃśāṃllikhedvindūn punarbhājyastribhistribhiḥ |
atha ṛkṣāṇi catvāri rekhāstatraiva dāpayet || 6 ||
[Analyze grammar]

yasminnṛkṣe sthito rāhustadṛkṣaṃ phaṇimūrdhani |
tadādi vinyasedbhāni saptaviṃśakrameṇa tu || 7 ||
[Analyze grammar]

vaktre saptagate ṛkṣe mriyate sarva āhave |
skandhe bhaṅgaṃ vijānīyātsaptameṣu ca madhyataḥ || 8 ||
[Analyze grammar]

udarasthena pūjā ca jayaścaivātmanastathā |
kaṭideśe sthite yodhe āhave harate parān || 9 ||
[Analyze grammar]

pucchasthitena kīrtiḥ syādrāhudṛṣṭe ca bhe mṛtiḥ |
punaranyaṃ pravakṣyāmi ravirāhubalantava || 10 ||
[Analyze grammar]

raviḥ śukro budhaścaiva somaḥ saurirgurustathā |
lohitaḥ saiṃhikaścaiva ete yāmārdhabhāginaḥ || 11 ||
[Analyze grammar]

sauriṃ raviñca rāhuñca kṛtvā yatnena pṛṣṭhataḥ |
sa jayetsainyasaṅghātaṃ dyūtamadhvānamāhavaṃ || 12 ||
[Analyze grammar]

rohiṇī cottarāstisro mṛgaḥ pañca sthirāṇi hi |
aśvinī revatī svātī dhaniṣṭhā śatatārakā || 13 ||
[Analyze grammar]

kṣiprāṇi pañcabhānyeva yātrārthī caiva yojayet |
anurādhāhastamūlaṃ mṛgaḥ puṣyaṃ punarvasuḥ || 14 ||
[Analyze grammar]

sarvakāryeṣu caitāni jyeṣṭhā citrā viśākhayā |
pūrvāstisro'gnirbharaṇī maghārdrāśleṣadāruṇāḥ || 15 ||
[Analyze grammar]

sthāvareṣu sthiraṃ hyṛkṣaṃ yātrāyāṃ kṣipramuttamaṃ |
saubhāgyārthe mṛdūnyeva ugreṣūgrantu kārayet || 16 ||
[Analyze grammar]

dāruṇe dāruṇaṃ kuryādvakṣye cādhomukhādikaṃ |
kṛttikā bharaṇyāśleṣā viśākhā pitṛnairṛtam || 17 ||
[Analyze grammar]

pūrvātrayamadhovaktraṃ karma cādhomukhañcaret |
eṣu kūpataḍāgādi vidyākarma bhiṣakkriyā || 18 ||
[Analyze grammar]

sthāpanannaukābhūpādividhānaṃ khananantathā |
revatī cāśvinī citrā hastā svātī punarvasuḥ || 19 ||
[Analyze grammar]

anurādhā mṛgo jyeṣṭhā nava vai pārśvatomukhāḥ |
eṣu rājyābhiṣekañca paṭṭabandhaṅgajāśvayoḥ || 20 ||
[Analyze grammar]

ārāmagṛhaprāsādaṃ prākāraṃ kṣetratoraṇaṃ |
dhvajacihnapatākāśca sarvānetāṃśca kārayet || 21 ||
[Analyze grammar]

dvādaśī sūryadagdhā tu candreṇaikādaśī tathā |
bhaumena daśamī dagdhā tṛtīyā vai budhena ca || 22 ||
[Analyze grammar]

ṣaṣṭī ca guruṇā dagdhā dvitīyā bhṛguṇā tathā |
saptamī sūryaputreṇa tripuṣkaramatho vade || 23 ||
[Analyze grammar]

dvitīyā dvādaśī caiva saptamī vai tṛtīyayā |
ravirbhaumastathā śauriḥ ṣaḍetāstu tripuṣkarāḥ || 24 ||
[Analyze grammar]

viśākhā kṛttikā caiva uttare dve punarvasuḥ |
pūrvabhādrapadā caiva ṣaḍete tu tripuṣkarāḥ || 25 ||
[Analyze grammar]

lābho hānirjayo vṛddhiḥ putrajanma tathaiva ca |
naṣṭaṃ bhraṣṭaṃ vinaṣṭaṃ vā tatsarvantriguṇaṃ bhavet || 26 ||
[Analyze grammar]

aśvinī bharaṇī caiva aśleṣā puṣyameva ca |
svātiścaiva viśākhā ca śravaṇaṃ saptamaṃ punaḥ || 27 ||
[Analyze grammar]

etāni dṛḍhacakṣūṃṣi paśyanti ca diśo daśa |
yātrāsu dūragasyāpi āgamaḥ puṇyagocare || 28 ||
[Analyze grammar]

āṣāḍhe revatī citrā kekarāṇi punarvasuḥ |
eṣu pañcasu ṛkṣeṣu nirgatasyāgamo bhavet || 29 ||
[Analyze grammar]

kṛttikā rohiṇī saumyaṃ phalgunī ca maghā tathā |
mūlaṃ jyeṣṭhānurādhā ca dhaniṣṭhā śatatārakāḥ || 30 ||
[Analyze grammar]

pūrvabhādrapadā caiva cipiṭāni ca tāni hi |
adhvānaṃ vrajamānasya punarevāgamo bhavet || 31 ||
[Analyze grammar]

hasta uttarabhādraśca ārdrāṣāḍhā tathaiva ca |
naṣṭārthāścaiva dṛśyante saṅgrāmo naiva vidyate || 32 ||
[Analyze grammar]

punarvakṣyāmi gaṇḍāntamṛkṣamadhye yathā sthitam |
revatyante caturnāḍī aśvinyādicatuṣṭayam || 33 ||
[Analyze grammar]

ubhayoryāmamātrantu varjayettatprayatnataḥ |
aśleṣānte maghādau tu ghaṭikānāṃ catuṣṭayam || 34 ||
[Analyze grammar]

dvitīyaṃ gaṇḍamākhyātaṃ tṛtīyaṃ bhairavi śṛṇu |
jyeṣṭhābhamūlayormadhye ugrarūpantu yāmakam || 35 ||
[Analyze grammar]

na kuryācchubhakarmāṇi yadīcchedātmajīvitaṃ |
dārake jātakāle ca mriyete pitṛmātaro || 36 ||
[Analyze grammar]